။ ဆံရစ်ဝိုင်း
ဝိုင်းချစ်ဝိုင်း
ဝိုင်းစက်ဝိုင်းတဲ့
အရိုင်းပန်းလေးတစ်ပွင့်။
။ လမင်းတို့ရဲ့ကြယ်လေး
ကြယ်လေးတို့ရဲ့လမင်း
ကမ္ဘာမှာ
ကြယ်နဲ့လမင်း။
။ မေမေက ကြယ်စင်
ဖေဖေက လမင်း
သားသားက မြေပြင်ပန်းခင်း။
။ ဖေဖေအား
သားအတွက် အားအင်
မေမေအား
သားအတွက် ဂန္ထဝင်
သားရွှေစင်ဖြစ်ရမယ်တဲ့
ကြည်နူးခဲ့ မေမေ့ဘဝင်
အေးမြတဲ့ ဖေဖေ့ဘဝင်။
။ မေတ္တာရေစင်
ချိုမြအေးကြည်
မိခင်ဖခင်
ကျေးဇူးဂုဏ်အင်ကို
ကြည်လင်အေးအေး
လမင်းလေးလို
ဖြူစင်ဖွေးဖွေး
ကြယ်စင်လေးလို
လေးမြတ်ပူဇေ
ဦးတင်လေ၏
ကြယ်တွေလတွေ သာပါစေ
လတွေကြယ်တွေ ဖြာပါစေ။
။ တမ်းတမ်းတတ
သတိရသည်
လမင်းကြယ်စင် မေမေသို့
ကြယ်စင်လမင်း ဖေဖေသို့
မေမေအချစ် မမေ့ဘူး
ဖေဖေအချစ် မမေ့ဘူး
နေ့စဉ်မပြတ် ဦးတော်ဖူး။
ဘုန်းထူးသစ်
(၁၄.၉.၂၀၂၂) ရက်နေ့ညနေခင်းချိန်။
