မဟာပညာ
။ မေတ္တာပို့သပါသည် ။
~~~~~~~~~~~~~~~~~
။ နံနက်ချိန်ခါ၊မင်္ဂလာ၊လိုရာဖြာဖြာပြည့်ပါစေ။
။ ကိုယ်လည်းကျန်းမာ၊စိတ်ချမ်းသာ၊ဘယာမျိုးမျိုးကင်းပါစေ။
။ မနှစ်သက်အပ်၊အနိဋ္ဌ၊မုချဝေးဝေးကင်းပါစေ။
။ နှစ်သက်မြတ်နိုး၊အမျိုးမျိုး၊ကောင်းကျိုးဆက်ဆက်ရောက်ပါစေ။
။ တရားဘာဝနာ၊အဖြာဖြာ၊ဉာဏ်မှာအမြဲသိပါစေ။
။ တရားသိထူး၊ထူးကဲထူး၊ကူးခပ်နိဗ္ဗာန်ရောက်ပါစေ။
တောင်ကလေးဆရာတော်
(၃.၂.၂၀၂၅) ရက်နေ့။
။ သည်နေ့နံနက်မေတ္တာပို့သပါသည် ။
~~~~~~~~~~~~~~~~~~~~~~~~~~~
။ သည်နေ့နံနက်၊မေတ္တာစက်၊အတွက်သူငါပို့ပါသည်။
။ မေတ္တာဖွေးဖြူ၊ကြည်သန့်ဖြူ၊သူငါအားလုံးရပါစေ။
။ ကိုယ်စိတ်ငြိမ်းအေး၊ဘယာဝေး၊ဆိုးဘေးကင်းလွတ်ကြပါစေ။
။ ငါးပါးရန်သူ၊ဒေါသမူ၊သူငါအားလုံးလွတ်ပါစေ။
။ ကိုယ့်စိတ်တည်ကြည်၊အေးမြကြည်၊သန့်တည်ဘဝင်လင်းပါစေ။
တောင်ကလေးဆရာတော်
(၂.၂.၂၀၂၅) ရက်နေ့နံနက်။
။ ယနေ့ညမေတ္တာပို့ပေးပါသည် ။
~~~~~~~~~~~~~~~~~~~~~~~~
။ ယနေ့ညချမ်း၊မေတ္တာလွှမ်း၊အေးချမ်းသာယာကြပါစေ။
။ မေတ္တာကြည်ကြည်၊ဝေငှသည်၊ကြည်လင်လန်းဆန်းကြပါစေ။
။ မုန်းခြင်းကင်းကင်း၊ရန်လိုကင်း၊ချစ်ခြင်းပြည့်ဝရကြစေ။
။ ကြင်နာသနား၊ထိုသူများ၊မခြားနေ့ညရပါစေ။
။ ဝန်တိုတတ်သူ၊ထိုအပူ၊ကင်းသူအမြဲဖြစ်ပါစေ။
။ မနာလိုခြင်း၊ရန်လိုခြင်း၊လွတ်ကင်းအမြဲရှိပါစေ။
။ ငြိမ်းအေးသာယာ၊မြဲရွှင်သာ၊မေတ္တာမြမြရပါစေ။
။ အပါယ်လွတ်ကင်း၊ဝဋ်ကြွေးရှင်း၊ရှင်းလင်းနိဗ္ဗာန်ရပါစေ။
တောင်ကလေးဆရာတော်
(၁.၂.၂၀၂၅) ရက်နေ့ည။