Categories
စကားလက်ဆောင် ပညာရေး

။ နိုင် လေး နိုင် ကျောင်း ။

။ မြန်မာနိုင်ငံတစ်နိုင်ငံလုံး
ဖြေဆိုထားကြတဲ့
ပါဠိပထမပြန်စာမေးပွဲကြီးက
၂၀၂၄ ခုနှစ်စာမေးပွဲ
အောင်စာရင်းကတော့
(26.5.2024) ရက်နေ့မှာ
ထုတ်ပြန်ကြေညာလိုက်ပါပြီ။

မေးကြ

။ ပထမပြန်စာမေးပွဲ
အောင်စာရင်းထွက်လာလို့
အရှင်ဘုရားတို့ကျောင်းမှာ
​စာမေးပွဲအောင်ကြရဲ့လားတဲ့!
အောင်ရဲ့လား?
အောင်ပါရဲ့လား?
လား လား လား နဲ့
အမေးကများသလားပါပဲ။

မေးနိုင်

။ အရှင်တို့ကျောင်းဟာ
စာမေးပွဲအောင်တာကို
အဓိကမထားပါဘူး။
၁) အကျင့်ကောင်းဖို့
၂) အတွေးကောင်းဖို့
၃) ဦးဆောင်တော်ဖို့
၄) ငထုံငထိုင်းမဖြစ်ဖို့
၅) လောကအလယ်မှာ
ပညာကြွယ်ဝဖို့
၆) အသိအမြင်ထူးဖို့
အဓိထားတဲ့ကျောင်းဖြစ်လို့ပါပဲ။

လောကီလောကုတ္တရာပညာ

။ အရှင်တို့ကျောင်းမှာ
လောကီပညာရပ်များ
လောကုတ္တရာပညာရပ်များ
အခြေခံပညာအတတ်ပညာရပ်များ
နည်းစနစ်ကျကျ
သင်ပြဆုံးမနေထိုင်တဲ့ကျောင်းဖြစ်လို့
​စာမေးပွဲအောင်,မအောင်
ဘောင်ခတ်ပြီး
အောင်ကြောင်းကြေညာတဲ့
ကျောင်းမဟုတ်ပါကြောင်းလို့
ဆိုပါရစေ။

မွေးထုတ်

။ အရှင်တို့ကျောင်းသည်
လောကီပညာကို
မွေးထုတ်ပေးသော
ဘဝကျောင်း☘️
လောကုတ္တရာပညာကို
မွေးထုတ်ယူသော
ဓမ္မကျောင်း☘️ပါပဲ။

နိဂုံး

။ စာတတ်ခြင်းအဓိက
အကျင့်မြတ်ခြင်းအဓိက
ကုသိုလ်အကုသိုလ်
သိမြင်ခြင်းအဓိကဖြစ်သော
ဤကျောင်းသည်
၁) စားနိုင်ရမည်
၂) နေနိုင်ရမည်
၃) သင်နိုင်ရမည်
၄) ကျင့်နိုင်ရမည် ဟူသော( နိုင်လေးနိုင်)
ကျောင်းဖြစ်ပါသတည်းဟု
မေးသူများအား
​ဖြေကြားပေးလိုက်ပါတယ်။

ရင်ဝယ်အေးမြကြပါစေသား။

တောင်ကလေးဆရာတော်
(၂၅.၅.၂၀၂၄) ရက်နေ့နံနက်ခင်း။

https://drive.google.com/file/d/17SKUWxH42_wHHws2NIOGLtU23OSJ-LyP/view?usp=sharing

Loading

Categories
ကျန်းမာရေး ပညာရေး ဖွံ့ဖြိုးရေး

သူနာပြုအကူသင်တန်း

ဖလုံပညာတိုးတက်ဖွံ့ဖြိုးရေးယူနစ်
Phlon Education Development Unit (PEDU) က
ကြီးမှူးဖွင့်လှစ်သင်ကြားမည့် –
PEDU (2024) BATCH-4
အမှတ်စဉ် (၄)
သူနာပြုအကူသင်တန်း
တက်ရောက်သင်ကြားလိုသော
သင်တန်းသူ/သားများ
တက်ရောက်သင်ကြားနိုင်ပါသည်။

~~~~~~~~~~~~~~~~~~~~~~~

ဝင်ခွင့်လျှောက်လွှာ

*****************

ဝင်ခွင့်လျှောက်လွှာများကို –
တောင်ကလေးဘုန်းတော်ကြီးသင်ပညာရေးကျောင်း
ကျောင်းရုံးခန်း နှင့် ပီအီးဒီယူ ကုသိုလ်ဖြစ်ဆေးခန်း။

09 796 017 611
09 660 924 242
09 787 817 822 – တို့တွင်

ဆက်သွယ် ဝင်ခွင့်လျှောက်လွှာ ရယူနိုင်ပါသည်။

——————————

Facebook page :
PEDU Channel ဖလုံပညာ – တွင်လည်း
ဖြည့်စွက်ရေးသွင်း၍ ဝင်ခွင့်လျှောက်နိုင်ပါသည်။

PEDU (Phlon Education Development Unit)

Loading

Categories
ပညာရေး

။ ကမ္ဘာ့ရွာလေး ။

Summer Course
BASIC English Speaking Class

Location
~~~~~~~~

Taunggalay Monastic Education School
Date: 23.4.2023-23.5.2023
Time: 07:00AM- 09:00 AM
~~~~~~~~~~~~~~~~~~~~~~~~~~~~

။ ကမ္ဘာ့ရွာလေး ။
~~~~~~~~~~~
။ ကွန်ပျူတာနည်းပညာပေါ်ခါစက တတ်ချင်လိုက်တာ သေလုနီးပါးဖြစ်ခဲ့တဲ့ကျောင်းသားတွေထဲက အရှင်လည်း အပါအဝင်ပါပဲ။ အရှင်ဟာ ၁၉၆၀ ပြည့်နှစ်မှာ မွေးဖွားပါတယ်။ အေဒီ ၁၉၈၆ ခုနှစ်ရောက်မှ ကွန်ပျူတာပညာကို သင်ယူခဲ့ရတာပါ။ အဲဒီအချိန်က မြန်မာစာကို ကွန်ပျူတာနည်းပညာနဲ့စတင်ပြီးမစမ်းသပ်ရသေးပါဘူး။ အဲဒီပညာကိုတတ်ဖို့ အိမ်နီးနားချင်းတိုင်းပြည်တွေကိုသွားပြီးမှဆည်းပူးသင်ယူခဲ့ရပါတယ်။

။ မိမိတို့တိုင်းပြည်ထဲကို ပြန်ရောက်လာတော့ ကွန်ပျူတာတက္ကသိုလ်ဆိုတာ ဘယ်သူမှစိတ်မဝင်စားကြသလိုမျိုးနဲ့ လှိုင်တက္ကသိုလ်အဆောင်တစ်ခုမှာ ဆိုင်းဘုတ်တင်ထားတဲ့အဆင့်လောက်ပဲရှိနေပါသေးတယ်။ မှတ်မှတ်ရရ အဲဒီဆိုင်းဘုတ်နဲ့မိမိနေထိုင်တဲ့ရွာကိုအထိမ်းအမှတ် ပို့စကတ်လေးထုတ်ဖြစ်ခဲ့ပါတယ်။

။ “လွယ်ကူလေ့လာကွန်ပျူတာ” ဘဝနဲ့ ပထမဦးဆုံး မမေ့နိုင်သူတစ်ဦးက အရှင်ရဲ့ကျောင်းဒါယကာကြီး ကိုသိန်းဟုတ်ပါပဲ။ ကွန်ပျူတာစတင်စမ်းသပ်ရိုက်တဲ့အချိန်မှာ အရှင်ကိုယ်ပိုင်မှတ်တမ်းက ” ငါတို့ကွန်ပျူတာပညာ အားလုံးတတ်ပါပြီ” ဆိုတဲ့ ဒီမှတ်ပြုစာသားကိုကိုယ်ပိုင်ရိုက်ထုတ်ပြီး ကျောင်းနံရံမှာ ကပ်ထားခဲ့ပါတယ်။

။ အဲဒီအချိန်ကစပြီး ကွန်ပျူတာနည်းပညာကို နှစ်စဉ်မပျက်သင်တန်းတွေဖွင့်ပြီး သင်ကြားပေးခဲ့လို့ ကွန်ပျူတာနည်းပညာနဲ့ပတ်သက်တာတွေ ကုသိုလ်ပြုခွင့်လုပ်ပေးခဲ့ရလို့ ပြန်လည်ပြီး စဉ်းစားမိလိုက်ရင်ပဲ ဝမ်းသာစရာပါပဲ။

။ အင်္ဂလိပ်စကားသင်တန်းနဲ့ပတ်သက်လို့ ၁၉၈၉/၉၀ ပြည့်နှစ်ကာလက ရန်ကုန်မှာ နေခဲ့စဉ်က ဆရာကြီးတွေနဲ့ အနီးကပ်သင်ယူခဲ့ပါတယ်။ ဒါပေမဲ့ အခက်အခဲရှိတယ်။ ငယ်ရွယ်တဲ့အချိန်က သင်ယူခဲ့တာမဟုတ်တော့ အင်္ဂလိပ်စကားဟာ ခက်သလိုဖြစ်နေပါတယ်။

။ အမှန်တကယ်တော့ ဘာသာဗေဒဆိုတာ အခက်ချည်းတော့မဟုတ်ပါဘူး။ မိမိက ပါဠိဘာသာ၊သက္ကတဘာသာစကားကို သင်ယူနှုတ်ကျိုးခဲ့တာဖြစ်တော့ သဒ္ဒါနည်းစနစ်အရ ပါဠိအားသန်နေတယ်။ အင်္ဂလိပ်စာမှာ သဒ္ဒါနည်းစစ်လိုက်ရင် ပါဠိသဒ္ဒါသင်ခဲ့သူအဖို့ အဆင်ပြေတယ်။ အင်္ဂလိပ်စကားမှာတော့ သဒ္ဒါဝါကျစည်းနဲ့ အဖြတ်အတောက် ပုံမှန်မဟုတ်တော့ လိုသလောက်မပြောနိုင်ပဲဖြစ်နေတယ်။

။ ဒါကြောင့် ကမ္ဘာ့ရွာလေးထဲက တောင်ကလေးရွာဟာ ယနေ့ယခုချိန်ထိတိုင် ခေတ်ပညာရေးနောက်မကျကြဘဲ ပညာ့ပန်းတိုင်ခိုင်မြဲကြပါတယ်။ ကမ်းမမြင်လမ်းအလွဲကြိုက်သူတွေကလွဲလို့ တောင်ကလေးကျောင်းမှာနေထိုင်ပြီး ပညာသင်ယူခဲ့ကြတဲ့သူတွေ အားလုံးနီးပါးဟာ ခေတ်ပညာတတ်ကြပါတယ်။

။ ” အသိလည်းပေး
အလိမ္မာလည်းပေး
ဉာဏ်လည်းပေး
ပညာလည်းပေးတဲ့ ( ပ) လေးလုံး သည်ကျောင်းတော်ကြီးကို တစ်နေ့နေ့တစ်ချိန်ချိန်မှာ ” ကမ္ဘာ့ရွာကလေး တောင်ကလေး” ဖြစ်ဖို့သေချာပါပြီ။ ဒါကြောင့် အင်္ဂလိပ်ဘာသာဗေဒစကားကိုသင်ယူလေ့လာချင်ကြတဲ့တပည့်ငယ်တွေ ဖော်ပြထားတဲ့ အချိန်နဲ့နေရာကိုကြည့်ပြီး သင်ယူနိုင်ကြပါစေလို့ တိုက်တွန်းပါတယ်။

တောင်ကလေးဆရာတော်
(၂၃.၄.၂၀၂၃) ရက်နေ့။

Loading

Categories
စကားလက်ဆောင် ပညာရေး

။ မြန်မာ့ရွာသစ် ။

။ မွေးဖွားလာကြလို့ ဘယ်သူက အတတ်ပညာနဲ့အပြီးပါလာကြလို့ပါလဲ။ ဘာမှ ပါမလာကြပါဘူး။ သူသူငါငါအားလုံးပညာကိုသင်ယူကြရတာပါပဲ။ ပညာတတ်ချင်တဲ့သူက ဆရာကောင်းဆရာမြတ်တွေထံဆည်းကပ်ကြလို့ပညာသင်ယူကြရတာပါပဲ။

။ မွေးဖွားလာကြလို့ ဘယ်သူက အတတ်ပညာနဲ့အပြီးပါလာကြလို့ပါလဲ။ ဘာမှ ပါမလာကြပါဘူး။ သူသူငါငါအားလုံးပညာကိုသင်ယူကြရတာပါပဲ။ ပညာတတ်ချင်တဲ့သူက ဆရာကောင်းဆရာမြတ်တွေထံဆည်းကပ်ကြလို့ပညာသင်ယူကြရတာပါပဲ။

။ ပညာဆိုတာလည်း လောကီအတွက်ရပ်တည်နိုင်မယ့်ပညာ၊လောကုတ္တရာအတွက်အထောက်အပံ့ပြုနိုင်မယ့်ပညာတွေပါ။ လောကီအတွက်လောကီအတတ်ပညာမတတ်ရင် ထင်သလိုမအောင်တတ်ပါဘူး။ လောကုတ္တရာပညာလည်း အတူတူပါပဲ။

။ ဒီခေတ်ကြီးမှာ လောကီပညာရပ်တွေဆိုတာလည်း သာမန်နားလည်တတ်ရုံလေးနဲ့ ပညာတတ်သူလို့မဆိုနိုင်ကြပါဘူး။ အဲဒီလိုပါပဲ လောကုတ္တရာအတတ်ပညာလည်း တကယ်မသင်ကြားနိုင်ရင်လည်း တတ်သိနားလည်မှာမဟုတ်ကြပါဘူး။

။ ယနေ့ခေတ်ကာလမှာ ဝိဇ္ဇာအတတ်၊ သိပ္ပံအတတ်ပညာတွေ အမျိုးမျိုးတတ်လာကြတာကြောင့် အတတ်နဲ့မတတ်ကြတဲ့သူတွေ မရှိသလောက်ပါပဲ။ အတတ်ပညာရပ်ကြောင့် ကမ္ဘာကြီးဟာ ကမ္ဘာရွာငယ်လေးတစ်ရွာလိုဖြစ်လာကြတော့ အံဩစရာကြီးလိုလည်း မဖြစ်ကြတော့ တန်ဖိုးခြင်းတွေ ပိုပိုပြီးနည်းလာနေသလားပါပဲ။

။ ပညာကိုအလေးအနက်တန်ဖိုးမထားကြသလို လူလူချင်းတွေမှာလည်းရိုသေလေးစားတန်ဖိုးထားမှုတွေနည်းပါးလာကြနေပြီလားတောင် တွေးမိပါလေရဲ့။ တစ်ခါတစ်လေ မြင်လိုက်ရတဲ့အဖြစ်တွေဟာလည်း အဆန်းတကြယ်ပါပဲ။ ဒီတော့ လူနေကမ္ဘာပေါ်မှာ လူတွေမှာဘာတွေများ လိုအပ်နေသေးသလည်းလို့ တွေးမိကြမှာပါပဲ။

။ ယနေ့ခေတ်ရဲ့ ခေတ်အခြေအနေအရဆိုရင်တော့ လူတွေဟာ လိုပြီးလိုပြန်ဖြစ်တဲ့ပညာရပ်ကို တတ်သိနားလည်တန်ဖိုးထားဖို့လိုအပ်မယ်လို့ပဲမြင်ပါတယ်။ ဘာကြောင့်လည်းဆိုရင် လူတွေတတ်ထားတဲ့အတတ်ပညာတွေဟာ လူတွေအတွက် မလုံလောက်သေးဘဲရှိနေပါသေးတယ် မဟုတ်လား။

။ အဲဒီတော့ ယနေ့ပညာ၊ နောက်နေ့ပညာနဲ့ မတူတော့တဲ့ ခေတ်သစ်ကြီးမှာ ကမ္ဘာ့ရွာသစ်ထဲက မြန်မာ့ရွာသစ်လေးကို ဘယ်လိုစနစ်များ တည်ဆောက်ပြုပြင်ထိန်းသိမ်းစောင့်ရှောက်ကြလေမည်လည်းဆိုတာကို စဉ်းစားမိပါလေရဲ့။

။ ” ငါ့ကလေးသာပညာမတတ်ရင်”
” ငါ့ပတ်ဝန်းကျင်မှာ ပညာမတတ်ကြရင်”
” ငါနေတဲ့ရွာမှာ ပညာအဖြာဖြာသာ မတတ်ကြရင်”
” သူတို့တွေ ကုသိုလ်၊အကုသိုလ် သိကြပါတော့မည်လား” လို့ပဲ တွေးနေမိပါလေရဲ့။

တောင်ကလေးဆရာတော် (၂၄.၁၀.၂၀၂၂) ရက်နေ့။

Loading

Categories
စကားလက်ဆောင် ပညာရေး

။ ဝမ်းမြောက်ခြင်း ။

။ ၂၀၂၂နှစ်၊ တက္ကသိုလ်ဝင်တန်းစာမေးပွဲတွင် တောင်ကလေးကျောင်းခွဲ၊ မွန်ပြည်နယ်၊ သထုံမြို့၊ ပဉ္စဂီရိချမ်းမြေ့စည်လောကီ၊ လောကုတ္တရာပညာသင်ကြားရေးကျောင်းမှ

။ ၁) (၃) ဘာသာဂုဏ်ထူးဖြင့် (ပထဝီ၊ သမိုင်း၊ ဘောဂ) သီလရှင်တစ်ပါး၊ (မထေရာနန္ဒီ @ မနှင်းသုဝေ)
။ ၂) (၁) ဘာသာဂုဏ်ထူးဖြင့် (သမိုင်း၊ ဘောဂ) နှစ်ပါး၊
(က) မပုညာနန္ဒီ @ မမေလင်းထက် (သမိုင်းဘာသာ)၊
(ခ) မခေမာစာရီ @ မချောစုခင် (ဘောဂဗေဒဘာသာ)
။ ၃) ရိုးရိုးအောင် (၂) ပါး
(က) ရှင်ဇောတိက @ မောင်ဇော်ဝင်းသူ
(ခ) မသုတစာရီ @ မနန်းလှိုင်လှိုင်သင်း စုစုပေါင်း (၅) ပါး အောင်မြင်ခဲ့ပါသည်။

။ ပညာပါရမီအားထုတ်ကြသူတွေရဲ့ကြိုးစားမှုရလဒ်မှတ်တိုင်ဖြစ်ပါတယ်။ လိုရာပြည့်ဝကြပါစေ။

Loading

Categories
ပညာရေး ဗုဒ္ဓဘာသာ ဘာသာရေး

၂၀၂၂ ခုနှစ် ပါဠိပထမပြန်စာမေးပွဲ တောင်ကလေးကျောင်းတိုက်မှ (၅) ပါး အောင်မြင်

။ ၁၃၈၄ (၂၀၂၂) ခုနှစ်၊ ပါဠိပထမပြန်စာမေးပွဲ၊ ကရင်ပြည်နယ် (ဘားအံ) စာဖြေဌာန အခြေပြုမူလတန်းအောင်စာရင်းမှ တောင်ကလေးကျောင်းတိုက်တွင် အခြေပြုမူလတန်းစာမေးပွဲကို အောင်မြင်ကြသော သီလရှင်များ။

။ ပါဠိပထမပြန်စာမေးပွဲ ပြန်ပြီးမဖြေဖြစ်တာကြာပြီဆိုပေမယ့် စမ်းသပ်ဖြေဆိုကြည့်လိုက်တာ (၅) ပါး အောင်မြင်ပါတယ်။ ၂၀၂၃ ခုနှစ်စာမေးပွဲမှာ ပြန်ပြီးစမ်းသပ်ပါဦးမယ်။

Loading

Categories
ပညာရေး

၂၀၂၂ – တက္ကသိုလ်ဝင် စာမေးပွဲအောင်စာရင်း (ကရင်ပြည်နယ်)

ပညာရေးဝန်ကြီးဌာန
မြန်မာနိုင်ငံစာစစ်ဦးစီးဌာန
Department of Myanmar Examinations, Ministry of Education, Myanmar.
၂၀၂၂ – တက္ကသိုလ်ဝင် စာမေးပွဲအောင်စာရင်း (ကရင်ပြည်နယ်)

၂၀၂၂ – တက္ကသိုလ်ဝင် စာမေးပွဲအောင်စာရင်း (ကရင်ပြည်နယ်) (myanmarexam.org)

မှတ်ချက် ။ ။ လက်ရှိတွင် File Access များအားပိတ်ထားသဖြင့် ဝင်ရောက်ကြည့်ရှုနိုင်မည် မဟုတ်ပါ။

Loading

Categories
ပညာရေး ဗုဒ္ဓဘာသာ ဘာသာရေး

၁၃၈၄ (၂၀၂၂) ခုနှစ် ကရင်ပြည်နယ် (ဘားအံ) ဓမ္မာစရိယစာဖြေဌာန အောင်စာရင်း

။ ၁၃၈၄ (၂၀၂၂) ခုနှစ်၊ အစိုးရဓမ္မာစရိယစာမေးပွဲ ကျမ်းရင်းနှစ်ကျမ်းအောင် (၄၂၄) ပါးမှ ကရင်ပြည်နယ် (ဘားအံ) ဓမ္မာစရိယစာဖြေဌာန အောင်စာရင်း။ နိုင်ငံတော်သံဃမဟာနာယကအဖွဲ့
။ ၁၃၈၄ (၂၀၂၂) ခုနှစ်၊ အစိုးရဓမ္မာစရိယစာမေးပွဲ ကျမ်းရင်းသုံးကျမ်းအောင် (၂၆၁) ပါးမှ ကရင်ပြည်နယ် (ဘားအံ) ဓမ္မာစရိယစာဖြေဌာနအောင်စာရင်း။ နိုင်ငံတော်သံဃမဟာနာယကအဖွဲ့
။ ၁၃၈၄ (၂၀၂၂) ခုနှစ်၊ အစိုးရဓမ္မာစရိယစာမေးပွဲ ကျမ်းရင်းတစ်ကျမ်းအောင် (၆၁၀) ပါးမှ ကရင်ပြည်နယ် (ဘားအံ) ဓမ္မာစရိယစာဖြေဌာနအောင်စာရင်း။ နိုင်ငံတော်သံဃမဟာနာယကအဖွဲ့
။ ၁၃၈၄ (၂၀၂၂) ခုနှစ်၊ အစိုးရဓမ္မာစရိယစာမေးပွဲ ပါဠိပါရဂူအောင် (၁) ပါးနှင့် မြန်မာဂုဏ်ထူးအောင် (၂) ပါး အောင်စာရင်း။ နိုင်ငံတော်သံဃမဟာနာယကအဖွဲ့

Loading

Categories
ပညာရေး ဖွံ့ဖြိုးရေး ဗုဒ္ဓဘာသာ

။ အဝေးကတပည့်များသို့ ။

။ တိမ်လိပ်တိမ်ရိပ်
တအိမ့်အိမ့်နှင့်
တိတ်ဆိတ်သာယာ ကုန်းမြင့်မှာ။

။ မိဘ ဘိုးဘွား
တည်ကာထားတဲ့
ဘုရားစေတီ မြရတနာ။

။ မြတ်သောနေရာ
နေလာကြတဲ့
သင်ကြပညာ သူသူငါ။

။ ခုတော့
ခေါင်းလောင်းသံသာ
ကြားနေပါပြီ
သူငါစာကျက် တစာစာ။

။ ပြန်မရောက်ကြာ အဝေးရွာက တပည့်များ
~~~~~~~~~~~~~~~~~~~~~~~~~~~~~
သို့ ။
~~~

မာန်နာဲပညာ
(ဖလုံပညာ့တ်ုဝါန့် )
(၁၅.၆.၂၀၂၂) ရပ်နေ့။

Loading

Categories
စကားလက်ဆောင် ပညာရေး

ဒီနေ့အမှတ်တရစကားပါ။

ပညာကို ဘယ်သူမှခိုးယူလို့မရပါဘူး။

ပညာသင်ယူဖို့မမေ့ကြပါနှင့် တပည့်တို့ရေး။

Loading

Exit mobile version
ကော်ဖီလေးတစ်ခွက်နှင့်
သတင်းစုံဖတ်ရှု့ရန်