မဟာပညာ
။ ယနေ့ညမေတ္တာပို့ပေးပါသည် ။
~~~~~~~~~~~~~~~~~~~~~~~~
။ ယနေ့ညချမ်း၊မေတ္တာလွှမ်း၊အေးချမ်းသာယာကြပါစေ။
။ မေတ္တာကြည်ကြည်၊ဝေငှသည်၊ကြည်လင်လန်းဆန်းကြပါစေ။
။ မုန်းခြင်းကင်းကင်း၊ရန်လိုကင်း၊ချစ်ခြင်းပြည့်ဝရကြစေ။
။ ကြင်နာသနား၊ထိုသူများ၊မခြားနေ့ညရပါစေ။
။ ဝန်တိုတတ်သူ၊ထိုအပူ၊ကင်းသူအမြဲဖြစ်ပါစေ။
။ မနာလိုခြင်း၊ရန်လိုခြင်း၊လွတ်ကင်းအမြဲရှိပါစေ။
။ ငြိမ်းအေးသာယာ၊မြဲရွှင်သာ၊မေတ္တာမြမြရပါစေ။
။ အပါယ်လွတ်ကင်း၊ဝဋ်ကြွေးရှင်း၊ရှင်းလင်းနိဗ္ဗာန်ရပါစေ။
တောင်ကလေးဆရာတော်
(၁.၂.၂၀၂၅) ရက်နေ့ည။
။ ဘုရားရှိခိုးခြင်းသည် ။
~~~~~~~~~~~~~~~~~~
။ဘုရားရှိခိုးခြင်းသည် ဘာသာရေးအရ အရေးပါသော လုပ်ရပ်တစ်ခုဖြစ်ပြီး လူတို့အတွက် စိတ်ပိုင်းဆိုင်ရာ၊ ရုပ်ပိုင်းဆိုင်ရာနှင့် စိတ်ဝိဉာဉ်ပိုင်းဆိုင်ရာ အကျိုးကျေးဇူးများစွာကို ရရှိစေနိုင်ပါသည်။ ဘုရားရှိခိုးခြင်းဖြင့် ရနိုင်သော အကျိုးကျေးဇူးများမှာ အောက်ပါအတိုင်းဖြစ်ပါသည်။
၁။ စိတ်ချမ်းသာမှုရရှိခြင်း။
။ ဘုရားရှိခိုးခြင်းဖြင့် စိတ်တည်ငြိမ်မှုနှင့် စိတ်ချမ်းသာမှုကို ရရှိစေနိုင်ပါသည်။ ဘုရားအား ဆုတောင်းခြင်းဖြင့် စိတ်ဖိစီးမှုများကို လျော့ပါးစေပြီး စိတ်သက်သာရာရစေနိုင်သည်။
၂။ စိတ်ဓာတ်ခွန်အားတိုးပွားခြင်း။
။ ဘုရားရှိခိုးခြင်းသည် လူတို့အား စိတ်ဓာတ်ခွန်အားပေးပြီး ဘဝတွင် ရင်ဆိုင်ရသော အခက်အခဲများကို ရဲရင့်စွာ ရင်ဆိုင်နိုင်စေသည်။
၃။ မိမိကိုယ်ကိုယ် သိမြင်နားလည်မှုတိုးပွားခြင်း။
။ ဘုရားရှိခိုးခြင်းဖြင့် မိမိကိုယ်ကိုယ် သိမြင်နားလည်မှုတိုးပွားလာပြီး မိမိ၏ အားနည်းချက်များနှင့် အားသာချက်များကို ပိုမိုသိရှိလာနိုင်သည်။
၄။ ကျေးဇူးတရားကို ခံစားမိခြင်း ။
။ ဘုရားရှိခိုးခြင်းဖြင့် ဘဝတွင် ရရှိထားသော ကျေးဇူးတရားများကို သတိရပြီး ကျေးဇူးသိတတ်သော စိတ်ထားကို မွေးမြူနိုင်သည်။
၅။ ဘဝတွင် ဦးတည်ချက်ရှိခြင်း ။
။ ဘုရားရှိခိုးခြင်းဖြင့် ဘဝတွင် ဦးတည်ချက်ရှိလာပြီး မည်သည့်အရာကို လုပ်ဆောင်ရမည်ဆိုသည်ကို ပိုမိုရှင်းလင်းစွာ သိရှိလာနိုင်သည်။
၆။ လောကီအကျိုးကျေးဇူးများ ။
။ ဘုရားရှိခိုးခြင်းဖြင့် လောကီအကျိုးကျေးဇူးများဖြစ်သော ကျန်းမာရေး၊ စီးပွားရေး၊ လူမှုရေးစသည့် အကျိုးကျေးဇူးများကို ရရှိနိုင်သည်ဟု ယုံကြည်ကြသည်။
၇။ စိတ်ဝိဉာဉ်ရေးရာ တိုးတက်မှုရရှိခြင်း ။
။ ဘုရားရှိခိုးခြင်းဖြင့် စိတ်ဝိဉာဉ်ရေးရာ တိုးတက်မှုများရရှိပြီး ဘုရားနှင့် နီးစပ်မှုကို ခံစားရနိုင်သည်။
၈။ မိသားစုနှင့် ပတ်ဝန်းကျင်နှင့် သဟဇာတဖြစ်ခြင်း ။
။ ဘုရားရှိခိုးခြင်းဖြင့် မိသားစုနှင့် ပတ်ဝန်းကျင်နှင့် ပိုမိုသဟဇာတဖြစ်ပြီး ချစ်ခင်မှုနှင့် နားလည်မှုများ တိုးပွားလာနိုင်သည်။
၉။ ကံကောင်းခြင်း ။
။ ဘုရားရှိခိုးခြင်းဖြင့် ကံကောင်းခြင်းနှင့် ကောင်းသော အခွင့်အလမ်းများ ရရှိနိုင်သည်ဟု ယုံကြည်ကြသည်။
၁၀။ ဘဝ၏ အဓိပ္ပာယ်ကို ရှာဖွေတွေ့ရှိခြင်း ။
။ ဘုရားရှိခိုးခြင်းဖြင့် ဘဝ၏ အဓိပ္ပာယ်ကို ပိုမိုနားလည်လာပြီး ဘဝကို ပိုမိုတန်ဖိုးထားတတ်လာနိုင်သည်။
။ ဘုရားရှိခိုးခြင်းသည် လူတို့အတွက် စိတ်ပိုင်းဆိုင်ရာ ငြိမ်းချမ်းမှုနှင့် စိတ်ဝိဉာဉ်ရေးရာ တိုးတက်မှုများကို ရရှိစေနိုင်သော အရေးပါသော လုပ်ရပ်တစ်ခုဖြစ်ပါသည်။
။ မိမိကိုယ်မိမိ ခန့်မှန်းခြေပြုခြင်း ။
~~~~~~~~~~~~~~~~~~~~~~~~~
။ ၁၉၆၀ ပြည့်နှစ်တွင် မွေးဖွားသူသည် ၂၀၂၅ ခုနှစ်တွင် အသက် ၆၅ နှစ်ပြည့်မည်ဖြစ်ပါသည်။ ထို့ကြောင့် အောက်ပါအချက်များကို သတိပြုရန် လိုအပ်ပါသည်။
၁။ ကျန်းမာရေး
။ (ကျန်းမာရေးစောင့်ရှောက်မှု )အသက် ၆၅ နှစ်အရွယ်တွင် ကျန်းမာရေးပြဿနာများ ပိုမိုဖြစ်ပေါ်နိုင်ပါသည်။ နှလုံး၊ ဆီးချို၊ သွေးတိုးနှင့် အရိုးပွရောဂါများကို ပိုမိုသတိထားရန် လိုအပ်ပါသည်။
၁။ ကျန်းမာရေးစစ်ဆေးမှု
။ ပုံမှန်ကျန်းမာရေးစစ်ဆေးမှုများ ပြုလုပ်ရန် အရေးကြီးပါသည်။
၃။ ငွေကြေးနှင့် စီးပွားရေး
(ပင်စင်နှင့် စုဆောင်းငွေ) အသက် ၆၅ နှစ်တွင် ပင်စင်ယူခြင်းနှင့် စုဆောင်းထားသောငွေများကို စီမံခန့်ခွဲရန် အရေးကြီးပါသည်။
(ငွေကြေးစီမံခန့်ခွဲမှု)အနာဂတ်အတွက် ငွေကြေးစီမံခန့်ခွဲမှုကို သေချာစွာ စဉ်းစားရန် လိုအပ်ပါသည်။
၄။ မိသားစုနှင့် လူမှုရေး
။ ( မိသားစုနှင့် အချိန်ဖြုန်းခြင်း)မိသားစုဝင်များနှင့် အချိန်ဖြုန်းခြင်းကို ပိုမိုအာရုံစိုက်ရန် လိုအပ်ပါသည်။
(လူမှုရေးဆက်သွယ်မှု)လူမှုရေးဆက်သွယ်မှုများ ထိန်းသိမ်းရန် အရေးကြီးပါသည်။
၅။ စိတ်ပိုင်းဆိုင်ရာ
( စိတ်ကျန်းမာရေး)အသက်ကြီးလာသည်နှင့်အမျှ စိတ်ကျန်းမာရေးကို ဂရုစိုက်ရန် လိုအပ်ပါသည်။
(ဝါသနာနှင့် စိတ်ပျော်ရွှင်မှု)ဝါသနာပါရာများကို လုပ်ကိုင်ခြင်းဖြင့် စိတ်ပျော်ရွှင်မှုရရှိနိုင်ပါသည်။
၆။ ဥပဒေရေးရာ
(ဥပဒေရေးရာကိစ္စများ) အမွေဆိုင်ရာကိစ္စများနှင့် ဥပဒေရေးရာကိစ္စများကို ကြိုတင်စီစဉ်ထားရန် အရေးကြီးပါသည်။
။ ဤအချက်များကို သတိပြုကာ ၂၀၂၅ ခုနှစ်အတွင်း ဘဝကို အကောင်းဆုံးဖြတ်သန်းနိုင်ပါစေကြောင်း ဆုတောင်းပေးပါသည်။
။ သည်နေ့ညချမ်းချိန် မေတ္တာပို့သပါသည် ။
~~~~~~~~~~~~~~~~~~~~~~~~~~~~~~~
။ အေးမြပါစေ၊မေတ္တာဝေ၊ကောင်းထွေလီလီပြည့်ပါစေ။
။ ချမ်းမြေ့ကြည်အေး၊ရင်၌အေး၊ဘေးကင်းရန်ကင်းကြပါစေ။
။ ကြည်သာချမ်းမြ၊လိုဆန္ဒ၊တောင့်တသူငါရပါစေ။
။ ကောင်းမှုဒါန၊ထာဝရ၊ဒိဋ္ဌမြဲစွာပြုနိုင်စေ။
။ ကောင်းမှုပြည့်ဝ၊မြတ်သုခ၊ရကြမြဲပါစေ။
။ ဝိပဿနာ၊ဘာဝနာ၊မြဲစွာပွားများနိုင်ပါစေ။
။ တရားသိမြင်၊မြတ်ဉာဏ်စဉ်၊ထင်ထင်လင်းလင်းသိပါစေ။
။ ကိလေသာရှင်း၊မြူမှုန်ကင်း၊လွတ်ကင်းနိဗ္ဗာန်ရပါစေ။
တောင်ကလေးဆရာတော်
(၃၀.၁.၂၀၂၅) ရက်နေ့ည။
။ ပါရမီရှင် ဖီဖီ့ပုညဝတီ ခန္ဓာဝန်ချပြီ ။
~~~~~~~~~~~~~~~~~~~~~~~~~~~
( ဖီဖီ့ = ဖွားဖွား ။)
။ အေဒီ( ယနေ့)2025 ခုနှစ်၊ဇန်နဝါရီလ(၂၈) ရက်၊အင်္ဂါနေ့၊နံနက်(၈:၅၀) မိနစ်အချိန်တွင် ရန်ကုန်တိုင်းဒေသကြီး၊မှော်ဘီမြို့နယ်၊နှောကုန်းရွာရှိ သဲအင်းဂူကမ္မဋ္ဌာန်းတိုက်၌ အသက်(၁၀၃) နှစ်ရှိ မူလသဲအင်းဂူဆရာတော်ကြီး၏ ပါရမီဖြည့်ဖက် ဖွားဖွား( ဖီဖီ့) ပုညဝတီသည် ခန္ဓာဝန်ချခဲ့ပါကြောင်း ကြားသိတော်မူရသည်ကြောင့် သံဝေဂဉာဏ်ဆင်ခြင်တော်မူလျက် မရဏဿတိဘာဝနာဉာဏ်ဆင်ခြင်ပွားများကာ ဖီဖီ့အတွက် သုဂတိသို့လားရောက်ရပါစေကြောင်း ဆုတောင်းပတ္ထနာပြုပေးပါသည်။
။ ရက်လနှစ်များစွာ ခန္ဓာဝန်နှင့်သာသနာ့ဝန်ကို မျှတစွာထမ်းဆောင်လာခဲ့ရပါသော ဖီဖီ့၏ဘဝတစေ့တစောင်းကို အောက်မေ့ဆင်ခြင်လျက်ဖြင့် အတုယူဖွယ်ရာအမျိုးကောင်းသမီးတစ်ဦးအဖြစ် ပါရမီကိုဖြည့်ကျင့်အားထုတ်နိုင်ခဲ့ကြသည်ကို အားရကျေနပ်မိသည်သာမက ချီးမွမ်းချီးအံ့မဆုံးဖြစ်ခဲ့ရပါသည် ဖီဖီ့။
။ ထိုကြောင့်
သဥပါဒိသေသနိဗ္ဗာနဓာတုဝင်တော်မူကြသောရဟန်းမြတ်ပုဂ္ဂိုလ်ထူးတို့၏ ပါရမီဖြည့်ဖက်ဖြစ်ခဲ့ရသည်ကြောင့် ထူးမြတ်သောပါရမီရှင်ဖွားဖွားဟူ၍( ဖီဖီ့ဖြစ်သည်ဟူ၍) အောက်မေ့အမြဲရှိနေကြပါဦးမည်ဟု ဆငခြင်နှလုံးသွင်းပြီး သာသနာတော်အတွက် ခန္ဓာဝန်ဆက်သထားသည့်ဖီဖီ့အား ကြည်ညိုစွာဖြင့် မှတ်တမ်းပြုပါသတည်း။
( ဓာတ်ပုံကိုယူသုံးပါသည်။)
တောင်ကလေးဘုန်းတော်လေး( ဖီဖီ့အခေါ်)
ကရင်ပြည်နယ်
ဖားအံမြို့နယ်
တောင်ကလေးရွာ။
။ ညချမ်းချိန်ခါ မေတ္တာပို့သပါသည် ။
~~~~~~~~~~~~~~~~~~~~~~~~~~~
။ သည်နေ့ညမှာ၊များသူငါ၊ကျန်းမာကိုယ်စိတ်မြဲပါစေ။
။ နက်ဖြန်မိုးသောက်၊အလင်းရောက်၊ထမြောက်ကြည်သာနိုင်ပါစေ။
။ စိတ်ကူးကြံစည်၊အမည်မည်၊လိုအင်ပြည့်ပါစေ။
။ ဆိုးညစ်ရန်မှု၊မကောင်းပြု၊ဘေးပြုဝေးကွာကြပါစေ။
။ အိပ်မက်ကောင်းခြင်း၊နိုးထခြင်း၊လင်းလင်းသစ်သစ်ကြည်မြစေ။
။ လိုရာကြံဆ၊မှန်သမျှ၊ဒိဋ္ဌဓမ္မရပါစေ။
။ ကုသိုလ်ဘဝင်၊ကြည်ကြည်လင်၊တည်ကြည်ငြိမ်စွာအိပ်ရပါစေ။
တောင်ကလေးဆရာတော်
(၂၅.၁.၂၀၂၅) ရက်နေ့ည။
။ တရားအားထုတ်သူများ သတိထား ။
~~~~~~~~~~~~~~~~~~~~~~~~~~~
။ တရားအားထုတ်ကြသူတိုင်း
သတိထားရမယ့်အရာ
သုံးမျိုးရှိပါတယ်။
၁) ကာမဝိတက် = အရာဝတ္ထု တစ်ခုခု
ရလိုတာပဲဖြစ်ဖြစ်
နှစ်သက်မှုပဲဖြစ်ဖြစ်
ကြံစည်စိတ်ကူးမှု၊
၂) ဗျာပါဒဝိတက်= မိမိနဲ့စပ်ဆိုင်တာပဲဖြစ်ဖြစ်
သူတစ်ပါးနဲ့စပ်ဆိုင်တာပဲဖြစ်ဖြစ်
တစ်ခုခုသော
အရာဝတ္ထုကြောင့်ပဲဖြစ်ဖြစ်
စိတ်ဆိုး၊စိတ်တို
စိတ်ပျက်၊အလိုမကျ
ဆုတ်နစ်ကြောက်ရွံ့တာတွေ
တစ်ဖက်သားကို ပျက်စီးစေလိုတာတွေ
စပ်ဆိုင်တဲ့ကြံစည်စိတ်ကူးမှု၊
၃) ဝိဟိံသာဝိတက်= တစ်ဖက်သားကိုနှိပ်စက်ဒုက္ခပေးလိုတဲ့
အကြံအစည်စိတ်ကူးမှု ဆိုတဲ့
သည်တရားသုံးပါးကို
ဖျောက်ဖျက်ပယ်ပြုနိုင်မှ
တရားအားထုတ်လို့
တရားထူးရလွယ်ပါတယ်။
။ စိတ်ကူးနေမှု
များနေတာကြောင့်
သမာဓိအလွယ်မရကြဘဲ
ရိပ်သာကနေ
အိမ်ကိုပြန်လာကြတယ်။
အိမ်ပြန်ရောက်လည်း
အဲဒီစိတ်ကူးနေတာနဲ့ပဲ
အချိန်တွေကုန်ခဲ့ကြတယ်။
။ သည်လိုဖြစ်နေရင်
အစားထိုးဖျောက်တဲ့နည်း
သိထားသင့်မယ်ထင်ပါတယ်။
။အကယ်၍
ယောဂီမှာ
သတ္တဝါနဲ့စပ်ဆိုင်၍
လိုချင်တပ်မက်မှုတွေ
စိတ်ကူးဝင်လာခဲ့မယ်ဆိုရင်
၁) အသုဘကို နှလုံးသွင်းပါ။
ဒါမှမဟုတ်
အနိစ္စသဘော နှလုံးသွင်းပါ။
ဒေါသထွက်လာရင်
မေတ္တာပွားများပါ။
အရာဝတ္ထုတစ်ခုခုဖြစ်ရင်
ဓာတ်ကမ္မဋ္ဌာန်းပွားများပါ။
မောဟနဲ့ပတ်သက်ရင်
ဆွေးနွေးမေးမြန်းမှုပြုပါ။
ဒါက အစားထိုးဖျောက်နည်းဖြစ်ပါတယ်။
၂) အပြစ်ရှုဖျောက်နည်းအနေနဲ့က
ကာမဝိတက်လောဘအတွက်
စက်ဆုပ်ရွံရှာဖွယ်တွေ၊
ကိုယ်ခန္ဓာအတွက်
လောဘအပြစ်ဆင်ခြင်တာတွေ၊
ဒေါသအပြစ်ဆင်ခြင်တာတွေ
ပယ်ဖျောက်ရမယ်။
၃) မေ့ပျောက်ရှောင်လွှဲနည်းအရ
စိတ်ကူးတာတွေကို
မေ့ဖျောက်ထားပြီး
ရသမျှတရားစာတွေကို
ရွတ်အံပါ
ဘုရားဂုဏ်တော်
တရားဂုဏ်တော်
သံဃာဂုဏ်တော်တပါးပါးကို
ပွားများပြီးတော့နေထိုင်ပါ။
၄) နောက်တစ်နည်းမှာက
အကြောင်းရင်းကိုရှာဖွေပြီး
ဖျောက်တဲ့နာ်းပါပဲ၊
ဖြစ်လာတဲ့စိတ်ကူး
မြစ်ဖျားခံလာတဲ့အကြောင်းကို
ရှာဖွေစစ်ထုတ်ပြီးကြည့်ပါ
သတိပွားများပြီးနေရမယ်။
၅) နံပါတ်(၅) နည်းကတော့
အရိုးကြေကြေ
အရေပြတ်ပြတ်
အားအင်နဲ့ဖိနှိပ်အံကြိတ်ပြီး
မနိုင်နိုင်အောင်
ဖျောက်ဖျက်ပြစ်ရမယ်လို့
စာကျမ်းဂန်ထဲမှာပြထားပါတယ်။
။ တပည့်တို့မှာ
ရိပ်သာမှာတရားအားထုတ်လို့
စိတ်ကူးယဉ်များမိပြီး
သမာဓိမရခဲ့သော်
ဖော်ပြထားတဲ့
စိတ်ကူးယဉ်
ဖယ်ဖျောက်တဲ့
နည်းတွေထဲကအတိုင်း
တစ်ပါးပါကို
လေ့ကျင့်ယူကြည့်ပါလို့
အကြံပေးပါတယ်။
တရားထူးမြတ်ရကြပါစေ။
တောင်ကလေးဆရာတော်
(၂၈.၁၂.၂၀၂၄) ရက်နေ့။
။ သည်နေ့
အယောက်တိုင်းဆီသို့
ကိုယ်စိတ်ချမ်းသာကြလျက်
ဘေးရန်ကင်းကွာကြလျက်
မိမိတို့အလိုရှိသမျှသော
ကောင်းကျိုးချမ်းသာဟူမျှ
မိမိတို့ အနီးအရပ်အထံအပါး၌
ရောက်ရှိနိုင်ကြပါစေဟု
ဆုတောင်းပေးပါသည်
ကျန်းမာချမ်းသာကြပါစေ။
တောင်ကလေးဆရာတော်
(၂၆.၁၂.၂၀၂၄) ရက်နေ့နံနက်။
။ မေ တ္တာ ခ ရီး ကြ မ်း ။
~~~~~~~~~~~~~~~~~
။ မေတ္တာခရီးလို့ပြောရင်
ခရီးကြမ်းမယ်လို့
ဘယ်သူကထင်နေကြမလဲ
သည်နေ့အဖို့
ဖိုးသပြေရဲ့ဘဝက
မေတ္တာခရီးကြမ်းလို့ပဲ
ဆိုပါရစေ။
။ သပြေပင်ရွာမှာ
မွေးဖွားခဲ့လို့
ကျွန်တော်ရဲ့နာမည်ကို
ဖိုးသပြေလို့
မခေါ်ကြပေမယ့်
ကိုယ့်ကိုယ်ကိုပဲ
ဖိုးသဖြေလို့ပဲ
မိတ်ဆက်ပြီးခေါ်ပါရစေ။
။ ကျွန်တော်ဘဝမှာ
တစ်ယောက်တည်းနဲ့
အထီးကျန်
အကျဉ်းတန်
အကျည်းတန်
နေရမယ်လို့
မထင်ခဲ့မိပါဘူးရယ်။
။ ကျွန်တော့်ကို
မွေးဖွားပေးသောမေမေ
ကျွန်တော့်ကို
ပြုစုပျိုးထောင်ပေးသော
ဖေဖေတို့နှစ်ဦးစလုံးဟာ
ဆိုးသောကံအမွေတစ်ခုကြောင့်
မေမေဖေဖေနဲ့ကျွန်တော်
သက်ဆုံးတိုင်
အတူတူမနေကြရဘဲ
မဆုံဆည်းကြရတော့ဘဲ
အတိတ်ကာလက
အတိတ်ဘဝရဲ့ကံတရားအတိုင်း
ကပ်ဘေးကျရောက်တဲ့
ညတစ်ညမှာ
နာနာဘာဝ
ဝိနာဘာဝ
အညတ်ထဘာဝ
ရှင်ကွဲရ
သေကွဲရ
အမျိုးမျိုး
ကြေကွဲရရှာတဲ့
မေတ္တာခရီးလမ်းပေါ်က
မေတ္တာခရီးကြမ်းကို
ကျွန်တော်တစ်ယောက်တည်း
ရှေ့ဆက်နေရတော့မယ်လေ။
။ ကျွန်တော့်မှာ
အမေဆိုလည်းမရှိတော့
အဖေရှိလည်းနတ္ထိဖြစ်တော့
လောကအလယ်မှာ
မေမေဖေဖေဆိုတာ
ခေါ်ရမယ့်သူတွေ
မရှိတော့ပါဘူးလေ။
။ လူဆိုတာ
အမေရှိရတယ်
အဖေရှိရတယ်မဟုတ်လား
ကျွန်တော့်ရဲ့ဘဝမှာ
ဘယ်မှာလဲမေမေ
ဘယ်မှာလဲဖေဖေ။
။ မေတ္တာခရီးမှာ
ကြမ်းတမ်းမည်လား
အေးချမ်းမည်လား
ဆိုတာကို
ကျွန်တော့်ဖိုးသပြေတော့
ခရီးသည်တစ်ဦးဖြစ်နေပြီ။
( ဓတ်ပုံရှင်အား မေတ္တာအပြည့်အဝထားပါသည်။)
တောင်ကလေးဆရာတော်
(၁၇.၉.၂၀၂၄) ရက်နေ့။
။ ခွင့်လွှတ်တတ်ခြင်း ။
~~~~~~~~~~~~~~~~
။ ခွင့်လွှတ်တတ်ခြင်း
ခွင့်လွှတ်နိုင်ခြင်း
ခွင့်လွှတ်ပေးခြင်း
ဆိုတဲ့သည်စကားဟာ
အရှင့်ဘဝနဲ့
နေ့စဉ်ကျင့်သုံးခဲ့ရတဲ့
စံ စကား
တစ်နည်း စံတရားပါ။
။ လူအကြောင်းကို
လေ့လာကြည့်ရင်
(ပေါင်းကြည့်ရင်)
လူတွေရဲ့သဘောထား
လူတွေရဲ့အပြုအမူ
လူတွေရဲ့စေတနာစိတ်တွေ
အနည်းနဲ့အများ
သိမြင်နိုင်ကြပါတယ်။
။ လူဆိုတာ
သူတစ်ပါးကို
မနာလိုရရင်
မနေနိုင်တဲ့
သတ်တဝါပါ။
။ လူအချို့
မိမိနဲ့မဆီမဆိုင်ဘဲနဲ့
သူတစ်ပါးမကောင်းကြောင်းကို
အားမနာတမ်း
ဝေဖန်ရှတ်ချ
ကဲ့ရဲ့ပြစ်တင်ခဲ့ရရင်
အလွန်ပျော်
တတ်ကြလေရဲ့။
။ တစ်ဖက်သတ်
တစ်ဖက်သားကို
ကြီးကျယ်စွာ
ပုတ်ခတ်ပြောဆိုတတ်ပြီး
သူသာတော်သူ
သူသာတတ်သူ
သူသာကဝိရှင်
သူသာပညာတတ်
သူသာ လူစွမ်းလူစ
လူစွာ
လူစစ်ဆိုပြီး
ကြီးမားတဲ့အပြစ်ဆိုခြင်း
အကုသိုလ်ကံတွေ
ရဲရဲကြီး
ယူနေကြတာကို
တွေ့ရတယ်။
။ မိဘ
ဆရာသမား
ကျေးဇူးရှင်
ရဟန်းရှင်လူ
ဘယ်သူဘယ်ဝါမဆို
ထင်သလို
အမြင်ပေါက်ပြီး
အောက်တန်းကျတဲ့
အောက်ရတဲ့အပြုအမူတွေ
ရက်ရက်စက်စက်
ပြုမူကြတာရှိတယ်။
။ အဲဒီလို
ပုဂ္ဂိုလ်တွေနဲ့
မြင်ဖူး,ဆုံဖူး
ကြုံဖူးလာကြရဲ့လား!
ဒါမှမဟုတ်
မိမိကို
အပုပ်အကြပ်တွေ
အခတ်တွေအမျိုးမျိုးပေးပြီး
ခံရဖူးပါသလား! ပါ။
။ ဤအရှင်ကတော့
ဤရွေ့ဤမျှမက
ရက်ရက်စက်စက်
ဆဲခံဆူခံ
နှိပ်စက်ဒဏ်တွေ
ကြီးကျယ်စွာ
ခံစားခဲ့ရဖူးပါတယ်။
။ ပစ္စုပ္ပန်ဘဝမှာ
မှတ်မိသလောက်
အတော်လေးကို
ခက်ခက်ခဲခဲပဲ
အသက်ဆုံးရှုံးရတဲ့အထိ
အထိနာ
အကျနာ
မျိုးစုံစွာ
ခံစားတွေ့မြင်ခဲ့ရပါတယ်။
။ ကုန်ကုန်ပြောရရင်
အသားလွတ်ကြီး
နစ်နစ်နာနာ
ဆူဆဲကြိမ်းမောင်း
ဒေါသထောင်းထောင်းနဲ့
မကောင်းကြောင်းပါ
လုပ်ကြံနှောင့်ယှက်မှုတွေ
အမျိုးမျိုး
ခံခဲ့ရပါတယ်။
။ ဒီလိုဒီပုံ
ဖြစ်ရဆုံရ
ကြုံတွေ့ရတာဟာ
အမှားကံတွေရဲ့
အကျိုးဆက်ပဲလို့
ခံယူခဲ့ပါတယ်။
။ ဘယ်သူ့ကိုမှ
အပြစ်မဆိုပါဘူး
ကိုယ်ပိုင်ပြုခဲ့လို့
ကိုယ်ခံရတာပဲ
ကိုယ်ခံဆေးအားကောင်းဖို့ပဲ
လိုတယ်မဟုတ်လား။
။ နောက်ဆုံးတော့
အရှင်ဟာ
ငယ်ငယ်ရွယ်ရွယ်က
ကောင်းမှုကုသိုလ်နဲ့
လိမ်လိမ်မာမာပြုလာခဲ့လို့
ပစ္စုပ္ပန်စေတနာစိတ်ကို
သည်းခံခြင်းတရားထားပြီး
မိမိအပေါ်ပြုမူလာတဲ့
အပြစ်များစွာကို
အပြစ်မယူ
မငြူစူဘဲ
ကြည်ကြည်ဖြူဖြူနဲ့
သည်းခံကျေအေး
ခွင့်လွှတ်ပေးခဲ့တဲ့
အဲဒီအကျင့်တရားတွေကြောင့်ပဲ
ယနေ့
မိမိအပေါ်ကို
ပြုမူခဲ့ကြတဲ့အပြစ်တွေကို
ခွင့်လွှတ်တတ်ခြင်
ခွင့်လွှတ်နိုင်ခြင်း
ခွင့်လွှတ်ပေးခြင်းတွေနဲ့ပဲ
မိမိဘဝကိုရှင်သန်နေတာပါ။
။ ကိုင်း တပည့်တို့ရေ
အမြင်မတို
စိတ်ကိုဆုံးမ
ကျင့်မြတ်နေထိုင်
တိမ်းမယိုင်ဘဲ
တတ်နိုင်သည်းခံ ပိုင်ပါစေ။
တောင်ကလေးဆရာတော်
(၆.၉.၂၀၂၄) ရက်နေ့။)