Categories
စကားလက်ဆောင် ဘုန်းအောင်ဖေ

အိုပွဲပြရုပ်ရည်

။ အိုပွဲပြရုပ်ရည်

နာလည်းပြချင်ရုပ်ရည်

အက်ကြောင်းထ ရုပ်ရည်ပေါ့။

ဘုန်းအောင်ဖေ

(၁၈.၇.၂၀၂၄) ရက်နေ့။

Loading

Categories
စကားလက်ဆောင် တောင်ကလေးဆရာတော် အဲးခိုး

။ အိုးခဲ(အဲးခိုး)ရဲ့အိုနေ့ ။~~~~~~~~~~~~~~~~

။ သည်နေ့တော့
ငါမမေ့
အိုနေ့ပြယုဂ်ဖြစ်။

။ သည်နေ့တော့
ငါမမေ့
အိုနေ့မှတ်တမ်းသစ်။

။ သည်နေ့တော့
ငါမမေ့
အိုနေ့အစစ်စစ်။

။ အိုနေ့စစ်စစ်
ငါ့အဖြစ်
အိုပြည့်မှတ်တမ်းနှစ်။

အဲးခိုး( တောင်ကလေးဆရာတော်)
(၁၈.၇.၂၀၂၄) ရက်နေ့။ 

Loading

Categories
တောင်ကလေးဆရာတော် ပညာရေး ဗုဒ္ဓဘာသာ ရုပ်သံ အလှူဒါန

“စာအောင်ဆုနှင်းသဘင်အခမ်းအနားများ”တောင်ကလေးဆရာတော်ဝိဇာတမွေးနေ့ အထိမ်းအမှတ်

သာသနာတော်နှစ် – ၂၅၆၈ ခု၊
ကရင်နှစ် – ၂၇၆၃ ခု
ကောဇာသက္ကရာဇ် – ၁၃၈၆ ခုနှစ်၊ ဝါဆိုလဆန်း(၉)ရက်
(၁၄ – ၇ – ၂၀၂၄) တနင်္ဂနွေနေ့။
တောင်ကလေးဆရာတော်
ဘဒ္ဒန္တပညာသာမိ (တောမှီရဟန်း) ၏
(၆၄)နှစ်မြောက် ဝိဇာတမွေးနေ့ အထိမ်းအမှတ်
သာသနဓဇအသင်းကြီးက ကြီးမှူးကျင်းပသော ဒုတိယအကြိမ်
“စာအောင်ဆုနှင်းသဘင်”
တောင်ကလေးပရိယတ္တိစာသင်တိုက်၊ ဘားအံမြို့၊ ကရင်ပြည်နယ်။
၁၄.၇.၂၀၂၄ တနင်္ဂနွေနေ့။

Loading

Categories
တောင်ကလေးဆရာတော် ဖွံ့ဖြိုးရေး ရုပ်သံ အလှူဒါန

Car Parking ဖွင့်ပွဲအခမ်းအနား

ကျေးဇူးတော်ရှင် သက်တော် (၆၄)နှစ်မြောက်
တောင်ကလေးဆရာတော် ဝိဇာတမွေးနေ့အလှူတော် အထိမ်းအမှတ်
ဩဝါဒအဆောင်ဘေးနားက Car Parking (ကားထားရာနေရာ)
ဖွင့်ပွဲအခမ်းအနား…
တောင်ကလေးပရိယတ္တိစာသင်တိုက်၊ ဘားအံမြို့။
14.7.2024 တနင်္ဂနွေနေ့။

Loading

Categories
စကားလက်ဆောင် တောင်ကလေးဆရာတော် တောမှီရဟန်း နံနက်ခင်းသြဝါဒကထာ ဘာသာရေး

ဆရာတော်၏ ဝိဇာတမွေးနေ့အလှူ ဩဝါဒ

ကျေးဇူးတော်ရှင် တောင်ကလေးဆရာတော်
ဘဒ္ဒန္တပညာသာမိ (တောမှီရဟန်း)၏ သက်တော် (၆၄) နှစ်မြောက်
ဝိဇာတမွေးနေ့မင်္ဂလာတော်မြတ် နံနက်ခင်းဩဝါဒ….
14.7.2024 တနင်္ဂနွေနေ့။

https://fb.watch/to5FIpGS97/

Loading

Categories
တောင်ကလေးဆရာတော်

။ သည်နေ့ ဖတ်မိသည့်စာတစ်ပုဒ် ။

( တပည့်ဒါယကာတွေအားလုံး

ဒီစာညွန့်လေးတစ်ပုဒ်ကို

ဖတ်ကြည့်စမ်းပါစေ။)

~~~~~~~~~~~~~~~~~

။ ပေါင်စိန်ကျောင်း

ကိုရင်ခေမိက (ခ)စောအဲဆိုဒ်ဖါန်

ဒီညနေကပဲ လူထွက်လိုက်ပါပြီ ။

။ နှမြောစရာကောင်းပါတယ် ။

ကျောင်းသားဘ၀ (၁ )နှစ်

ကိုရင်ဘ၀(၂ )နှစ် နေပြီး

စာကလည်းအသင့်အတင့်ရနေပါပြီ။

။ သင်ပုန်းကြီး၊ ပရိတ်ကြီး၊ရှင်ကျင့်၀တ်၊ ကစ္စည်းသဒ္ဒါသုတ်စဥ် အာချာတ် အထိတောင်ရောက်နေပါပြီ ။

။ သူကိုယ်တိုင်က

ကိုရင်ဘ၀နဲ့ ပျော်ရွှင်ပေမယ့်

ထိုင်းနိုင်ငံမှာနေတဲ့ မိဘတွေရဲ့ဆန္ဒကိုလွန်ဆန်လို့မရတဲ့အတွက်ကြောင့်

သာသနဘောင်မှာ ပျော်နေပေမယ့်

ဒီညနေလူထွက်ရပါပြီ ။

။ “မိဘတွေက

ကိုရင်ဘ၀နဲ့နေရရင်

အတန်းမရှိဘူးတဲ့ “

စာသင်ကျောင်းပဲပြန်ထားမယ်တဲ့လေ။

။ အေးပါ သူတို့တော့မသိဘူး

ဆရာဖြစ်တဲ့ မိမိတောင်

၃ နှစ် ၃ မိုးကြိုးစားပမ်းစား

စာသင်ပေးခဲ့ရပေမယ့်

“အတန်းမရှိဘူး”

အဲလိုစကားကြားလိုက်ရတော့ တော်တော်လေးစိတ်မကောင်းဖြစ်မိပါတယ်။

။အေးပါလေ

ငါတို့က

မိဘ မဟုတ်သည့်အတွက်ကြောင့်

ဆိုင်သာဆိုင်ခဲ့ပေမယ့်

သူတို့လိုတော့ ပိုင်ခွင့်မရှိဘူးပေါ့ ။

။ ၃ နှစ် ၃မိုး ပြုစုပျိုးထောင် ကြိုးစားပမ်းစားသင်ပေးခဲ့ပေမယ့်

တစ်ခနလေးအတွင်းမှာ

အစော်ကားသလို

ခံရတာကိုတော့

စိတ်မကောင်တာအမှန်ပါ။

။ ဆရာဖြစ်ခဲ့ဖူးမှ

ဆရာရဲ့ခံစားချက်နားလည်မှာပါ။

(တပည့်လေး ခေမိကရေ

လူ့ဘ၀မှာအဆင်ပြေပါစေ။)

( ရေးသားထားသည့် သတ်ပုံအတိုင်းဖြစ်သည်။)

တောင်ကလေးဆရာတော်

(၂၆.၆.၂၀၂၄) ရက်နေ့။

May be an image of 5 people, child, people studying and text

Loading

Categories
စကားလက်ဆောင် တောင်ကလေးဆရာတော်

။ ကိုယ့်ကျိုးသူဖျက် သူ့ကျိုးသူမက် ။

။ သူ့အတွက်

ထိခိုက်ရင်

ဘယ်တော့မှ မကျေနပ်။

သူ့အတွက်

ပျက်စီးရင်

ဘယ်တော့မှ ခွင့်မလွှတ်။

။ သူ့အတွက်

ဆုတ်ယုတ်ရင်

ဘယ်တော့မှ လက်မခံ။

။ သူ့အတွက်

မပါရင်

ဘယ်တော့မှ သည်းမခံ။

။ သူ့အတွက်

နစ်နာရင်

ဘယ်တော့မှ နားမလည်။

။ သူ့အတွက်

အကျိုးပျက်ရင်

ဘယ်တော့မှ နောက်မဆုတ်။

။ သူ့အတွက်

မေ့မိရင်

ဘယ်တော့မှ

အရုပ်လိုမနေတတ်

မနေကြတဲ့သူဟာ

ကြည့်ပေါင်း

ကြည့်ကပ်

ကြည့်ခွာ

ကြည့်နေပါလို့

တပည့်တို့ရေ။

။ အဲဒီသူဟာ

ကိုယ့်အကျိုးကိုဖျက်ဖို့

ဝန်မလေးသလို

သူ့အကျိုးကိုပျက်မိရင်

တစ်သက်လုံး

အမုန်းပွားလို့

မဆုံးတဲ့သူပါပဲဆိုတာ

(ဂဏှာထ ) မှတ်ပါလေ။

တောင်ကလေးဆရာတော်

(၁၈.၅.၂၀၂၄)ရက်နေ့။

Loading

Categories
စကားလက်ဆောင် တောင်ကလေးဆရာတော် ဘုန်းသစ်ထူး

။ ကျော့ကွင်းလား ညွှတ်ကွင်းလား ။

။ သည်နေ့

ဥပုသ်နေ့ပါ။

ဩဝါဒနာယူပြီး

ပြန်သွားကြတဲ့

ယောဂီတွေထဲက

မျှော်တလင့်လင့်

ယောဂီရင့်ရင့်တစ်ဦးဟာ

တဖင့်ဖင့်နဲ့

ကျောင်းထဲကနေ

ကျောင်းပြင်ဘက်ကို

ထွက်ခွာလာပြီး

ဖုန်းခေါ်သံဝင်လာလို့

” ဟလို မိန့်ပါရှင့် ” တဲ့။

။ ” သီလရှင်ဝတ်တာ

ဆယ်ရက်ကြာပီလေ

လူမထွက်သေးဘူးလား” တဲ့။

။ ” ဟယ်

ဒီနေ့ပြန်လာမှာပဲဟာ

ဘာလို့များအလောတကြီး

ဖြစ်နေရပါလဲရှင်ရယ်” ဆိုပြီး

ပြောမိလိုက်တဲ့

အချိန်လေးမှာပဲ

ဖုန်း Messages ထဲမှာ

စာရောက်လာပါတယ်။

။ ” နင် ဒီနေ့

သီလရှင်အဖြစ်ကနေ

ထွက်, မထွက်

ဒါပဲသိချင်တယ်နော်

မထွက်ခဲ့ရင်

သိတဲ့အတိုင်း

ငါ့အမှားပါလို့တော့

မပြောနဲ့

ဒါပါပဲ” တဲ့။

။ ” ဟာ ဒုက်ခပဲ

သည်နေ့ပဲ

သီလရှင်ထွက်မဲ့ဟာကို

ဘာလိုများအဲလောက်ထိ

အလောတကြီး

ကြီးကဲနေရတာပါလဲနော်

စိတ်ပျက်လိုက်တာ

ဟင် ” ဆိုပြီး

ယောဂီရောင်

ဝတ်စုံနဲ့

မစွန့်ခွာမီ

လောကီသားရဲ့

နှုတ်ဆက်စကားကို

ကြားသိရတာနဲ့ပဲ

သီလရှင်တစ်ဖြစ်လဲခဲ့ရတဲ့

အချစ်ကဲကဲ

ချစ်သဲလာခဲ့ရသူ

သဲသဲမဲမဲနဲ့

အိမ်ကျယ်ကြီးထဲကို

ပြန်သွားရပြီပေါ့။

။ သီလရှင်ဘဝနဲ့

နေခဲ့ရတဲ့အရသာမှာ

အေးမြတယ်

ငြိမ်းချမ်းတယ်

ဖြူစင်တယ်မဟုတ်လား။

။ ခုတော့

မောင်ခေါ်ရာ

မောင်မောင့်ခေါ်ရာ

လိုက်ပါခဲ့ရပြန်လေတော့

ကိလေသဝဋ်

ကမ္မဝဋ်

ဘဝဝဋ်

ဝဋ်တွင်း

ဝဋ်ခံ

ဝဋ်လည်

ဝဋ်နွယ်ထဲမှာပဲ

တဝဲလည်လည်ပေါ့။

။ သူ့အလိုလိုက်ရ

အလိုက်သိရ

အကြိုက်တူရ

အကြိုက်ညီရ

အကြိုက်သိရ

အမိုက်သိရလို့နဲ့

(မောင့်ကိုဘယ်သူမှ

မချစ်ရပါဘူးကွယ်..)နဲ့

ခေတ်သစ်

ချစ်စပယ်ဘဝ

ပြန်ရောက်ရပေါ့။

။ သူ့အလိုကို

မလိုက်မိရင်

မိုက်လားဟဲ့ တဲ့

သူ့အလိုကျ

အလိုလိုက်ရပြန်ရင်

ကိုယ့်ရင်မှနွယ်

အတွယ်အတာ

မပယ်မခွာရက်လေပေါ့။

မူရာမာယာပိုရတဲ့

အငြိမ့်မင်းသမီးလေးထက်

ပို၍ပို၍

ဆိုးပါသတဲ့ရှင်ရယ်။

။ အော် ဘဝဆိုတာ

ဘုံအားဖြင့်

ဘဝဂ်အဆုံးသတ်

ရောက်နိုင်ပေမယ့်

တရားအားဖြင့်

ဂေါတြဘုတိုင်အောင်

မရောက်လေသမျှ

ကာလပတ်လုံး

သည်အချစ်

သည်အမုန်း

သည်နေရာ

သည်စခန်းတွေနဲ့

အံ့မခန်းပါပဲ

ကျင်လည်ခဲ့ရပေဦးမယ်ပေါ့။

။ ထူးပါဘူးလေ

မေ့အိမ်ကိုပဲ

ချစ်သမီးလွမ်းသလို

မောင့်ကိုပဲ

(ချစ်ရတစ်သက်

လွမ်းလျက်မကွာ)

ရှေ့ချစ်မယ်ချစ်ဦးရေနဲ့ပဲ

သည်နယ်

သည်မြေ

သည်ဘဝတွေနဲ့ပဲ

နေပါတော့မယ်

နေတော့မယ် မောင်ရေ။

( ဤဝတ္ထုတိုသည် မည်သူ့ကိုမျှ မရည်ရွယ်ပါ။)

( ဓာတ်ပုံကိုယူသုံးပါသည်။)

ဘုန်းသစ်ထူး

( ၁၅.၅.၂၀၂၄) ရက်နေ့။

Loading

Categories
တောင်ကလေးဆရာတော်

။ မြတ်သောနေထိုင်ခြင်း ။

တိဋ္ဌံ စရံ နိသိန္နောဝ၊

သယာနော ယာဝတ’ဿ ဝိတမိဒ္ဓေါ။

ဧတံ သတိံ အဓိ​ေဋ္ဌယျ၊

ဗွဟ်မ’မတေံ ဝိဟာရ’မိဓမာဟု။( ပါဠိဘာသာ)

မြန်မာဘာသာဖွင့်ဆိုချက်(အနက်)

။ တိဋ္ဌံဝါ၊ရပ်လျက်သော်လည်းကောင်း။

စရံဝါ၊သွားလျက်သော်လည်းကောင်း။

နိသိန္နောဝါ၊ထိုင်လျက်သော်လည်းကောင်း။

သယာနောဝါ၊လဲလျောင်းလျက်သော်လည်းကောင်း။

ယာဝတာ၊အကြင်ရွေ့လောက်သော။

ဝိတမိဒ္ဓေါ၊ကင်းသောအိပ်ချင်ခြင်း၊ငိုက်မျဉ်းခြင်းရှိသည်။

အဿ၊ဖြစ်ရာ၏။

အထ၊ထိုအိပ်ချင်ခြင်း၊ငိုက်မျဉ်းခြင်းကင်းရာအခါ၌။

ဧတံသတိံ၊ဤမေတ္တာနှင့်ယှဉ်သောသတိကို။

အဓိ​ေဋ္ဌာယျ၊စွဲမြဲစွာဆောက်တည်ရာ၏။

​ဣမ၊ဤသို့နေထိုင်ခြင်း၌( ဤသာသနာတော်၌)။

ဧတံ၊ဤမေတ္တာဈာန်ဖြင့်နေခြင်းကို။

ဗြဟ္မဝိဟာရံ၊မြတ်သောနေခြင်းဟူ၍။

အာဟု၊ဆိုတော်မူကြကုန်ပြီ။

မြန်မာစကားပြေ

။ ရပ်,သွား,ထိုင်,လျောင်း

အိပ်ချင်မူးတူးမဖြစ်ဘဲ

အိပ်ငိုက်နေခြင်းမရှိဘဲ

မေတ္တာနဲ့ယှည်သောသတိကို

စွဲမြဲစွာဆောက်တည်ရတယ်။

အဲဒီလိုနေထိုင်ခြင်းဟာ

မေတ္တာဖြင့်နေခြင်း

မြတ်သောနေခြင်းလို့

ခေါ်ဆိုပါတယ်။

ဝိဟာရလေးမျိုး

၁) ဣရိယာပထဝိဟာရ

( လျေားင်းထိုင်ရပ်သွားလေးပါးဖြင့်နေခြင်း)

၂) ဒိဗ္ဗဝိဟာရ

( ဈာန်သမာပတ်ဖြင့်နေခြင်း)

၃) အရိယာဝိဟာရ

(ဖလသမာပတ်ဖြင့်နေခြင်း)

၄) ဗွဟ်မဝိဟာရ

(မေတ္တာဖြင့်နေခြင်း)

လေးမျိုးထဲက

ယောဂီတွေဟာ

မေတ္တာဖြင့်

နေ့စဉ်အမြဲနေထိုင်ရမယ်။

။ အဲဒီလိုနေထိုင်ခြင်းဟာ

အတ္တဒိဋ္ဌိကင်းကွာတယ်။

အတ္တဒိဋ္ဌိကင်းကွာလို့

လောကုတ္တရာသီလ

သောတာပတ္တိမဂ်ဉာဏ်နဲ့

ပြည့်စုံသူဖြစ်ပြီး

ကာမဂုဏ်

တွယ်တာမက်မောမှုကင်းပြီး

နောက်ထပ်တစ်ဖန်

ပဋိသန္ဓေနေရခြင်း

မရောက်နိုင်တော့ပါ။

ဒိဋ္ဌိဆိုတာ

အလွဲသိ (အလွဲကိုအဟုတ်ထင်)

မရှိတာကိုရှိတယ်လို့

မြင်ခြင်းဟာ

ဒိဋ္ဌိလို့ခေါ်တယ်။

အတ္တဒိဋ္ဌိဆိုတာ

ပင်မဒိဋ္ဌိပါပဲ။

အတ္တဒိဋ္ဌိစွဲလမ်းရင်

ဝိပဿနာဖြင့်

ပယ်ရှားရမယ်။

ဒိဋ္ဌိဝိသုဒ္ဓိဖြင့်

ပယ်ကြဉ်ပယ်ပြစ်ရမယ်။

မရသေးပါက

ကင်္ခါဝိတရဏသုဒ္ဓိနဲ့

ပယ်ရှားရမယ်။

လူ့ဘဝမှာ

သောတာပန်ဖြစ်အောင်

ကျင့်ရမယ်။

မတ်ေတာသုတ်တနျစကားအရ

(သီလဝါဒဿနေန သမ္ပန္နော) လို့

ပြဆိုထားပါတယ်။

ပြီးရင်

သကဒါဂါမ်

အနာဂါမ်

ရဟန္တာဖြစ်အောင်

ကြိုးစားရမယ်။

မေတ္တာသုတ္တန်

ညွှန်ကြားတော်မူခဲ့တဲ့အတိုင်း

ယောဂီတိုင်း

လိုက်နာကျင့်ကြံကြဖို့

တိုက်တွန်းပါတယ်။

။ မေတ္တာဝိဟာရနေခြင်း

ဗြဟ္မဝိဟာရနေခြင်း

အမြတ်ဆုံးနေခြင်းနဲ့

ဘဝကိုရပ်တည်နိုင်ကြပါစေ။

တောင်ကလေးဆရာတော်

(၁၁.၅.၂၀၂၄) ရက်နေ့နံနက်ခင်း။

Loading

Categories
စကားလက်ဆောင် တောင်ကလေးဆရာတော်

။ မေတ်တာ အသမ်ဗာဓ ။

မာတာ ယထာ နိယံပုတ္တ၊

မာယုသာ ဧကပုတ္တမနုရက္ခေ။

ဧဝံပိ သဗ္ဗဘူတေသု၊

မာနသံ ဘာဝယေ အပရိမာဏံ။ ( ပါဠိဘာသာ )

အနက်ဖွင့်ဆိုချက်( မြန်မာဘာသာ )

မာတာ၊မိခင်သည်။

ဧကပုတ္တံ၊တစ်ယောက်တည်းသော။

နိယံပုတ္တံ၊မိမိရင်နှစ် အလွန်ချစ်သောသားကို။

အာယုသာ၊အသက်ဖြင့်။

အနုရက္ခေယထာ၊အမြဲမပြတ်( အမြဲမကွာ) စောင့်ရှောက်သကဲ့သို့။

ဧဝမ္ပိ၊ဤအတူလည်း။

သဗ္ဗဘူတေသု၊အလုံးစုံသောသတ္တဝါတို့၌။

အပရိမာဏံ၊အပိုင်းအခြား အတိုင်းအတာမရှိ။

မာနသံ၊မေတ္တာနှင့်ယှဉ်သောစိတ်ကို။

ဘာဝယေ၊ဖြစ်စေရာ၏။( ပွားများရာ၏။)

မြန်မာစကားပြေအနက်

မိခင်ဟာ

တစ်ယောက်တည်းသောသားကို

အသက်ဖြင့်

အမြဲမကွာ

စောင့်ရှောက်ထားသလို

ဤအတူ( ဤလိုပဲ)

သတ္တဝါတွေအားလုံးအပေါ်

အခြားမဲ့

အတိုင်းအဆမရှိ

မေတ္တာစိတ်ကိုဖြစ်စေရပါတယ်။

မေတ္တဉ္စ သဗ္ဗလောကသ္မိံ၊

မာနသံ ဘာဝယေ အပရိမာဏံ။

ဥဒ္ဓံ အဓောစ တိရိယဉ္စ၊

အသမ်ဗာဓံ အဝရေမ’မသပတ်တံ။(ပါဠိဘာသာ)

အနက်ဖွင့်ဆိုချက်( မြန်မာဘာသာ)

ဥဒ္ဓံ၊အထက်ဘုံ၌လည်းကောင်း။

အဓောစ၊အောက်ဘုံ၌လည်းကောင်း။

တိရိယဉ္စ၊အလယ်ဘုံ၌လည်းကောင်း။

သဗ္ဗလောကသ္မိံ၊အလုံးစုံသောလောက၌။

အပရိမာဏံ၊အတိုင်းအတာ အပိုင်းအခြားမရှိသော။

မေတ္တံ၊မေတ္တာနှင့်ယှဉ်သော။

မာနသံစ၊စိတ်ပိုလည်းကောင်း။

အသမ္ဗာဓံ၊ အပိုင်းအခြားကင်း ကျဉ်းမြောင်းခြင်းမရှိသည်ကို။

အဝေရံ၊ဒေါသဟူသော အတွင်းရန်မရှိသည်ကို။

အသပတ္တံ၊နှိပ်စက်တတ်သော အပြင်ရန်မရှိသည်ကို။

ကတွာ၊ပြု၍။

ဘာာဝယေ၊ပွားများရာ၏။( အကြိမ်ကြိမ်ဖြစ်စေရာ၏)

မြန်မာစကားပြေအနက်

။ အထက်ဘုံဖြစ်ဖြစ်

အောက်ဘုံဖြစ်ဖြစ်

အလယ်ဘုံဖြစ်ဖြစ်

လောကအားလုံး၌

အပိုင်းအခြား မထားဘဲ

ကျဉ်းမြောင်းသည့်စိတ် မရှိဘဲ

အတွင်းအပြင်ဒေါသ မရှီဘဲ

မေတ္တာနဲ့ယှဉ်သည့်စိတ်နဲ့

ထားရှိပြီး

( မတ်ေတာထား)

ပွားများရမယ်။

မေတ္တာမပို့ရသူ

။ မတျတောဘာဝနာ

ပွားများတဲ့သူဟာ

၁) လိင်မတူတဲ့သူကို

မေတ္တာမပွားရပါ။

ပွားများရင်

ရာဂဖြစ်တတ်တယ်။

၂) သေသူကို

မေတ္တာမပွားရပါ။

ပွားခဲ့သော်

ဥပစာရဈာန်

အပ္ပနာဈာန်မရနိုင်။

မေတ္တာပို့ရသူ

။ မေတ္တာပွားပြီး

မေတ္တာပို့ရင်

၁) မိမိကိုယ်မိမိ

၂) မိမိလေးစားအပ်သူ

(ဆရာ/ဆရာမ)

၃) မိမိအလွန်ချစ်ခင်သောသူ

၄) မမုန်းမချစ်အလယ်အလတ်ဖြစ်သူ

၅) ရန်သူ

ဤပုဂ္ဂိုလ်တွေကို

မေတ္တာပွား

မေတ္တာပို့နိုင်တယ်။

။ ပထမ

မိမိကိုယ်ကို

မေတ္တာပို့ပါ။

ကိုယ်ချင်းစာပြီး

ဆရာသမားတွေရဲ့

သီလဂုဏ်စသည်တို့ကို

အာရုံပြု၍

မေတ္တာပို့ပါ။

အလွန်ချစ်ခင်တဲ့မိတ်ဆွေ

မချစ်မမုန်းတဲ့သူ

ရန်သူဖြစ်ခဲ့တဲ့သူတွေကို

မေတ္တာပွား

မတ်ေတာထား

မေတ္တာပို့ပါ။

။ ဖော်ပြသော

ပုဂ္ဂိုလ်တွေကို

တန်းတူညီမျှ

မေတ္တာပို့လို့ရရင်

မေတ္တာနယ်ပယ်

အပိုင်းအခြားပျောက်၍

အပိုင်းအခြား

မရှိတော့သော

( မေတ္တာ အသမ္ဗာဓ)အဆင့်ကို

ရောက်သွားမယ်။

​။ မေတ္တာအသမ္ဗာဓရောက်မှ

မေတ္တာအစစ်အမှန်ဖြစ်မယ်။

ဒါကြောင့်

> ဘယ်လိုမုန်းမုန်း၊ကိုယ်မမုန်း၊ချစ်ဆုံးချစ်မြဲပါ။

> ငြိုငြင်ပြစ်တင်၊မချစ်ခင်၊အစဉ်ခွင့်လွှတ်ပါ။

> ရန်ရှာပြုမူ၊ပြစ်မယူ၊ကြည်ဖြူခွင့်လွှတ်ပါ။

> နစ်နစ်နာနာ၊ပြုမူပါလည်း၊ကြည်သာရွှင်ပြ၊စိတ်ထားလှ၊လှလှပပ ခွင့်လွှတ်ပါ။

တောင်ကလေးဆရာတော်

(၁၀.၅.၂၀၂၄) ရက်နေ့နံနက်ခင်း။

May be an image of 2 people

Loading

ကော်ဖီလေးတစ်ခွက်နှင့်
သတင်းစုံဖတ်ရှု့ရန်
ပျော်ရွှင်မှုကဖီး