မန္တလေးမြို့ ရွှေရေးဆောင်တိုက် ( တိုက်နာယက ) ရန်ကုန်ကျောင်းနေ ပဋ္ဌာန်းဆရာတော်သောင်းလျာကို ကရင်ပြည်နယ် လှိုင်းဘွဲမြို့နယ် နောင်ဘိုကြီးရွာ၊ ကိုင်းကောင်းရွာ၌ ဦးအေးပြိုင်၊ ဒေါ်ရင်တိုးတို့၏ဝမ်းကြာတိုက်မှ ၁၂၈၃ခု ၊ တော်သလင်းလပြည့်ကျော် ( ၁၂ ) ရက် ဗုဒ္ဓဟူးနေ့ နံနက် ( ၁၀ ) နာရီတွင် ဖွားမြင်ခဲ့သည်။
၁၃၀၂ခု၊တန်ခူလဆန်း (၈) ရက်နေ့တွင် နောင်ဘိုကြီးကျောင်းဆရာတော် ဦးပညာကို ဥပဇ္ဈာယ်ပြုလျက်သထုံခရိုင်ရင်းငြိမ်မြို့ကျောက်သုံးကြီးကျောင်းခဏ္ဍသိမ်၌ရဟန်းအဖြစ်ရောက်ခဲ့သည်။သထုံမြို့ရင်းငြိမ်ဆရာတော်၊ပဲခူးမြို့မြို့မဆရာတော်၊မန္တလေးမြို့တောင်ပြင်ထီလင်းတိုက်၊ရွှေရေးဆောင်တိုက်၊ဘုရားကြီးတိုက်ဆရာတော်တို့နှင့်စစ်ကိုင်းတောင်ရိုးပဋ္ဌာန်းသိပ္ပံဆရာတော်ဦးဣန္ဒကတို့ထံတွင်ပရိယတ္တိ အထက်တန်းစာပေများကို နည်းခံသင်ယူခဲ့သည်။
ပဲခူးမြို့ ဝိနယာဝိက ( ငယ်၊ လတ်၊ )၊ အစိုးရ ( ငယ်၊ လတ်၊ ကြီး )တန်းများ အောင်မြင်ခဲ့ပြီး ၁၃၁၅ခု၌စာချတန်းကိုဂုဏ်ထူးနှင့်အောင်မြင်၍ ( သာသနဓဇ သိရီပဝရ ဓမ္မစရိယ)ဘွဲ့ရရှိခဲ့သည်။ ၁၃၂၈ ခု၌ သကျသီဟ အသင်းမှဆက်ကပ်သော ( ပရိယတ္တိသာသနဟိတ မူလ ဓမ္မာစာရိယ ) ဘွဲ့ကို ရရှိခဲ့သည်။
၁၃၁၄ခုနှစ်မှ၁၃၅၀ပြည့်နှစ်တိုင် ယမိုက် (၁၀) ကျမ်း၊ ပဋ္ဌာန်းကျမ်းများကို အထူးစာဝါအဖြစ်ပို့ချခဲ့မှုကြောင့်ညဝါအကျော် ပဋ္ဌာန်းဆရာတော်အဖြစ်ထင်ပေါ်ခဲ့သည်။ ယမက သင်္ခေပကျမ်းနှင့် ပဋ္ဌာနနယသင်္ခေပကျမ်းများကို စီစဥ်ပို့ချခဲ့သည်။ ကရင်အမျို့သား ဂုဏ်ဆောင် ပဋ္ဌာန်းဆရာတော်သည်၁၃၅၁ခု တန်ခူးလဆန်း ( ၁၃ )ရက် အင်္ဂါနေ့ နံနက် ( ၆ )နာရီတွင် ဘဝနတ်ထံပျံလွန်တော်မူခဲ့ပါသည်။
