ရွှေခါးပတ်ချန်ပီယမ်ဟောင်းတို့ရဲ့ ဆုံတွေ့တဲ့ပွဲ
နတ်ကုန်းရွာ၊ ဘားကပ်စံပြကျေးရွာအုပ်စု၊ ဖားအံမြို့နယ်၊ ကရင်ပြည်နယ်။
(၅၅)နှစ်မြောက် နတ်ကုန်းကျေးရွာ ဘိုးဘိုးကြီး ရိုးရာပွဲ အထိမ်းအမှတ် မြန်မာ့ရိုးရာလက်ဝှေ့စိန်ခေါ်ပွဲ။
Month: မေ 2024
Categories
။ နိုင် လေး နိုင် ကျောင်း ။
။ မြန်မာနိုင်ငံတစ်နိုင်ငံလုံး
ဖြေဆိုထားကြတဲ့
ပါဠိပထမပြန်စာမေးပွဲကြီးက
၂၀၂၄ ခုနှစ်စာမေးပွဲ
အောင်စာရင်းကတော့
(26.5.2024) ရက်နေ့မှာ
ထုတ်ပြန်ကြေညာလိုက်ပါပြီ။
မေးကြ
။ ပထမပြန်စာမေးပွဲ
အောင်စာရင်းထွက်လာလို့
အရှင်ဘုရားတို့ကျောင်းမှာ
စာမေးပွဲအောင်ကြရဲ့လားတဲ့!
အောင်ရဲ့လား?
အောင်ပါရဲ့လား?
လား လား လား နဲ့
အမေးကများသလားပါပဲ။
မေးနိုင်
။ အရှင်တို့ကျောင်းဟာ
စာမေးပွဲအောင်တာကို
အဓိကမထားပါဘူး။
၁) အကျင့်ကောင်းဖို့
၂) အတွေးကောင်းဖို့
၃) ဦးဆောင်တော်ဖို့
၄) ငထုံငထိုင်းမဖြစ်ဖို့
၅) လောကအလယ်မှာ
ပညာကြွယ်ဝဖို့
၆) အသိအမြင်ထူးဖို့
အဓိထားတဲ့ကျောင်းဖြစ်လို့ပါပဲ။
လောကီလောကုတ္တရာပညာ
။ အရှင်တို့ကျောင်းမှာ
လောကီပညာရပ်များ
လောကုတ္တရာပညာရပ်များ
အခြေခံပညာအတတ်ပညာရပ်များ
နည်းစနစ်ကျကျ
သင်ပြဆုံးမနေထိုင်တဲ့ကျောင်းဖြစ်လို့
စာမေးပွဲအောင်,မအောင်
ဘောင်ခတ်ပြီး
အောင်ကြောင်းကြေညာတဲ့
ကျောင်းမဟုတ်ပါကြောင်းလို့
ဆိုပါရစေ။
မွေးထုတ်
။ အရှင်တို့ကျောင်းသည်
လောကီပညာကို
မွေးထုတ်ပေးသော
ဘဝကျောင်း☘️
လောကုတ္တရာပညာကို
မွေးထုတ်ယူသော
ဓမ္မကျောင်း☘️ပါပဲ။
နိဂုံး
။ စာတတ်ခြင်းအဓိက
အကျင့်မြတ်ခြင်းအဓိက
ကုသိုလ်အကုသိုလ်
သိမြင်ခြင်းအဓိကဖြစ်သော
ဤကျောင်းသည်
၁) စားနိုင်ရမည်
၂) နေနိုင်ရမည်
၃) သင်နိုင်ရမည်
၄) ကျင့်နိုင်ရမည် ဟူသော( နိုင်လေးနိုင်)
ကျောင်းဖြစ်ပါသတည်းဟု
မေးသူများအား
ဖြေကြားပေးလိုက်ပါတယ်။
ရင်ဝယ်အေးမြကြပါစေသား။
တောင်ကလေးဆရာတော်
(၂၅.၅.၂၀၂၄) ရက်နေ့နံနက်ခင်း။
https://drive.google.com/file/d/17SKUWxH42_wHHws2NIOGLtU23OSJ-LyP/view?usp=sharing
Categories
လ်ု လင် မာႋ
လ်ု လင် မာႋ
~~~~~~~~~~~~
။ ဏ်ု လင်ႋ မာ အေး
လင် မာႋ အေး လဝ့်
ကဲ အေး လင်ႋ မာႋ ဍုံ လုက် ဖိုင် ။
ဖဝ့် ၜူး သင့် (လာ့ တ်ု မျင့်)
(ဓာတ်ပုံကို ယူသုံးပါသည်။)
လ်ု လင် မာ .
~~~~~~~~~~~~~~~~~~~
။ ပိုးကရင်ဘာသာစကားဖြင့် စတူဒီယိုတေးသံရှင် အဆိုတော် စလောင်းလောင်းကို ဂုဏ်ပြုပေးသော ကဗျာပါ။
( ဏ်ု လင် မာ . ) တေးသီချင်းဖြင့် လူတိုင်းသိကြသော စလောင်းလောင်းဟာ လေဖြန်းရောဂါဖြင့် ဝေဒနာခံစားနေရကြောင်း ကြားသိရပါတယ်။
။ ဒါကြောင့် သူ့ရဲ့တေးအမည်ကို သတိရစွာနဲ့ ( လ်ု လင် မာ. ) ကဗျာနဲ့ ဂုဏ်ပြုပေးပါတယ်။
လိုရာပြည့်ပါစေ။
တောင်ကလေး (ဖလုံပညာ့တဝေါင့်) “(၃၈)ကြိမ်မြောက် ဓာတ်တော်ပူဇော်ပွဲ”
၁၃၈၆ခုနှစ်၊ ကဆုန်လပြည့်ကျော်(၂)ရက်၊
(၂၄.၅.၂၀၂၄)၊ သောကြာနေ့။
တောင်ကလေး၊ ဖားအံမြို့၊ ကရင်ပြည်နယ်။
(၃၈)ကြိမ်မြောက် ဓာတ်တော်ပူဇော်ပွဲ ။
Categories
။ အအိုတိုက် ။
။ အသက်ကြီးရင့်
အိုစာပင့်လျှင်
အိုရင့်ရမှာ ဓမ္မတာ။
။ အသက်မရင့်
အိုလာဆင့်ကြောင့်
အိုရင့်တော့မှာ များမကြာ။
။ အသက်ရင့်ရင့်
အိုကြီးပင့်က
အိုရင့်ရမှာ သူသူငါ။
။ အအိုအအို
ဘယ်သူ့ကိုယ်မှ
မအိုရဘူး မရပါ
မနာရဘူး မရပါ
မသေရဘူး မရပါ။
။ သူသူငါငါ
အိုထဲပါရ
နာထဲပါရ
သေထဲပါရ
ခန္ဓာရသူ ဖြစ်ရမှာ။
။ အိုနာသေခြင်း
လွတ်ကင်းလိုက
ငြိမ်းသတ်တတ်စေ ကိလေသာ
ငြှိမ်းရပ်တတ်စေ ကိုယ်တဏှာ။
တောမှီရဟန်း
(၂၃.၅.၂၀၂၄) ရက်နေ့ ညချမ်းချိန်။
Categories
။ နှလုံးမြတ်သူတို့ အပေါ်ဝယ် ။
။ လူဆိုတာ
အမှားပြုမိလို့
သိလာရင်
ရင်ဝမှာ
ခံစားရမှုဝေဒနာတွေဟာ
သူများနဲ့မတူတော့ပါ။
။ စိတ်က
အလိုလို
အားနည်းလာပြီး
ဝမ်းနည်းတာတွေ
ပူဆွေးတာတွေ
မပျော်တော့တာတွေ
အမှားတွေကို တွေးတွေးပြီး
ဆွေးဆွေးမြည့်မြည့်
မြည့်မြည့်ကြေဖြစ်လို့
အမျိုးမျိုး
ပူလောင်တော့တာပဲ။
။ သူကျေနပ်နိုင်မယ့်
အပြုအမူ
သူခွင့်လွှတ်နိုင်မယ့်
အမူအရာ
သူမြတ်နိုးတနာရှိတဲ့
အရာတွေကိုပဲ
လုပ်ပေးချင်တော့တယ်
ဒါဟာ
ပုထုဇဉ်တွေရဲ့အသိစိတ်ပေါ့။
။ သူ့အပေါ်မှာ
ကိုယ်မှားခဲ့တာ
ရိုးရိုးသားသားလား
ရက်ရက်စက်စက်လား
ဆိုတာ စဉ်းစားသာကြည့်ပေါ့။
။ သူမကြိုက်တာ
သူမလိုတာ
သူခွင့်မပြုတာ
သူတားမြစ်ခဲ့တာ
သူ့အကျိုးအမြတ်မှ
မဟုတ်တဲ့အရာတွေကို
ကိုယ့်ကိုသူပေးခဲ့တာပဲ။
။ အဲဒါတွေကို
ကိုယ်မသိချင်ဟန်ဆောင်
ကိုယ်နားမလည်ချင်သလိုနေ
ပြုချင်တာပြု
လုပ်ချင်တာတွေလုပ်
မတရားစွာအားလုံးကို
ကျေကျေနပ်နပ်နဲ့
မှားခဲ့လေပေါ့။
။ ခုတော့
အဲဒီအမှားကို
ဝန်ခံဖို့ကိုလည်း
ရဲရဲမြဲမြဲရှိပေမည့်
ဖြစ်ပေမည့်
သူ့ဘက်က
မိမိကို
တကယ့်တကယ်နဲ့
ဥပေက္ခာပြုခဲ့ပြီးနေလိုက်ရင်
ရင်မရင်ဝ
ဘယ်လိုများ
ခံစားရမလဲဆိုတာ
နောက်တသားဖြစ်ကြရသူတွေ
မဖြစ်ကြနဲ့တပည့်တို့ရေ။
။ ဆရာဆိုတာ
ကိလေသဝဋ်
ကမ္မဝဋ်
ဘဝဝဋ်
ဝိပါကဝဋ်
မကျေပျောက်သေးပေမယ့်
ပုထုဇဉ်လောကမှာ
နှလုံးနာခြင်းကို
နေနိုင်သူ
သည်းခံခြင်းတရားကို
တရားကိုယ်အဖြစ်
ခံယူကြသူတွေ
ဖြစ်တယ်ဆိုတာ
မိုးလုံးအမျှ
ပညာ့မျှဝေပေးသူပါ။
။ အဲဒီတော့
မမှားအပ်ရာသော
နှလုံးမြတ်သူတို့အပေါ်ဝယ်
မိမိမှာ
အမှားပြုမိကြသူ ဖြစ်လေနှင့်။
တောင်ကလေးဆရာတော်
(၂၀.၅.၂၀၂၄) ရက်နေ့နံနက်။
Categories
။ ကိုယ့်ကျိုးသူဖျက် သူ့ကျိုးသူမက် ။
။ သူ့အတွက်
ထိခိုက်ရင်
ဘယ်တော့မှ မကျေနပ်။
။ သူ့အတွက်
ပျက်စီးရင်
ဘယ်တော့မှ ခွင့်မလွှတ်။
။ သူ့အတွက်
ဆုတ်ယုတ်ရင်
ဘယ်တော့မှ လက်မခံ။
။ သူ့အတွက်
မပါရင်
ဘယ်တော့မှ သည်းမခံ။
။ သူ့အတွက်
နစ်နာရင်
ဘယ်တော့မှ နားမလည်။
။ သူ့အတွက်
အကျိုးပျက်ရင်
ဘယ်တော့မှ နောက်မဆုတ်။
။ သူ့အတွက်
မေ့မိရင်
ဘယ်တော့မှ
အရုပ်လိုမနေတတ်
မနေကြတဲ့သူဟာ
ကြည့်ပေါင်း
ကြည့်ကပ်
ကြည့်ခွာ
ကြည့်နေပါလို့
တပည့်တို့ရေ။
။ အဲဒီသူဟာ
ကိုယ့်အကျိုးကိုဖျက်ဖို့
ဝန်မလေးသလို
သူ့အကျိုးကိုပျက်မိရင်
တစ်သက်လုံး
အမုန်းပွားလို့
မဆုံးတဲ့သူပါပဲဆိုတာ
(ဂဏှာထ ) မှတ်ပါလေ။
တောင်ကလေးဆရာတော်
(၁၈.၅.၂၀၂၄)ရက်နေ့။
Categories
။ တောရပ်ရွာ ကြွပါလေ ။
။ မိ ဘ ကို ခွာ
ကျောင်းရောက်လာတော့
ကျမ်းစာဖြာဖြာ သင်အံပေါ့။
သင်လို့နေသည်
ကျမ်းတွေစာတွေ စုံပေပေါ့။
။ ပါဠိဘာသာ
မြန်မာစာနှင့်
သိတာမသိတာ
သင်ရကြာတော့
ရင်မှာပင်ပန်း ဖြစ်ရပေါ့။
။ ဆွမ်းမပြည့်စုံ
ခြေစုံလှည့်လည်
အိမ်မယ်များများ
လှည့်၍သွားလည်း
အရှင်ဘုရား ကန်တော့ဆွမ်း။
။ မိုးရွာနေလျှင်..
မိုးစိုသင်္ကန်း
ခြေတွေလှမ်းပေါ့
ပင်ပန်းစိတ်နွမ်း
ကိုယ်မလန်း။
။ နေပူလျှင်လည်း…
ချွေးစိုသင်္ကန်း
ဆွမ်းခံပန်းတော့
ကျောင်းခမ်းပြန်တော့
ခြေမပေါ့။
။ စာကတစ်ဖက်
စားတစ်ဖက်ပေါ့
ခက်ခဲကာလ
တစ်ချိန်ကလျှင်
ဖြစ်ရဘဝ
အဝဝကို
ပြောပြရင်လည်း
ယုံဘူးပေါ့။
။ ယနေ့ကာလ..
ကျောင်းလေးသာသာ
နေရပါလည်း
ရင်မှာအမြဲ
ငယ်အကဲကို
ဆင်းရဲမာန်မူ
မမေ့သူပါ
ငါဟူမာန ဘယ့်မရှိ။
။ ထိုကြောင့်….
ခုခေတ်အခါ
ရဟန်းမှာဖြင့်
လိုရာအပြည့်
ဖြည့်အပြည့်နှင့်
လိုသည့်အရာ
ပြည့်စုံပါလည်း
ပညာမမက်
ကျမ်းမတက်လို့
ကျောင်းထွက်ပြန်လာ
များကြတော့။
။ ခုခေတ်သာသနာ….
ထီးထမ်းလမ်းလျှောက်
သားတိုးပေါက်ပြီး
ဟိုရောက်သည်ကြွ
စာမရဘဲ
လှလှပပ နေရတော့။
။ မြင်ကြည့်ပါကြ …
ခုချိန်ခုခါ
ရှင်တို့ရွာမှာ
ကျမ်းစာပြီးမြောက်
ထေရ်မြတ်ပျောက်၍
မပေါက်ကျမ်းရှင်
ကျောင်းထိုင်ရှင်ဖြစ်
ရှိရှင်နှင့်သာ ကိုးရပေါ့။
။ ပညာတတ်မွန်
ရဟန်းမွန်များ
မြို့ရံမြို့ရပ်
နေထိုင်ကြလို့
ရပ်ရွာအရပ် အရှင်ရှား။
။ လျှောက်ကြားတော်မူ….
တောတောင်မြေခြား
ရပ်တစ်ပါးသို့
အများဒါယကာ
ပင့်လျှောက်ပါသည်
တောရွာသာသနာ…
ပြုပါစေလေ
အရှင်တွေ
ဂုဏ်ပြုဝမ်းသာပါရစေ။
တောမှီရဟန်း
(၁၈-၅-၁၆) ရက်နေ့။
။ သူ့အတွက်
ထိခိုက်ရင်
ဘယ်တော့မှ မကျေနပ်။
ပျက်စီးရင်
ဘယ်တော့မှ ခွင့်မလွှတ်။
။ သူ့အတွက်
ဆုတ်ယုတ်ရင်
ဘယ်တော့မှ လက်မခံ။
။ သူ့အတွက်
မပါရင်
ဘယ်တော့မှ သည်းမခံ။
။ သူ့အတွက်
နစ်နာရင်
ဘယ်တော့မှ နားမလည်။
။ သူ့အတွက်
အကျိုးပျက်ရင်
ဘယ်တော့မှ နောက်မဆုတ်။
။ သူ့အတွက်
မေ့မိရင်
ဘယ်တော့မှ
အရုပ်လိုမနေတတ်
မနေကြတဲ့သူဟာ
ကြည့်ပေါင်း
ကြည့်ကပ်
ကြည့်ခွာ
ကြည့်နေပါလို့
တပည့်တို့ရေ။
။ အဲဒီသူဟာ
ကိုယ့်အကျိုးကိုဖျက်ဖို့
ဝန်မလေးသလို
သူ့အကျိုးကိုပျက်မိရင်
တစ်သက်လုံး
အမုန်းပွားလို့
မဆုံးတဲ့သူပါပဲဆိုတာ
(ဂဏှာထ ) မှတ်ပါလေ။
တောင်ကလေးဆရာတော်
(၁၈.၅.၂၀၂၄)ရက်နေ့။
Categories
။ တရားခွင်မှာ။
