။ တရားအဆီ
မနောကြည်
ပြန်ပြီယောဂီတွေ။
။ မဂ်လမ်းဖိုလ်မြင်
အေးမြကြည်
ကိုယ်စီရပါစေ။
တောမှီရဟန်း
(၁၇.၄.၂၀၂၆) ရက်နေ့။
Categories
Category: စကားလက်ဆောင်
Uncategorized
Categories
။ ပေး ခဲ့ ပါ ဦး ။
~~~~~~~~~~~
။ တစ်ခဏတာ
လာခဲ့တာကို
ဘယ်ဟာတန်ဖိုး အရှိဆုံး။
။ တန်ဖိုးထားရာ
သိအရာကို
မှန်စွာလက်သုံး မပျက်ပြုန်း။
။ အနှစ်ရှိရာ
မြတ်ဓမ္မာကို
ကိုယ်သာသိ၍ နားလည်ဦး။
။ အသက်လက်ကျန်
ဆက်လက်မာရ်ကို
ကိုယ့်ကံသည်သာ တွဲလက်သုံး။
။ မုန်းတီးဆုံးသတ်
ပြစ်ဒေါသကို
လောကသူ့တွက် ပေးခဲ့ဦး။
တောင်ကလေးဆရာတော်
(၁၃.၈.၂၀၂၅) ရက်နေ့။
Categories
။ ယနေ့ညချမ်းချိန်၌ ။
~~~~~~~~~~~~~~~~~~~~~~~~~~~~~~~~~~~~~~~~~~~
၁) ဘေးရန်အပေါင်း ကင်းငြိမ်းကြပါစေ။
၂) သောကမရှိ ငြိမ်းချမ်းကြပါစေ။
၃) ရောဂါဘယအပေါင်း ကင်းပကြပါစေ။
၄) မိမိအလိုရှိအပ်သည့်အတိုင်း ပြည့်စုံကြပါစေ။
၅) အသက်ရှည်ခြင်း ဖြစ်ကြပါစေ။
တောင်ကလေးဆရာတော်
(၁၇.၃.၂၀၂၆) ရက်နေ့ည
Categories
ခေါင်ပါရမီလမ်း
~~~~~~~~~~~~~~~~~~~~~~~~~~~~~~~~~~~~~~~~~~~
( ကုသိုလ်ရေး အလေးပေး)
တောမှီရဟန်း
။ မိုးဖွဲဖွဲကျနေတဲ့ မနက်ခင်းတစ်ရက်မှာ မမိုးသဇင်ဟာ မြို့အစွန်ဘက်က လမ်းကျဉ်းလေးကို ဖြတ်သန်းလာခဲ့တယ်။ လမ်းက ခေါင်မိုးမပြည့်၊ မြေညက်ညက်၊ ရေတွင်းငယ်ငယ်တွေနဲ့ ပြည့်နှက်နေပြီး လူ့ဘဝရဲ့ အနိစ္စတရား ကို မပြောဘဲ ပြသနေသလို ဖြစ်နေတယ်။
။ ဒေသခံတွေက အဲ့ဒီလမ်းကို “ခေါင်ပါရမီလမ်း” လို့ ခေါ်ကြတယ်။ မမိုးသဇင်ရဲ့ စိတ်ထဲမှာတော့” ဘဝဆိုတာ ခဏတာပဲ၊ ကိုယ်ပြုတဲ့ ကုသိုလ်ကသာ လိုက်လာမယ်” ဆိုတဲ့ ဆရာတော်တစ်ပါးရဲ့ ဆုံးမချက်က ပြန်လည်ကြားယောင်လာခဲ့တယ်။
မမြင်ရသည့် မျက်လုံးများ
။ လမ်းဘေးအရိပ်အောက်မှာ အသက်ကြီး အဖိုးဦးစံမောင်တစ်ယောက် ထိုင်နေတယ်။ ခြေထောက်မကောင်း၊ မျက်စိမပြတ်သား၊ လက်တစ်ဖက်က တုတ်ကို မပြတ်ကိုင်ထားရပြီး မိုးရေတွေက အင်္ကျီဟောင်းပေါ် စိုစွတ်နေတယ်။
။ လမ်းဖြတ်သွားသူအချို့က မမြင်သလို လှမ်းလျှောက်သွားကြတယ်။
မမိုးသဇင်ရဲ့ စိတ်ထဲမှာ” သူတစ်ပါးဒုက္ခကို မြင်ပြီး မကူညီနိုင်ရင်
မေတ္တာတရား ဘယ်လို ပေါက်ဖွားမလဲ” ဆိုတဲ့ အတွေးတစ်ခု ပေါ်လာခဲ့တယ်။
ကုသိုလ်စိတ် ပေါက်ဖွားချိန်
။ အချိန်နောက်ကျနေတဲ့အတွက် ခြေလှမ်းကို အမြန်ချင်ပေမယ့်
မမိုးသဇင်ရဲ့ စိတ်ထဲမှာ မေတ္တာ (မေတ္တာပါရမီ) နဲ့ ကရုဏာ (ကရုဏာပါရမီ) တို့က တိတ်တိတ်လေး ပေါက်ဖွားလာခဲ့တယ်။ သူမ ခြေလှမ်းရပ်ပြီး အဖိုးဘက်ကို လှည့်သွားခဲ့တယ်။
“အဖိုး… ကူညီပေးရမယ့် အရာရှိရင် ပြောပါနော်”
အဖိုးဦးစံမောင်က မျက်ရည်ဝဲဝဲနဲ့
“လမ်းတစ်ဖက် ကူးချင်လို့ပါ သမီးရယ်” လို့ ပြောတယ်။ အဲ့ဒီစကားနဲ့တင်
မမိုးသဇင်ရဲ့ စိတ်ထဲမှာ ဒါနမပြုနိုင်ရင်တောင် ကူညီခြင်းက ကုသိုလ်ပဲ
ဆိုတဲ့ သဘောတရား ပြည့်ဝလာခဲ့တယ်။
ပါရမီတစ်လှမ်း
။ မမိုးသဇင်က အဖိုးရဲ့ လက်ကို သေချာစွာ ကိုင်ပြီး မိုးရွာနေတဲ့ လမ်းပေါ်ကို ခြေလှမ်းသေးသေးနဲ့ ကူးပေးခဲ့တယ်။ အဲ့ဒီခဏမှာပဲ သူမရဲ့ စိတ်ထဲမှာ
အလိုမရှိ၊ အပြန်အလှန် မမျှော်လင့်ဘဲ ပြုလုပ်တဲ့ အလောဘ၊ အဒေါသ၊ အမောဟ သုံးပါးလျော့ပါးသွားသလို ခံစားရတယ်။
။ လမ်းကူးပြီးချိန် အဖိုးက တိတ်တိတ်လေး ပြောလိုက်တယ်
“သမီးရယ်…ကုသိုလ်ဆိုတာ ငွေကြေးနဲ့ မတိုင်းတာပါဘူး မေတ္တာနဲ့ ပြုလုပ်တဲ့ အလုပ်တိုင်းက နောင်ဘဝအထိ လိုက်လာတဲ့ အလင်းရောင်ပါ”
အဆုံးမရှိသော ခရီး
။ အဲ့ဒီနေ့နောက်ပိုင်း မမိုးသဇင်အတွက် “ခေါင်ပါရမီလမ်း” ဆိုတာ
လမ်းတစ်လမ်းသာ မဟုတ်တော့ဘူး။
အနိစ္စကို သိပြီး သူတစ်ပါးဒုက္ခကို မြင်နိုင်ခြင်း၊ မေတ္တာနဲ့ လက်တစ်ဖက် ကမ်းပေးနိုင်ခြင်း အဲ့ဒီအရာတွေကပဲ
လူ့ဘဝရဲ့ အမြတ်ဆုံး ကုသိုလ် ဖြစ်ကြောင်း သူမ သိလာခဲ့တယ်။
။ ဗုဒ္ဓတော်ဟောကြားခဲ့သလို” သူတစ်ပါးအကျိုးကို ဆောင်ရွက်သူသည် ကိုယ်တိုင်၏ အကျိုးကိုလည်း ဆောင်ရွက်သူ ဖြစ်၏”
ခေါင်ပါရမီလမ်းဟာ နေ့တိုင်း လျှောက်ရတဲ့ လမ်းမဟုတ်ပေမယ့်စိတ်ထဲမှာ အမြဲလျှောက်နိုင်တဲ့ကုသိုလ်လမ်းတစ်လမ်း ဖြစ်သွားခဲ့ပါတော့တယ်။
Categories
။ ရှင်ဉာဏိဿရ ။
~~~~~~~~~~~~
။ ကရင်ပြည်နယ်ဖွား ရှင်ဉာဏိဿရသည်
ယခုနှစ်သာမဏေကျော်စာမေးပွဲများကို
ဒုတိယဆင့်ရောက်နေပါပြီ။
။ အောင်မြင်မှုမှတ်တမ်းများအရ
၁) သာသနာ့ဝန်ဆောင်သာမဏေကျော်(ရန်ကုန်)။
၂) နာဂပုရသာမဏေကျော်(ဟိုပုံး)။
၃)မဇ္ဈိမာလင်္ကာရသာမဏေကျော်(လှည်းကူး)။
၄) ဂဏဝါစကသာမဏေကျော်(သထုံ) တို့ကိုအောင်မြင်တော်မူပြီး၍ မန္တလေး၊တောင်ငူ၊ကရင်ပြည်နယ် (၃)ဌာနသို့ ဖြေဆိုတော်မူကြဦးမည်ဟု သိရှိရပါသည်။
( ဓာတ်ပုံကိုယူသုံးပါသည်။)
Categories
။ မြတ်သောမြတ်စွာဘုရားရုပ်တုတော်တစ်ဆူကို AI နည်းပညာနဲ့ ကြည်ညိုနိုင်ကြရန် ထုလုပ်ပူဇော်လိုက်ပါတယ်။ ကြည်ညိုလိုသူများ မည်သူမဆိုကြည်ညိုနိုင်ပါတယ်။ အကြံပြုလိုသူများရှိရင်လည်း အကြံပြုနိုင်ပါတယ်။ မိသားစု အေးမြကြပါစေ။
Categories
။ အေးမြပါစေ ။
~~~~~~~~~~~
။ ဘေးကင်း,ရန်ကွာ
စိတ်ချမ်းသာ
လိုရာအပေါင်းပြည့်ပါစေ။
။ နေ့နေ့ညည
မြဲအေးမြ
ဒိဋ္ဌကောင်းကျိုးရပါစေ။
။ တရားသိမြင်
စိတ်သန့်ကြည်
တည်ကြည်သမာဓိရပါစေ။
။ မဂ်ဉာဏ်သိမြင်
ဖိုလ်ဉာဏ်ထင်
အစဉ်နိဗ္ဗာန်ရပါစေ။
တောင်ကလေးဆရာတော်
(၂၄.၁၂.၂၀၂၅) ရက်နေ့။
Categories
။ ယနေ့အာသီသဆန္ဒ ။
~~~~~~~~~~~~~~~~
။ ၂၀၂၆ ခုနှစ်ကို မကြာမီရောက်တော့မယ်။ ကမ္ဘာ့နှစ်သစ်တစ်ခုကူးတော့မယ်ဆိုတော့ မိမိတို့စိတ်ကူးခဲ့ကြတဲ့ စိတ်ကူးမှုတွေ ပုံတွေဖော်ကြလို့ ပြီးမြောက်အောင်မြင်ကြပါရဲ့လားဆိုတာကို တူကြမယ်လို့တော့ မထင်ပါ။ အောင်သူရှိသလိုမပြီးမြောက်ကြသူတွေလည်း ရှိကြဦးမှာပါ။
။ နှစ်သစ်မှာ ပုံဖော်ကြမည့်ပုဂ္ဂိုလ်တွေအတွက် အစဉ်အမြဲအောင်မြင်ကြဖို့ လူသားဖြစ်ကြတဲ့အရှင်တို့တွေဟာ အာသီသဆန္ဒတွေ ဘယ်လိုများပေးကြမည်လဲဆိုတာကို ကြိုဆိုကြရမှာပါ။
။ ယနေ့ အရှင်အနေနဲ့က သတ္တဝါတွေအားလုံးအပေါ်ကို ဤလိုပဲ အာသီသဆန္ဒထားပါတယ်။ ( ဆုပေးပါတယ်။)
” ဘေးကင်း,ရန်ကွာ၊စိတ်ချမ်းသာ၊လိုရာအားလုံးပြည့်ပါစေ” ။
တောင်ကလေးဆရာတော်
(၁၇.၁၂.၂၀၂၅) ရက်နေ့နံနက်။
Categories
။ ကျေးဇူးအရာ ။
~~~~~~~~~~~~
။ ငယ်ရွယ်ကာလက
မျက်စိဝေဒနာကြောင့်
ပညာရေးကို
ခက်ခက်ခဲခဲနဲ့
သင်ယူခဲ့ရပါတယ်။
။ ဘဝတစ်ခုခုရဲ့
ဆိုးခဲ့ဖူးတဲ့အကြောင်းတရားတွေကြောင့် ကောင်းတဲ့အကျိုးတရားတွေ
လွယ်ကူစွာ မရခဲ့ပါဘူး။
။ ဉာဏ်နဲ့ပညာတည်ရှိနေသေးလိုသာ
ရအပ်တဲ့ပညာတွေကို
သင်ယူနိုင်ခဲ့ကြတာပါ။
။ ဘဝမှာ
ကျန်းမာသူကို မယှဉ်ဝံ့ရတာလည်း
မပြည့်စုံရတဲ့
အကြောင်းတရားတစ်မျိုးပဲပေါ့။
။ လောကမှာ
အရာခပ်သိမ်း
သူသူငါငါ
ပြည့်စုံချင်ကြပေမယ့်
ကံကြမ္မာက
အငင်ခံရရင်
အကျိုးပေးမှုက
မျက်နှာသာမပေးနိုင်ကြပါဘူး။
။ လောကမှာ
နိုင်ရလို့
စိတ်ကြိုက်နိုင်ရပြီးဆိုရင်လည်း
အဲဒီအနိုင်နဲ့
ဝမ်းမသာမိဖို့သတိရှိရမှာပါ။
။ ဒါကြောင့်
အကြောင်းတရားလှပဖို့
မိမိပြုခဲ့မိတဲ့ကံတွေကို
မိမိပွားများတဲ့တရားတွေကို
မိမိရဲ့ဥပဓိချမ်းသာဖို့နဲ့
ကျေနပ်ပြီးမနေဖို့
သတိထားမိကြပါစေ။
။ ကျေးဇူးအရာ
မမေ့ပါနှင့်
ကံသာမြဲစွာကောင်းပါစေ,လို့
ဆင်ခြင်တတ်ဖို့
မှာပါရစေ။
( သာမဏေဘဝ ဓာတ်ပုံဖြစ်ပါသည်။)
တောင်ကလေးဆရာတော်
(Thursday,4 December 2025) ရက်နေ့။
Categories
သတိရကြပါစေသော်