~~~~~~~~~~~~~~~~~~~~~~~~~~~~~~~~~~~~~~~~~~~
။ ဖြူစင်တဲ့ စာရွက်တစ်ရွက်ပေါ်က အမည်းစက်ကလေးတစ်စက်ကို ဖျက်ဖို့အတွက် ခဲဖျက်နဲ့ ဖျက်ရုံတင် လုံလောက်ပါ့မလား…။ တကယ်တော့ ဘဝဆိုတာ အမည်းစက်ကလေးတစ်စက်နဲ့ တူပါတယ်။ အဲဒီအမည်းစက် တစ်စက်ကြောင့်ပဲ တစ်သက်လျာ ဘဝများစွာမှာ အမည်းစက်တွေ ထပ်ခါတလဲလဲ ဆက်နေတတ်ကြပါတယ်။
။ မိမိရဲ့ ဘဝစာမျက်နှာမှာ အမည်းစက်တွေ မထင်ကျန်ရစ်ဖို့ ဒီနေ့၊ နက်ဖြန်တိုင်းမှာ ဘယ်လိုများ ကြိုးစား အားထုတ်ကြမလဲ။ အမှားတွေကို အထပ်ထပ် ပြုလုပ်မိရင်း အဲဒီအမှားတွေအပေါ် စွဲလမ်းနေမိရင်တော့ မိမိကြောင့် ပတ်ဝန်းကျင်မှာပါ အမည်းစက်တွေ ပျံ့နှံ့များပြားလာမှာ အမှန်ပါပဲ။
။ လူတစ်ယောက်ရဲ့ အမည်းစက်ဟာ ပတ်ဝန်းကျင်ကို ထိခိုက်ပြစ်မှားမှုတွေ များလာပြီဆိုရင် “ ဪ… ငါ့ကြောင့် ဒီအမည်းစက်တွေ ဖြစ်ရတာပါလား” လို့ ဆင်ခြင်အောက်မေ့တတ်ဖို့ လိုပါတယ်။ မိမိရဲ့ အမှားစက်တွေကြောင့် ပတ်ဝန်းကျင် အသိုင်းအဝိုင်းကို မထိခိုက်၊ မပက်စက်စေသင့်ပါဘူး။
။ ဒါကြောင့် အကုသိုလ်နဲ့ ပတ်သက်လာရင် “ ငါမလုပ်ရဲတာ မရှိဘူး” ဆိုတဲ့ စိတ်မျိုး မဖြစ်ပါစေနဲ့။ အကုသိုလ်စိတ်နဲ့ အမြဲတမ်း ထိတွေ့ဆက်ဆံနေသရွေ့ အကျိုးနည်းမယ့် အကုသိုလ်ကံတွေ မဖြစ်လာနိုင်ဘူးလို့ မမှတ်ယူလိုက်ပါနဲ့။ အကုသိုလ်ကံဆိုတာ အမည်းစက်တစ်ခုကနေ မြစ်ဖျားခံလာတဲ့ “ ကံစက်အပျက်” သာ ဖြစ်ပါတယ်။
ရေးသူ – တောမှီရဟန်း
(၃၁.၃.၂၀၂၆) ရက်နေ့။
