။ နေခြည်နုအေးတဲ့ထိုနေ့
မိုးကောင်းကင်က တိမ်ပြာလေးပေါ့
လောကအားလုံးတိတ်ဆိတ်ငြိမ်သက်
သဘာဝကျတဲ့အချိန်အခါနဲ့
ဓမ္မဖြစ်စဉ်ပြတဲ့ သစ်ပင်လေးတစ်ပင်။
။ သူ့မှာ
သံယောဇဉ်
အနုသယ
ကိလေသာ
မာန်မာန
အဝိဇ္ဇာ စတဲ့တရားတွေမရှိဘဲ
အဝိညာဏက (အသက်မရှိ)
အဝိုင်းအဝန်းလေးပါ။
။ သို့သော်
သူ့မှာ အဲဒီတရားတွေကင်းလို့
လောကအတွက် တင့်တယ်လေခြင်းပဲလို့
ထင်ရလေရဲ့။
။ ဆိုလိုက်ကြပါစို့
လူမှာ လူလိုအတ္တ
သူ့မှာ လူလိုအတ္တ
မာနတွေ
အတ္တတွေ မရှိတာတော့ အမှန်ပဲ။
။ ဒါပေမယ့်
အဝိညာဏက
ပင်ရုပ်ဖြစ်ရလည်း
သရုပ်မပျက်
သရုပ်ကွဲအောင်
နေပြသေပြရသေးတယ်လေ။
။ ဒီနေ့တော့
ဒီနေ့အဖို့တော့
သစ်ပင်အိုချောက်
အသက်ပျောက်ခဲ့ရလည်း
သူ့မှာ အလှအတ္တကလေးက
လောကအတွက် အကျိုးဆက်နေရင်
သူသူငါငါ
ဘယ်သူဘယ်ဝါ
ပုံပြင်လေးတော့ရှိစမြဲပဲလေ
အတ္တသစ်ပင်လေးလား
မာနသစ်ပင်လေးလား
သူ့အကြောင်းနဲ့သူ့ပုံပြင်ပေါ့
ဒီနေ့တော့ သစ်ပင်ချောက်လေး
သူ့ပုံပြင်ပေါ့။
တောင်ကလေးဆရာတော် (အဲးခိုး)
ခေတ္တ USA , ဝီလျံမြို့ကလေး။
၁၇-၉-၂၀၁၅ ရက်နေ့။
