မဟာပညာ
။ ဘုန်းကြီးသောသူ၊ဖြစ်စေမူ၊
သီလရှိမှပေါင်းသင်းပါ။
။ ပညာရှိသူ၊ဖြစ်စေမူ၊
သီလပြည့်မှပေါင်းသင်းပါ။
။ ဥစ္စာပေါသူ၊ဖြစ်စေမူ၊
သီလရှိမှပေါင်းသင်းပါ။
။ ရုပ်ဆင်းလှသူ၊ဖြစ််စေမူ၊
အကျင့်ဖြူမှပေါင်းသင်းပါ။
။ မျိုးနွယ်မြတ်သူ၊ဖြစ်စေမူ၊
မာနကင်းမှပေါင်းသင်းပါ။
။ အာဏာရှိသူ၊ဖြစ်စေမူ၊
ဒေါသကင်းမှပေါင်းသင်းပါ။
။ ဂုဏ်ဒြပ်ကြီးသူ၊ဖြစ်စေမူ၊
စာနာရှိမှပေါင်းသင်းပါ။
။ ကျမ်းဂန်တတ်သူ၊ဖြစ်စေမူ၊
မာန်နိမ့်ချမှပေါင်းသင်းပါ။
တောင်ကလေးဆရာတော်
(၁၅.၇.၂၀၂၂) ရက်နေ့ နံနက်ခင်း။)
။ အသက်တစ်ရာ မနေရဘူး၊
တရားထူးတော့ရသင့်တယ်။
။ နှစ်ပေါင်းကြာကြာ မအိုရဘူး၊
ဘာဝနာတော့ ပွားသင့်တယ်။
။ အချိန်ကြာကြာ မနာရဘူး၊
ကမ္မဋ္ဌာန်းတော့ကျင့်သင့်တယ်။
။ အဆက်မပြတ် မသေရဘူး၊
ကိလေသာတရားတော့ ပယ်သင့်တယ်။
။ အရာရာတိုင်းမှာ မမြဲပါဘူး၊
မေတ္တာတရားတော့ ပွားသင့်တယ်။
။ မဆင်းရဲတာ မရှိပါဘူး၊
ကရုဏာတရားတော့ ပွားသင့်တယ်။
။ အရာရာမှာ အစိုးမရပါဘူး၊
မုဒိတာတရားတော့ ထားသင့်တယ်။
။ အရာရာမှာ မသေချာဘူး၊
ပေးကမ်းလှူဒါန်း ပြုသင့်တယ်။
။ အရာရာမှာ စိတ်မချဘူး၊
သီလကိုယ်ကျင့် မြတ်သင့်တယ်။
။ အရာရာမှာ မငြိမ်းချမ်းဘူး၊
ဝိိပဿနာတရား ပွားသင့်တယ်။
။ သည်နေ့ နက်ဖြန် မသေချာဘူး၊
သေချာတာတစ်ခုခု ပြုသင့်တယ်။
။ ( ၆၃) နှစ်မြောက်မွေးနေ့အကြိုဩဝါဒကထာ( စကား) ။
တောင်ကလေးဆရာတော်
(၁၄.၇.၂၀၂၂) ရက်နေ့ နံနက်ခင်း။)
( ဓာတ်ပုံကို ယူသုံးပါသည်။
။ အလိုမကျ တစ်ခဏကြောင့်
ဖြစ်ရအပါယ်သတိထား။
။ အသုံးမကျ တစ်ဘဝကြောင့်
နစ်ကျအပါယ်သတိထား။
။ အတည်တကျ ဖြစ်နေရကြောင့်
ပစ်ချအပါယ်သတိထား။
။ အမြဲမပြတ် ကျင်လည်ရကြောင့်
ဒုက္ခအပါယ်သတိထား။
။ အဆက်မပြတ် ခံစားရကြောင့်
ဝဋ်ခအပါယ်သတိထား။
။ အမျက်ဒေါသ မပယ်သတ်ကြောင့်
ဓမ္မအပါယ်သတိထား။
။ အရှက်ဘဝ ရခဲ့ရကြောင့်
လောကအပါယ်သတိထား။
။ အမက်လောက တပ်မက်ရကြောင့်
မာနအပါယ်သတိထား။
။ အဖျက်ဘဝ ပြုကြရကြောင့်
မုချအပါယ်သတိထား။
တောင်ကလေးဆရာတော်
(၁၃.၇.၂၀၂၂) ရက်နေ့ နံနက်ခင်း။)
။ ကောင်းကျိုးဆိုးကျိုး ကိုယ်သာရမည်။
။ လူအဖြစ် ဘယ်သူမှ မဖန်တီးပေးခဲ့။
။ ဆင်းရဲချမ်းသာ ဘယ်သူမှမဖန်တီးပေး။
။ ချစ်ခြင်းသနားခြင်းလည်း ဘယ်သူမှမပေး။
။ ဆင်းရဲကင်းအောင်လည်း ဘယ်သူမှမကယ်။
။ ပတ်သက်သည့်အတိုင်း ဖြစ်ရမည်။
။ လုပ်ခဲ့သည့်အတိုင်း ဖြစ်မည်။
။ သံသယအတိုင်း ရှိမည်။
။ မသိလေ ပိုလေဖြစ်မည်။
။ သိလေအေးမြလေ ရမည်။
။ မသိလေသမျှ ပတ်သက်ကုန်ဆုံးနိုင်မည်မဟုတ်။
။ ဆင်ခြင်သောဉာဏ် မြဲပါစေ။
တောင်ကလေးဆရာတော်
(၁၁.၇.၂၀၂၂) ရက်နေ့နံနက်ခင်း။)
။ ငွေကြေးကြောင့် အသက်မလဲနှင့်။
။ လူမှုရေးကြောင့် အမည်းစက်မဖြစ်နှင့်။
။ နိုင်ငံရေးကြောင့် အာဏာမမက်နှင့်။
။ ကူညီရေးကြောင့် သနားမပျက်နှင့်။
။ တာဝန်ကြောင့် စိတ်ထားမပြောင်းနှင့်။
။ ပူပန်မှုကြောင့် အတွေးမလွန်နှင့်။
။ ရလိုမှုကြောင့် အပိုမလိုချင်နှင့်။
။ ညစ်နွမ်းမှုကြောင့် သီလမညစ်နှင့်။
။ ညှဉ်းဆဲမှုကြောင့် မေတ္တာမမဲ့နှင့်။
။ ပျက်ကွက်မှုကြောင့် ရိုသေမပျက်နှင့်။
။ သည်နေ့ အပြုံးမပျက်နေတတ်စေ။
တောင်ကလေးဆရာတော်
( ၁၀.၇.၂၀၂၂) ရက်နေ့ နံနက်ခင်း။)
။ အိုတော့ မကပ်။
။ နာတော့ မလှ။
။ ပူပန်တော့ မငြိမ်။
။ စိုးရိမ်တော့ မသိ။
။ နာကြည်းတော့ မချိ။
။ ကြင်နာတော့ မသက်သာ။
။ ရင်နာတော့ အမြင်တို။
။ ပစ်ထားတော့ ပူဆွေး။
။ ဝေးကြတော့ ပိုမေး။
။ နီးကြတော့ မီးပြ။
။ ခုကျတော့ အမှားအမှန်သိပြီလား။
တောင်ကလေးဆရာတော်
(၉.၇.၂၀၂၂) ရက်နေ့ နံနက်ခင်း။)
။ စိတ်တိုင်းကျ မရှိ။
။ လုပ်တိုင်း မအောင်နိုင်။
။ ဖြစ်တိုင်း မလှပ။
။ ရှိတိုင်း မပြည့်စုံ။
။ သိတိုင်း အမှန်မဟုတ်။
။ ရောက်တိုင်း မပြီးနိုင်။
။ မြင်တိုင်း မသိနိုင်။
။ ခင်တိုင်း ထာဝရမဟုတ်။
။ ချစ်တိုင်း အမြဲမတည်။
။ ရှုံးတိုင်း အနိမ့်ချည်းမဟုတ်။
။ လောကမှာ ဖြစ်တည်ပျက်သာ အမှန်။
တောင်ကလေးဆရာတော်
(၈.၇.၂၀၂၂) ရက်နေ့နံနက်ခင်း။)
။ အသက်ရှင်သန်ချိန်
။ အရွယ်ကောင်းသည့်ချိန်
။ အချိန်မလေးစားရင်
။ အနေမဆင်ခြင်ရင်
။ အလုပ်လက်မဲ့ရင်
။ အနား အားထားရသူ မရှိရင်
။ အနီး ကူသူ မရှိရင်
။ အမွေခံသူ မရှိရင်
။ အစေအပါးဘဝ ရောက်ခဲ့ရင်
။ ဘဝသစ်သစ်၊ကံသစ်သစ်၊ဖွင့်လှစ်တတ်ပါစေ။
တောင်ကလေးဆရာတော်
(၇.၇.၂၀၂၂) ရက်နေ့နံနက်ခင်း။)
။ ပေးဆပ်စရာရှိရင် ပေးဆပ်လိုက်ပါ။ ဝမ်းမနည်းပါနှင့်။
။ ရယူစရာရှိရင်လည်း မယူဘဲ ကျေနပ်လိုက်ပါ။
။ နိုင်စရာရှိရင်လည်း အနိုင်မယူဘဲ ခွင့်လွှတ်လိုက်ပါ။
။ ပေးကမ်းစရာရှိရင်လည်း လှိုက်လှိုက်လှဲလှဲ ပေးကမ်းလိုက်ပါ။
။ လှူဒါန်းစရာရှိရင်လည်း စေတနာမပျက် လှူဒါန်းပါ။
။ နေစရာမရှိရင်လည်း မိမိနေရာကို ပေးလိုက်ပါ။
။ စားစရာမရှိရင်လည်း မိမိအစားအစာကို ပေးစားလိုက်ပါ။
။ လုပ်ကျွေးသူမရှိရင်လည်း မိမိကိုယ်တိုင် လုပ်ကျွေးပါ။
။ အများတကာအတွက် မိမိအသက်ကို စွန့်မြဲပါစေ။ စွန့်ရဲပါစေ။
။ သူတစ်ပါးက မိမိကိုအထင်မကြီးမိပါစေနှင့်။
။ သူတစ်ပါးကို ဘယ်တော့မှ မနှစ်နာစေပါနှင့်။
။ သူတစ်ပါးရဲ့အကျိုးကို ဘယ်တော့မှ မဖျက်ဆီးပါစေနှင့်။
။ လောကကို မိမိနှင့်အတူတူသာ အေးအတူပူအမျှ အမြဲဖြစ်ပါစေ။
တောင်ကလေးဆရာတော်
(၆.၇.၂၀၂၂) ရက်နေ့နံနက်ခင်း။)
။ ကြင်နာသနား
စိတ်ကောင်းထား
မထားစိတ်ယုတ်မာ။
။ ရောင့်ရဲတင်းတိမ်
စိတ်ထဲငြိမ်
ငြိမ်ငြိမ်နေရမှာ။
။ ပူအေးဥတု
နိုင်အောင်ပြု
ဥတုနိုင်ရမှာ။
။ တရားဘာဝနာ
မြဲလေ့လာ
ဖတ်ပါလေ့လာပါ။
။ ဘုရားဂုဏ်တော်
မြဲပူဇော်
ကော်ရော်မပျက်နေထိုင်ပါ။
တောင်ကလေးဆရာတော်
(၅.၇.၂၀၂၂) ရက်နေ့နံနက်ခင်း။)