မဟာပညာ

။ နံနက်ခင်းဩဝါဒကထာ(စကား) ။

။ ပတ်ဝန်းကျင်ကို တည်ငြိမ်အောင်ထားပါ။
။ ချစ်မုန်းတွေဝေစိတ်ဆိုတာ ပတ်ဝန်းကျင်က ပေးတာပါ။
။ ဘယ်အကျိုးစီးပွားမဆို ကိုယ်ကျိုးမကြည့်ပါနှင့်။
။ ဘောင်မခတ်ထားပါနှင့်။
။ တစ်ခုတည်းသာ ထားပါ။
။ မိမိအရည်အချင်းကို သိပါစေ။
။ မြင့်မြတ်သူဖြစ်ပါစေ။
။ ချစ်တတ်ကြင်နာတတ်ပါစေ။
။ လောကအကျိုး ထားတတ်ပါစေ။
။ မကျေနပ်ခြင်း မဖြစ်နှင့်။
။ မုန်းစရာ၊နာကြည်းစရာ မဖြစ်နှင့်။
။ ကျေးဇူးတင်စရာ၊ချစ်စရာသာ ဖြစ်ပါစေ။
။ သည်နေ့ ကွဲပြားခြားနားနေကြသည့် ပတ်ဝန်းကျင်ကို ခေတ်အမြင်ကောင်းဖန်တီးတတ်ပါစေ။

တောင်ကလေးဆရာတော်
(၁၁.၇.၂၀၂၀)ရက်နေ့နံနက်။

။ နံနက်ခင်းဩဝါဒကထာ(စကား) ။
~~~~~~~~~~~~~~~~~~~~~~~~~
။ ကြုံရသမျှအဆိုးကို စိတ်နှင့်ဖြေပါ။
။ ဖြေပါများရင် ရင့်ကျက်လာမည်။
။ စိတ်ကိုထိန်းလာနိုင်ရင် မိုးမမြင်လေမမြင်မဖြစ်။
။ ပျော်ရွှင်တက်ကြွမှု မဖြစ်။
။ နှလုံးကြေကွဲဝမ်းနည်းမှု မဖြစ်။
။ လောကဓံစက်ကွင်း မကြောက်။
။ ဣန္ဒြေ မပျက်။
။ မြင့်မြတ်သောစိတ်ဓာတ်ဖြင့် နေနိုင်၏။
။ တစ်သားတည်းသောမေတ္တာစစ်ဖြင့် မြတ်နိုး၏။
။ တပ်မက်မှုကို စိတ်ထဲမထား။
။ စိတ်တွင်းခံစားမှုနှင့် မနေ။
။ ဘဝကို စွန့်လွှတ်ရဲသည်။
။ တုံ့ပြန်မှုမျှော်ကိုးခြင်း မရှိ။
။ အများအတွက် မိမိဘဝကို ပေးဆပ်ပါစေ။

တောက်ကလေးဆရာတော်
(၉.၇.၂၀၂၀) ရက်နေ့နံနက်။

။ နံနက်ခင်းဩဝါဒကထာ(စကား) ။
~~~~~~~~~~~~~~~~~~~~~~~~~~
။ လာဘ်နှင့်တွေ့ရင် ဝေးဝေးရှောင်။
။ လူနှင့်ပေါင်းသင်းရင် သတိဆောင်။
။ အသွင်များရင် အဖျက်ယောင်။
။ သာယာများရင် အမြင်ပြောင်။
။ မက်မောများရင် ရင်နာကြောင်။
။ တွယ်တာတတ်ရင် ဒုက္ခလှောင်။
။ ခေါင်းဆောင်မတတ်ရင် ပြည်ပျက်မှောင်။
။ ကျော်ကြားများရင် အဖျက်ကောင်။
။ ပစ္စည်းများရင် အန္တရာယ်ထောင်။
။ မကောင်းများရင် အကျိုးမှောင်။
။ ပါရမီခိုင်မှ အကုန်အောင်။

တောင်ကလေးဆရာတော်
(၈.၇.၂၀၂၀) ရက်နေ့နံနက်။

။ နံနက်ခင်းဩဝါဒကထာ(စကား) ။
~~~~~~~~~~~~~~~~~~~~~~~~~~
။ လူဖြစ်ရင် မိမိအကျိုးအတွက် မငဲ့ကွက်ပါနှင့်။
။ အများကောင်းကျိုးအတွက် အမြဲတမ်းထားပါ။
။ သံသရာလွတ်မြောက်ဖို့အတွက် ကြိုးစားအားထုတ်ပါ။
။ လူညံ့မဖြစ်အောင် ကြိုးစားပါ။
။ ကောင်းမှုကို မိမိအတွက် မဖြစ်ပါစေနှင့်။
။ ဘဝကောင်းစားရေးအတွက် မလုပ်ပါနှင့်။
။ ထင်ပေါ်ကျော်ဇောရေးအတွက်လည်း မလုပ်ပါနှင့်။
။ လူညံ့အရာအားလုံးကို ရှောင်နိုင်ပါစေ။
။ လူတိုင်းအပေါ် မေတ္တာတရားအားကြီးပါစေ။
။ မြင့်မြတ်သူတို့ရဲ့ ပါရမီအလုပ်ကို အသက်ပေး၍ လုပ်ကိုင်ပါစေ။
။ မျဉ်းဖြောင့်လိုမဟုတ်တဲ့ဘဝကို လောကဓမ္မအတိုင်း စိတ်ထားသန့်သန့်နှင့်ကျော်လွှားပါစေ။

တောင်ကလေးဆရာတော်
(၇.၇.၂၀၂၀) ရက်နေ့နံနက်။

။ နံနက်ခင်းဩဝါဒကထာ(စကား) ။
~~~~~~~~~~~~~~~~~~~~~~~~~~
။ လူဆိုတာ မြတ်နိုးခြင်းခံရမှုအတွက် မဖြစ်စေချင်ပါနှင့်။
။ စော်ကားခြင်းခံရမှုအတွက်လည်း မဖြစ်စေပါနှင့်။
။ အပြစ်မမြင်၊ရန်မဆင်ဘဲ နေတတ်ရမယ်။
။ ဘယ်အရာမဆို တုံ့ပြန်မပြု ခွင့်လွှတ်နိုင်ရမယ်။
။ သည်းခံခြင်းကို အလေးဂရုပြုရမယ်။
။ သက်ရောက်အားနှင့်တုံ့ပြန်အား သတိထားပါ။
။ ဓမ္မနည်းလမ်းကို နှလုံးသွင်းပါ။
။ အစွန်းရောက်အကျင့်စရိုက်ကို ရှောင်ရှားပါ။
။ စိတ်အလိုလိုက်မှု သတိကြီးစွာထားပါ။
။ စိတ်အလိုဆန္ဒဆန့်ကျင်မှု နားလည်ပါစေ။
။ စိတ်ဓါတ်အရင့်အသန်ဖြင့် ဘဝကိုတည်ဆောက်ပါစေ။

တောင်ကလေးဆရာတော်
(၂.၇.၂၀၂၀) ရက်နေ့နံနက်။

။ နံနက်ခင်းဩဝါဒကထာ(စကား) ။
~~~~~~~~~~~~~~~~~~~~~~~~~~
။ မှန်ကန်စွာ ဆက်ဆံပါ။
။ အမှန်ကို နှစ်သက်မြတ်နိုးပါ။
။ မှားယွင်းစွာ မဆက်ဆံပါနှင့်။
။ ဖြောင့်မတ်စွာ ဆက်ဆံခဲ့ကြပါစေ။
။ ဖြောင့်တန်းမှုကို ဖော်ပြရဲပါစေ။
။ အတွေးအမြင် မကောက်ပါစေနှင့်။
။ မရိုးမဖြောင့်အောင်လည်း မလုပ်ပါနှင့်။
။ တည်သောကတိ မြဲပါစေ။
။ မြဲသောသစ္စာ ခိုင်ပါစေ။
။ စကားအဖြစ် သစ္စာတရားမဟုတ်။
။ တည်သောတရားသာ သစ္စာတရား။
။ လူမှုရေး၌ သစ္စာတရားတန်ဖိုးထားကြပါစေ။

တောင်ကလေးဆရာတော်
(၁.၇.၂၀၂၀) ရက်နေ့နံနက်။

။ နံနက်ခင်းဩဝါဒကထာ(စကား) ။
~~~~~~~~~~~~~~~~~~~~~~~~~~
။ ကိလေသာလွတ်လမ်းကို ရှာပါ။
။ လွတ်မြောက်နိုင်ရေးအတွက် နောက်မဆုတ်ပါနှင့်။
။ သူတော်ကောင်းလမ်းစဉ်အတိုင်း ကျင့်ပါ။
။ ကိုယ်ကျင့်တရား ဖြူစင်ပါစေ။
။ ရှာသည့်အတိုင်း နည်းလမ်းကောင်းပါစေ။
။ တွေ့သလိုမျိုး မတုန်လှုပ်ဘဲ ဆက်လျှောက်ရဲပါစေ။
။ မိမိအတွက်ကိုယ်လွတ်ရုန်း တတ်ပါစေ။
။ အများအတွက် တာဝန်ကျေပါစေ။
။ သိစိတ်နှင့် အမြဲတည်ပါစေ။
။ ဆူပွက်ခြင်းအဓမ္မကို ငြိမ်းသတ်ပါစေ။
။ ငြိမ်သက်အေးချမ်းခြင်းဓမ္မဖြင့် လွတ်လမ်းကို ဖြတ်သန်းပါစေ။

တောင်ကလေးဆရာတော်
(၃၀.၆.၂၀၂၀) ရက်နေ့နံနက်။