Categories
ကဗျာ စကားလက်ဆောင် တောင်ကလေးဆရာတော်

။ နေပျော်ပါတယ် ။

။ နေပျော်ပါတယ် ။
~~~~~~~~~~~~~~
။ ကြင်နာတတ်မှ နှလုံးလှတယ်။
နှလုံးလှမှကြင်နာတတ်မယ်။
ချစ်တတ်မှနှလုံးမြတ်မယ်, ဆိုပြီးတော့ တရားစကားတွေ
နေ့တိုင်း ကြားသိမြင်ရပေမယ့်
တခါတလေ
သတိမမူ(မထား) မိလိုက်တာတွေ
အများကြီးပါပဲ။

။ လူ့ဘဝသက်တမ်း
အချိန်တိုလာတာနဲ့အမျှ
တန်ဖိုးထားခဲ့တဲ့အချိန်တွေရယ်
ရခဲ့တဲ့အကျိုးကောင်းတွေရယ်
တွေးတွေးမိရင်
လူဟာအလိုလိုနဲ့
ပေါ့ပါးစွာခံစားမှုဖြစ်တာလေးတွေ
ကျေနပ်မိပါတယ်။

။ များသောအားဖြင့်
လူတွေဟာ
မိမိရဲ့အပြုအမူအကြောင်းတွေကို
ပြန်ပြီးတွေးမိရင်
မတွေးချင်စရာတွေ
( မတွေးရဲတော့တာတွေ)
ဖြစ်နေတော့
မိမိကိုယ်မိမိအားမရမိတော့ဘဲ
စိတ်နှလုံးမသာမယာစွာ
မလန်းမဆန်းနိုင်ဘဲ
တမိုင်မိုင်တထွေထွေနဲ့
တွေဝေလို့
နေပြခဲ့ရတာတွေ
တွေ့ရပါတယ်။

။ လိုရင်းချက်
ပြောပြချင်တာက
မိမိရရ
မိမိဘဝမှာ
ဘာများအခိုင်အမာတရားတွေ
သိမြင်ခဲ့ပါပြီလဲ?
အမြင့်ဆုံးတရားအသိတွေ
ဆင်ခြင်သုံးသပ်နိုင်ပြီလဲ?
ပွားများအားထုတ်နေပါပြီလဲ ? ဆိုတဲ့အချက်တွေပါပဲ။

။ သည်နေ့ညချမ်းချိန်မှာ

သီလခံယူဆောက်တည်မယ်။
ဘာဝနာဉာဏ်ရအောင်တရားပွားများမယ်။
အထူးသဖြင့် မိမိမှာရှိတဲ့အချိန်ကို မြင့်မြတ်တဲ့တရားကိုသာ ပွားများအားထုတ်ဖြစ်မယ်ဆိုရင်
ဘဝမှာနေပျော်ပါတယ်။
ဘဝမှာမြတ်ပါတယ်လို့ပဲ
လက်ဆောင်ပေးပါရစေ။

တောင်ကလေးဆရာတော်
(၅.၂.၂၀၂၅) ရက်နေ့ည။

Loading

Categories
စကားလက်ဆောင်

🙏🙏🙏 မင်္ဂလာညချမ်းချိန် 🙏🙏🙏

🙏🙏🙏 မင်္ဂလာညချမ်းချိန် 🙏🙏🙏
~~~~~~~~~~~~~~~~~~~~~~~~~~~
။ ဘုရား,တရား,သံဃာ( ရတနာ) သုံးပါးကို အမြဲမပြတ်ဆည်းကပ်ကိုးကွယ်နေကြသောဒါယကာအယောက်တိုင်းအား ဘေးကင်းရန်ကင်းကြလျက် ကိုယ်စိတ်အမြဲအေးချမ်းသာယာကြပါစေလို့ ဆုတောင်းမေတ္တာ ပတ္ထနာပြုပေးကြပါတယ်။

။ ကိုယ်စိတ်အထူး အေးမြကြပါစေ။

Loading

Categories
စကားလက်ဆောင် တောင်ကလေးဆရာတော် နံနက်ခင်းသြဝါဒကထာ ဘာသာရေး

။ မေတ္တာပို့သပါသည် ။

။ မေတ္တာပို့သပါသည် ။
~~~~~~~~~~~~~~~~~
။ နံနက်ချိန်ခါ၊မင်္ဂလာ၊လိုရာဖြာဖြာပြည့်ပါစေ။
။ ကိုယ်လည်းကျန်းမာ၊စိတ်ချမ်းသာ၊ဘယာမျိုးမျိုးကင်းပါစေ။
။ မနှစ်သက်အပ်၊အနိဋ္ဌ၊မုချဝေးဝေးကင်းပါစေ။
။ နှစ်သက်မြတ်နိုး၊အမျိုးမျိုး၊ကောင်းကျိုးဆက်ဆက်ရောက်ပါစေ။
။ တရားဘာဝနာ၊အဖြာဖြာ၊ဉာဏ်မှာအမြဲသိပါစေ။
။ တရားသိထူး၊ထူးကဲထူး၊ကူးခပ်နိဗ္ဗာန်ရောက်ပါစေ။

တောင်ကလေးဆရာတော်
(၃.၂.၂၀၂၅) ရက်နေ့။

Loading

Categories
စကားလက်ဆောင် တောင်ကလေးဆရာတော်

။ သည်နေ့နံနက်မေတ္တာပို့သပါသည် ။

။ သည်နေ့နံနက်မေတ္တာပို့သပါသည် ။
~~~~~~~~~~~~~~~~~~~~~~~~~~~
။ သည်နေ့နံနက်၊မေတ္တာစက်၊အတွက်သူငါပို့ပါသည်။
။ မေတ္တာဖွေးဖြူ၊ကြည်သန့်ဖြူ၊သူငါအားလုံးရပါစေ။
။ ကိုယ်စိတ်ငြိမ်းအေး၊ဘယာဝေး၊ဆိုးဘေးကင်းလွတ်ကြပါစေ။
။ ငါးပါးရန်သူ၊ဒေါသမူ၊သူငါအားလုံးလွတ်ပါစေ။
။ ကိုယ့်စိတ်တည်ကြည်၊အေးမြကြည်၊သန့်တည်ဘဝင်လင်းပါစေ။

တောင်ကလေးဆရာတော်
(၂.၂.၂၀၂၅) ရက်နေ့နံနက်။

Loading

Categories
စကားလက်ဆောင် တောင်ကလေးဆရာတော်

။ ယနေ့ညမေတ္တာပို့ပေးပါသည် ။

။ ယနေ့ညမေတ္တာပို့ပေးပါသည် ။
~~~~~~~~~~~~~~~~~~~~~~~~
။ ယနေ့ညချမ်း၊မေတ္တာလွှမ်း၊အေးချမ်းသာယာကြပါစေ။
။ မေတ္တာကြည်ကြည်၊ဝေငှသည်၊ကြည်လင်လန်းဆန်းကြပါစေ။
။ မုန်းခြင်းကင်းကင်း၊ရန်လိုကင်း၊ချစ်ခြင်းပြည့်ဝရကြစေ။
။ ကြင်နာသနား၊ထိုသူများ၊မခြားနေ့ညရပါစေ။
။ ဝန်တိုတတ်သူ၊ထိုအပူ၊ကင်းသူအမြဲဖြစ်ပါစေ။
။ မနာလိုခြင်း၊ရန်လိုခြင်း၊လွတ်ကင်းအမြဲရှိပါစေ။
။ ငြိမ်းအေးသာယာ၊မြဲရွှင်သာ၊မေတ္တာမြမြရပါစေ။
။ အပါယ်လွတ်ကင်း၊ဝဋ်ကြွေးရှင်း၊ရှင်းလင်းနိဗ္ဗာန်ရပါစေ။

တောင်ကလေးဆရာတော်
(၁.၂.၂၀၂၅) ရက်နေ့ည။

Loading

Categories
စကားလက်ဆောင် တောင်ကလေးဆရာတော် ဗုဒ္ဓဘာသာ

။ ဘုရားရှိခိုးခြင်းသည် ။

။ ဘုရားရှိခိုးခြင်းသည် ။
~~~~~~~~~~~~~~~~~~
။ဘုရားရှိခိုးခြင်းသည် ဘာသာရေးအရ အရေးပါသော လုပ်ရပ်တစ်ခုဖြစ်ပြီး လူတို့အတွက် စိတ်ပိုင်းဆိုင်ရာ၊ ရုပ်ပိုင်းဆိုင်ရာနှင့် စိတ်ဝိဉာဉ်ပိုင်းဆိုင်ရာ အကျိုးကျေးဇူးများစွာကို ရရှိစေနိုင်ပါသည်။ ဘုရားရှိခိုးခြင်းဖြင့် ရနိုင်သော အကျိုးကျေးဇူးများမှာ အောက်ပါအတိုင်းဖြစ်ပါသည်။

၁။ စိတ်ချမ်းသာမှုရရှိခြင်း။

။ ဘုရားရှိခိုးခြင်းဖြင့် စိတ်တည်ငြိမ်မှုနှင့် စိတ်ချမ်းသာမှုကို ရရှိစေနိုင်ပါသည်။ ဘုရားအား ဆုတောင်းခြင်းဖြင့် စိတ်ဖိစီးမှုများကို လျော့ပါးစေပြီး စိတ်သက်သာရာရစေနိုင်သည်။

၂။ စိတ်ဓာတ်ခွန်အားတိုးပွားခြင်း။

။ ဘုရားရှိခိုးခြင်းသည် လူတို့အား စိတ်ဓာတ်ခွန်အားပေးပြီး ဘဝတွင် ရင်ဆိုင်ရသော အခက်အခဲများကို ရဲရင့်စွာ ရင်ဆိုင်နိုင်စေသည်။

၃။ မိမိကိုယ်ကိုယ် သိမြင်နားလည်မှုတိုးပွားခြင်း။

။ ဘုရားရှိခိုးခြင်းဖြင့် မိမိကိုယ်ကိုယ် သိမြင်နားလည်မှုတိုးပွားလာပြီး မိမိ၏ အားနည်းချက်များနှင့် အားသာချက်များကို ပိုမိုသိရှိလာနိုင်သည်။

၄။ ကျေးဇူးတရားကို ခံစားမိခြင်း ။

။ ဘုရားရှိခိုးခြင်းဖြင့် ဘဝတွင် ရရှိထားသော ကျေးဇူးတရားများကို သတိရပြီး ကျေးဇူးသိတတ်သော စိတ်ထားကို မွေးမြူနိုင်သည်။

၅။ ဘဝတွင် ဦးတည်ချက်ရှိခြင်း ။

။ ဘုရားရှိခိုးခြင်းဖြင့် ဘဝတွင် ဦးတည်ချက်ရှိလာပြီး မည်သည့်အရာကို လုပ်ဆောင်ရမည်ဆိုသည်ကို ပိုမိုရှင်းလင်းစွာ သိရှိလာနိုင်သည်။

၆။ လောကီအကျိုးကျေးဇူးများ ။

။ ဘုရားရှိခိုးခြင်းဖြင့် လောကီအကျိုးကျေးဇူးများဖြစ်သော ကျန်းမာရေး၊ စီးပွားရေး၊ လူမှုရေးစသည့် အကျိုးကျေးဇူးများကို ရရှိနိုင်သည်ဟု ယုံကြည်ကြသည်။

၇။ စိတ်ဝိဉာဉ်ရေးရာ တိုးတက်မှုရရှိခြင်း ။

။ ဘုရားရှိခိုးခြင်းဖြင့် စိတ်ဝိဉာဉ်ရေးရာ တိုးတက်မှုများရရှိပြီး ဘုရားနှင့် နီးစပ်မှုကို ခံစားရနိုင်သည်။

၈။ မိသားစုနှင့် ပတ်ဝန်းကျင်နှင့် သဟဇာတဖြစ်ခြင်း ။

။ ဘုရားရှိခိုးခြင်းဖြင့် မိသားစုနှင့် ပတ်ဝန်းကျင်နှင့် ပိုမိုသဟဇာတဖြစ်ပြီး ချစ်ခင်မှုနှင့် နားလည်မှုများ တိုးပွားလာနိုင်သည်။

၉။ ကံကောင်းခြင်း ။

။ ဘုရားရှိခိုးခြင်းဖြင့် ကံကောင်းခြင်းနှင့် ကောင်းသော အခွင့်အလမ်းများ ရရှိနိုင်သည်ဟု ယုံကြည်ကြသည်။

၁၀။ ဘဝ၏ အဓိပ္ပာယ်ကို ရှာဖွေတွေ့ရှိခြင်း ။

။ ဘုရားရှိခိုးခြင်းဖြင့် ဘဝ၏ အဓိပ္ပာယ်ကို ပိုမိုနားလည်လာပြီး ဘဝကို ပိုမိုတန်ဖိုးထားတတ်လာနိုင်သည်။

။ ဘုရားရှိခိုးခြင်းသည် လူတို့အတွက် စိတ်ပိုင်းဆိုင်ရာ ငြိမ်းချမ်းမှုနှင့် စိတ်ဝိဉာဉ်ရေးရာ တိုးတက်မှုများကို ရရှိစေနိုင်သော အရေးပါသော လုပ်ရပ်တစ်ခုဖြစ်ပါသည်။

Loading

Categories
စကားလက်ဆောင် တောင်ကလေးဆရာတော်

။ မိမိကိုယ်မိမိ ခန့်မှန်းခြေပြုခြင်း ။

။ မိမိကိုယ်မိမိ ခန့်မှန်းခြေပြုခြင်း ။

~~~~~~~~~~~~~~~~~~~~~~~~~
။ ၁၉၆၀ ပြည့်နှစ်တွင် မွေးဖွားသူသည် ၂၀၂၅ ခုနှစ်တွင် အသက် ၆၅ နှစ်ပြည့်မည်ဖြစ်ပါသည်။ ထို့ကြောင့် အောက်ပါအချက်များကို သတိပြုရန် လိုအပ်ပါသည်။

၁။ ကျန်းမာရေး

။ (ကျန်းမာရေးစောင့်ရှောက်မှု )အသက် ၆၅ နှစ်အရွယ်တွင် ကျန်းမာရေးပြဿနာများ ပိုမိုဖြစ်ပေါ်နိုင်ပါသည်။ နှလုံး၊ ဆီးချို၊ သွေးတိုးနှင့် အရိုးပွရောဂါများကို ပိုမိုသတိထားရန် လိုအပ်ပါသည်။

၁။ ကျန်းမာရေးစစ်ဆေးမှု

။ ပုံမှန်ကျန်းမာရေးစစ်ဆေးမှုများ ပြုလုပ်ရန် အရေးကြီးပါသည်။

၃။ ငွေကြေးနှင့် စီးပွားရေး

(ပင်စင်နှင့် စုဆောင်းငွေ) အသက် ၆၅ နှစ်တွင် ပင်စင်ယူခြင်းနှင့် စုဆောင်းထားသောငွေများကို စီမံခန့်ခွဲရန် အရေးကြီးပါသည်။
(ငွေကြေးစီမံခန့်ခွဲမှု)အနာဂတ်အတွက် ငွေကြေးစီမံခန့်ခွဲမှုကို သေချာစွာ စဉ်းစားရန် လိုအပ်ပါသည်။

၄။ မိသားစုနှင့် လူမှုရေး

။ ( မိသားစုနှင့် အချိန်ဖြုန်းခြင်း)မိသားစုဝင်များနှင့် အချိန်ဖြုန်းခြင်းကို ပိုမိုအာရုံစိုက်ရန် လိုအပ်ပါသည်။
(လူမှုရေးဆက်သွယ်မှု)လူမှုရေးဆက်သွယ်မှုများ ထိန်းသိမ်းရန် အရေးကြီးပါသည်။

၅။ စိတ်ပိုင်းဆိုင်ရာ

( စိတ်ကျန်းမာရေး)အသက်ကြီးလာသည်နှင့်အမျှ စိတ်ကျန်းမာရေးကို ဂရုစိုက်ရန် လိုအပ်ပါသည်။
(ဝါသနာနှင့် စိတ်ပျော်ရွှင်မှု)ဝါသနာပါရာများကို လုပ်ကိုင်ခြင်းဖြင့် စိတ်ပျော်ရွှင်မှုရရှိနိုင်ပါသည်။

၆။ ဥပဒေရေးရာ

(ဥပဒေရေးရာကိစ္စများ) အမွေဆိုင်ရာကိစ္စများနှင့် ဥပဒေရေးရာကိစ္စများကို ကြိုတင်စီစဉ်ထားရန် အရေးကြီးပါသည်။

။ ဤအချက်များကို သတိပြုကာ ၂၀၂၅ ခုနှစ်အတွင်း ဘဝကို အကောင်းဆုံးဖြတ်သန်းနိုင်ပါစေကြောင်း ဆုတောင်းပေးပါသည်။

Loading

Categories
စကားလက်ဆောင် တောင်ကလေးဆရာတော်

။ သည်နေ့ညချမ်းချိန် မေတ္တာပို့သပါသည် ။

။ သည်နေ့ညချမ်းချိန် မေတ္တာပို့သပါသည် ။
~~~~~~~~~~~~~~~~~~~~~~~~~~~~~~~
။ အေးမြပါစေ၊မေတ္တာဝေ၊ကောင်းထွေလီလီပြည့်ပါစေ။
။ ချမ်းမြေ့ကြည်အေး၊ရင်၌အေး၊ဘေးကင်းရန်ကင်းကြပါစေ။
။ ကြည်သာချမ်းမြ၊လိုဆန္ဒ၊တောင့်တသူငါရပါစေ။
။ ကောင်းမှုဒါန၊ထာဝရ၊ဒိဋ္ဌမြဲစွာပြုနိုင်စေ။
။ ကောင်းမှုပြည့်ဝ၊မြတ်သုခ၊ရကြမြဲပါစေ။
။ ဝိပဿနာ၊ဘာဝနာ၊မြဲစွာပွားများနိုင်ပါစေ။
။ တရားသိမြင်၊မြတ်ဉာဏ်စဉ်၊ထင်ထင်လင်းလင်းသိပါစေ။
။ ကိလေသာရှင်း၊မြူမှုန်ကင်း၊လွတ်ကင်းနိဗ္ဗာန်ရပါစေ။

တောင်ကလေးဆရာတော်
(၃၀.၁.၂၀၂၅) ရက်နေ့ည။

Loading

Categories
စကားလက်ဆောင်

။ မြန်မာ့ကျာဖြန့် ။

။ မြန်မာ့ကျာဖြန့် ။
~~~~~~~~~~~~~
( ကျာ= အတု)
(ဖြန့်= အလိမ်)
( Zhàpiàn)
( လိမ်လည်မှုများ၊ငွေကြေးလိမ်လည်မှုများ၊ဖြားယောင်းသွေးဆောင်မှုများ)
(အင်္ဂလိပ်ဘာသာ Fraud )
( အရှေ့ပိုးကရင်ဘာသာ အင်းလဝ့်ဆ်ု)

။ သတင်းပြေးနေတာက တရုတ်ကျာဖြန့်ပါ။ လက်တွေ့က မြန်မာပြည်မှာ မြန်မာ့ကျာဖြန့်က ပိုမိုကြီးထွားလာနေပြီဆိုတာကို ရွှေမြန်မာများအထိများလာနေပါပြီ။

။ သည်နေ့ မြန်မာ့အမ်ပီတီတယ်လီဖုန်းမိတ်ဆေ့ပေါက်ကဝင်လာတဲ့သတင်းပြန်ကြားမှုတစ်ခုပါ။ သက်ဆိုင်ရာကိုမေးမြန်းစုံစမ်းကြည့်တဲ့အခါ အဲဒီဟာတွေအားလုံးနီးပါးဟာ ကျာဖြန့်( အတုအလိမ်အညာ) တွေပါပဲတဲ့။

။ ကိုင်း တပည့်တို့ရေ
မြန်မာကျာဖြန့်ကြီးထွားလာနေပြီဆိုတာကို သတိကြီးစွာထားပြီးသိဖို့ပါနော်။ မကြာသေးမီကပဲ ဆရာတော်ရဲ့ဒါယိကာမတစ်ယောက်က မြန်မာကျာဖြန့်နဲ့တဲ့တိုးမိသွားလို့ သိန်း(၁၀၀) ကျော် ပေါ့ပေါ့လေးပါသွားခဲ့ပါတယ်။ သတိထားပေါ့ တပည့်တို့ရယ်။

Loading

Categories
စကားလက်ဆောင် တောင်ကလေးဆရာတော်

။ ညချမ်းချိန်ခါ မေတ္တာပို့သပါသည် ။

။ ညချမ်းချိန်ခါ မေတ္တာပို့သပါသည် ။
~~~~~~~~~~~~~~~~~~~~~~~~~~~
။ သည်နေ့ညမှာ၊များသူငါ၊ကျန်းမာကိုယ်စိတ်မြဲပါစေ။
။ နက်ဖြန်မိုးသောက်၊အလင်းရောက်၊ထမြောက်ကြည်သာနိုင်ပါစေ။
။ စိတ်ကူးကြံစည်၊အမည်မည်၊လိုအင်ပြည့်ပါစေ။
။ ဆိုးညစ်ရန်မှု၊မကောင်းပြု၊ဘေးပြုဝေးကွာကြပါစေ။
။ အိပ်မက်ကောင်းခြင်း၊နိုးထခြင်း၊လင်းလင်းသစ်သစ်ကြည်မြစေ။
။ လိုရာကြံဆ၊မှန်သမျှ၊ဒိဋ္ဌဓမ္မရပါစေ။
။ ကုသိုလ်ဘဝင်၊ကြည်ကြည်လင်၊တည်ကြည်ငြိမ်စွာအိပ်ရပါစေ။

တောင်ကလေးဆရာတော်
(၂၅.၁.၂၀၂၅) ရက်နေ့ည။

Loading

ကြော်ငြာထည့်သွင်းရန်
၀၉-၇၅၈၀၅၈၂၅၈
သို့ဆက်သွယ်ပါ။
ပျော်ရွှင်မှုကဖီး မှ

ဆာဗာကြေးလှူဒါန်းထားသည်။