Category: စကားလက်ဆောင်

အတန်းပညာကိုသင်ခဲ့ဖူးကြတဲ့သူတွေမှတ်မိကြမယ်။ မေလပြီးရင် …….?။ ဧပြီလကုန်ခါနီးမှာ စိန်ပန်းနီနီ၊ ငုပန်းဝါဝါ၊ပိတောက်ဝါရွှေ ကောင်းကင်သစ်သစ်မြင်ရတဲ့အချိန်ပါပဲ။ ဒီအချိန်မှာ ငယ်ငယ်ကလေးက ကျောင်းနေဘက်သူငယ်ချင်းတွေကို အထူးကိုသတိရမိပါလေရဲ့။။ မေလရက်တွေမှာ ပျော်စရာကောင်းသောလအဖြစ်မျိုးနဲ့ဘုရားဖူးသွားတာ၊ အလည်သွားကြတာပေါ့။ ကျောင်းလည်းပိတ်ထားတော့ ရပ်ဝေးသူငယ်ချင်းများနေတဲ့ရွာတွေကို လည်လည်သွားကြလို့ ပျော်စရာကြီးပါပဲ။ သရက်သီးခူး၊ ကနစိုးသီးခူး၊ သစ်တိုသီး၊ မရမ်းသီးများ ပင်လုံးကျွတ်မှည့်ကြလို့ ခူးစားနေကြတဲ့အရသာကို မမေ့မမေ့နိုင်တော့ဘူးလေ။။ သင်္ကြန်အပြီးဆိုပေမယ့် သင်္ကြန်နှုတ်ဆက်တဲ့ပိတောက်ပန်းတွေလည်း တစ်ပင်လုံးဝါဝါဝင်းရွှေပါပဲ။ သင်းပျံ့ပျံ့မွှေးနေသည်ဆိုတဲ့အတိုင်း ပန်းပိတောက်တွေဆိုတဲ့ ရုပ်ရှင်ဇာတ်ကားကိုလည်း သတိရပေါ့။ လှည့်လည်ကြည့်ရှုခဲ့တဲ့ ဘုရားပွဲတော်တွေလည်း သတိရမှရနေပါပဲ။။ ဇွန်လ(၁)ရက်ဆိုရင် တစ်နိုင်ငံလုံးမှာကျောင်းဖွင့်ပြီးလေ။ ကျောင်းမဖွင့်မီ လည်ရတဲ့ရက်တွေကို သတိတရဖြစ်မိတာက သင်္ကြန်ဘုရားပွဲပဲ။ ညိုရယ်၊ မြရယ်၊ သူရယ်ဆိုပြီး သူတို့ကို အထူးတလည်သတိရအောက်မေ့မိပါလေရဲ့။ သူတို့ဆီကို လှမ်းစာရေးရင် ” ဟေ့ ကိုသူလေးတဲ့ ၊ အလွမ်းအဆွေးကလေးလေးမဟုတ်တော့ပါဘူးတဲ့” ။။ မှန်ပါတယ်။ ဒီချိန်မှာလည်း သူတို့လည်း ကပ်ဘေးပုန်းရှောင်နေရသူမဟုတ်လား။ လွမ်းဖို့နေနေသာသာ ကပ်ဘေးကင်းရာအရပ်မှာ ရှောင်နေကြသူတွေဖြစ်လို့ ငုဝါပိတောက် စိန်ပန်းနီပြာအောက်ကို သတိမရနိုင်အားကြပါဘူး။ ထူးတာက ကိုသူလေးတစ်ယောက်သာပါပဲလေ။။ ဒီအချိန်မှာ နွေအကြောင်းကို ဥဩလေးတွေသိသလို၊ ပန်းအကြောင်းကိုပိတုံးလေးတွေသိတယ်မဟုတ်လား။ ငယ်ငယ်ကလေးကတည်းကဝါသနာရှိတဲ့ ကိုသူလေးရဲ့အကြောင်းကို သူတို့တွေ သိနေသိနေတော့ မလှုပ်ရဲလောက်အောင်ပါပဲ။ ဒါက ငယ်သူငယ်ချင်းတွေရဲ့ တစ်ယောက်အကြောင်းတစ်ယောက်ကသိနေကြတဲ့အကြောင်းတွေပေါ့။။ ပြောပြောဆိုဆိုနဲ့ ကျောင်းရှေ့မှာရှိနေတဲ့ပိတောက်ပင်က မပွင့်ရဲဘဲဖြစ်နေတာလားမသိပါ။ ဒီနှစ်မှာ ပွင့်ကိုမပွင့်သေးတာ။ နောက်ကျမှ စဉ်းစားပြီးမှပွင့်ရင်လည်း ပွင့်ပါစေတော့။ မကြာမီ ကျောင်းပြန်ဖွင့်တော့မယ်ဆိုတာကိုပဲ ကြိုပြီးလွမ်းနေတာ။။ “ကဲ တပည့်တို့ရေသင်းတို့တစ်တွေကသင်းတို့ရဲ့ဆရာကြီးကိုသတိမရကြဘူးလားမအောက်မေ့ကြဘူးလားမလွမ်းကြဘူးလား” ဆိုတဲ့ ဆရာ့ဆရာတွေရဲ့ ကျောင်းဖွင့်ရက်နေ့နံနက် ပြန်မိတ်ဆက်ပြီးပြောတဲ့စကားကို မမေ့နိုင်ပါဘူး မဟုတ်ဘူးလား သူငယ်ချင်းတို့ရယ်။။ ကိုသူလေးကတော့မေလပြီးရင်လေ …… ?(၂၆.၄. ၂၀၂၀) ရက်နေ့နံနက်။

မေလတစ်ရက်နေ့အလုပ်သမားနေ့ပေါ့။။ မေလ နှစ်ရက်နေ့တော့နာဂစ်နေ့လို့ပဲဆိုပါရစေ။။၂၀၀၈ ခုနှစ်မေ(၂) ရက်နေ့တို့မြန်မာပြည်မှာသဘာဝဘေးကျရောက်ခဲ့လို့ဒီနေ့အချိန်ပါပဲ။။ ဒီဘေးပြီးလို့နှစ်ပေါင်း ၁၂ အကွာမှာတစ်ကမ္ဘာလုံးကလူကပ်ဘေးကြီးကျရောက်လာပြန်။။ နာဂစ်ဘေးကတို့မြန်မာလူမျိုးတွေအသက် များစွာပေးခဲ့ရလက်ရှိဘဝCOVID-19ဘေးမှာငါတို့တွေ သတိထားကြ။။ ဒါကြောင့် နာဂစ်မျက်ရည်မခန်းနိုင်သေးကိုဗစ်မျက်ရည်မဝေရဖို့တို့တွေ ဒီနေ့ ဘာလုပ်ဖို့။။ နာဂစ်လွန်ပြီးကိုဗစ်အလွန်ဖြစ်ချင်ပြီကိုချစ်အမွန်ဖြစ်ချင်ပြီ။( နာဂစ်+ကိုဗစ် အမှတ်တရနေ့)ရွှေအောင်လေး(၂.၅. ၂၀၂၀) ရက်နေ့နံနက်။

သူ့ကိုချစ်တတ်ရင် ကိုယ့်မာနကို လျှော့ချပါ။။သူ့ကိုမုန်းတီးရွံရှာရင် ကိုယ့်ဒေါသကို ချုပ်တည်းထားပါ။။ သူ့ကို ကြင်နာတတ်ရင် ကိုယ့်ကိုယ်ကို မနာလိုဝန်တိုစိတ် လျှော့ပါ။။ သူ့အတွက်ကို ကိုယ်ကျိုးစွန့်တတ်ပါစေ။။ အများအတွက်ကို အမြဲသတ္တိရှိပါစေ။။ ပေးအပ်မှုကို ပေးဆပ်တတ်ပါစေ။။ အမြတ်ထုတ်မှုကို ရန်သူလို မမြင်ပါစေနှင့်။။ ရန်သူမရှိအောင် ရန်ထောင်ခြင်းကို ရှောင်ကြဉ်စေ။။ ဘေးအန္တရာယ်မဖြစ်အောင် ဘေးဖြစ်စေမယ့်အရာကို ရှောင်ကြဉ်စေ။။ လိုအပ်ချက်နှင့် အံဝင်ခွင်ကျစီမံထားတတ်ပါစေ။တောင်ကလေးဆရာတော်( ၉.၅. ၂၀၂၀ ) ရက်နေ့နံနက်။

နေ့တိုင်း မမေ့အောင် ကောင်းမှုကုသိုလ်ကို လုပ်ဖြစ်ရဲ့လား။မလုပ်ဖြစ်ဘူးလို့ပြောရင် မရှိပါစေနဲ့။တစ်ခုခုတော့ လုပ်ဖြစ်အောင် ကောင်းမှုပြုပါစေ။။ ကောင်းမှုကုသိုလ်တစ်ခုခုမြဲရင် နေရထိုင်ရ စိတ်သက်သာပါတယ်။ စိတ်သက်သက်သာသာနဲ့နေရတဲ့သူဟာ အေးမြပါတယ်။မကောင်းမှုတရားတွေလည်းမလုပ်ဖြစ်တော့တဖြည်းဖြည်းနဲ့ ကောင်းမှုနဲ့ပျော်သွားပြီပေါ့။။ ကောင်းမှုနဲ့ပျော်ခဲ့ရပြီးဆိုရင်ဘာလုပ်လုပ်မကောင်းမှုကိုမလုပ်ဖြစ်တော့ဘဲ ကောင်းမှုတည်တဲ့သူဖြစ်သွားပြီ။အဲဒီလို ကောင်းမှုတည်တဲ့သူဟာအပါယ်ဆင်းရဲမှုမဖြစ်ရတော့ဘဲတည်မြဲတဲ့ချမ်းသာမှု ငြိမ်သွားပြီ။ အေးသုခဆိုတာ အဲဒါပါပဲ။တောမှီရဟန်း( ၁၅.၅. ၂၀၂၀ ) ရက်နေ့။

စိတ်မပျော်မှုများရင်

ရန်ဖြစ်ဖို့အကြောင်းရင်းတစ်ပါး။