Categories
ကရင်လူမျိုး ရုပ်သံ

သ္တါ်လင်သာနာန်မူးဖၠုံ 

ဆူ့ကေဝ် – ခီႋသင့်
ယိုင် – စဝ်သိင်းဖဝ့်
ထၟူ့ – ဆင်ဖဝ့်ခၠိင်း

ပ်ုဖၠုံဆိုဒ်မူးၰီ့လာဟှေဝ်ဍောဟ်မာ
လင်အဲဍောဟ်ဏါင်း
လ်ုဆိုဒ်အ်ုၯူ့ဟှာ

ၜေ့သိုဝ် ဖဝ့်ၰီ့လာ
အေထေါဟ်ၰံင် ဆိုဒ်အးကၠာ
အ်ုၯေဝ်ထုက်လဝ့် မွာဲဏ်ု

ဆာမွာဲ ဆိုဒ်ဆးလုက်ကၠေဝ်သီးလ်ုဖး
အင်းအုဂ်ၜးဝေ့
ဏ်ုသာဆိင့်ဖါန်အွာ

ပ်ုဖၠုံမူးၰီ့လာ ဖံင်းခိုင့်ဆိုဒ်ဆ်ုၰီ့လာ
ၜးမွာဲဏ်ုဆ်ုဏေဝ်ႋသာ

ယုဂ်ယါန်းဏ်ု ထီ့ခါန်ႋလင်ဍာ
ဏ်ုၜးအဲ ဏ်ုဆိုဒ်ဏ်ုဆး
ဏ်ုထူႋရူ့ ဏ်ုမုင်ႋၜျာ ဏ်ုပ်ုၯုံႋလာ
ဏ်ုဆိုဒ်လ်ုဏ်ုအ်ုကျံင် အ်ုမိင်လ်ုၜးလင်ယွာ

ဏ်ုမွာဲဖၠုံလ်ု အဲဆ်ုတဝ်လ်ုၯာ
သ္တါ်ဏ်ုသာ လ်ုဆိုဒ်အးကၠာ
ဍေဆ်ုခၠါင်မုက်လာ အင်းလဝ့်မ်ုအင်းယူဏ်ု
မ်ုဖှ်ေလင့်သ္တါ်ဏ်ု

ယုဂ်ယါန်းဏ်ု ထီ့ခါန်ႋလင်ဍာ
ဏ်ုၜးအဲ ဏ်ုဆိုဒ်ဏ်ုဆး
ဏ်ုထူႋရူ့ ဏ်ုမုင်ႋၜျာ ဏ်ုပ်ုၯုံႋလာ
ဏ်ုဆိုဒ်လ်ုဏ်ုအ်ုကျံင် အ်ုမိင်လ်ုၜးလင်ယွာ

ယုဂ်ယါန်းဏ်ု ထီ့ခါန်ႋလင်ဍာ
ဏ်ုၜးအဲ ဏ်ုဆိုဒ်ဏ်ုဆး
ဏ်ုထူႋရူ့ ဏ်ုမုင်ႋၜျာ ဏ်ုပ်ုၯုံႋလာ
ဏ်ုဆိုဒ်လ်ုဏ်ုအ်ုကျံင် အ်ုမိင်လ်ုၜးလင်ယွာ

အ်ုမိင်လ်ုၜးလင်ယွာ
အ်ုမိင်လ်ုၜးလင်ယွာ
အ်ုမိင်လ်ုၜးလင်ယွာ …

 1,972 total views,  5 views today

Categories
စာအုပ်ကောက်နုတ်ချက်များ နိုင်ငံရေး

ဖြူစင်မြင့်မြတ်တဲ့ ရည်ရွယ်ချက် 

လူကျင့်ဝတ်တရားအရ ပြောင်းလဲခြင်းသဘောကို လိုလားကြတယ်။ လူသိက္ခာတရားအရ မတွေဝေအောင် နေကြတယ်။ ထိန်းကြတယ်။ ပြောင်းလဲတဲ့သဘောနဲ့ ကြုံလာတဲ့အခါ မကျေနပ်တာ၊ ညဥ်းတွားတာ၊ စိုးရိမ်တာ၊ ဝမ်းနည်းပူဆွေးဖြစ်ကြရတာဟာ ဓမ္မတာပါ။ သို့သော် ပြောင်းလဲခြင်းနဲ့ ချမ်းသာမှုကို ခံစားနေလိုသမျှတော့ ရတဲ့ ချမ်းသာခြင်းဟာ စစ်မှန်တဲ့ ချမ်းသာမှု မဖြစ်နိုင်ပါ။ ချမ်းသာမှုမဖြစ်ရင် (မရရင်) ဆန့်ကျင်ဘက် တရားသဘောကတော့ ဖြစ်ပေါ်လာနေမှာပါပဲ။ 

နိုင်ငံရေးပြုမှုအားထုတ်ခြင်းဟာ – 

(၁) ဖြူစင်မြင့်မြတ်သည့် ရည်ရွယ်ချက် 
(၂) အပြစ်သက်ရောက်မှု ရည်ရွယ်ချက် 
(၃) ကောင်းကျိုးများကို ပေးသော ရည်ရွယ်ချက် ထားရမယ်။ 

ဝမ်းမြောက်ဝမ်းသာ ဉာဏ်နဲ့ယှဉ်တဲ့၊ မတိုက်တွန်းရဘဲ ထက်သန်မှုရှိတဲ့စိတ်နဲ့ နိုင်ငံရေးကို လုပ်ရင် ဖြူစင်မြင့်မြတ်တဲ့ ရည်ရွယ်ချက်ကို ဖော်ပြနေတယ်။ အဲဒီရည်ရွယ်ချက်နဲ့ နိုင်ငံအကျိုး၊ ပြည်အကျိုးတွေကို ရွက်ဆောင်ပါက အစွန်းရောက်တဲ့အလုပ် မဖြစ်နိုင်ပါ။ မကြိုက်တဲ့သူက ဆိုလို့ ပြောလို့သာ ဖြစ်နေကြတာ ဖြစ်ပါတယ်။ 

အဲဒီလို လုပ်နည်းလုပ်လုပ်ဟန် မမှန်တဲ့ နိုင်ငံရေးနည်းလမ်းတွေကြောင့် (အက်ကြောင်းပေါ်အောင်) (ပဋိပက္ခဖြစ်အောင်) လူထုအချင်းချင်း ပြဿနာ၊ သင်းဖွဲ့အချင်းချင်း ပြဿနာ၊ လူတန်းစားအချင်းချင်း ပြဿနာတွေ ထလာတယ်။ တစ်ဖက်သူတို့ရဲ့ အပြစ်အနာအဆာတွေကို ပြတယ်။ ထုတ်ပြတယ်။ ဟုတ် မဟုတ်၊ မှန် မမှန် ဦးသူစနစ်နဲ့ လူထုဆက်သွယ်မှု နည်းပညာ(မီဒီယာ)နဲ့ လိုသလို (ကြိုက်သလို) ထုတ်ပြောတယ်။ အတင်းအဖျင်းတွေ ပြောတယ်။ မကောင်းသတင်း ကျော်အောင် ပြောတယ်။ ရစရာမရှိအောင် ဝေဖန်တယ်။ ဒီလိုနည်းလမ်းတွေ သုံးတဲ့ နိုင်ငံရေးဟာ လူထုကို လိမ်ညာတာပါပဲ။ လူထုကိုလိမ်တဲ့ နိုင်ငံရေးစနစ်ဟာ နောက်ဆုံး လူထုကပဲ အမှိုက်ပြန်ကျုံးရတယ်။ 

တောမှီရဟန်း၏ “အဝိဟိံသာနိုင်ငံရေး (၂၀၁၆)၊ စာမျက်နှာ ၁၁၉၊ အဝိဟိံသာနိုင်ငံရေး (၈)” မှကောက်နုတ်ရေးသားဖော်ပြခြင်းဖြစ်သည်။

 2,032 total views,  5 views today

Categories
စကားလက်ဆောင် ဗုဒ္ဓဘာသာ ဘာသာရေး

။ တောရခရီး အပြန် ။

။ အေဒီ ၁၉၈၄/၈၅ ခုနှစ်ကာလက တောတောင်တွေမှာ တောရဆောက်တည်သွားလာနေထိုင်ပြီး ၁၉၈၈/၈၉ ခုနှစ်ရောက်သောအခါ တိုင်းပြည်( မြန်မာပြည်) အထွေထွေအကျပ်အတည်းကြောင့် နိုင်ငံခြားသို့ ခရီးမထွက်ခွါမီ အမှတ်တရရိုက်ကူးထားခဲ့တဲ့ပုံပါ။

။ အိမ်နီးနားချင်းတိုင်းပြည်တစ်ခုကိုထွက်ခွာသွားပြီး ဘာသန္တရပညာရပ်သင်ယူခဲ့ပါတယ်။ ခုတော့ အရှင့်ကိုပညာသင်ပေးတော်မူကြတဲ့ ဆရာအရှင်သူမြတ်တွေကလည်း ဘဝနတ်ထံပြန်လွန်တော်မူကြရှာပါပြီ။ ပညာအတူတူ သင်ယူဆည်းပူးတော်မူကြတဲ့ ပညာ့မိတ်ဆွေတော်တွေလည်း အဝေးဝေးမှာ ရောက်ကြလို့ အချို့ချို့လည်း ဒီလောကနဲ့ထွက်ခွာနေကြပြီ။

။ ပင်ပန်းစွာနဲ့ကျန်ရစ်နေသေးတဲ့ ဤအရှင်ကတော့ လောကီသားပီပီ လောကနယ်ထဲမှာ လူးလှိမ့်နေဆဲပါပဲ။ ခန္ဓာသားရဲ့အိုမင်းရင့်ရော်လာမှုကြောင့် အိုခြင်းနှိပ်စက်မှုတွေ အပြင်းအထန်မြင်တွေ့နေရတော့ ပုံမှန်နေ့စဉ်တရားပွားများဖြစ်ပေမယ့် ၊ သမာဓိတည်ငြိမ်မှုကလွဲလို့ အခြားဘာမှ မသိမမြင်ရသေးပါဘူး။

။ သံသရာမှာ ဒီခန္ဓာသာဆက်လက်၍ နှစ်သက်တွယ်တာမိခဲ့ဦးမယ်ဆိုရင်တော့ ဘဝများစွာ ကျင်လည်ကြရနေဦးမယ်။ အမှန်မလွဲပြောရရင် ဒီသံသရာမှာ ခုနှစ်ကြိမ်ထက်မလာချင်တော့ပါဘူး။ ပဋိသန္ဓေနောက်ထပ်တစ်ကြိမ်ပြန်တည်ဖို့ မကြိုးစားချင်တော့ပါဘူး။

။ သတိခါခါ
အောက်မေ့ပါသည်
အေးရာနှလုံးသွင်းတတ်ပြီ။

တောမှီရဟန်း
(၈.၁၁.၂၀၂၂) ရက်နေ့။

 2,822 total views,  5 views today

Categories
နံနက်ခင်းသြဝါဒကထာ

။ နံနက်ခင်းချိန် သြဝါဒကထာ (စကား) ။

။ မလိုအပ်ဘဲ မတွေးတောနှင့်။
။ အကျိုးမရှိဘဲ မခံယူပါနှင့်။
။ မသိဘဲ မကျင့်ပါနှင့်။
။ မခင်မင်ဘဲ မမြတ်နိုးပါနှင့်။
။ မတတ်နိုင်ဘဲ ကတိမပေးပါနှင့်။
။ လိုအပ်မှ တွေးပါစေ။
။ အကျိုးရှိမှ သင်ယူပါစေ။
။ သိမြင်မှ ကျင့်ပါစေ။
။ ခင်မင်မှ မြတ်နိုးပါစေ။
။ တတ်နိုင်မှ ကတိပေးပါ။
။ သတိတရားကို အထင်နဲ့ မဆုံးဖြတ်ပါနှင့်။

တောင်ကလေးဆရာတော်
( ၅.၁၁.၂၀၂၂) ရက်နေ့နံနက်။ 

 2,914 total views,  5 views today

Categories
စကားလက်ဆောင် ပညာရေး

။ မြန်မာ့ရွာသစ် ။

။ မွေးဖွားလာကြလို့ ဘယ်သူက အတတ်ပညာနဲ့အပြီးပါလာကြလို့ပါလဲ။ ဘာမှ ပါမလာကြပါဘူး။ သူသူငါငါအားလုံးပညာကိုသင်ယူကြရတာပါပဲ။ ပညာတတ်ချင်တဲ့သူက ဆရာကောင်းဆရာမြတ်တွေထံဆည်းကပ်ကြလို့ပညာသင်ယူကြရတာပါပဲ။

။ မွေးဖွားလာကြလို့ ဘယ်သူက အတတ်ပညာနဲ့အပြီးပါလာကြလို့ပါလဲ။ ဘာမှ ပါမလာကြပါဘူး။ သူသူငါငါအားလုံးပညာကိုသင်ယူကြရတာပါပဲ။ ပညာတတ်ချင်တဲ့သူက ဆရာကောင်းဆရာမြတ်တွေထံဆည်းကပ်ကြလို့ပညာသင်ယူကြရတာပါပဲ။

။ ပညာဆိုတာလည်း လောကီအတွက်ရပ်တည်နိုင်မယ့်ပညာ၊လောကုတ္တရာအတွက်အထောက်အပံ့ပြုနိုင်မယ့်ပညာတွေပါ။ လောကီအတွက်လောကီအတတ်ပညာမတတ်ရင် ထင်သလိုမအောင်တတ်ပါဘူး။ လောကုတ္တရာပညာလည်း အတူတူပါပဲ။

။ ဒီခေတ်ကြီးမှာ လောကီပညာရပ်တွေဆိုတာလည်း သာမန်နားလည်တတ်ရုံလေးနဲ့ ပညာတတ်သူလို့မဆိုနိုင်ကြပါဘူး။ အဲဒီလိုပါပဲ လောကုတ္တရာအတတ်ပညာလည်း တကယ်မသင်ကြားနိုင်ရင်လည်း တတ်သိနားလည်မှာမဟုတ်ကြပါဘူး။

။ ယနေ့ခေတ်ကာလမှာ ဝိဇ္ဇာအတတ်၊ သိပ္ပံအတတ်ပညာတွေ အမျိုးမျိုးတတ်လာကြတာကြောင့် အတတ်နဲ့မတတ်ကြတဲ့သူတွေ မရှိသလောက်ပါပဲ။ အတတ်ပညာရပ်ကြောင့် ကမ္ဘာကြီးဟာ ကမ္ဘာရွာငယ်လေးတစ်ရွာလိုဖြစ်လာကြတော့ အံဩစရာကြီးလိုလည်း မဖြစ်ကြတော့ တန်ဖိုးခြင်းတွေ ပိုပိုပြီးနည်းလာနေသလားပါပဲ။

။ ပညာကိုအလေးအနက်တန်ဖိုးမထားကြသလို လူလူချင်းတွေမှာလည်းရိုသေလေးစားတန်ဖိုးထားမှုတွေနည်းပါးလာကြနေပြီလားတောင် တွေးမိပါလေရဲ့။ တစ်ခါတစ်လေ မြင်လိုက်ရတဲ့အဖြစ်တွေဟာလည်း အဆန်းတကြယ်ပါပဲ။ ဒီတော့ လူနေကမ္ဘာပေါ်မှာ လူတွေမှာဘာတွေများ လိုအပ်နေသေးသလည်းလို့ တွေးမိကြမှာပါပဲ။

။ ယနေ့ခေတ်ရဲ့ ခေတ်အခြေအနေအရဆိုရင်တော့ လူတွေဟာ လိုပြီးလိုပြန်ဖြစ်တဲ့ပညာရပ်ကို တတ်သိနားလည်တန်ဖိုးထားဖို့လိုအပ်မယ်လို့ပဲမြင်ပါတယ်။ ဘာကြောင့်လည်းဆိုရင် လူတွေတတ်ထားတဲ့အတတ်ပညာတွေဟာ လူတွေအတွက် မလုံလောက်သေးဘဲရှိနေပါသေးတယ် မဟုတ်လား။

။ အဲဒီတော့ ယနေ့ပညာ၊ နောက်နေ့ပညာနဲ့ မတူတော့တဲ့ ခေတ်သစ်ကြီးမှာ ကမ္ဘာ့ရွာသစ်ထဲက မြန်မာ့ရွာသစ်လေးကို ဘယ်လိုစနစ်များ တည်ဆောက်ပြုပြင်ထိန်းသိမ်းစောင့်ရှောက်ကြလေမည်လည်းဆိုတာကို စဉ်းစားမိပါလေရဲ့။

။ ” ငါ့ကလေးသာပညာမတတ်ရင်”
” ငါ့ပတ်ဝန်းကျင်မှာ ပညာမတတ်ကြရင်”
” ငါနေတဲ့ရွာမှာ ပညာအဖြာဖြာသာ မတတ်ကြရင်”
” သူတို့တွေ ကုသိုလ်၊အကုသိုလ် သိကြပါတော့မည်လား” လို့ပဲ တွေးနေမိပါလေရဲ့။

တောင်ကလေးဆရာတော် (၂၄.၁၀.၂၀၂၂) ရက်နေ့။

 3,736 total views,  5 views today

Categories
စကားလက်ဆောင်

။ ဒီနေ့ ပြောဖြစ်ခဲ့တဲ့စကားလုံးများ ။

။ ကဲ့ရဲ့ရှုတ်ချရမှ နေနိုင်တယ်လို့ မဖြစ်နှင့်။
။ ရလာတဲ့လူ့ဘဝကို ရှင်းသန့်ပါစေ။
။ လူတိုင်းအတွက် ဒုက္ခမကင်းဘူး သိပါ။
။ ငါသာငါတတ်နိုင်ကြောင်း မကြွားပါနှင့်။
။ မိဘကို ရို သေ ဖူး သလား။
။ မိသားစုကို စောင့်ရှောက်ခဲ့ကြရဲ့လား။
။ မိမိတာဝန်အရှိဆုံးက ဘာတွေလဲ။
။ ဒီနေ့တော့ အကောင်းဆုံးနေ့ တစ်နေ့ဖြစ်ပါစေ။
။ ကြင်နာတတ်သောသူ ဖြစ်ပါစေ။
။ နေ့ညမပြတ် ဘုရားရှိခိုးမှန်ပါစေပေါ့။

တောင်ကလေးဆရာတော်
(၂၄.၁၀.၂၀၂၂) ရက်နေ့။

 1,806 total views

Categories
အထွေထွေဗဟုသုတ

။ Kushinagar Airport ကုသိနဂရလေဆိပ် ။

။ အဓိက ဗုဒ္ဓဘာသာ ဘုရားဖူးနေရာများသို့ ဆက်သွယ်ပေးမည့်ကုသိနဂရလေဆိပ် ။

🇮🇳 အိန္ဒိယနိုင်ငံ၊ဥတ္တရ ပရာဒေ့ရှ်ပြည်နယ်၊ ကုသိနာရုံ အပြည်ပြည် ဆိုင်ရာ လေဆိပ်ကို ဗုဒ္ဓဟူးနေ့က ဖွင့်လှစ်လိုက်ပြီဆိုတဲ့သတင်းကို ကြားမိလိုက်တာနဲ့ပဲ ဤအရှင်ဟာ ကုသိနာရာကို အလွန်လေးကို သတိရလိုက်မိပါလေရဲ့။ ဗုဒ္ဓဘာသာဝင်တွေဟာ ကုသိနာရုံကို အရေးပါသော ဗုဒ္ဓဘာသာနေရာတစ်ခုဖြစ်ပြီး ဂေါတမ ဗုဒ္ဓရဲ့နောက်ဆုံး ပရိနိဗ္ဗာန်ပြုခဲ့ရာနေရာဖြစ်တယ်။

။ ၁) လုမ္ဗိနီ (နီပေါနိုင်ငံ)
၂)ဆာရနတ် (ဗာရာဏသီ မိဂဒါဝုန်)နဲ့
၃) ဗုဒ္ဓဂါယာတို့ ပါ၀င်တဲ့နေရာတွေဟာ ဗုဒ္ဓဘာသာဝင်တွေ ခရီးသွား ဧည့်သည်တွေရဲ့ ဗဟိုဌာနပါပဲ။ ဒါနဲ့အပါအဝင် အနီးအနားမှာရှိကြတဲ့ ဗုဒ္ဓဘာသာ နေရာများဖြစ်သော နာလန္ဒ၊သာဝတ္ထိနဲ့ကပိလဝတ္ထုတွေလည်း ပါဝင်တယ်။

။ Kushinagar Airport ကုသိနာရုံ လေဆိပ်ဟာ အိန္ဒိယနိုင်ငံ၊ Uttar Pradesh ဥတ္တရ ပရာဒေ့ရှ်ရှိ Kushinagar ခရိုင်၊Kushinagar ကုသိနာရုံ အရပ်မှာတည်ရှိသော နိုင်ငံတကာ လေဆိပ်တစ်ခု ဖြစ်တယ်။

။ လေဆိပ်ဟာ Gorakhpur ဂေါက္ခပုရ် လေဆိပ်ရဲ့အရှေ့ဘက် ၅၂ ကီလိုမီတာ၊ Gorakhpur ဂေါရက္ခပုရ်မြို့ရဲ့အရှေ့ဘက် ၄၇ ကီလိုမီတာ၊ Deoria ဒေဝိုးရီးယား မြို့ရဲ့မြောက်ဘက် ၃၄ ကီလိုမီတာ၊ Bettiah ဘက်တီးဟမြို့ရဲ့အနောက် တောင်ဘက် ၆၀ ကီလိုမီတာနဲ့Gopalganj ဂိုပါဂန်ဂျ်မြို့ရဲ့အနောက်ဘက် ၆၄ ကီလိုမီတာ အကွာမှာ တည်ရှိပါတယ်။

။ ဥတ္တရ ပရာဒေ့ရှ် ပြည်နယ် Uttar Pradesh ၀န်ကြီးချုပ် Yogi Adityanathယောဂီ အဓိတရနာထဟာ ဗုဒ္ဓဟူးနေ့က (Wed, Oct 20, 2021) Kushinagar ကုသိနာရုံမှာ အပြည်ပြည် ဆိုင်ရာ လေဆိပ်ဖွင့်လှစ်နိုင်ခဲ့တာကို ချီးကျူးခဲ့ပြီး သူ့ရဲ့ပြည်နယ်အတွက် သာမက တိုင်းပြည် အတွက်ပါ အကျိုးရှိလိမ့်မယ်လို့ ပြောကြားခဲ့တယ်။

။ လေဆိပ်ကို
> ဝန်ကြီးချုပ် Narendra Modi နရိန္ဒရာ မိုဒီက ဖွင့်လှစ်ခဲ့တယ်။
> ဖွင့်လှစ်သည့် ရက်စွဲ – ၂၀၂၁ ခုနှစ် အောက်တိုဘာလ ၂၀ ရက်၊
> ပိုင်ရှင်ဟာ အိန္ဒိယနိုင်ငံ၊ လေကြောင်း ပို့ဆောင်ရေး ဝန်ကြီးဌာန ဖြစ်ပါတယ်။
(Thu, Oct 21, 2021)။

။ မရောက်တာကြာပြီဖြစ်တဲ့ ကုသိနာရာ( ကုသိနာရုံ) ကို ဘုရားဖူးပြန်သွားလိုကြတဲ့သူများရှိခဲ့ရင်ပေါ့ ပြန်သွားလည်ပတ်လို့ အဆင်ပြေနေပါပြီ။ ကုသိနာရုံကို ✈️ လေယာဉ်နဲ့သွားလို့ရပါပြီ။

တောမှီရဟန်း
(၂၂.၁၀.၂၀၂၁) ရက်နေ့။

 2,384 total views

Categories
စကားလက်ဆောင်

တိတ်ဆိတ်ငြိမ်သက် သည်နံနက် အေးစက်အေးရိပ်သာ။

(၁၉.၁၀.၂၀၂၂) ရက်နေ့။

 1,793 total views

Categories
စကားလက်ဆောင်

။ သီတင်းကျွတ်လရောက်ပေမယ့် မကျွတ်တတ်တာတွေက အများကြီးပါပဲ ။

၁) အာဇီဝ ပြဿနာ= အသက်မွေးဝမ်းကျောင်းဆိုင်ရာနဲ့ပတ်သက်တဲ့ပြဿနာ။

၂) အသိလောက ပြဿနာ= ကဲ့ရဲ့ပြစ်တင်ခံကြရတဲ့ပြဿနာ။

၃) ပရိသသာရဇ္ဇပြဿနာ= ပရိသတ်တွေကြားမှာ လူရာဝင်အောင်နေထိုင်တတ်ရတဲ့ပြဿနာ။

၄) မရဏ ပြဿနာ=ငြိမ်သက်စွာဘဝရဲ့အဆုံးကိုရင်ဆိုင်နိုင်ဖို့ပြဿနာ။

၅) ဒုဂ္ဂတိပြဿနာ= မိမိဘဝကိုအဆုံးသတ်ပြီးလို့ နောက်ထပ်ဖြစ်လာနိုင်မယ့်ဘဝနဲ့ဆိုင်တဲ့ပြဿနာ။

။ ဒီပြဿနာငါးပါး (၅ မျိုး) ကို —

၁) ပညာစွမ်းအား (ပညာဗလ)။
၂) ကြိုးစားမှု စွမ်းအား (ဝီရိယဗလ)။
၃) ဖြူစင်ရိုးသားမှု စွမ်းအား (အနဝဇ္ဇဗလ )။
၄) စည်းရုံးရေး စွမ်းအား (သင်္ဂါဟကဗလ)။ လေးပါးနဲ့ ချင့်ချိန်တတ်ပြီး နေထိုင်တတ်ရပါတယ် မဟုတ်လား။

။ အဲဒီလိုမှ မသိထားမိရင် သီတင်းကျွတ်ပေါင်းများနေပြီလို့ပဲမဟုတ်လား။ ကျွတ်တမ်းဝင်ထိုက်ပါလျက်နဲ့ အကျွတ်တရားမရကြတဲ့အရှင်တို့တွေဟာ ဘာနဲ့မှကျွတ်ကြ (မလဲ) မည်လည်းပါပဲ။

တောင်ကလေးဆရာတော်
(၁၄.၁၀.၂၀၂၂) ရက်နေ့ညနေခင်း။

 2,303 total views

Categories
နံနက်ခင်းသြဝါဒကထာ

။ သီတင်းကျွတ်လပြည့်နေ့ နံနက်ခင်းဩဝါဒအတွက် ။

၁) ဒုက္ခ တွေ့ရှိမှုအကြိမ် (၃၂၄၄)
၂) ဒုက္ခသစ္စာ တွေ့ရှိမှုအကြိမ် (၄၉၄)
၃) သမုဒယ တွေ့ရှိမှုအကြိမ် (၅၉၄)
၄) သမုဒယသစ္စာ တွေ့ရှိမှုအကြိမ် (၃၄၂)
၅) နိရောဓ တွေ့ရှိမှုအကြိမ် (၈၅၉)
၆) နိရောဓသစ္စာ တွေ့ရှိမှုအကြိမ် (၂၈၄)
၇) မဂ္ဂ တွေ့ရှိမှုအကြိမ် (၁၂၅၄)
၈) မဂ္ဂသစ္စာ တွေ့ရှိမှုအကြိမ် (၃၂၃)
၉) အဝိဇ္ဇာ တွေ့ရှိမှုအကြိမ် (၁၆၄၁)
၁၀) တဏှာ တွေ့ရှိမှုအကြိမ် ( ၃၃၄၄)
၁၁) ငရဲ တွေ့ရှိမှုအကြိမ် (၁၅၀၆)
၁၂) နိဗ္ဗာန် တွေ့ရှိမှုအကြိမ် (၆၇၀၇) တို့ကို ” ဥပသမာနုဿတိ” နံနက်ခင်းဩဝါဒကထာ၌ နာယူကြဖို့ဖြစ်ပါတယ်။

။ တရားပြည့်ဝ၊နှလုံးလှ၊ ကျွတ်တမ်းဝင်စေသော်။

တောင်ကလေးဆရာတော်
(၈.၁၀.၂၀၂၂) ရက်နေ့ညနေခင်း။

 1,874 total views

မဟာပညာသို့ဝင်ခဲ့ပါ။
နိုင်ငံရေး၊ စီးပွားရေး၊ လူမှုရေး သတင်းစုံဖတ်ရှု့ရန်
နိုင်ငံရေး၊ စီးပွားရေး၊ လူမှုရေး သတင်းစုံဖတ်ရှု့ရန်
မဟာပညာသို့ဝင်ခဲ့ပါ။