Categories
ကျန်းမာရေး စကားလက်ဆောင်

။ ဝါးကျောင်းလေး ။

။ တောရကျောင်းမှာ
နေခဲ့ပါသည်
တောင်ထိပ်ဝါးကျောင်းလေး။

။ ဒီနေ့ မိုးသားရိပ်ရိပ်ဖြစ်နေလို့ အဝေးဝေးကိုကြည့်လိုက်ရင်ပဲ တောတောင်တွေဟာ တိမ်လွှာသိပ်သိပ်ကြားမှာ ပျော်စရာဖြစ်တဲ့နေ့တစ်နေ့ပါပဲ။ ဒီမနက်ခင်းလေးကပဲ ဒါယကာတွေကို
၁) ဒုဒ္ဒ ဒံ ဒ ဒါတိ။
၂) ဒုက္ကရံ ကရောတိ။
၃) ဒုက္ခမံ ခမတိ ,ဆိုတဲ့
(၁) ပေးနိုင်ခဲခြင်း
(၂) ပြုနိုင်ခဲခြင်း
(၃) သည်းခံနိုင်ခဲခြင်း တရားသုံးပါးအကြောင်းကို ချီးမြှင့်ခဲ့ပါတယ်။

။ နံနက်ခင်းဩဝါဒပြီးလို့ ကျောင်းအောက်ကိုမဆင်းမီ ပတ်ဝန်းကျင်အဝေးဝေးကိုကြည့်လိုက်မိတဲ့အချိန်မှာပဲ ကြည်နူးစရာပါပဲ။ အလွန်အေးချမ်းတဲ့နံနက်ခင်း။

။ ကျောင်းဆောင်ထဲပြန်ဝင်လာပြီး ပြုစရာကိစ္စကြီးငယ်တွေပြုပြီးလို့ ဆွမ်းစားနေရာမှာကြွသွားပြီး ဆွမ်းဘုဉ်းပေးပါတယ်။ ဒီနေ့ ဆွမ်းဝိုင်းကိုကြည့်လိုက်မိတဲ့အခါ ဖက်ဆွတ်မိုးကနေ ပေါက်လာတဲ့ဖက်ဆွတ်မှိုဟင်းပါနေတာကိုမြင်ရတော့ ဆွမ်းစားခါနီးဆင်ခြင်ရမယ့်လက္ခဏာတွေ မေ့နေသလိုပါပဲ။

။ ဒီလိုပါ။ အရှင်ကငယ်ငယ်လေးကတည်းက မှိုဟင်းလျာကိုအလွန်နှစ်သက်သူဖြစ်တယ်မဟုတ်လား။ မှိုဟင်းဆိုကတည်းက ကြိုက်ပြီပေါ့။ ပစ္စဝေက္ခဏာဆင်ခြင်ပြီး ဆွမ်းလုတ်ပြုတဲ့အခါ ဆွမ်းကိုဘုဉ်ပေးပါတယ်။ ဆွမ်းဘုဉ်းပေးနေရင်းနဲ့ပါပဲ ဘုဉ်းပေးရတဲ့ ဆွမ်းဟင်းရည်ရဲ့အရသာဟာ ငယ်ငယ်လေးက မိခင်ချက်ပေးခဲ့တဲ့ဆွမ်းဟင်းအရသာနဲ့တူလေတော့ အလိုလိုပဲ မိခင်ကြီးကိုသတိရမိလိုက်တာပေါ့။

။ ဒီနေ့ တစ်နေကုန်အောင် စာဖတ်ဖြစ်ပါတယ်။ ဥပုသ်နေ့ဖြစ်တော့ နားရပါတယ်။ စာရေးတယ်။ စာဖတ်တယ်။ အခန်းသန့်ရှင်းရေးလုပ်တယ်။ ကုဋီနေရာသန့်ရှင်းအောင်လုပ်တယ်။ စာအုပ်ကြားထဲဖုန်တွေသုတ်တယ်။ ခေါင်းအုံး၊ဖျာ၊အိပ်ယာနေရာ စနစ်တကျထားတယ်။ရေးတဲ့စာပြန်ဖတ်တယ်။ ပြန်ပြင်တယ်။

။ ပြီးတော့ လေ့လာသင့်တဲ့အကြောင်းအရာတွေကို ဝပ်ဆိုက်ပေါ်ကိုတက်ပြီး မိမိနှစ်သက်နေတဲ့အကြောင်းတွေကိုဖတ်တယ်။ စုစည်းယူတယ်။ သိမ်းဆည်းယူတယ်။ အချိန်ရသလောက် လိုက်လေ့လာတယ်။ နိုင်ငံရေး၊လူမှုရေး၊စစ်ရေး၊စီးပွားရေးပညာအကြောင်းတွေ အားရင်အားသလို လေ့လာယူခဲ့ပါတယ်။

။ ညချမ်းချိန်မှာတော့ ကမ္မဋ္ဌာန်းထိုင်ပါတယ်။ မေတ္တာဘာဝနာပွားများပါတယ်။ မေတ္တာဘာဝနာဉာဏ်နဲ့နေတယ်။ မကျန်းမမာဖြစ်ချိန်မှအပ မပျက်မကွက်ပြုဖြစ်တဲ့ကျင့်ဝတ်ပါပဲ။

။ ဒီနေ့တော့ တရားတစ်ပါးကိုနှလုံးသွင်းနေရင်းနဲ့ ငယ်ငယ်ကတောရကျောင်း( ဝါးကျောင်းကလေး) ကို သတိပိုရမိပါလေရဲ့။ အကြောင်းက ထွေထွေထူးထူးတော့မဟုတ်ပါဘူး။
တောရကျောင်းမှာ
နေခဲ့ပါသည်
ရင်မှာချမ်းမြေ့စေခဲ့လို့ပါပဲ။

တောမှီရဟန်း
(၆.၆.၂၀၂၂) ရက်နေ့ညနေခင်းချိန်။)

Loading

Categories
ကျန်းမာရေး စကားလက်ဆောင်

။ အသက်ရှည်ရှည် နေလိုကြသလား? ။

။ အသက်ရှည်ရှည် နေလိုကြသလား? ။
~~~~~~~~~~~~~~~~~~~~~~~~~~

၁) နေနိုင်ရုံ အိမ်တစ်လုံးသာရှိမယ်။

၂) ရှေးမိရိုးဖလာဆေးသာမှီဝဲသုံးဆောင်မယ်။

၃) အစားအသောက်ကို ရွေးချယ်ပြီးတော့စီမံစားသောက်မယ်။

၄) ပြဿနာပေါ်လာရင် ဖြေနိုင်ရင်ဖြေမယ်၊ မဖြေနိုင်ရင်လည်း မစဉ်းစားဘဲနေမယ်။

၅) ပြဿနာတွေကို အာရုံမစိုက်ဘဲ ပူပန်မှုတွေကိုလည်း လက်မခံဘဲနေမယ်ဆိုတဲ့ သည်အချက်(၅) ချက်နဲ့နေရင် အသက်ရှည်ကြာနေထိုင်ရပါတယ်။

တောမှီရဟန်း
(၁၈.၂.၂၀၂၂)ရက်နေ့ နံနက်။

Original Post: Instagram

Loading

Categories
ကျန်းမာရေး

။ အသက်တိုနိုင် ။

။ အသက်ရှည်ကြာ
နေလိုပါက
စားတာကိုလျှော့
ကိုယ်ကြီးပေါ့အောင် လမ်းတွေလျှောက်။

။ အသက်တိုတို
နေလိုပါက
နေ့ညတင်းတင်း
ဆီအီဟင်းစား
အသားစုံစွာ
စားသုံးပါ မှန်စွာအသက်ပျောက်။

။ ကိုယ့်ကိုယ်ကိုသာ
စောင့်ရှောက်ပါစေ
ကျန်းမာပျော်ရွှင် ဒိဋ္ဌရောက်။

ဘုန်းအဲးခိုး
(ဓာတ်ပုံရှင်ကို အားနာပါသည်။ ကျေးဇူးလည်းတင်ပါသည်။)

Loading

Categories
ကျန်းမာရေး စကားလက်ဆောင် လူမှုရေး

။ အိုလာရင် ဘာတွေပြင်ဆင်ထားရမလဲ ? ။

၁။ အိုဖေါ် ( လင် မယား အို )
၂။ အို သိုက် ( နေအိမ် )
၃။ အို စာ ( ငွေကြေး )
၄။ အို ရေး ( ကျန်းမာရေး )
၅။ အို စိတ် ( စိတ်နေ စိတ်ထား )
ကျွန်တော်တို့အားလုံး အိုရမဲ့လူတွေကြီးကြီးပါ။

။ ခုမအိုသေးပေမဲ့ ဖတ်ထားရင် (သိထားရင်) ကိုယ့်အတွက် ကာကွယ်ဖို့ပြင်ဆင်ချိန်ရသလို၊ ကိုယ့် မိဘတွေအတွက် ဆန်းစစ်ဆင်ခြင်လို့ ရနိုင်ပါတယ်။ အကြံလည်းပေးလို့ရတာပေါ့။ အိုလာရင် ဘာတွေပြင်ဆင်ထားသင့်သလဲ၊ ဘာသာရေး ရှုထောင့်ကနေမဟုတ်ပဲ လက်တွေ့ဘ၀ရှုထောင့်ကနေ ဆွေးနွေးကြည့်ရအောင်…. ။

၁။ အိုဖေါ်
။ လင်အိုမယားအိုမေတ္တာကောင်းမွန်နေဖို့လိုပါတယ်။ အရင်တုန်းက ချစ်ခဲ့ကြပေမဲ့ အသက်ကြီးလာတော့တစ်ယောက်မျက်နှာ တစ်ယောက်ကြည့်မရတာမျိုးမဖြစ်သင့်ဘူး။ ယော့က်ျားက သားဘက်၊ မိန်းမကသမီးဘက်ပိုရပ်တည်တာမျိုး မဖြစ်ရဘူး။ ငယ်ရွယ်တုန်းက လင်မယားဆိုပေမဲ့ အိုလာရင် အဖေါ် မွန်ဖြစ်ဖို့၊ ရပ်တည်ချက်တူညီဖို့အလွန်အရေးကြီးပါတယ်။

။ငယ်ငယ်တုန်းကတော့ ယောက်ျားက ပိုက်ဆံရှာ၊ ယောက်ျား အင်အားကောင်းတော့ အပြင်မှာပွေချင်တိုင်းပွေ၊ သောက်စားချင်တိုင်း သောက်စား၊ အိမ်ကမိန်းမကို ခိုင်းဖတ်လိုသဘောထားပြီးအော်လိုက်ငေါက်လိုက် လုပ်တဲ့ ယောက်ျားမျိုးဟာ၊ အိမ်ထောင်သက် အနှစ် ( ၂၀ ) နောက်ပိုင်းမှာ သားသမီးတွေ ကြီးလာရင် သားသမီးများက အမေဘက်က ရပ်တည်တာ ခပ်များများဆိုတော့ အရင်က ခံခဲ့သမျှ ပြန်ဆပ်ရတတ်တယ်။ ဒါကြောင့် ကိုယ်အသက်ကြီးတဲ့အခါကိုယ့်မိန်းမက ကိုယ့်ကို တကယ်ကောင်းစေချင်ရင်ကိုယ်က သူတို့အပေါ် အရင်ကောင်းထားရတယ်။

၂။ အိုသိုက်
။ နေဖို့ထိုင်ဖို့ အိမ်တစ်လုံးရှိထားဖို့လိုပါတယ်။ အဲဒီအိမ်ကိုလည်း မသေမချင်း ထိန်းထားဖို့လိုပါလိမ့်မယ်။ ကိုယ်က မကြာမီသေတော့မယ်ဆိုပြီး စောစောစီးစီးထုခွဲပြီး အမွေ ခွဲမပေးလိုက်နဲ့၊ ကိုယ်နေဖို့ပျောက်သွားနိုင်တယ်။ မပျောက်သွားတာတောင်မှ သားသမီးမျက်နှာ (သို့) ချွေးမနဲ့ သမက်မျက်နှာကြည့်ပြီး အသက်ရှင်ရတာမတန်ဘူး။

၃။ အိုစာ
။ အိုစာမင်းစာကို ဆိုလိုပါတယ်။
ရွှေဖြစ်ဖြစ်၊ ပိုက်ဆံဖြစ်ဖြစ် ကိုယ့်အတွက်ကိုယ်ချန်ထားရတယ်။
သားသမီး စီးပွားရေးလုပ်ဖို့ အရင်းအနှီး မရှိဘူးဆိုပြီးအကုန်ထုတ်မပေးလိုက်နဲ့၊ အားလုံးပေးလိုက်ရင် အိမ်ကဆင်းသွားရနိုင်တယ်။
အချစ်ရဲ့သဘာ၀ဟာ နောင်မျိုးဆက်ကိုပဲ ဆင့်ပွားပါတယ်။ သားသမီးကို ချစ်တယ်ဆိုတာ သတ္တဝါတိုင်းရဲ့မွေးရာပါ သဘာဝဖြစ်ပါတယ်။ မိဘကိုရိုသေတယ်ဆိုတာ ဘာသာရေးအဆုံးအမနဲ့သွန်သင်ယူရတယ်။ မွေးမြူ ယူရပါတယ်။ အဲဒါကြောင့် မသေချာတတ်ဘူး။ မိဘများဟာ သားသမီး (၁၀) ယောက်ကို ‘အပြုံးမပျက်’ ကျွေးမွေးနိုင်ပေမဲ့၊ သားသမီး (၁၀) ယောက်ဟာ မိဘနှစ်ပါးကို ‘စူပုတ်လောက်အောင်’ ကျွေးမွေးရတယ် ဆိုတဲ့စကားပုံတစ်ခုကို ကြားဖူးပါတယ်။ ဒါကြောင့် မအိုသေးခင်မှာ ကိုယ့်အတွက် အိုစာချန်ပါ။

၄။ အိုရေး
။ အိုတဲ့အခါမှာ ရှိတဲ့ကျန်းမာရေးကိုအတိုကောက်ရေးလိုက်တာပါ။ အိုလာရင် ကိုယ့်ကျန်းမာရေးကို ကိုယ်ဂရုစိုက်ရတယ်။ မနက်တိုင်းလမ်းလျှောက်တာမျိုး အဖွဲ့လိုက်လေ့ကျင့်ခန်းလုပ်တာမျိုးပါ၀င်သင့်ပါတယ်။ ကောင်းကောင်းမလျှောက်နိုင်ရင်လည်း လှုပ်ရှားနိုင်သမျှအတတ်နိုင်ဆုံး ကိုယ်လက်လှုပ်ရှားပေးသင့်ပါတယ်။ ကိုယ့်ရဲ့ ကျန်းမာရေးကောင်းမွန်ခြင်းဟာကိုယ့်အတွက်သာမဟုတ် သားသမီးများအတွက်ပါ။ လာဘ်တစ်ပါးဖြစ်ပါတယ်။ သူတို့တွေ ကိုယ့်အတွက် သိပ်မပူရရင်သူတို့အလုပ်ကို ကောင်းကောင်းမွန်မွန် လုပ်လို့ရတာပေါ့။

၅။ အိုစိတ်
။ အိုလာရင် စိတ်နေစိတ်ထားမှန်မှန်ကန်ကန် ထားတတ်ဖို့လိုပါတယ်။
ကိုယ်အသုံးမကျတော့ဘူးဆိုပြီး မသိမ်ငယ်သင့်ပါဘူး။ သေခြင်းတရားကို တွေးတောပြီး ကြောက်မနေသင့်ပါဘူး။ မမေ့မလျော့ နေထိုင်သင့်ပါတယ်။ တစ်ရက်အသက်ရှင်ရင် တစ်ရက်အမြတ်ပဲ၊ တန်အောင်အသက်ရှင်ရမယ်ဆိုတဲ့ စိတ်မျိုးမွေးမြူ ရပါမယ်။ ကျန်းမာရေးအဆင်ပြေရင် အလှူပွဲတွေ၊ ကူညီမူ၊ လှုပ်ရှားမူတွေ၊ ဘာသာရေးပွဲတွေကိုယ်တတ်နိုင်တဲ့ဘက်ကနေ ပါ၀င်လှုပ်ရှားသင့်ပါတယ်။ စိတ်ဓါတ်ရွှင်လန်းပြီး သန့်သန့် ပြန့်ပြန့် နေထိုင်သင့်ပါတယ်။

အသက်ကြီးသူများအားလုံး ကျန်းမာချမ်းမြေ့ နိုင်ကြပါစေ။
Credit to Thandar Han
Posted by Kopholamin lay

။ အိုတဲ့အကြောင်းစာကို ဒီနေ့ဖတ်ဖြစ်တာပါ။ ကိုယ့်ကိုယ်ကိုတော့ မအိုသေးဘူးလို့ ထင်နေမိတာပဲ။ လူတွေပြောကြတဲ့အိုခြင်းဟာ အိုချင်ကြတဲ့သူတွေက ပြောဆိုနေကြတာပါ။ တကယ်တော့ အိုခြင်းအရာဟာ ရှိနေပြီးသားတရားတစ်ပါးမို့ ရှာနေလို့မလိုပါဘူး။ အမြဲတမ်းအိုနေတာပါပဲ။

။ အသက်ငယ်ငယ်လေးနဲ့ ဆံပင်တွေဖြူတာ၊ သွားတွေကြွေတာ၊အသားအရေတွေ တွန့်လိပ်၊ တွန့်လိမ်နေတာဟာ အသစ်အသစ်တိုင်းရုပ်တွေရဲ့အားလုံးရင့်ရော်မှု​တွေပါပဲ။ မြင်နေရတာကို အိုနေတယ်လို့ထင်နေကြတာပါ။ တကယ်အမှန်ကတော့ အိုတယ်အိုတမ်းဆိုတာ စိတ်နဲ့သာသိအပ်တဲ့ မနောဝိညေယျတရားပါပဲ။

။ အိုခြင်းဆိုတာ မီးတစ်ပါးပါပဲ။ ဖြေးဖြေးလောင်နေတာနဲ့အမြဲလောင်နေတာနဲ့ပဲ မတူတာပါ။ လောင်နေတာတော့အမှန်ပါပဲ။ ဇရာမီးတောင်ကိုယ်တွင်းလောင်နေရပြီဆိုတာကိုပဲ အိုတဲ့သဘောဖြစ်နေပါပြီ။

။ ကိုင်း ” ဇရာကို ဘယ်လိုအိုလည်း မအိုသေးဘူး ကိုယ့်ရဲ့စိတ်နဲ့” ပဲ ဘဝကိုရပ်တည်နိုင်ကြဖို့ တရားကိုပဲ အဖော်ပြုကြပါစို့ရယ်လို့ပဲ ။

ဘုန်းအဲးခိုး
(၁၅.၄.၂၀၂၁) ရက်နေ့။

Loading