။ အကြင်နာတရားနဲ့မေတ္တာတရားဟာ လူတိုင်းရဲ့အသိထဲကဖြစ်ကြတဲ့တရားတွေပါ။ အကြင်နာတရားပိုရင် ပိုပြီးခံစားရသလိုပဲ မေတ္တာတရားပိုလာခဲ့ရင်လည်း ပိိုပိုပြီးခံစားကြရမှာပါပဲမဟုတ်လား။
။ အဲဒီတော့ အကြင်နာဟာ အပေါ်စီးရတဲ့အချိန်မှာ မေ့တတ်ကြပြီး ၊ မေတ္တာဟာတန်းညှိတဲ့အခါမှာ ပိုပိုပြီးတော့ သိသာပါတယ်မဟုတ်လား။ ဒါကြောင့် အပေါ်စီးသမားဟာ အကြင်နာမပိုတတ်သလို အဆင့်အတန်းခွဲခြားတတ်တဲ့သူဟာ မေတ္တာမဲ့ကြတာပါပဲ။
။ သတိမထားတဲ့သူဟာ လူတိုင်းမှာအကြင်နာတရားရှိကြတယ်လို့ပဲ ထင်နေကြတာပါ။ တကယ်တော့ အကြင်နာတရားဟာ လူတိုင်းမရှိကြပါဘူး။ ရှည်ရှည်ဝေးဝေးမကြည့်ပါနဲ့။ ကိုယ့်ကိုယ်ကိုယ်သတ်သေတဲ့သူဟာ သူ့မှာအကြင်နာတရား မရှိလို့ဘဲမဟုတ်ဘူးလား။
။ မေတ္တာတရားလည်းကြည့်ပါ။ မေတ္တာလောကမှာ ဘယ်အဆင့်အတန်းကိုမှ မခွဲခြားကြပါဘူး။ ဒါပေမဲ့ မေတ္တာမဲ့လာကြတဲ့အခါ ရင်ဝယ်ပိုက်ထွေးထားကြတဲ့သားသမီးတွေကိုတောင်မှ စွန့်ပစ်နိုင်ကြပါလေရဲ့မဟုတ်လား။
။ ဒါကြောင့် ယနေ့ အကြင်နာပိုကြတဲ့သူတွေ၊ မေတ္တာပိုကြတဲ့သူတွေကို မေးလိုတာက အခြား( တစ်ခြား) မဟုတ်ပါ။ မိမိတို့နှလုံးအိမ်ထဲက
၁) အကြင်နာတရားပိုလာရင်
၂) မေတ္တာတရားပိုလာခဲ့ရင် ဘာတွေများ အခြား(ဒိပြင်) ဖြစ်လာကြပါသေးသလဲ? လို့ ပဲ မေးပါရစေ။
တောင်ကလေးဆရာတော်
(၂၂.၃.၂၀၂၂) ရက်နေ့။
