Categories
စကားလက်ဆောင် တောင်ကလေးဆရာတော် (တောမှီရဟန်း) ရေးသားသော စာအုပ်များ

၂၀၂၀ ပြည့်နှစ်အတွက် စာပေဗိမာန်စာမူဆုများ ထုတ်ပြန်ကြေညာ

မြန်မာ့ယဥ်ကျေးမှုနှင့် အနုပညာဆိုင်ရာစာပေဆုတွင် ပထမဆုကိုအရှင်ပညာသာမိ၏ မြန်မာနိုင်ငံအတွင်းရှိ အရှေ့ပိုးကရင်လူမျိုးတို့၏ ယဥ်ကျေးမှုဓလေ့ထုံးစံနှင့်စာပေက ရရှိပါသည်။

မူရင်း ။ ။ 11-11-2021 mmal 300.pdf (moi.gov.mm) 
မြန်မာ့အလင်း (ကြာသပတေး၊ နိုဝင်ဘာ ၁၁၊ ၂၀၂၁)
မူရင်း ။ ။ 1 December 21.indb (moi.gov.mm)
ကြေးမုံ (ဗုဒ္ဓဟူး ၊ဒီဇင်ဘာ ၁၊ ၂၀၂၁)
မူရင်း ။ ။ အတွဲ(၁၀)၊ အမှတ် (၂၉)၊ မြန်မာ့သံတော်ဆင့် (ဒီဇင်ဘာ ၁၀၊ ၂၀၂၁)

ကရင်ပြည်နယ် ဘားအံမြို့ တောင်ကလေးဆရာတော်အဂ္ဂမဟာသဒ္ဓမ္မဇောတိကဓဇ ဒေါက်တာဘဒ္ဒန္တပညာသာမိ (မြန်မာ့သံတော်ဆင့်ပင်တိုင်ဆောင်းပါးရှင် အဲးခိုး) သည် ၂၀၂၀ ပြည့်နှစ် ‘မြန်မာ့ယဥ်ကျေးမှုနှင့် အနုပညာဆိုင်ရာ’ စာပေဗိမာန် စာမူဆုကို ဆရာတော်ကိုယ်တိုင် လေ့လာရေးသားပြုစုခဲ့သည့် ‘မြန်မာနိုင်ငံအတွင်းရှိ အရှေ့ပိုးကရင်လူမျိုးတို့၏ ယဥ်ကျေးမှုဓလေ့ထုံးစံနှင့်စာပေ’ စာတမ်းဖြင့် ပထမဆု ရွေးချယ်ခံရပြီး ၁၃၈၃ ခုနှစ်၊ နတ်တော်လဆန်း ၁ ရက် (ဒီဇင်ဘာ ၄) စာဆိုတော်နေ့  ရန်ကုန်မြို့ မြဝတီမီဒီယာစင်တာတွင် ကျင်းပသည့် အခမ်းအနား၌ ဆုချီးမြှင့်ခြင်း ခံရသည်။ တောင်ကလေးဆရာတော်ကိုယ်စား ဆရာတော်၏ တပည့်ရင်းတစ်ဦးဖြစ်သူ ဦးစောဝင်း(ဖလုံ-စဝေါ် ဒီမိုကရက်တစ်ပါတီ) (အပေါ်ပုံ) အခမ်းအနားတက်ရောက်၍ ဆုလက်ခံရယူခဲ့သည်။ 

မူရင်း ။ ။ အတွဲ(၁၀)၊ အမှတ် (၂၉)၊ မြန်မာ့သံတော်ဆင့် (ဒီဇင်ဘာ ၁၀၊ ၂၀၂၁)
မူရင်း ။ ။ အတွဲ(၁၀)၊ အမှတ် (၂၉)၊ မြန်မာ့သံတော်ဆင့် (ဒီဇင်ဘာ ၁၀၊ ၂၀၂၁)

 99 total views,  1 views today

Categories
စကားလက်ဆောင်

။ မမေ့ခြင်း ။

။ မမေ့နေရာ
မေ့သောခါမှာ
မေတ္တာခြားခြင်းပဲ။

။ မတွေ့သောခါ
အောက်မေ့ခါသာ
ခါခါသတိရခြင်းပဲ။

။ မမေ့နေရာ
ကမ္ဘာ့ရွာမှာ
ဆရာ့နေရာ အရိပ်ပဲ။

နေဘုန်းသစ်
( ၂၄.၁၉.၂၀၂၁) ရက်နေ့။

 39 total views,  1 views today

Categories
စကားလက်ဆောင်

။ ငတ်ခဲ့သော ဆွမ်းတစ်နပ် ။

။ ငတ်ခဲ့သော ဆွမ်းတစ်နပ် ။
~~~~~~~~~~~~~~~~~~~
။ ၁၉၈၈ ခုနှစ်
မြန်မာပြည် အရေးအခင်းပြီးစီးသွားသောအခါ
သူသူငါငါ
အပြင်ကမ္ဘာနဲ့ထိတွေ့သွားကြတဲ့အချိန်က
ဤအရှင်သည်လည်း
အမိမြန်မာပြည်အတွက်
ကွန်ပျူတာနည်းပညာနဲ့
ပါဠိ+သက္ကတဘာသာစာပေအတွက်
နည်းပညာဆည်းပူးဖို့
အမိတိုင်းပြည်ကနေ
တစ်ပါးတည်းထွက်ခွာသွားပါတယ်။

။ သက်တော်က မကြီးသေး
ဝါတော်လည်း မကြီးသေး
၂၈ နှစ်ဆိုတဲ့အရွယ်လေးပေါ့။

။အိမ်နီးနားချင်း
တိုင်းပြည်တပြည်ရောက်တော့
ရှေ့ဆက်မယ့်ခရီးမကြွသေးမီ
အမှီအခိုကင်းကင်းနဲ့
ကိုယ်စိတ်တင်းပြီး
အာရှနိုင်ငံရဲ့
တစ်ချိန်ကမြို့ကြီးတစ်မြို့ရဲ့အလယ်မှာ
နံနက်စာအတွက်
နံနက်ခင်းဆွမ်းခံဝင်ခဲ့ပါတယ်။

။ မိုးလင်းအရုဏ်ဦးချိန်မှစပြီး
အလင်းသစ်သစ်
နံနက်အချိန်တိုင်အောင်
ဆွမ်းခံလှည့်လည်ကြွခဲ့ပေမယ့်
လောင်းသူမတွေ့
လှူသူမရှိ
လမ်းဆုံ လမ်းဆုံး
အကုန်လုံးကြွရောက်ခဲ့ပေမယ့်
ထိုနေ့ ဆွမ်းမရ
အငတ်ကြီးငတ်ခဲ့ရသော
ပြင်ပနိုင်ငံတစ်ခုရောက်ခဲ့တဲ့
ဘဝရဲ့အလှဒဿနကို
ယနေ့တိုင်အောင်
မမေ့နိုင်ပါပဲ။

။ မြင်ရတဲ့
ဓာတ်ပုံကအတိုင်းပါပဲ
ပိန်ညောင်ကိုင်းတဲ့
ရဟန်းတစ်ပါးရဲ့ဘဝအကိုင်းက
အပိုင်းကိန်း မရိုင်းခဲ့ပေမယ့်
ရင်ထဲကအပိုင်းပိုင်းပါပဲ။

။ သည်နေ့တော့
ထိုနေ့ကအကြောင်းကို
ပြန်ပြောင်းပြောမိလေတိုင်း
တိမ်ယံက မိုးသားတွေ
ရွာချနေသလိုပါပဲ ဒါယကာတို့ရေ။

တောင်ကလေးဆရာတော်
(၆.၁၀.၂၀၂၁) ရက်နေ့နံနက်။

Original Post: Facebook, Instagram

 70 total views

Categories
စကားလက်ဆောင်

။ ငြိမ်သက်ခြင်း ။

။ တစ်ခုခုတော့
အကြောင်းရှိပြီ
ပင်ပန်းနေခြင်းလားပါပဲ။

။ တစ်မှုမှုတော့
အကြောင်းပြုပြီ
အကျိုးစုတွေလားပါပဲ။

။ တစ်ယုတယနဲ့
စုထားတဲ့အေးစုတွေ
သည်နေ့ငြိမ်သက်ခြင်းပါပဲ။

တောမှီရဟန်း
(၁၅.၁၀.၂၀၂၁) ရက်နေ့။

 42 total views

Categories
စကားလက်ဆောင်

။ စာဘူးတောင်း စာဘူးအိမ် ။

။ တစိစိ
တစာစာ
သံကလေး မသာသာလည်း
သူအိမ်လေးနဲ့သူပါပဲ။

။ ” မြကျေးငှက်
အုန်းလက်ဖျားက
လက်သမား စာမောင်နှံ
သိုက်ဆောက်ကြပျံ။
စူလို့သာညံ
……………..
မိုးစိုစို ခိုအောင်းတဲ့
ကောင်းတယ်ကွယ့်လေး”
ကလေးတေးကို
ငယ်ငယ်က စာသင်ကျောင်းမှာ
ဆိုခဲ့ကြတာပေါ့။

။ ကဗျာဆို
မမှန်တော့
နားဝင်ပီယံမဖြစ်ပေါ့။
ခုတော့ စာဘူးအိမ်မြင်ရပြန်တော့
စာကျက်ချိန်ရောက်ရင်
စာငှက်အိမ်ပြန်လာရင်
စာကျက်လို့ပျော်။

။ အိမ်ရှေ့ကအုန်းပင်ထက်
စာငှက်လေးအသံဆက်ရင်
ကိုယ်နဲ့လည်းစာတွေကျက်လို့
စာငှက်လိုပဲ။

။ ကိုင်း ဒီနေ့တော့
စာဘူးတောင်းမှာနားမည်လား
စာဘူးအိမ်မှာ အိပ်မည်လား
စာတွေကျက်ဖို့ ထပါတော့။

ကိုရင်ဖိုးခွေး( မန်းမြေ)
(၉.၁၀.၂၀၂၁) ရက်နေ့။

 49 total views

Categories
နံနက်ခင်းသြဝါဒကထာ

။ နံနက်ခင်းဩဝါဒကထာ (စကား) ။

။ အရာရာကို သည်းခံပါ။
။ လမ်းမှန်ကို သွားပါ။
။ လိုချင်မှုတစ်ခုတည်းနဲ့ မပြီးစီးနိုင်ပါဘူး။
။ အမှားကို မငြင်းဆိုပါနှင့်။
။ အမှားရဲ့နောက်ကွယ်ကို အမြဲတမ်းကြည့်ပါ။
။ အရိပ်ဆိုတာ ကိုယ်နောက်ပါစမြဲ။
။ အကျိုးတစ်ခုထင်လာတိုင်း ဆင်ခြင်ဖို့ မမေ့ပါနှင့်။
။ သူသူငါငါ မိမိဝန်တာနဲ့ပါပဲ။
။ သူတစ်ပါးအကျိုးပျက်ပြားအောင် အားမထုတ်ပါနှင့်။
။ မိမိအကျိုးပျက်ပြားအောင်လည်း အားမထုတ်ပါနှင့်။
။ သူတစ်ပါးရဲ့ စော်ကားပြစ်တင်မှုကို သည်းခံပြီးခံယူလိုက်ပါ။
။ အလေ့အကျင့်ကောင်းသူဟာ ထူးသူပါ။
။ အောင်သောအကျင့်ဟာ ခိုင်သောဘဝအတွက်ပါပဲ။
။ နောက်ပိတ်ဆုံး မိမိကိုယ်သာ သနားပါစေ။

တောင်ကလေးဆရာတော်
ခေတ္တ/ အမေရိကန်ပြည်ထောင်စု။

 66 total views

Categories
နံနက်ခင်းသြဝါဒကထာ

။ နံနက်ခင်းဩဝါဒ ကထာ (စကား) ။

။ ခံယူချက် မညံ့ပါနှင့်။
။ ခံယူချက် မပျက်ပါနှင့်။
။ အသက် ကို ပဓာနထားစေ။
။ အတွက်ကို နိုင်သလောက်လုပ်။
။ မခိုမကပ်အောင် လုပ်။
။ အရှုပ်ကို ရှင်းထား။
။ အလင်းကို မြင်အောင်ကြည့်။
။ အကျိုးကို နားလည်။
။ အကြောင်းကို ဖလှယ်။
။ ဖြောင့်မတ်တည်ကြည်စွာ နေတတ်ပါစေ။
တောင်ကလေးဆရာတော်
(၂၉.၉.၂၀၂၀) ရက်နေ့ နံနက်။

 76 total views

Categories
နံနက်ခင်းသြဝါဒကထာ

။ နံနက်ခင်း သြဝါဒ (ကထာ) ။

။ စောင့်ရှောက်ရေးအလုပ်နှင့် ကူညီရေးအလုပ်ကို မမေ့ပါနှင့်။
။ ကူညီရေးအတွက် ဒါနပြုပါ။
။ စောင့်ရှောက်ရေးအတွက် သီလပြုပါ။
။ ဘဝနှင့်စည်းစိမ်ပြည့်စုံမှုကို မမျှော်ကိုးပါနှင့်။
။ စိတ်ဓာတ်ဖြူစင်စွာထားပြီး စောင့်ရှောက်ပါစေ။
။ ဝမ်းရေးပြဿနာကို ထိန်းတတ်ပါစေ။
။ အထိန်းမဲ့၊ အကွပ်မဲ့ အပြစ်တွေကို မကျူးလွန် မဖျက်ဆီးနှင့်။
။ ပတ်ဝန်းကျင်ကို ပြုပြင်ဆောင်ရွက်ပေးပါ။
။ ဆုတ်နစ်သောသူ မဖြစ်စေနှင့်။
။ တက်ကြွသောသူလည်း မဖြစ်ပါစေနှင့်။
။ သစ္စာတရားနှင့်သာ ယှဉ်တတ်ပါစေ။

တောင်ကလေးဆရာတော်
(၂၇.၀၉.၂၀၁၈)ရက်နေ့။

 82 total views

Categories
စကားလက်ဆောင်

။ နံနက်ခင်းဩဝါဒကထာ (စကား) ။

။ သူတစ်ပါးက အဖက်မလုပ်လည်း ဝမ်းမနည်းပါနှင့်။
။ တစ်ယောက်တည်း နေရရင်လည်း ဝမ်းမနည်းပါနှင့်။
။ ကြီးကျယ်ခမ်းနားထည်ဝါစွာ နေထိုင်ရလည်း ဝမ်းမသာပါနှင့်။
။ မိမိကို အမြဲတမ်းအနိုင်ကျင့်လည်း ဝမ်းမနာပါနှင့်။
။ မိမိကို အမြဲတမ်းအားပေးသူလည်း ဝမ်းမမြောက်နှင့်။
။ လူ့ဘဝလေးနေရချိန်မှာ အေးအေးမြမြရှိဖို့က အဓိကပါ။
။ ပူပူလောင်လောင် မနေရပါစေနှင့်။
။ အကြင်နာဆိုတာလည်း ထာဝရမဟုတ်ဘူး။
။ မေတ္တာဆိုတာလည်း လက်ဆောင်တွေပါပဲ။
။ မြတ်နိုးမှုဆိုတာလည်း ဆိတ်သုဉ်းခြင်းပါပဲ။
။ ချစ်ခြင်းမေတ္တာလည်း ကုန်ခန်းသွားတတ်တာပါပဲ။
။ ဒီနေ့တော့ တစ်ယောက်တည်းပဲ နေကြည့်လိုက်။

တောင်ကလေးဆရာတော်
(၂၇.၉.၂၀၂၀) ရက်နေ့နံနက်။

 65 total views

Categories
စကားလက်ဆောင်

။ အကြင်နာ စက်ဝန်းအိမ် ။

။ အကြင်နာတရားကို ထားတတ်ပါစေ။
။ ဒေါသကို စောင့်စည်းတတ်ပါစေ။
။ မေတ္တာတရားကို အမြဲတမ်း ထားတတ်ပါစေ။
။ လူတိုင်းကို ကူညီတတ်ပါစေ။
။ တူညီသည့် အခွင့်အရေးကို တန်ဖိုးထားတတ်ပါစေ။
။ မိမိအကျိုးကို အများအတွက် ပေးတတ်ပါစေ။
။ မိမိကြောင့် အများအကျိုးကို မယုတ်လျှော့ပါစေနှင့်။
။ အများအပြား ပျက်စီးမှုကို ခုခံထိန်းသိမ်း တတ်ပါစေ။
။ လူ့ဘဝတန်ဖိုးကို ဓမ္မဖြင့် မြှင့်တင်တတ်ပါစေ။

တောင်ကလေးဆရာတော်
(၃၁.၈.၂၀၂၁) ရက်နေ့။

 127 total views

မဟာပညာသို့ဝင်ခဲ့ပါ။
နိုင်ငံရေး၊ စီးပွားရေး၊ လူမှုရေး သတင်းစုံဖတ်ရှု့ရန်
နိုင်ငံရေး၊ စီးပွားရေး၊ လူမှုရေး သတင်းစုံဖတ်ရှု့ရန်
မဟာပညာသို့ဝင်ခဲ့ပါ။