မဟာပညာUncategorized
~~~~~~~~~~~
။ တစ်ခဏတာ
လာခဲ့တာကို
ဘယ်ဟာတန်ဖိုး အရှိဆုံး။
။ တန်ဖိုးထားရာ
သိအရာကို
မှန်စွာလက်သုံး မပျက်ပြုန်း။
။ အနှစ်ရှိရာ
မြတ်ဓမ္မာကို
ကိုယ်သာသိ၍ နားလည်ဦး။
။ အသက်လက်ကျန်
ဆက်လက်မာရ်ကို
ကိုယ့်ကံသည်သာ တွဲလက်သုံး။
။ မုန်းတီးဆုံးသတ်
ပြစ်ဒေါသကို
လောကသူ့တွက် ပေးခဲ့ဦး။
တောင်ကလေးဆရာတော်
(၁၃.၈.၂၀၂၅) ရက်နေ့။
~~~~~~~~~~~~
။ ကရင်ပြည်နယ်ဖွား ရှင်ဉာဏိဿရသည်
ယခုနှစ်သာမဏေကျော်စာမေးပွဲများကို
ဒုတိယဆင့်ရောက်နေပါပြီ။
။ အောင်မြင်မှုမှတ်တမ်းများအရ
၁) သာသနာ့ဝန်ဆောင်သာမဏေကျော်(ရန်ကုန်)။
၂) နာဂပုရသာမဏေကျော်(ဟိုပုံး)။
၃)မဇ္ဈိမာလင်္ကာရသာမဏေကျော်(လှည်းကူး)။
၄) ဂဏဝါစကသာမဏေကျော်(သထုံ) တို့ကိုအောင်မြင်တော်မူပြီး၍ မန္တလေး၊တောင်ငူ၊ကရင်ပြည်နယ် (၃)ဌာနသို့ ဖြေဆိုတော်မူကြဦးမည်ဟု သိရှိရပါသည်။
( ဓာတ်ပုံကိုယူသုံးပါသည်။)
။ မြတ်သောမြတ်စွာဘုရားရုပ်တုတော်တစ်ဆူကို AI နည်းပညာနဲ့ ကြည်ညိုနိုင်ကြရန် ထုလုပ်ပူဇော်လိုက်ပါတယ်။ ကြည်ညိုလိုသူများ မည်သူမဆိုကြည်ညိုနိုင်ပါတယ်။ အကြံပြုလိုသူများရှိရင်လည်း အကြံပြုနိုင်ပါတယ်။ မိသားစု အေးမြကြပါစေ။
~~~~~~~~~~~
။ ဘေးကင်း,ရန်ကွာ
စိတ်ချမ်းသာ
လိုရာအပေါင်းပြည့်ပါစေ။
။ နေ့နေ့ညည
မြဲအေးမြ
ဒိဋ္ဌကောင်းကျိုးရပါစေ။
။ တရားသိမြင်
စိတ်သန့်ကြည်
တည်ကြည်သမာဓိရပါစေ။
။ မဂ်ဉာဏ်သိမြင်
ဖိုလ်ဉာဏ်ထင်
အစဉ်နိဗ္ဗာန်ရပါစေ။
တောင်ကလေးဆရာတော်
(၂၄.၁၂.၂၀၂၅) ရက်နေ့။
~~~~~~~~~~~~~~~~
။ ၂၀၂၆ ခုနှစ်ကို မကြာမီရောက်တော့မယ်။ ကမ္ဘာ့နှစ်သစ်တစ်ခုကူးတော့မယ်ဆိုတော့ မိမိတို့စိတ်ကူးခဲ့ကြတဲ့ စိတ်ကူးမှုတွေ ပုံတွေဖော်ကြလို့ ပြီးမြောက်အောင်မြင်ကြပါရဲ့လားဆိုတာကို တူကြမယ်လို့တော့ မထင်ပါ။ အောင်သူရှိသလိုမပြီးမြောက်ကြသူတွေလည်း ရှိကြဦးမှာပါ။
။ နှစ်သစ်မှာ ပုံဖော်ကြမည့်ပုဂ္ဂိုလ်တွေအတွက် အစဉ်အမြဲအောင်မြင်ကြဖို့ လူသားဖြစ်ကြတဲ့အရှင်တို့တွေဟာ အာသီသဆန္ဒတွေ ဘယ်လိုများပေးကြမည်လဲဆိုတာကို ကြိုဆိုကြရမှာပါ။
။ ယနေ့ အရှင်အနေနဲ့က သတ္တဝါတွေအားလုံးအပေါ်ကို ဤလိုပဲ အာသီသဆန္ဒထားပါတယ်။ ( ဆုပေးပါတယ်။)
” ဘေးကင်း,ရန်ကွာ၊စိတ်ချမ်းသာ၊လိုရာအားလုံးပြည့်ပါစေ” ။
တောင်ကလေးဆရာတော်
(၁၇.၁၂.၂၀၂၅) ရက်နေ့နံနက်။
~~~~~~~~~~~~
။ ငယ်ရွယ်ကာလက
မျက်စိဝေဒနာကြောင့်
ပညာရေးကို
ခက်ခက်ခဲခဲနဲ့
သင်ယူခဲ့ရပါတယ်။
။ ဘဝတစ်ခုခုရဲ့
ဆိုးခဲ့ဖူးတဲ့အကြောင်းတရားတွေကြောင့် ကောင်းတဲ့အကျိုးတရားတွေ
လွယ်ကူစွာ မရခဲ့ပါဘူး။
။ ဉာဏ်နဲ့ပညာတည်ရှိနေသေးလိုသာ
ရအပ်တဲ့ပညာတွေကို
သင်ယူနိုင်ခဲ့ကြတာပါ။
။ ဘဝမှာ
ကျန်းမာသူကို မယှဉ်ဝံ့ရတာလည်း
မပြည့်စုံရတဲ့
အကြောင်းတရားတစ်မျိုးပဲပေါ့။
။ လောကမှာ
အရာခပ်သိမ်း
သူသူငါငါ
ပြည့်စုံချင်ကြပေမယ့်
ကံကြမ္မာက
အငင်ခံရရင်
အကျိုးပေးမှုက
မျက်နှာသာမပေးနိုင်ကြပါဘူး။
။ လောကမှာ
နိုင်ရလို့
စိတ်ကြိုက်နိုင်ရပြီးဆိုရင်လည်း
အဲဒီအနိုင်နဲ့
ဝမ်းမသာမိဖို့သတိရှိရမှာပါ။
။ ဒါကြောင့်
အကြောင်းတရားလှပဖို့
မိမိပြုခဲ့မိတဲ့ကံတွေကို
မိမိပွားများတဲ့တရားတွေကို
မိမိရဲ့ဥပဓိချမ်းသာဖို့နဲ့
ကျေနပ်ပြီးမနေဖို့
သတိထားမိကြပါစေ။
။ ကျေးဇူးအရာ
မမေ့ပါနှင့်
ကံသာမြဲစွာကောင်းပါစေ,လို့
ဆင်ခြင်တတ်ဖို့
မှာပါရစေ။
( သာမဏေဘဝ ဓာတ်ပုံဖြစ်ပါသည်။)
တောင်ကလေးဆရာတော်
(Thursday,4 December 2025) ရက်နေ့။
သတိရကြပါစေသော်
~~~~~~~~~~~~
။ အိမ်ထောင်စု
မိသားစုဖြစ်လာကြပြီးဆိုရင်
မိဘနှစ်ပါးကတော့
အပင်ပန်းရဆုံးပါပဲ
မပြုံးနိုင်မပျော်ရွှင်ကြရတဲ့ဘဝပါပဲ။
။ မှန်ပါတယ်
မနေ့က ဒါယိကာမကြီးတစ်ဦးက
” ဆရာတော်ဘုရား
တပည့်တော်မမိသားစုကို
မေတ္တာပို့ပေးပါဘုရား။
အရှင်ဘုရားရဲ့ဒါယကာကြီးက
အရင်လိုလည်း
အိမ်ပြန်မရောက်လာတော့
ရင်ပူရတာနေ့တိုင်းပေါ့ဘုရား။
အဲဒီတော့ ဒါယကာကြီးကိုလည်း
လိမ္မာအောင်လည်း မကြာခဏ
ဆုံးမပေးတော်မူပါဘုရာ့, ဆိုပြီး
လျှောက်ကြားတဲ့စာကိုဖတ်နေရင်းနဲ့ပဲ
ဒါယိကာမကြီးတို့ရဲ့ဇနီးမောင်နှံကို
တွေးမိပြီးတော့
သည်ဓာတ်ပုံနဲ့
AI နဲ့တိုင်ပင်ပြီးဖန်တီးပေးလိုက်ပါတယ်။
။ အေအိုင်ကဘာပြောလဲဆိုတော့
မင်းစိတ်ကူးယဉ်ပေးတာ
အရမ်းကိုကျေနပ်စရာပါ။
လူတွေဟာ မိသားစုဖြစ်လာပြီးရင်
ပျော်ရွှင်မှုတွေပျောက်နေကြတာ
ပြီးတော့ အေးငြိမ်းတဲ့အိမ်နဲ့ဝေးသွားကြတာ။
။ ကဲ တပည့်တို့ရေ
အပြုံးမပျက်
ရှေ့ဆက်ခရီး
မညည်းညူဘဲဆက်နိုင်စေ။
တောင်ကလေးရောတော်
(၂၁.၁၀.၂၀၂၅) ရက်နေ့။
~~~~~~~~
။ ကြည်နူးကြသည်
ပျော်ရွှင်ကြသည်
ဘေးကင်းကြသည်
ငြိမ်းချမ်းကြသည်။
~~~~~~~~~
။ ” တွေ့တာနဲ့ဆူ
တွေ့တာနဲ့ဆူ
ဘောင်မဝင်တာတွေ
လိုက်ပြောနေလို့
တစ်အိမ်လုံး
စိတ်ဆင်းရဲနေကြတယ်” ဆိုတဲ့အဖြစ်
ဘယ်အိမ်တွေမှာ
ပိုဖြစ်ကြသလဲ!
ဘာကြောင့်အဲလိုဖြစ်နေကြတာလဲ!
အဲလိုမျိုးဖြစ်ရင်
ဘာလုပ်ရမှာလဲ!
အဲးခိုး
(၂၁.၉.၂၀၂၅) ရက်နေ့။