မဟာပညာ
ကရင်နှစ် – ၂၇၆၃ ခု
ကောဇာ – ၁၃၈၆ ခုနှစ်၊ နယုန်လဆန်း(၇)ရက်၊
(၁၃၊ ၆၊ ၂၀၂၄) ကြာသပတေးနေ့။
ကရင်ပြည်နယ်၊ ဘားအံမြို့နယ်၊ နောင်ကမြိုင်စံပြကျေးရွာ
နောင်ကမြိုင်ဓမ္မသိင်္ဂါရကုန်းကျောင်း ၌
ကျင်းပပြုလုပ်တော်မူသော
ကရင်အမျိုးသားရဟန်းတော်များအသင်း မှ
“အကျိုးတော်ဆောင် ဂုဏ်ပြုပူဇော်ပွဲ”
အကျိုးတော်ဆောင် ထူးချွန်ဆု ဂုဏ်ပြုပူဇော်ပွဲ “ကရင်အမျိုးသားရဟန်းတော်များအသင်း”
https://www.youtube.com/watch?v=CEkoA1qgqHo
13th of The Annual Meeting Of Karen National Buddhist Monks Association
ကရင်နှစ် – ၂၇၆၃ ခု
ကောဇာ – ၁၃၈၆ ခုနှစ်၊ နယုန်လဆန်း(၇)ရက်၊
(၁၃၊ ၆၊ ၂၀၂၄) ကြာသပတေးနေ့။
ကရင်ပြည်နယ်၊ ဘားအံမြို့နယ်၊ နောင်ကမြိုင်စံပြကျေးရွာ၊ နောင်ကမြိုင်ဓမ္မသိင်္ဂါရကုန်းကျောင်း ၌ ကျင်းပပြုလုပ်တော်မူသော (၁၃)ကြိမ်မြောက် ကရင်အမျိုးသားရဟန်းတော်များအသင်း နှစ်ပတ်လည်အစည်းအဝေးအား တိုက်ရိုက် Live ထုတ်လွင့်ခြင်းဖြစ် ဓမ္မဒါနပြုအပ်ပါသည် အရှင်သူမြတ်တို့ဘုရား။
(၁၃)ကြိမ်မြောက် ကရင်အမျိုးသားရဟန်းတော်များအသင်း နှစ်ပတ်လည်အစည်းအဝေး
။ သည်နေ့ ဆက်ကပ်လှူဒါန်းသောဆွမ်းအလှူရှင်များကိုကြည့်လိုက်ရင် မမြဲခြင်းတရားသဘောအရ လှူသူမမြဲ၊ ယူသူမမြဲဆိုတဲ့အတိုင်းပါပဲ ဆွမ်းဒါယိကာမကြီးတစ်ဦးတည်းသာကျန်နေတော့ခြင်းကိုမြင်တွေ့ရတဲ့ဒီဓာတ်ပုံဟာ ကောင်းမှုကုသိုလ်ကိုအချိန်ပြခြင်းမြေပုံပါပဲ။
။ ဆွမ်းတော်ဘုဉ်းပေးကြတဲ့အရှင်တွေကလည်း ယနေ့မျက်မှောက်ကာလမှာတော့ တစ်ပါတည်းသာကျန်နေတော့ခြင်းကြောင့်လည်း တရားသဘောအရ အနိစ္စရဲ့ဖြစ်တည်မှုတွေပါပဲ။
။ အသက်ကရှည်ကြသူ၊တိုကြသူတွေကြောင့် ဒုက္ခများသူ၊နည်းသူစသဖြင့် အဖြေတွေများစွာဖြစ်လာပါတယ်။ တစ်နေ့တစ်ချိန်က အတူတကွသီတင်းအတူနေထိုင်ကြပေမယ့် ယခုကျတော့ ဝေးကြပျောက်ပြယ်ကြလို့ ကြယ်များကြွေကျနေသလိုပါပဲ။
။ သေနေ့စေ့တော့ သေကြ၊နေနေ့ရှိတော့ နေကြလို့ လောကမှာ အတက်အဆင်း၊အဆင်းအတက်တွေပါပဲ။ သူ့အလုပ်နဲ့သူ၊ သူ့အပုပ်နဲ့သူပါပဲ။ ဘယ်မှာလဲ အလကားဆိုတာ မရှိပါဘူး။ ဖြစ်ခြင်းတရားနဲ့ဖြစ်ကြောင်းတရားတွေနဲ့ပဲ ဘဝနယ်ကြီးချဲ့ထွင်နေကြတယ်မဟုတ်လား။
။ ပြုကြတဲ့ကံတွေ၊ ဖြစ်လာကြတဲ့စေတနာတွေ၊ ရလာကြတဲ့အကျိုးတရားတွေ မကုန်နိုင်ပေါ့။ မဆုံးနိုင်ပါပဲ။ ကံ,စေတနာအထောက်အမအားကောင်းလို့ ဒီဘဝအတွက်နဲ့နောင်ဘဝအတွက်တွေပါ အကျိုးဆက်တွေ ပေးလို့ကိုမဆုံးပါပဲ။
။ ပြုကြတဲ့ကံတွေအထဲက သန့်ရှင်းစင်ကြယ်တဲ့ကံအမှုတွေ လုပ်ဖြစ်ကြရဲ့လားပါပဲ။ ပြုမိကြတဲ့ကံက အဖြူအမည်းမသဲကွဲဘဲ ပြုမိသလိုနဲ့ပဲ အကျိုးပေးမှုတည်ငြိမ်နေမှာမဟုတ်ဘဲ ဟုတ်နိုးနိုးနဲ့ အကျိုးပေးချင်သလိုသာရမယ်ပေါ့။ ဒါကြောင့် ကံကိုပြုပြင်၊ စေတနာစင်ကြယ်ပါစေလို့ အမြဲလိုလိုပြောဖြစ်ပါတယ်။
။ နားထဲ၊ နှလုံးအိမ်ထဲဘဝင်မကျတဲ့သူတွေက ” အပြောတွေပါ၊ အပလေ၊ အပလာ၊အပလီ၊ အပလိန်း၊ အပြိန်း တွေပါ” ဆိုပြီး မကောင်းမှုဟစ်ကြော်ကြတဲ့ ထော်လော်ကန့်လန့်သမားတွေရဲ့ ဆဲဆိုခံခဲ့ရတဲ့အဖြစ်ကလည်း ဒီအရှင်ပါပဲ။ ဝဋ်မြစ်ဝဋ်နွယ်တွေက များလျားစွာများရှိနေခဲ့လို့ပဲနေမှာပါ။ ခုချိန်ထိတိုင်ထုချေလို့ကို မကုန်နိုင်အောင်ပါပဲ။
။ လိုရင်းကုန်ကုန်ပြောရရင်တော့ ဆွမ်းဝိုင်းထဲမှာ တစ်ပါးတည်းသာကျန်နေတော့တဲ့အရှင်က ဒီဆွမ်းဝိုင်းရဲ့အမှတ်တရက တစ်နေ့တစ်ချိန်ကဖြစ်နေခဲ့ပေမဲ့ ယနေ့အချိန်ထိ အနက်အဓိပ္ပာယ်ကောက်လို့ မကုန်နိုင်မခမ်းနိုင်သေးပါဘူး။ ဆွမ်းဒါယကာတွေက မသိပေမယ့် ရဟန်းတော်တို့ကိုလှူဒါန်းခဲ့ကြတဲ့ဒီဆွမ်းရဲ့အကျိုးဟာ ဒါယကာကြီး ဦးသုခရိုက်ပြတဲ့ရုပ်ရှင်ထဲက ဆွမ်းတော်တစ်နပ်ရဲ့အကျိုးပြမြေပုံပါပဲ။
။ ဒါကြောင့် လောကမှာ ဒါနနဲ့ပတ်သက်လာရင် နည်းများမဆို ကုသိုလ်ကံပြုနိုင်ကြလို့ အကုသိုလ်ကံကိုမပြုမိကြဖို့ ဆင်ခြင်ဉာဏ်ပြည့်စုံရမယ်။ ရဟန်းစားသောဆွမ်းတစ်နပ်ကြောင့် မိမိဘဝက ကြီးကျယ်စွာဒုက္ခမပေးသွားဘူးဆိုတာကိုနားလည်ရင်( သိရင်) မိမိပြုဖူးသောကုသိုလ်ကံကို အကြိမ်ကြိမ်အဖန်ဖန်( အခါခါ) အောက်မေ့လျက် ” ကုသိုလ်ပြုကံ၊ ကိုယ်ပိုင်ဉာဏ်၊ အမှန်အကျိုးအမြတ်” ပါကြောင်း မြတ်ဗုဒ္ဓက ချီးမြှင့်ဆုံးမဩဝါဒပေးခဲ့ပါတယ်လေ။
။ ရဟန်းတစ်နပ်
ဆွမ်းကပ်ခဲ့သူ
အပူကင်းကွာ
ငြိမ်းချမ်းသာကြောင်း
ပြောင်းလဲဘဝ
သုခရိပ်ငြိမ်
နိဗ္ဗာန်အိမ်သို့
တည်ငြိမ်အိမ့်အိမ့် ရောက်ရလိမ့်။
တောမှီရဟန်း
(၈.၇.၂၀၂၃) ရက်နေ့နံနက်။)
။ သက်တော် (၉၃ )နှစ်၊ သိက္ခာတော် (၇၃ )ဝါရှိ ကျေးဇူးဂုဏ်ရှင် သာမညတောင်ဆရာတော်ကြီးသည်
၁) ဗုဒ္ဓသာသနာတော်နှစ် ၂၅၄၇ ခုနှစ်၊
၂) ခရစ်နှစ်၂၀၀၃ ခုနှစ်၊နိုဝင်ဘာ(၂၉ )ရက်နေ့၊
၃) မြန်မာကောဇာသက္ကရာဇ် ၁၃၆၅ ခုနှစ်၊နတ်တော်လဆန်း (၆ )ရက်၊စနေနေ့ နံနက် (၉:၀၀) နာရီအချိန်တွင် ဘဝနတ်ထံ ပျံလွန်တော်မူခဲ့သည်ကို သတိရကြဦးမည်ထင်ပါသည်။
။ သည်နေ့သည် ဆရာတော်ကြီးပျံလွန်တော်မူရာ၌(၁၉) နှစ်တိုင်တိုင်ရှိပြီဖြစ်သော်လည်း ဆရာတော်ကြီး၏ သီလဂုဏ်၊သမာဓိဂုဏ်၊ပညာဂုဏ်တို့ကို မြဲစွာအောက်မေ့ပါသည်။
။ ဆရာတော်၏ဂုဏ်တော်ကို ပူဇော်ကန်တော့ပါ၏ဘုရား။
တောင်ကလေးဆရာတော်
(၂၉.၁၁.၂၀၂၂) ရက်နေ့။
။ အေဒီ ၁၉၈၄/၈၅ ခုနှစ်ကာလက တောတောင်တွေမှာ တောရဆောက်တည်သွားလာနေထိုင်ပြီး ၁၉၈၈/၈၉ ခုနှစ်ရောက်သောအခါ တိုင်းပြည်( မြန်မာပြည်) အထွေထွေအကျပ်အတည်းကြောင့် နိုင်ငံခြားသို့ ခရီးမထွက်ခွါမီ အမှတ်တရရိုက်ကူးထားခဲ့တဲ့ပုံပါ။
။ အိမ်နီးနားချင်းတိုင်းပြည်တစ်ခုကိုထွက်ခွာသွားပြီး ဘာသန္တရပညာရပ်သင်ယူခဲ့ပါတယ်။ ခုတော့ အရှင့်ကိုပညာသင်ပေးတော်မူကြတဲ့ ဆရာအရှင်သူမြတ်တွေကလည်း ဘဝနတ်ထံပြန်လွန်တော်မူကြရှာပါပြီ။ ပညာအတူတူ သင်ယူဆည်းပူးတော်မူကြတဲ့ ပညာ့မိတ်ဆွေတော်တွေလည်း အဝေးဝေးမှာ ရောက်ကြလို့ အချို့ချို့လည်း ဒီလောကနဲ့ထွက်ခွာနေကြပြီ။
။ ပင်ပန်းစွာနဲ့ကျန်ရစ်နေသေးတဲ့ ဤအရှင်ကတော့ လောကီသားပီပီ လောကနယ်ထဲမှာ လူးလှိမ့်နေဆဲပါပဲ။ ခန္ဓာသားရဲ့အိုမင်းရင့်ရော်လာမှုကြောင့် အိုခြင်းနှိပ်စက်မှုတွေ အပြင်းအထန်မြင်တွေ့နေရတော့ ပုံမှန်နေ့စဉ်တရားပွားများဖြစ်ပေမယ့် ၊ သမာဓိတည်ငြိမ်မှုကလွဲလို့ အခြားဘာမှ မသိမမြင်ရသေးပါဘူး။
။ သံသရာမှာ ဒီခန္ဓာသာဆက်လက်၍ နှစ်သက်တွယ်တာမိခဲ့ဦးမယ်ဆိုရင်တော့ ဘဝများစွာ ကျင်လည်ကြရနေဦးမယ်။ အမှန်မလွဲပြောရရင် ဒီသံသရာမှာ ခုနှစ်ကြိမ်ထက်မလာချင်တော့ပါဘူး။ ပဋိသန္ဓေနောက်ထပ်တစ်ကြိမ်ပြန်တည်ဖို့ မကြိုးစားချင်တော့ပါဘူး။
။ သတိခါခါ
အောက်မေ့ပါသည်
အေးရာနှလုံးသွင်းတတ်ပြီ။
တောမှီရဟန်း
(၈.၁၁.၂၀၂၂) ရက်နေ့။
သထုံ
၃၀.၉.၂၀၂၂
ယနေ့ နေ့လည်ပိုင်း သထုံမြို့၊ သိမ်ကုန်းရပ်ကွက် အ.ထ.က (၂) ကျောင်း၀င်းအတွင်း ကျောင်းဆောင်သစ်အဆောက်အဦး ဆောက်လုပ်ရန် တူးဖော်ရာ အနက် (၄) ပေခန့်လောက်တွင် ရှေးခေတ်လက်ရာများဖြစ်သည့် မုဒြာမျိုးစုံ အုတ်ခွက်ဘုရား (၂၁၀) ဆူ တွေ့ရှိခဲ့ပါသည်။
၎င်းအုတ်ခွက်ဘုရားများသည် AD – 7 ရာစုခန့် ရှေးခတ်လက်ရာများဖြစ်သည်ဟုခန့်မှန်း သိရှိရပါသည်။ တူးဖော်ရရှိသည့် အုတ်ခွက်ဘုရား အဆူ (၂၁၀) အား အ.ထ.က (၂) ကျောင်း၀င်း အတွင်းရှိ ဘုရားခန်းတွင် ပူဇော်ထားရှိထားပါသည်။
သတင်းရင်းမြစ်။ ။ ဝင်းဇော် ဦး
။ သုဓမ္မဝတီမြို့ခေါ်( သုဓုံ+ သထုံ) မြို့ဟာ အလွန်ရှေးကျသော ခေတ်ဦးကာလက ဗုဒ္ဓယဉ်ကျေးမှုထွန်းကားခဲ့ပြီးသားပါပဲ။ မင်းနဲ့ပြည်သူကြည်ဖြူစွာ ရှိနေကြစဉ်က ဘာသာယဉ်ကျေးမှု မည်သူမျှထိပါးခဲ့ကြတာမရှိပေမယ့် နယ်ချဲ့ပဒေသရာဇ်၊နယ်ချဲ့ကိုလိုနီခေတ်စတဲ့ခေတ်အဆက်ဆက်ကိုဖြတ်သန်းရင်း မူလယဉ်ကျေးမှုပစ္စည်းတွေဟာ ကျူးကျော်စစ်ရဲ့လက်အောက်သို့ရောက်ခဲ့ရတယ်။
။ အထူးသဖြင့် ဒီနေရာဟာ ဘာသာခြားတွေကအတင်းသိမ်းယူပြီး သူတို့ဘာသာဘုရားရှိခိုးကျောင်းဆောက်လုပ်ခဲ့တယ်။ မူလစေတီပုထိုးဟောင်းကိုဖျက်ဆီးပြီး မြေအောက်မှာ အများသူငါမသိအောင်လုပ်ခဲ့တယ်ဆိုတာ သက်သေပြစရာမလိုတော့အောင်ပါပဲ။
။ လက်ရှိမြင်တွေ့ရတဲ့ ရှေးအုတ်ခွက်ဘုရားလက်ရာဟာ ကရင်ပြည်နယ်အတွင်း လိုဏ်ဂူတော်တွေမှာ မြင်နိုင်တဲ့အပြင် ထိုင်း၊လော၊ကမ္ဗောဒီးယားနိုင်တွေမှာလည်း မြင်တွေ့နိုင်ပါတယ်။ အထူးသဖြင့် ကရင်ပြည်နယ်အတွင်းမှာတော့ ယဉ်ကျေးမှုနေရာဟောင်းတိုင်းမှာ မြင်တွေ့ရပါတယ်။ မြန်မာများ ပိုမိုလေ့လာရန်လိုပါတယ်။။
Pin Nya Tha Mi