။ မငြိမ်တဲ့အသိက
တိမ်နေတဲ့အရာတွေကို
အားလုံးမသိသလိုဘဲ
နက်နဲခက်ခဲတဲ့
ဉာဏ်အသိတွေလည်း
နားလည်မှာမဟုတ်။
။ မငြိမ်တဲ့စိတ်က
အငြိမ်အငြိမ်းကို
မနှစ်သက်သလိုဘဲ
မငြိမ်းခြင်းကြောင့်
အပူအပင်တွေ
လာပြီးကိန်းတာပါပဲ။
။ ပူပင်မှု
မငြိမ်မှု
မငြိမ်းမှု
မငြှိမ်းတတ်မှုကြောင့်
အနုသယတွေ
ကိလေသာတွေ
တဏှာတွေ
မာနတွေ
တိုးတိုးကြိတ်ကြိတ်
မဆိတ်သုဉ်းနိုင်ဘဲ
ရှိနေဖြစ်နေလေတော့
အစွဲအလမ်းတွေ
မကွာမခွာနိုင်လို့
ဘဝအတွက်
ပေးဆက်မကုန်နိုင်ဘဲပေါ့။
။ ဒီနေ့တော့
မေ့ဆေးမပြယ်တတ်တဲ့ဘဝအတွက်
စိတ်ဆေးအဖြေတစ်ပါးသိဖို့
ဝေဒနာအိမ်ကိုလေ့လာပါ
ဝေဒနာမှ
တဏှာမဖြစ်ပါစေနဲ့တဲ့။
တောမှီရဟန်း
(၁၃.၆.၂၀၂၂) ရက်နေ့ညနေခင်း။
