မဟာပညာ
။ ဘဝမှာ မေ့ခဲ့ရတာတွေ
> မောပန်းခဲ့ရတာတွေ
> ပူလောင်ခဲ့ရတာတွေ
> ကြမ်းတမ်းခဲ့ရတာတွေ
> နာကြည်းခဲ့ရတာတွေ
> ထိတ်လန့်ခဲ့ရတာတွေ
> စိုးရိမ်တကြီးဖြစ်ခဲ့ရတာတွေ
> ငိုကြွေးခဲ့ရတာတွေ
> မပိုင်ခဲ့ရတာတွေ
> မနိုင်ခဲ့ရတာတွေ
> မဆိုင်ခဲ့ရတာတွေ
> မသာခဲ့ရတာတွေ
> သာခဲ့ရတာတွေ
> ဒဏ်ရာအမျိုးမျိုးရခဲ့တာတွေ
သည်နေ့တော့ဖြင့်
။ လောကခရီး၊ သားသမီးတို့၊ ရေ,မီးပင်လယ်၊ ကျယ်လည်းကျယ် ရွယ်တိုင်းမမြောက်ဘူးလို့ပဲ အဆုံးအမပေးလိုက်ပါတယ်။
တောင်ကလေးဆရာတော်
(၂၇.၆.၂၀၂၂) ရက်နေ့နံနက်။)
။ ၂၀၂၂နှစ်၊ တက္ကသိုလ်ဝင်တန်းစာမေးပွဲတွင် တောင်ကလေးကျောင်းခွဲ၊ မွန်ပြည်နယ်၊ သထုံမြို့၊ ပဉ္စဂီရိချမ်းမြေ့စည်လောကီ၊ လောကုတ္တရာပညာသင်ကြားရေးကျောင်းမှ
။ ၁) (၃) ဘာသာဂုဏ်ထူးဖြင့် (ပထဝီ၊ သမိုင်း၊ ဘောဂ) သီလရှင်တစ်ပါး၊ (မထေရာနန္ဒီ @ မနှင်းသုဝေ)
။ ၂) (၁) ဘာသာဂုဏ်ထူးဖြင့် (သမိုင်း၊ ဘောဂ) နှစ်ပါး၊
(က) မပုညာနန္ဒီ @ မမေလင်းထက် (သမိုင်းဘာသာ)၊
(ခ) မခေမာစာရီ @ မချောစုခင် (ဘောဂဗေဒဘာသာ)
။ ၃) ရိုးရိုးအောင် (၂) ပါး
(က) ရှင်ဇောတိက @ မောင်ဇော်ဝင်းသူ
(ခ) မသုတစာရီ @ မနန်းလှိုင်လှိုင်သင်း စုစုပေါင်း (၅) ပါး အောင်မြင်ခဲ့ပါသည်။
။ ပညာပါရမီအားထုတ်ကြသူတွေရဲ့ကြိုးစားမှုရလဒ်မှတ်တိုင်ဖြစ်ပါတယ်။ လိုရာပြည့်ဝကြပါစေ။
။ ဆုံမှတ်နေရာ
မဆုံကြဘဲ
ကြုံရနေရာ
ဆုံကြပါသည်
ဘဝထိုထို များကုသိုလ်။
။ အတုံ့အဆက်
ဆုံကြခဲ့တော့
စုံမက်စုံဖက်
ဆုံမှတ်ပျက်သည်
ဘယ်တွက်ထိုထို များကုသိုလ်။
။ ဆုံလည်,ဆုံဆည်း
ဘုံတမ်းမီးနယ်
ခရီးပင်လယ်
ကျယ်သည့်ကျယ်သည်
ဘယ်ဝယ်ဘဝ များကုသိုလ်
။ ဆုံရဘဝ
ဆုံမှတ်ပြတ်အောင်
ဓမ္မဉာဏ်မီ
ရင်၌ချည်ပြီ
ကုန်ပြီတန်းတန်း အမြတ်လမ်း။
တောမှီရဟန်း
(၂၂.၆.၂၀၂၂) ရက်နေ့ညနေခင်း။)
။ ၁၃၈၄ (၂၀၂၂) ခုနှစ်၊ ပါဠိပထမပြန်စာမေးပွဲ၊ ကရင်ပြည်နယ် (ဘားအံ) စာဖြေဌာန အခြေပြုမူလတန်းအောင်စာရင်းမှ တောင်ကလေးကျောင်းတိုက်တွင် အခြေပြုမူလတန်းစာမေးပွဲကို အောင်မြင်ကြသော သီလရှင်များ။
။ ပါဠိပထမပြန်စာမေးပွဲ ပြန်ပြီးမဖြေဖြစ်တာကြာပြီဆိုပေမယ့် စမ်းသပ်ဖြေဆိုကြည့်လိုက်တာ (၅) ပါး အောင်မြင်ပါတယ်။ ၂၀၂၃ ခုနှစ်စာမေးပွဲမှာ ပြန်ပြီးစမ်းသပ်ပါဦးမယ်။
ပညာရေးဝန်ကြီးဌာန
မြန်မာနိုင်ငံစာစစ်ဦးစီးဌာန
Department of Myanmar Examinations, Ministry of Education, Myanmar.
၂၀၂၂ – တက္ကသိုလ်ဝင် စာမေးပွဲအောင်စာရင်း (ကရင်ပြည်နယ်)
၂၀၂၂ – တက္ကသိုလ်ဝင် စာမေးပွဲအောင်စာရင်း (ကရင်ပြည်နယ်) (myanmarexam.org)
မှတ်ချက် ။ ။ လက်ရှိတွင် File Access များအားပိတ်ထားသဖြင့် ဝင်ရောက်ကြည့်ရှုနိုင်မည် မဟုတ်ပါ။
။ တိမ်လိပ်တိမ်ရိပ်
တအိမ့်အိမ့်နှင့်
တိတ်ဆိတ်သာယာ ကုန်းမြင့်မှာ။
။ မိဘ ဘိုးဘွား
တည်ကာထားတဲ့
ဘုရားစေတီ မြရတနာ။
။ မြတ်သောနေရာ
နေလာကြတဲ့
သင်ကြပညာ သူသူငါ။
။ ခုတော့
ခေါင်းလောင်းသံသာ
ကြားနေပါပြီ
သူငါစာကျက် တစာစာ။
။ ပြန်မရောက်ကြာ အဝေးရွာက တပည့်များ
~~~~~~~~~~~~~~~~~~~~~~~~~~~~~
သို့ ။
~~~
မာန်နာဲပညာ
(ဖလုံပညာ့တ်ုဝါန့် )
(၁၅.၆.၂၀၂၂) ရပ်နေ့။
။ အတတ်နိုင်ဆုံးတော့ ကြိုးစားပေးပါတယ်။ သူ့အသက်ရှင်လာလေမည်လားပါ။ပြန်ပြီးမရှင်လာလေတော့ ကယ်သူကပဲ ဝေဒနာအဖြစ်ခံစားရပါတယ်။ သတ္တဝါတိုင်း အသက်ရှင်နေခြင်းကိုတောင်းတနေကြစမြဲမဟုတ်လား။
။ ဒီမနက်စာရေးနေတဲ့အချိန်လေးမှာပဲ အရှိန်ပြင်းပြင်းနဲ့ပျံသန်းလာနေတဲ့စာငှက်ကလေးဟာ မှန်တံခါးကို တိုက်မိလို့ ကျနေတာကိုမြင်ရလို့ အလျင်အမြန်ကောက်ယူပြီး လေမှုတ်သွင်းပေးတယ်။ အတောင်နှစ်ဖက်ကို ဆန့်တန်းပြီး ရင်အုပ်ကို အသာကလေးဖိပြီး လှုပ်ပေးနေတယ်။ နှုတ်သီးကိုဟပ်ပြီးတော့ လေလေး အကြိမ်ကြိမ်အခါခါမှုတ်သွင်းပေးတယ်။ အခြားကုသစရာတွေနဲ့လည်းကြိုးစားခဲ့ပေမဲ့ အသက်ပြန်မရှင်တော့ဘဲ လက်ပေါ်မှာပဲအသက်ပျောက်သွားတယ်လို့ပဲဆိုရမပေါ့။
။ ငှက်ကလေးရဲ့ခန္ဓာအစိတ်အပိုင်းကိုပြန်ပြီးကြည့်တဲ့အခါ လည်ပင်းရိုးကြိုးနေတာတွေ့ရတယ်။ ဘဝမှာဘယ်နေ့သေရမည်လည်းဆိုတာကို သေချာမသိကြတဲ့သတ္တဝါတွေရဲ့အဖြစ်ဟာ သံဝေဂရစရာပါပဲ။
။ ဒီနေ့တော့ မရဏာနုပဿနာပွားများခဲ့ပါတယ်။
(ပျံသန်းခြင်းမှမပျံနိုင်တော့ခြင်း)
တောမှီရဟန်း
(၁၄.၆.၂၀၂၂) ရက်နေ့နံနက်။
။ မငြိမ်တဲ့အသိက
တိမ်နေတဲ့အရာတွေကို
အားလုံးမသိသလိုဘဲ
နက်နဲခက်ခဲတဲ့
ဉာဏ်အသိတွေလည်း
နားလည်မှာမဟုတ်။
။ မငြိမ်တဲ့စိတ်က
အငြိမ်အငြိမ်းကို
မနှစ်သက်သလိုဘဲ
မငြိမ်းခြင်းကြောင့်
အပူအပင်တွေ
လာပြီးကိန်းတာပါပဲ။
။ ပူပင်မှု
မငြိမ်မှု
မငြိမ်းမှု
မငြှိမ်းတတ်မှုကြောင့်
အနုသယတွေ
ကိလေသာတွေ
တဏှာတွေ
မာနတွေ
တိုးတိုးကြိတ်ကြိတ်
မဆိတ်သုဉ်းနိုင်ဘဲ
ရှိနေဖြစ်နေလေတော့
အစွဲအလမ်းတွေ
မကွာမခွာနိုင်လို့
ဘဝအတွက်
ပေးဆက်မကုန်နိုင်ဘဲပေါ့။
။ ဒီနေ့တော့
မေ့ဆေးမပြယ်တတ်တဲ့ဘဝအတွက်
စိတ်ဆေးအဖြေတစ်ပါးသိဖို့
ဝေဒနာအိမ်ကိုလေ့လာပါ
ဝေဒနာမှ
တဏှာမဖြစ်ပါစေနဲ့တဲ့။
တောမှီရဟန်း
(၁၃.၆.၂၀၂၂) ရက်နေ့ညနေခင်း။
။ ၆၂ အသက်
အိုဘက်ကစလာပြီလား
အိုနေပြီလို့သိသလား။
။ အိုမအိုတော့
မပြောလိုပါ
” မောင်အရင်လိုမဟုတ်တော့ဘူး”
ဆိုတာကိုတော့
သေချာနေပါပြီ။
။ နေရတာလည်း
အပျော်ကြီးမဟုတ်တော့
စားရတာလည်း
အကြိုက်ကြီးမဖြစ်လေတော့
အိပ်ရတာလည်း
အပျော်ကြီးလည်း
မရှိလေတော့
နေ့နေ့ညည
ဒုက္ခတွေက
ပိုများလာနေသလားပါပဲ။
။ စိတ်အလိုမကျတာတွေ
သဘောမကျတာတွေ
အားမရတာတွေ
စိတ်အလုပ်တွေလည်း
အားနည်းနေလို့ပဲလား
လူဟာ အလိုလိုနဲ့
ပိုပိုပြီး တန်ဖိုးမဲ့လာနေသလိုပါပဲ။
။ အများနဲ့နေရတာ
မပျော်တော့သလို
စကားတွေအများကြီး
ပြောနေရတာလည်း
မပြောချင်ကြတော့ပါဘူး။
။ စာဖတ်စာရေး
စာကြည့်စာကူး
စာတွေးစာကြံ
စာအလုပ်တွေနဲ့လည်း
စိတ်မတွေ့တော့
အတွေးအမြင်
ရှုပ်ရှုပ်ထွေးထွေးတွေလည်း
သဘောမတွေ့လေတော့
အငြိမ်အငြိမ်းတွေကိုပဲ
ပိုပိုပြီးမြတ်နိုးလာတယ်။
။ တစ်ယောက်တည်းနေ
တစ်ယောက်တည်းသွား
တစ်ယောက်တည်းအိပ်
တစ်ယောက်တည်းစား
တစ်ယောက်တည်းပျော်အောင်
နေတတ်လာလေတော့
အကျည်းတန်ဆန်တာတွေလည်း
မိမိအတွက်က
ပြဿနာမရှိလေတော့
အားလုံးကိုနားလည်မှု
ပေးတတ်ပါပြီ။
။ ဒီနေ့
အမှတ်ရစကားတစ်ခွန်း
အနေနဲ့ပြောရရင်တော့
” မောင်အရင်လိုမဟုတ်တော့ဘူး”လို့ပဲ
ဆိုပါရစေ။
တောမှီရဟန်း
(၁၁.၆.၂၀၂၂) ရက်နေ့နံနက်။