Year: 2020

။ နံနက်ခင်းဩဝါဒကထာ(စကား) ။
~~~~~~~~~~~~~~~~~~~~~~~~~~
။ ကိလေသာလွတ်လမ်းကို ရှာပါ။
။ လွတ်မြောက်နိုင်ရေးအတွက် နောက်မဆုတ်ပါနှင့်။
။ သူတော်ကောင်းလမ်းစဉ်အတိုင်း ကျင့်ပါ။
။ ကိုယ်ကျင့်တရား ဖြူစင်ပါစေ။
။ ရှာသည့်အတိုင်း နည်းလမ်းကောင်းပါစေ။
။ တွေ့သလိုမျိုး မတုန်လှုပ်ဘဲ ဆက်လျှောက်ရဲပါစေ။
။ မိမိအတွက်ကိုယ်လွတ်ရုန်း တတ်ပါစေ။
။ အများအတွက် တာဝန်ကျေပါစေ။
။ သိစိတ်နှင့် အမြဲတည်ပါစေ။
။ ဆူပွက်ခြင်းအဓမ္မကို ငြိမ်းသတ်ပါစေ။
။ ငြိမ်သက်အေးချမ်းခြင်းဓမ္မဖြင့် လွတ်လမ်းကို ဖြတ်သန်းပါစေ။

တောင်ကလေးဆရာတော်
(၃၀.၆.၂၀၂၀) ရက်နေ့နံနက်။

။ ပြည်သူကို နည်းပညာအမျိုးမျိုးသုံးပြီး ကိုယ်ယောင်ဖျောက်လိမ်လည်လှည့်ဖြားသည့် နိုင်ငံရေးသမားကို သတိပြုပါ။ ဒီခေတ်မှာ ပိုများလာနေတာကို သတိပြုပါ။

။ နံနက်ခင်းဩဝါဒကထာ(စကား) ။
~~~~~~~
။ အမှားနည်းအောင် နေတတ်ပါစေ။
။ အမှားကြောင့် မပြောင်းလဲနိုင်ဘူး။
။ အမှားဆိုတာ အပြစ်ကိုကျူးလွန်ခြင်းပဲ။
။ အပြစ်ရှိရင် လူမကြည်လင်ဘူး။
။ အပြစ်ကို မပြုဖြစ်ပါစေနှင့်။
။ နေ့စဉ်နှင့်အမျှ စိတ်ကိုအမှားနှင့် မထိခိုက်စေနှင့်။
။ စိတ်အနှောင့်အယှက်ကြောင့် အမျိုးမျိုးခက်ခဲပင်ပန်းမည်။
။ အခက်အခဲရှိနေရင် ထူထဖို့မလွယ်ဘူး။
။ လွယ်လွယ်ကူကူနှင့် အပြစ်ကို မကျူးလွန်မိပါနှင့်။
။ ဤနေ့သည် သင့်အတွက် တကျက်ကျက်မဖြစ်ပါစေနှင့်။

တောင်ကလေးဆရာတော်
(၁၈.၆.၂၀၂၀) ရက်နေ့နံနက်။