။ ရုပ်ဟောင်းကိုပြစ်
ရုပ်သစ်ချစ်လည်း
ရုပ်စစ်မှန်ကဖြစ်,ပျက်ကြ။
။ အိုသည့်ရုပ်စု
နာရုပ်စုနှင့်
သေမှုမကင်း
ရုပ်ဖြစ်ခြင်းကို
ပြင်ခြင်းမတတ်နိုင်ကြဘူး။
။ ချောလှပျိုနု
အစပြုလည်း
အိုမှုနာရင်း
သေရင်းနဲ့သာအကြောင်းကူး။
။ နေ့နေ့ညည
ကျောင်းထိန်းရလည်း
ခဏမစဲ
အိုနာမြဲမို့
သေမြဲမဆုံးဖြစ်လေဦး။
။ ဝဋ်မြစ်မကုန်
ဝဋ်သစ်ပုံရ
ဝဋ်ကုန်အောင်ဆပ်
ပေးဆပ်ကြလည်း
ဒုက္ခဖြင့်သာကြောင်းမထူး။
။ ယနေ့သင့်မှာ
ပြင်ဆင်ပါတော့
ဘာဝနာဉာဏ် ဖြာဝေဦး။
။ လူးလူးလဲလဲ
ဒဏ်ဆင်းရဲကို
ပြောင်းလဲပြင်ဆင်လိုက်ပေဦး။
တောင်ကလေးဆရာတော်
(၅.၈.၂၀၂၂) ရက်နေ့ နံနက်ခင်း။)
