မဟာပညာ
။ အသက်ရှင်သန်ချိန်
။ အရွယ်ကောင်းသည့်ချိန်
။ အချိန်မလေးစားရင်
။ အနေမဆင်ခြင်ရင်
။ အလုပ်လက်မဲ့ရင်
။ အနား အားထားရသူ မရှိရင်
။ အနီး ကူသူ မရှိရင်
။ အမွေခံသူ မရှိရင်
။ အစေအပါးဘဝ ရောက်ခဲ့ရင်
။ ဘဝသစ်သစ်၊ကံသစ်သစ်၊ဖွင့်လှစ်တတ်ပါစေ။
တောင်ကလေးဆရာတော်
(၇.၇.၂၀၂၂) ရက်နေ့နံနက်ခင်း။)
။ ပေးဆပ်စရာရှိရင် ပေးဆပ်လိုက်ပါ။ ဝမ်းမနည်းပါနှင့်။
။ ရယူစရာရှိရင်လည်း မယူဘဲ ကျေနပ်လိုက်ပါ။
။ နိုင်စရာရှိရင်လည်း အနိုင်မယူဘဲ ခွင့်လွှတ်လိုက်ပါ။
။ ပေးကမ်းစရာရှိရင်လည်း လှိုက်လှိုက်လှဲလှဲ ပေးကမ်းလိုက်ပါ။
။ လှူဒါန်းစရာရှိရင်လည်း စေတနာမပျက် လှူဒါန်းပါ။
။ နေစရာမရှိရင်လည်း မိမိနေရာကို ပေးလိုက်ပါ။
။ စားစရာမရှိရင်လည်း မိမိအစားအစာကို ပေးစားလိုက်ပါ။
။ လုပ်ကျွေးသူမရှိရင်လည်း မိမိကိုယ်တိုင် လုပ်ကျွေးပါ။
။ အများတကာအတွက် မိမိအသက်ကို စွန့်မြဲပါစေ။ စွန့်ရဲပါစေ။
။ သူတစ်ပါးက မိမိကိုအထင်မကြီးမိပါစေနှင့်။
။ သူတစ်ပါးကို ဘယ်တော့မှ မနှစ်နာစေပါနှင့်။
။ သူတစ်ပါးရဲ့အကျိုးကို ဘယ်တော့မှ မဖျက်ဆီးပါစေနှင့်။
။ လောကကို မိမိနှင့်အတူတူသာ အေးအတူပူအမျှ အမြဲဖြစ်ပါစေ။
တောင်ကလေးဆရာတော်
(၆.၇.၂၀၂၂) ရက်နေ့နံနက်ခင်း။)
။ ကြင်နာသနား
စိတ်ကောင်းထား
မထားစိတ်ယုတ်မာ။
။ ရောင့်ရဲတင်းတိမ်
စိတ်ထဲငြိမ်
ငြိမ်ငြိမ်နေရမှာ။
။ ပူအေးဥတု
နိုင်အောင်ပြု
ဥတုနိုင်ရမှာ။
။ တရားဘာဝနာ
မြဲလေ့လာ
ဖတ်ပါလေ့လာပါ။
။ ဘုရားဂုဏ်တော်
မြဲပူဇော်
ကော်ရော်မပျက်နေထိုင်ပါ။
တောင်ကလေးဆရာတော်
(၅.၇.၂၀၂၂) ရက်နေ့နံနက်ခင်း။)
။ အသစ်အဆန်းကို ဆင်ခြင်။
။ စနစ်ဟောင်းကို သုံးသပ်။
။ အကျင့်ကောင်းကို လိုက်နာ။
။ တရားမဲ့မှုကို မတွေး။
။ ပွားများမှုကို အောက်မေ့။
။ အယူပြောင်းမှုကို သတိပြု။
။ အမူအကျင့်ကို ပြင်ဆင်။
။ ဖြစ်ပျက်ခြင်းကို နှလုံးသွင်း။
။ သတ္တဝါကို သနားကြင်နာ။
။ မိမိကိုယ်ကို အားထား။
။ မေ့မေ့ပျောပျောက် မနေ။
။ ကြံ့ခိုင်ကျန်းမာ လေ့ကျင့်။
။ စိတ်ရင်းရွှင်လန်း လန်းဆန်း။
။ နေ့စဉ်သင်ခန်း ထားပါစေ။
တောင်ကလေးဆရာတော်
(၄.၇.၂၀၂၂) ရက်နေ့နံနက်ခင်း။)
။ ငါသေသောခါ၊ ငါ့မသာကို
တန်ဆာပြုပြင်၊ ပွဲကြီးယင်၍
သဘင်ကချေ၊ ဆို ငို တွေနှင့်
ငွေကြေးကုန်ကျ၊ မပြုကြနှင့်
ဘာမျှအကျိုးမရှိပါ။။ ရွှေ ငွေရောင်တောက်၊ မဏ္ဍပ်ဆောက်၍
အံ့လောက်စဖွယ်၊ အသွယ်သွယ်လျှင်
မဖွယ်မရာ၊ မပြုပါနှင့်
သံသာ ပစ္စုပ်၊ အကျိုးယုတ်၏။။ ငှက်ပျော လက်ပံ၊ ပုံသဏ္ဌာန်ဟု
စိတ်နာမ်ကင်းကွာ၊ ဤခန္ဓာကို
တော်ရာဌာန၊ ဆောင်ယူကြလျှက်
ပြာချသင်္ဂြိုဟ်လိုက်ပါလေ။။ ဈာပနသဘင်၊ ပျာချစဉ်ဝယ်
သန်လျင် (ကရင်ဆိပ်ဆရာတော်)
ရှုဆင်ပွားကြ၊ အသုဘဟု
နှစ်ဝနာမ်ရုပ်၊ ခွဲခြားထုတ်၍
ချုပ်ပျက်တင်ကာ၊ ဘာဝနာကို
နှစ်သာရပိုင်၊ ရယူနိုင်မှ
ဆုတ်ကိုင်ဖြည့်ဆည်း
နိဗ္ဗာန်နီးမည် …
ဘုန်ကြီးမှာခဲ့ပါရစေ။
။ သည်နေ့ ဖတ်မိလိုက်တဲ့ သံဝေဂလင်္ကာကဗျာတစ်ပုဒ်ပါ။ ရေးသားမှာကြားခဲ့တဲ့အရှင်က အလွန်ပြတ်သားလို့ ဖတ်ရှု့ဆင်ခြင်ရတာလည်း နှလုံးသွင်းရလွယ်ကူပါတယ်။ ဒီခေတ်ဒီအခါမှာ အကျော်အမော်တွေကများတော့ ကွယ်လွန်အနိစ္စရောက်ရင် (ဘုန်းတော်ကြီးဖြစ်ရင် ) အကုန်အကျများများပြုပြီး စည်စည်ကားကားပြုလုပ်နိုင်ကြတာကို မျက်စိထဲမြင်ယောင်မိလို့ပါပဲ။
။ အသုဘရုပ်အလောင်းကို ကမ္မဋ္ဌာန်းရှု့ကြတာမဟုတ်ဘဲ အသုဘချဖို့ပွဲလုပ်နေကြတာလည်း မရှားပါပဲ။ အစဉ်အဆက်ကျင်းပလာခဲ့ကြတဲ့ အထိမ်းအမှတ်ပွဲတော်အလားပါပဲ။ ကကြရွှင်ကြပျော်နေကြလို့ တီးကြခုန်ကြပျော်နေကြလို့နဲ့ ဆိုင်းဝိုင်း၊တီးဝိုင်း အစုံအလင်ပါပဲ။ ရှေးခေတ်က သာဓုကီဠန( သူတော်စင်များပျော်ရွှင်သည့်ပွဲ) လို့ သတ်မှတ်ခဲ့ကြပေမယ့် လူတွေက တကယ့်ကိုပျော်ရွှင်ပျကြတဲ့ ပွဲလမ်းသဘင်ကြီးလိုပါပဲ။
။ ဘုန်းတော်ကြီးဈာပနပွဲတွေမှာ မြင်ရတဲ့ဈာပနပွဲတွေဟာ ရွှေရောင်ငွေရောင်တောက်တဲ့ ပြာသာဒ်ဆောင်ကြီးငယ်တွေ ၊ ဇော်ဂျီ အနီအနက် အဖြူအဝါတွေ ကလို့ခုန်လို့ စုံလို့ပါပဲ။ ဧယင်ကျူးတဲ့အဖွဲ့၊ကခုန်တဲ့အဖွဲ့တွေကလည်း များစွာပါပဲ။ ဧယင်ကျူး မကျူးရလို့ စိတ်ဆိုးမာန်ဆိုးကြတဲ့သူတွေရှိကြသလို ကကြခုန်ကြတဲ့ပျော်ရွှင်ကြတဲ့သူတွေကလည်း မကရမခုန်ရမပျော်ကြရလို့ စိတ်ဆိုးမာန်ဆိုးကြတဲ့သူတွေလည်း အရှိရှိပါပဲ။
။ ကိုင်း……
ပြောပြချင်တာကတော့ ငွေကြေးကုန်ကြ၊ကျိုးမမြတ်တဲ့ ကုန်ကျပွဲတွေကို နည်းနည်းလျော့ရင်တော်မည်လားပါပဲ။
(မည်သည့် ဈာပနပွဲကိုမျှ မရည်ရွယ်ပါ)
အဲးခိုး
(၃.၇.၂၀၂၂) ရက်နေ့နံနက်)
။ လက်ရှိဘဝကို အပြစ်မမြင်ပါနှင့်။
။ နောက်ဘဝကိုလည်း မတောင်းတနှင့်။
။ ဉာဏ်အမြင်ဓာတ် အားကောင်းပါစေ။
။ ကံအသစ်ပြု ဖြူစင်ပါစေ။
။ စိတ်အသစ်ပြု လှပပါစေ။
။ မနောအလျင် ကြည်သစ်ပါစေ။
။ စေတနာပြု ဖွေးနုပါစေ။
။ မေတ္တာဝေပြု ကြည်နုအေးစေ။
။ နေ့စဉ်ကောင်းမှု ပြုသစ်လှစေ။
။ တည်ကြည်ငြိမ်းချမ်း ဆင်ခြင်နေစေ။
။ ခဏတိုင်း နှလုံးအေးမြစေ။
။ ဖြစ်ပျက်တရား မြဲစွာပွားနေ။
။ အေးမြမြ နေ့ညနေတတ်စေ။
တောင်ကလေးဆရာတော်
(၃.၇.၂၀၂၂) ရက်နေ့နံနက်ခင်း။)
။ အားကိုးစရာမရှိလို့ အားမငယ်ပါနှင့်။
။ ပစ်ပယ်ကျောခိုင်းနေလည်း မတုန်လှုပ်ပါနှင့်။
။ လွင့်လွင့်မျောမျော မနေပါနှင့်။
။ အားကိုးရာမဲ့သူ ဖြစ်ပါစေ။
။ စွန့်ပစ်ခံရသူဖြစ်ပါစေ။
။ အထီးကျန််သူဖြစ်ပါစေ။
။ ဘဝကိုငြီးငွေ့ စိတ်မပျက်ပါနှင့်။
။ တွေဝေစိတ်ပျက် မနေနှင့်။
။ စိုးရိမ်ထိတ်လန့် မနေနှင့်။
။ အရာရာတိုင်းကို ရင်ဆိုင်ရဲပါစေ။
။ ဘဝကို စွဲလမ်း မခံစားပါနှင့်။
။ အရာခပ်သိမ်း အချည်းးနှီးသည်သာ။
။ ကြုံလာသမျှ ရင်ဆိုင်လိုက်ရုံသာ ရှိပါစေ။
တောင်ကလေးဆရာတော်
(၂.၇.၂၀၂၂) ရက်နေ့နံနက်ခင်း။)
အောင်မြင်ဖို့အတွက် ~~~
။ အဆက်မပြတ်ကြိုးစားရမည်။
။ အချိန်တိုင်း သတိရှိရမည်။
။ ကိုယ်, နှုတ်, စိတ်ဖြစ်သော စင်ကြယ်သောကံရှိရမည်။
။ စူးစမ်းဆင်ခြင် ချင့်ချိန်တတ်ရမည်။
။ အရာရာကို စောင့်စည်းထိန်းသိမ်းတတ်ရမည်။
။ တရားနှင့်အညီ မိမိရဲ့အသက်ကို မွေးမြူရမည်။
။ မမေ့မလျော့အောင် နေတတ်ရမည်။
တောင်ကလေးဆရာတော်
(၁.၇.၂၀၂၂) ရက်နေ့နံနက်ခင်း။)
။ ကိုယ်ခန္ဓာကို စွန့်လွှတ်ရတဲ့အချိန်မှာ ဝမ်းနည်းမိပါသလား။
။ ဘဝကိုယ်ခန္ဓာကို ပြန်မသိနိုင်တာ ဝမ်းနည်းကြေကွဲရပါသလား။
။ ဘဝကြောင့် အမျိုးမျိုးပြောင်းလဲနေကြရတာဟာ နားလည်မယ်ထင်ပါသလား။
။ ဘဝမှာ ထင်သလိုဖြစ်မလာခဲ့ရင် မိမိကိုယ်မိမိ ဘယ်လိုမြင်နေမိပါသလဲ။
။ ပူပန်ရတဲ့အဖြစ်ဟာ ဝိုင်းစက်နေတဲ့စက်ဝိုင်းလိုပါပဲလေ။
။ အဆက်မပြတ်ဖြစ်နေတဲ့ သည်ခန္ဓာဒုက္ခကို သင်နားလည်ပါသလား။
။ အမြဲမပြတ်ဖြစ်ပျက်ရတဲ့ဘဝလောကကို သင်မြင်နေပြီးသားပါပဲ။
။ သည်နေ့တော့ သင့်အတွက် ကောင်းချီးနေ့ဖြစ်ပါစေ။
တောင်ကလေးဆရာတော်
(၃၀.၆.၂၀၂၂) ရက်နေ့နံနံက်ခင်း။)
။ အချိန်နည်းလာတော့ အချိန်လိုချင်လာ။
။ မရောက်ဖြစ်တော့လည်း အချိန်မပေးနိုင်။
။ သတိရနေလည်း စကားမပြောဖြစ်။
။ သွားချင်မြင်ချင်လည်း အလုပ်မအားလပ်။
။ ပေးချင်ကမ်းချင်လည်း ကိုယ်တိုင်မရောက်နိုင်။
။ အားပေးချင်ပေမယ့် ပြန်ပြီးမမြင်ကြ။
။ အကြောင်းကြားပေမယ့် ကိုယ်တိုင်မကူညီနိုင်။
။ မေတ္တာရှိပေမယ့် ဘဝတစ်ခုဆီခြား။
။ ကူညီချင်ပေမယ့် အခွင့်အလမ်းမသာ။
။ အတူနေပေမယ့် ရင်တွင်း၌မအေးရ။
။ အဲဒီတော့ နေတတ်သလိုသာ နေတတ်စေ။
တောင်ကလေးဆရာတော်
( ၂၉.၆.၂၀၂၂) ရက်နေ့နံနက်။)