Categories
စကားလက်ဆောင် နံနက်ခင်းသြဝါဒကထာ

။ လောကဓံကြုံ မဖြုံတမ်းပေါ့ ။

ကြောင့်ကြမှု

။ကိုယ့်အတွက်ကိုယ်ကြောင့်ကြနေရတဲ့အထဲ သူ့အတွက်ကြောင့်ရတဲ့စိတ်က ဥပါဒါန်တစ်မျိုးပါပဲ။ အဲဒီဥပါန်ဒါန်က ကာမဥပါဒါန်မဟုတ်ပေမယ့် အတ္တဝါဒဥပါဒါန်တစ်မျိုးတစ်မည်များလား ? ဖြစ်နေမည်လားပါပဲ။

ဝဋ်ခင်းဝဋ်နွယ်

။ ဘဝင်စိတ်ဆိုတာ အနှောင်အဖွဲ့တွေများရင် နောင်ဇာတိစိတ်တစ်ခုခုက ဝိပါကအကျိုးစိတ်အခိုက်အတန့်ဖြစ်ရင် ဝိပါက်ဝိပါက်ချင်းစိတ်အကျိုးတွေ ရကြလေမှာပါပဲ။ လူ့စိတ်က အလိုလိုက်ဖန်များရင် ဝဋ်ခင်းဝဋ်နွယ်တွေဖြစ်သွားတာပါပဲ။

ပျော်မိနေကြ

။ အရှင်တို့တွေဟာ အသက်မသေကြသေးဘဲနဲ့ ဝဋ်ဒုက္ခတွေ အမျိုးမျိုးခံနေရတာပါ။ သဘောကျစရာ,သဘောမကျစရာတွေနဲ့ ပင်ပန်းနေကြတာပါ။ ဒီအကြောင်းတရားတွေကို အသေအချာသတိမထားမိကြဘဲ ပျော်နေကြတာပါ။

စိတ်ဓာတ်တွေကျ

။ တခါတခါတလေ မိမိကိုယ်မိမိအားမရဘဲ အမှားချင်းတွေလည်း ထပ်ပြီးထပ်နေတော့ အဲဒီအမှားတွေကိုတွေးမြော်နေရင်းနဲ့ပဲ စိတ်ဓာတ်တွေကျမိကြပါလေရဲ့။

ငြိမ်

။ လူဟာ စိတ်ဓာတ်ကျစရာနဲ့ကြုံရင် မဲ့ပြုံးလေးတောင်မပြုံးနိုင်ပါ။ ပျော်ပျော်ကြီးနေရမယ်ဆိုတဲ့အသိစိတ်ကလေးရှိနေပေမယ့် မနေနိုင်ဘဲ အားအင်ဆုတ်ယုတ်ပြီး ဘာဆိုဘာမှမလုပ်ကိုင်နိုင်ဘဲ ငြိမ်နေတော့တာပါပဲ။

လက်လွတ်ဖို့

။ အတွေးတွေလည်း မမြင်၊ အသွင်တွေလည်း မထင်လေတော့ ကိုယ်ကျင့်တရားတွေလည်း ထိန်းသိမ်းစောင့်ရှောက်ဖို့ အားနည်းမိကြပါလေရဲ့။ ဒီလိုအဖြစ်မျိုးနဲ့အကြိမ်ကြိမ်ဖြစ်နေခဲ့ရင် လူဟာ တွေဝေမိန်းမောမှုတွေဖြစ်ပြီး အရာခပ်သိမ်းကို လက်လွတ်ဖို့ကိုပဲ စဉ်းစားမိတော့တာပါပဲ။

မဖြုံစတမ်း

။ တကယ်တော့ လူဟာ လူသားစင်စစ်အမှန်လိုပဲတွေးပြီးနေထိုင်ရင် စိတ်ဓာတ်ကျစရာတွေ အမျိုးမျိုးပဲဆုံဆုံ လောကဓံကိုမဖြုံစတမ်းစိတ်နဲ့နေရမှာပါ။

သဘာဝမို့

။ ” ဆင်းရဲချမ်းသာ၊ သဘာဝမို့
တွေ့ကြုံနေကြ၊ လူတိုင်းပေ။
ကောင်း, ဆိုးနှစ်တန်၊အစုံတွဲလို့
တစ်လှည့်စီလဲ၊ အမြဲနေ။
လောကဓံကြုံ၊ မဖြုံတမ်းပေါ့
မတုန်စမ်းနဲ့၊စိတ်ခိုင်စေ။
သောကကိုထိန်း၊ ရမ္မက်သိမ်း
အေးငြိမ်းချမ်းသာပေ” ဆိုတဲ့ လောကသဘာဝက အသိပေးနေတာပါ။
ဒါကြောင့် ” လောကဓံကြုံ မဖြုံတမ်းပေါ့” လို့ပဲ နှလုံးသွင်းဆင်ခြင်ရမှာဖြစ်ပါတယ်။

တောင်ကလေးဆရာတော်
(၂၆.၄.၂၀၂၃) ရက်နေ့နံနက်။)

Loading

Categories
နံနက်ခင်းသြဝါဒကထာ

။ နံနက်ခင်းသြဝါဒကထာ (စကား) ။

။ နေ့တိုင်း မိမိရဲ့အတွင်းစိတ်ကို ပြုပြင်ဖြစ်ရဲ့လား။
။ လိုချင်မှုစိတ်တွေ လျော့ပါးကြရဲ့လား။
။ ဖြစ်ချင်မှုစိတ်တွေ ပိုတိုးပွားနေကြပါသေးလား။
။ သင့်မှာ ဘာအတွက်နဲ့ စိုးရိမ်စိတ်တွေ ဖြစ်နေပါသေးလဲ။
။ နေ့တိုင်းကို စိတ်ချမ်းသာမှု အပြည့်အဝရပါရဲ့လား။
။ သင့်အတွက် အခက်အခဲက ဘာတွေပါလဲ။
။ နေ့စဉ်ဆင်ခြင်အပ်တဲ့တရားက မိမိရရသိနေပြီလား။
။ အလိုမကျတဲ့စိတ်အတွေးလေးတွေ တွေးမိတတ်ပါသေးလား။
။ ယှဉ်ပြိုင်ရမှကျေနပ်တဲ့စိတ်တွေ ဖြစ်နေသေးသလား။
။ တစ်နေ့တာအတွက် ဆင်ခြင်စရာတရားကို ပွားများသိမြင်ပါစေ။

တောင်ကလေးဆရာတော်
(၁၇.၁၁.၂၀၂၂) ရက်နေ့။

Loading

Categories
နံနက်ခင်းသြဝါဒကထာ

။ နံနက်ခင်းချိန် သြဝါဒကထာ (စကား) ။

။ မလိုအပ်ဘဲ မတွေးတောနှင့်။
။ အကျိုးမရှိဘဲ မခံယူပါနှင့်။
။ မသိဘဲ မကျင့်ပါနှင့်။
။ မခင်မင်ဘဲ မမြတ်နိုးပါနှင့်။
။ မတတ်နိုင်ဘဲ ကတိမပေးပါနှင့်။
။ လိုအပ်မှ တွေးပါစေ။
။ အကျိုးရှိမှ သင်ယူပါစေ။
။ သိမြင်မှ ကျင့်ပါစေ။
။ ခင်မင်မှ မြတ်နိုးပါစေ။
။ တတ်နိုင်မှ ကတိပေးပါ။
။ သတိတရားကို အထင်နဲ့ မဆုံးဖြတ်ပါနှင့်။

တောင်ကလေးဆရာတော်
( ၅.၁၁.၂၀၂၂) ရက်နေ့နံနက်။ 

Loading

Categories
နံနက်ခင်းသြဝါဒကထာ

။ သီတင်းကျွတ်လပြည့်နေ့ နံနက်ခင်းဩဝါဒအတွက် ။

၁) ဒုက္ခ တွေ့ရှိမှုအကြိမ် (၃၂၄၄)
၂) ဒုက္ခသစ္စာ တွေ့ရှိမှုအကြိမ် (၄၉၄)
၃) သမုဒယ တွေ့ရှိမှုအကြိမ် (၅၉၄)
၄) သမုဒယသစ္စာ တွေ့ရှိမှုအကြိမ် (၃၄၂)
၅) နိရောဓ တွေ့ရှိမှုအကြိမ် (၈၅၉)
၆) နိရောဓသစ္စာ တွေ့ရှိမှုအကြိမ် (၂၈၄)
၇) မဂ္ဂ တွေ့ရှိမှုအကြိမ် (၁၂၅၄)
၈) မဂ္ဂသစ္စာ တွေ့ရှိမှုအကြိမ် (၃၂၃)
၉) အဝိဇ္ဇာ တွေ့ရှိမှုအကြိမ် (၁၆၄၁)
၁၀) တဏှာ တွေ့ရှိမှုအကြိမ် ( ၃၃၄၄)
၁၁) ငရဲ တွေ့ရှိမှုအကြိမ် (၁၅၀၆)
၁၂) နိဗ္ဗာန် တွေ့ရှိမှုအကြိမ် (၆၇၀၇) တို့ကို ” ဥပသမာနုဿတိ” နံနက်ခင်းဩဝါဒကထာ၌ နာယူကြဖို့ဖြစ်ပါတယ်။

။ တရားပြည့်ဝ၊နှလုံးလှ၊ ကျွတ်တမ်းဝင်စေသော်။

တောင်ကလေးဆရာတော်
(၈.၁၀.၂၀၂၂) ရက်နေ့ညနေခင်း။

Loading

Categories
နံနက်ခင်းသြဝါဒကထာ

။ နံနက်ခင်းဩဝါဒကထာ (စကား) ။

။ ကိုယ့်ကိုယ်ကို အားမရ။
။ အချိန်ကျန် နည်းလာ။
။ လုပ်ဖို့လည်း ခွန်အားနည်း။
။ လုပ်နိုင်အောင်ကြိုးစားလည်း မနိုင်။
။ ခန္ဓာက ဖောက်ပြန်။
။ မနာလိုစိတ်က များပြား။
။ အရာရာတိုင်းကို သဘောမကျ။
။ သဘောမျှ ဒုက္ခပေး။
။ လောဘဇော အမျိုးမျိုးစေ။
။ အဆင်းနွမ်း ရူပကာယ။
။ ရူပကာ ဗလာအဆင်း။
။ ဖြစ်ဟန်က ဖြစ်လိုရာဖြစ်။
။ နေဝင်မိုးချုပ်နေလည်း အလုပ်ရှုပ်နေဆဲ။

တောင်ကလေးဆရာတော်
(၂၃.၈.၂၀၂၂) ရက်နေ့နံနက်ခင်း။)

Loading

Categories
နံနက်ခင်းသြဝါဒကထာ

။ နံနက်ခင်းဩဝါဒကထာ (စကား) ။

။ ဘာလုပ်လုပ် မတွေဝေပါနှင့်။
။ ဆုံးဖြတ်တိုင်း တိကျပါစေ။
။ အရာရာ သိတတ်ပါစေ။
။ ကိုယ်ဘက်ကယ် မလုပ်နှင့်။
။ သူ့ဘက်တွယ် မယုတ်နှင့်။
။ အယုတ်တရားကို ရှောင်ပါစေ။
။ မဟုတ်မတရားတာကို တာဝန်မဲ့မနေနှင့်။
။ အဖက်ဖက်မှ မပျက်စီးစေနှင့်။
။ အသက်ဘေးကို ကယ်ပါစေ။
။ ကိုယ့်အသက်ကို ချစ်ပါလေ။
။ သူ့အသက်ကို ချစ်ပါလေ။

တောင်ကလေးဆရာတော်
(၁၅.၈.၂၀၂၂) ရက်နေ့နံနက်ခင်း။)

Loading

Categories
နံနက်ခင်းသြဝါဒကထာ

။ နံနက်ခင်းဩဝါဒကထာ (စကား) ။

။ စည်းစိမ်မာနကဲလည်း မမြဲနိုင်ပါဘူး။
။ ဘဝမာနသဲလည်း မြဲစွာမရှိဘူး။
။ အတ္တလွန်လွန်ကဲလည်း မမြင့်နိုင်ပါဘူး။
။ ဒေါသကြမ်းတမ်းရဲလည်း မတည်မြဲနိုင်ဘူး။
။ အာဏာပြင်းပြရဲလည်း မခိုင်မြဲပါဘူး။
။ ဘုန်းကံကြီးမားဟဲလည်း မမြဲစေနိုင်ဘူး။
။ ပညာဟိတ်ကြီးဝှဲလည်း အမြဲမရှိဘူး။
။ မေတ္တာနှစ်လို့ချစ်လည်း စွဲမြဲမချစ်ဘူး။
။ ကြင်နာလွန်းလို့ကဲလည်း ဟောင်းနွမ်းမပိုင်ဘူး။
။ ယုယပိုလို့တွဲတွဲ ရှင်ကွဲမပိုင်ဘူး။
။ ရင်နာငိုလို့သဲသဲ ပူလို့မဆုံးဘူး။
။ လွမ်းလို့ဆွေးလို့ခဲခဲ ညှဉ်းဆဲမပျောက်ဘူး။
။ ဤတရား ဆင်ခြင်ပွား ၊ သတိထား ၊ ဆင်းရဲမရှိဘူး။

တောင်ကလေးဆရာတော်
( ၁၂.၇.၂၀၂၂) ရက်နေ့နံနက်ခင်း။)

Loading

Categories
နံနက်ခင်းသြဝါဒကထာ

။ နံနက်ခင်းဩဝါဒကထာ (စကား) ။

။ အယူဝါဒ မမှားနှင့်။
။ ကိုးကွယ်ရာလည်း မမှားနှင့်။
။ အကြံအစည်လည်း မမှားနှင့်။
။ အယုံအကြည်လည်း မလွဲနှင့်။
။ ဘာသာရေးလည်း မစွဲလမ်းနှင့်။
။ အကျင့်မှား မကျင့်ပါနှင့်။
။ ဆရာတင် မမှားနှင့်။
။ တရားမှား မလိုက်နာနှင့်။
။ အဆွယ်ကောင်းသူ သတိထား။
။ အလွယ်ပေါင်းသူ ဝေးဝေးနေ။
။ တွယ်တာသန်သူ တွဲပေါင်းနေ။
။ ညာလည်သန်သူ မဆည်းကပ်နှင့်။
။ တိုးတိုးတိတ်တိတ် နေတတ်စေ။
။ ကိုယ်ကျိုးကိုယ်ပိုင် သိတတ်စေ။

တောင်ကလေးဆရာတော်
(၁၀.၈.၂၀၂၂) ရက်နေ့နံနက်ခင်း။)

Loading

Categories
နံနက်ခင်းသြဝါဒကထာ

။ နံနက်ခင်းဩဝါဒကထာ (စကား) ။

။ ဘဝကိုအချိန်ပေးပြီး မနားပါနှင့်။
။ ဘဝကြောင့် အချိန်များစွာပေးရလိမ့်မည်။
။ အချိန်ပေးရလေသမျှ ဒုက္ခများကြမည်။
။ အလိုလိုက်မှု ပေးရမည်။
။ ချစ်ခင်မှု, ပျော်ရွှင်မှုတွေ ပေးရမည်။
။ သာယာမှုတွေလည်း ပေးရမည်။
။ အကြင်နာပိုမှုတွေလည်း ပေးရမည်။
။ ရယူမှုတွေလည်း ပေးရမည်။
။ လိုက်လျောမှုတွေလည်း ပေးရမည်။
။ အစစအရာရာ အရေးအားလုံးပေးရမည်။
။ ဘဝကိုအချိန်ပေးမိသူ ဟူသမျှ မနားတမ်း ပေးကြရမည်။

တောင်ကလေးဆရာတော်
(၉.၈.၂၀၂၂) ရက်နေ့နံနက်ခင်း။)

Loading

Categories
နံနက်ခင်းသြဝါဒကထာ

။ နံနက်ခင်းဩဝါဒကထာ (စကား) ။

။ အိပ်ရာထ နှလုံးလှပါစေ။
။ အိပ်ရာဝင် နှလုံးစင်ပါစေ။
။ အလုပ်ခွင် နှလုံးရွှင်ပါစေ။
။ ပညာသင် စိတ်ဓာတ်ကြည်ပါစေ။
။ ဆက်ဆံရေး စိတ်ထားအေးပါစေ။
။ ဒါနရေး ကြည်ဖြူဖွေးမြတ်စေ။
။ ပေါင်းသင်းရေး စိတ်ထားနွေးစေလေ။
။ မိဘကို မြဲစွာရိုသေလေ။
။ ဆရာကို အမြဲချည်းကပ်နေ။
။ ကိုယ်ကျင့်ရေး ဖောက်ပြန်မရှိနေ။
။ အိမ်တွင်းမှု သိမ်းထုပ်သေချာစေ။
။ ဘာဝနာ အမြဲပွားနေစေ။
။ ကြည်မြမြ လှပနေထိုင်စေ။

တောင်ကလေးဆရာတော်
(၈.၈.၂၀၂၂) ရက်နေ့နံနက်ခင်း။)

Loading

ကော်ဖီလေးတစ်ခွက်နှင့်
သတင်းစုံဖတ်ရှု့ရန်
ပျော်ရွှင်မှုကဖီး