Categories
စကားလက်ဆောင် ဗုဒ္ဓဘာသာ လူမှုရေး အလှူဒါန

။ မှာခဲ့ပါရစေ ။

။ ငါသေသောခါ၊ ငါ့မသာကို
တန်ဆာပြုပြင်၊ ပွဲကြီးယင်၍
သဘင်ကချေ၊ ဆို ငို တွေနှင့်
ငွေကြေးကုန်ကျ၊ မပြုကြနှင့်
ဘာမျှအကျိုးမရှိပါ။

။ ရွှေ ငွေရောင်တောက်၊ မဏ္ဍပ်ဆောက်၍
အံ့လောက်စဖွယ်၊ အသွယ်သွယ်လျှင်
မဖွယ်မရာ၊ မပြုပါနှင့်
သံသာ ပစ္စုပ်၊ အကျိုးယုတ်​၏။

။ ငှက်ပျော လက်ပံ၊ ပုံသဏ္ဌာန်ဟု
စိတ်နာမ်ကင်းကွာ၊ ဤခန္ဓာကို
တော်ရာဌာန၊ ဆောင်ယူကြလျှက်
ပြာချသင်္ဂြိုဟ်လိုက်ပါလေ။

။ ဈာပနသဘင်၊ ပျာချစဉ်ဝယ်
ရှုဆင်ပွားကြ၊ အသုဘဟု
နှစ်ဝနာမ်ရုပ်၊ ခွဲခြားထုတ်၍
ချုပ်ပျက်တင်ကာ၊ ဘာဝနာကို
နှစ်သာရပိုင်၊ ရယူနိုင်မှ
ဆုတ်ကိုင်ဖြည့်ဆည်း
နိဗ္ဗာန်နီးမည် …
ဘုန်ကြီးမှာခဲ့ပါရစေ။

သန်လျင် (ကရင်ဆိပ်ဆရာတော်)

။ သည်နေ့ ဖတ်မိလိုက်တဲ့ သံဝေဂလင်္ကာကဗျာတစ်ပုဒ်ပါ။ ရေးသားမှာကြားခဲ့တဲ့အရှင်က အလွန်ပြတ်သားလို့ ဖတ်ရှု့ဆင်ခြင်ရတာလည်း နှလုံးသွင်းရလွယ်ကူပါတယ်။ ဒီခေတ်ဒီအခါမှာ အကျော်အမော်တွေကများတော့ ကွယ်လွန်အနိစ္စရောက်ရင် (ဘုန်းတော်ကြီးဖြစ်ရင် ) အကုန်အကျများများပြုပြီး စည်စည်ကားကားပြုလုပ်နိုင်ကြတာကို မျက်စိထဲမြင်ယောင်မိလို့ပါပဲ။

။ အသုဘရုပ်အလောင်းကို ကမ္မဋ္ဌာန်းရှု့ကြတာမဟုတ်ဘဲ အသုဘချဖို့ပွဲလုပ်နေကြတာလည်း မရှားပါပဲ။ အစဉ်အဆက်ကျင်းပလာခဲ့ကြတဲ့ အထိမ်းအမှတ်ပွဲတော်အလားပါပဲ။ ကကြရွှင်ကြပျော်နေကြလို့ တီးကြခုန်ကြပျော်နေကြလို့နဲ့ ဆိုင်းဝိုင်း၊တီးဝိုင်း အစုံအလင်ပါပဲ။ ရှေးခေတ်က သာဓုကီဠန( သူတော်စင်များပျော်ရွှင်သည့်ပွဲ) လို့ သတ်မှတ်ခဲ့ကြပေမယ့် လူတွေက တကယ့်ကိုပျော်ရွှင်ပျကြတဲ့ ပွဲလမ်းသဘင်ကြီးလိုပါပဲ။

။ ဘုန်းတော်ကြီးဈာပနပွဲတွေမှာ မြင်ရတဲ့ဈာပနပွဲတွေဟာ ရွှေရောင်ငွေရောင်တောက်တဲ့ ပြာသာဒ်ဆောင်ကြီးငယ်တွေ ၊ ဇော်ဂျီ အနီအနက် အဖြူအဝါတွေ ကလို့ခုန်လို့ စုံလို့ပါပဲ။ ဧယင်ကျူးတဲ့အဖွဲ့၊ကခုန်တဲ့အဖွဲ့တွေကလည်း များစွာပါပဲ။ ဧယင်ကျူး မကျူးရလို့ စိတ်ဆိုးမာန်ဆိုးကြတဲ့သူတွေရှိကြသလို ကကြခုန်ကြတဲ့ပျော်ရွှင်ကြတဲ့သူတွေကလည်း မကရမခုန်ရမပျော်ကြရလို့ စိတ်ဆိုးမာန်ဆိုးကြတဲ့သူတွေလည်း အရှိရှိပါပဲ။

။ ကိုင်း……
ပြောပြချင်တာကတော့ ငွေကြေးကုန်ကြ၊ကျိုးမမြတ်တဲ့ ကုန်ကျပွဲတွေကို နည်းနည်းလျော့ရင်တော်မည်လားပါပဲ။
(မည်သည့် ဈာပနပွဲကိုမျှ မရည်ရွယ်ပါ)

အဲးခိုး
(၃.၇.၂၀၂၂) ရက်နေ့နံနက်)

 106 total views

Categories
စကားလက်ဆောင် ဘာသာရေး အလှူဒါန

အလှူရှင် အလိုရှိသည်

။ အလှူရှင်အလိုရှိပါသည် ။
~~~~~~
။ ကာလတစ်ခုတုန်းက တည်ရှိခဲ့သော ဤစေတီတော်မြတ်သည် မှုန်ဝါးဝါးအလင်းရောင်အဖြစ်တည်ရှိခဲ့ရသည်မှာ အချိန်ကြာမြင့်ခဲ့သည်။ ဤသည့်နောက်ပိုင်းတွင် ဤသို့စည်ကားသိုက်မြိုက်စွာရှိလာရာမှ စေတီရင်ပြင်ပေါ်တွင် ပေါက်ရောက်ခဲ့သည့် သမိုင်းဝင် ထန်းပင်သည် သဘာဝဘေးဒဏ်ကြောင့် ဤကဲ့သို့ဖြစ်နေခဲ့သည်။ ထို့ကြောင့် ” ထန်းပင်လှူဒါန်းရန်” သတင်းပေးရခြင်းဖြစ်ပါသည်။

။ လှူဒါန်းစိုက်ထားနိုင်သည့် နေရာမှာ ဤမြင်တွေ့ရသည့်နေရာတွင်ဖြစ်သည်။

တိုက်တွန်းခြင်းပြုသူ
~~~~~~
တောင်ကလေးဆရာတော်
(၁၀.၆.၂၀၂၀) ရက်နေ့နံနက်။

 142 total views

Categories
စကားလက်ဆောင် အလှူဒါန

မြရတနာရေကန်တော်

မြရတနာ ရေကန်တူးဖော်ခြင်း
~~~~~~~~

မိမိသဘောကို ဆောင်နိုင်သော
(မိမိသဘောအတိုင်း ထင်ရှားသော)
အရာကို ” ဓာတု= ဓာတ်” ဟု ခေါ်၏။

ပထဝီ = မြေဓာတ်၊
အာပေါ = ရေဓာတ်၊
တေဇော = အငွေ့ဓာတ်(မီးဓာတ်)၊
ဝါယော = လေဓာတ် ဟု
ဓာတ်ကြီးလေးပါးရှိရာတွင်
လေးပါးစလုံးညီညွတ်မျှတမှသာ
သက်ရှိရော သက်မဲ့ပါ
ရှည်ကြာစွာတည်တံ့နိုင်ရာ၏။

ယခုနှစ်နွေရာသီတွင်
မိမိတို့ဒေသ(ကရင်ပြည်နယ်မှာ)
ရေအရင်းအမြစ် အတော်နည်းပါးလာခဲ့သည်။
ရပ်ရွာအတော်များများရှိ
မြစ်၊ ချောင်း၊ အင်း၊ အိုင်၊ ရေတွင်း၊ ရေကန်တွေ
အတော်များများ ခမ်းခြောက်၍
ရေအခက်အခဲများဖြစ်နေကြကြောင်း
အင်တာနက်စာမျက်ပေါ်တွင်
လေ့လာဖတ်ရှုရပါသည်။

နောင်လာမည့်နှစ်များတွင်
ဒီထက်ပို၍သာ အခြေအနေဆိုးရွားလာဖွယ်ရှိ၏။
အဘယ်ကြောင့်ဆိုသော်
ကရင်ပြည်နယ်သည်
သစ်ပင်၊ သစ်တောများ၊ ထုံးကျောက်တောင်များ
တစ်နှစ်ထက်တစ်နှစ်ပို၍
ပြုန်းတီးမှုများလာသောကြောင့်ပင်။

ရေအခက်အခဲကို
တစ်ဖက်တစ်လမ်းက
အထောက်အကူဖြစ်စေရန့်
(ဖြေရှင်းပေးနိုင်ရန်)
တောင်ကလေးဆရာတော်၏
သြဝါဒကိုဦးထိပ်ပန်ဆင်ကာ
အလျားပေ ၄၀၀၊ အကျယ်ပေ ၁၀၀၊ အနက်ပေ ၃၀ ရှိ
မြရတနာရေကန်တော်ကြီးကို
တူးဖော်ခဲ့ရာတွင်
ယနေ့ ( 30 – 5 – 2020 ) မှာဆို
ရက်ပေါင်း ၆၀ ပြည့်၍
ရေကန်တော်ကြီးလည်း အောင်မြင်စွာ
ဖြစ်ပေါ်လာခဲ့ပါပြီ။

ရေကန်အလှူရှင် ၇ ရက်သားသမီးများနှင့်အတူ
မိမိတို့တစ်ထွေလည်း
လုပ်အားဒါနပါဝင်ခွင့်ရကြ၍
အထူးပင် ဝမ်းမြောက်လှပါကြောင်း
သာနုံး+ယသဝေါ်ရွာသူ/သားများကိုယ်စား
မှတ်တမ်းပြုပါ၏။

( 30 – 5 – 2020 )

 136 total views

မဟာပညာသို့ဝင်ခဲ့ပါ။
နိုင်ငံရေး၊ စီးပွားရေး၊ လူမှုရေး သတင်းစုံဖတ်ရှု့ရန်
နိုင်ငံရေး၊ စီးပွားရေး၊ လူမှုရေး သတင်းစုံဖတ်ရှု့ရန်
မဟာပညာသို့ဝင်ခဲ့ပါ။