စာပေလောကတွင် စာပေဖခင်ဖြစ်တော်မူသော ကရင်ပြည်နယ် ဘားအံမြို့ ကမော့ကစင်ရွာသစ် တိုက်ကျောင်း ဆရာတော် ဘဒ္ဒန္တစန္ဒန (မန်းနဲစံ – ဖားအံ) စာရေးဆရာပညာရှင်ကြီး ဘုန်းတော်ကြီးတစ်ပါးဖြစ်ပါသည်။
ဆရာတော်သည် သီဟိုဠ်(သီရိလင်္ကာ) နိုင်ငံသို့ ဟိန္ဒီဘာသာ သက္ကဋဘာသာ ပါဠိဘာသာ ကျမ်းစာများကို ကျွမ်းကျင်တတ်မြောက်လိုသော ဆန္ဒတော်ဖြင့် (၄) နှစ်တိတိ ကြွရောက်လေ့လာသင်ကြားတော် မူသည်။
ဟိန္ဒီဘာသာဖြင့် ရေးသားသော ရာမာယဏဇာတ်တော်၏အဆိုအမိန့် ရည်ရွယ်ချက် လုပ်ဆောင်ချက်များကို တတ်ကျွမ်း နားလည် သဘောပေါက်သော ဆရာတော်တစ်ပါးဖြစ်သည်။ ဆရာတော်သည် ကုသိနာရာ သိန္ဒီဘာသာစာအုပ်နှင့် တစ်ခြား သောဟိန္ဒီဘာသာ စာအုပ်များကိုလည်း ဘာသာပြန်ထုတ်ဝေခဲ့ပြီး ထူးခြားရှားပါးသော ကျမ်းတတ်ပုဂ္ဂိုလ်ကျော် ဆရာတော်တစ်ဆူဖြစ်သည်။
ကရင်ပြည်နယ်သို့ ပြန်လည်ကြွရောက် သီတင်းသုံးတော်မူသည့်အခါ ကရင်ပြည်နယ် အစိုးရအဖွဲ့ ဥက္ကဋ္ဌဖြစ်သူ ဒေါက်တာ စောလှထွန်း က ဒါယကာ ခံယူပြီး ရှေးဟောင်းကရင်စာပေကို ပြန်လည်ပြု စုပေးနိုင်ရန် တောင်းပန်တော်မူခဲ့ပြီး ကရင်ရာမာယဏကျမ်း နှစ်(၁၀၀)ပြည့် အထိမ်းအမှတ် အခမ်းအနားကို (၁၃၄၅ – ခုနှစ်) (၁၉၈၄-ခုနှစ်)တွင် ဇွဲကပင်ခန်းမ၌ ကျင်းပခဲ့ကြောင်း မှတ်တမ်းများအရ သိရှိရပါသည်။
ရင်းမြစ် ။ ။ တိုင်းရင်းသားများအခွင့်အရေး
