။ ကံမကုန်သရွေ့
ဘယ်သူ့ကိုမှ
တစ်ယောက်နဲ့တစ်ယောက်
မေ့မသွားကြပါဘူး။
။ ကံကုန်သွားကြတော့
တစ်ယောက်နဲ့တစ်ယောက်
သူမေ့ကိုယ်မေ့ပါပဲ။
။ ကံမကုန်ခင်
အကုန်အကျများခဲ့ကြတဲ့
သံယောဇဉ်တွေ
သမုဒယကံအကြောင်းတွေ
အပ်ကြောင်းထပ်ခဲ့ကြပေါ့။
။ ခုတော့
မေ့နေကြ
မုန်းနေကြ
ရှုံးနေကြ
ရုန်းနေကြ
ရွာလည်နေကြ
ပုန်းနေကြပေါ့။
။ အခုတော့
ကံအကွဲ
ကံအမွဲ
ကံအလွဲ
သောက
ပရိဒေဝ
ဒုက္ခ
ဒေါမနဿ
ဥပါယာသတွေနဲ့ပဲ
ကြေကွဲနေရ ပြန်ပြီပေါ့။
တောမှီရဟန်း
(၂၈.၄.၂၀၂၂) ရက်နေ့နံနက်။)
