အမျက်မပါတဲ့ တုံ့ပြန်မှု
နိုင်ငံရေးလောကမှာ (လူမှုရေးလောကမှာ) ဖိစီးနှိပ်စက်ကြမှုကို မကောင်းမှုဖြင့် မတုံ့ပြန်ရပါ။ ခွင့်လွှတ်ပါ၊ သည်းခံပါ။ တည်တည်ငြိမ်ငြိမ်နဲ့ ရင်ဆိုင်ပါ၊ တုံ့ပြန်ပါ။ ဖိစီးတဲ့ သူက ပြောင်းလဲမှု မဖြစ်လာဘဲ ပိုပြီးတော့ မိုက်ကန်းလာရင် အခြေအနေကို ကြည့်ပြီး တုံ့ပြန်မှုပြုပါ။ သဘောထားကောင်းကောင်းနဲ့ တုံ့ပြန်ပါ။ ဒေါသပါတဲ့ တောင်းဆိုမှုများ လုပ်လာခဲ့ရင် အမျက်မပါတဲ့ တုံ့ပြန်မှုနဲ့ လုပ်ပေးသွားပါ။ ဖိစီးနှိပ်စက်မှုကို ရဲရဲရင့်ရင့် ခိုင်ခိုင်မြဲမြဲ ရင်ဆိုင်ပါ။ ဒုက္ခဆင်းရဲမှုဟာ ထာဝရမဟုတ်တာကြောင့် ဖိစီးနှိပ်စက်ကလူပြုတဲ့ အလုပ်ဟာ ထာဝရ မဟုတ်ကြောင်း မြင်ရမယ်။
မြန်မာ့နိုင်ငံရေးဟာ မြန်မာ့ယဉ်ကျေးမှုနဲ့ တည်ထောင်ထားတဲ့ နိုင်ငံရေးဖြစ်အောင် ကြိုးစားရမှာပါ။ အကြမ်းမဖက်မှုကို သွန်သင်တဲ့နိုင်ငံရေးမျိုး အမွေပေးခဲ့တဲ့နိုင်ငံရေးပါ။ အကြမ်းဖက်မှုကို ဖွဲ့စည်းတဲ့နိုင်ငံရေးဟာ ချီးကျူးထောမနာမှု မရှိပါ။ သူတို့ရဲ့ ရဲစွမ်းသတ္တိကို လည်း မချီးမွမ်းနိုင်ပါ။ နိုင်ငံရေးလမ်းပြမှုအမှားဟာ မြန်မာပြည်မှာ မရှိပါ။ မြန်မာပြည်မှာ သေဆေးနိုင်ငံရေး မရှိပါ။
စုပေါင်းထိန်းသိမ်း
အရှင်တို့ဟာ မုန်းတီးမှုကို သွန်သင်ပေးတဲ့ အဆုံးအမမျိုးကို နားထောင်ရန် အသင့် ရှိပါတယ်။ နာခံရန်အတွက် ကောင်းတဲ့ အဆုံးအမမှအပ အခြားသီးခြားနာခံရန် အကြောင်း မရှိပါ။ အရှင်တို့ရဲ့ နှလုံးသားဟာ စွမ်းအင်အပြည့်ပါ။ ကြမ်းတမ်းတဲ့အင်အားတွေကို ရင်ဆိုင် နိုင်တဲ့ စွမ်းအင်အပြည့် ရှိပါတယ်။ အရှင်တို့ဟာ ခေတ်သစ်နိုင်ငံရေးစနစ်ကို မတီထွင်ပါ။ခေတ်ဟောင်းနိုင်ငံရေးစနစ်ကိုလည်း မပစ်ပယ်ပါ။ နိုင်ငံရေးဟာ ယဉ်ကျေးမှုတရားနဲ့ ဆန့်ကျင် လာရင်တော့ ကိုယ်ပိုင်စွန့်လွှတ်မှု အပြည့်အဝထားပြီး လူမျိုးနဲ့တိုင်းပြည်ကို ထိန်းသိမ်း စောင့်ရှောက်ဖို့ ပြင်စရာမလိုတဲ့သူပါ။
အရှင်တို့ရဲ့ မြန်မာပြည်နိုင်ငံရေးဟာ မရင့်ကျက် မမှည့်သေးတဲ့ နိုင်ငံရေးပါ။ ဖျက်မယ်ဆိုရင် ပျက်လွယ်တဲ့နိုင်ငံရေးပါ။ ဒီအကြောင်းကို ဒီလိုပြောမိလို့ အချို့က နှစ်သက် ကြမှာ မဟုတ်ပါ။ မရင့်ကျက်သေးတဲ့ ကျင့်ဝတ်တရားဟာ အပေါင်းလက္ခဏာ မဖြစ်ပါ။ အရှင်တို့ဟာ မြင့်မြတ်တဲ့၊ ရိုးဖြောင့်တဲ့ လူမျိုး ဖြစ်ဖို့ လိုပါတယ်။ တိုင်းပြည်စည်းကမ်းလည်း မြင့်မြတ်ပြီး ရိုးဖြောင့်တဲ့ စည်းမျဉ်း စည်းကမ်း ဥပဒေနဲ့ သတ်မှတ်ပြဋ္ဌာန်းထားပါတယ်။ အရှင်တို့ရဲ့စည်းကမ်းဟာ ချိုးဖောက်မှု၊ ပျက်သုဉ်းမှု မရှိပါ။ ချိုးဖောက်ခြင်းဟာ ပျက်သုဉ်း ခြင်းပါပဲ။ ပျက်သုဉ်းမှုအမျိုးမျိုးဟာ ဆင်းရဲမှုအမျိုးမျိုးပါပဲ။ အရှင်တို့ရဲ့ နေထိုင်တဲ့ မြန်မာပြည် ကို လှပအောင် ပြင်ဆင်ခြင်းအမျိုးမျိုးနဲ့ အလုပ်အကျွေးပြုရမယ်။ ကြည့်ရှုစောင့်ရှောက်မှု ပြုရမယ်။ တာဝန်မဲ့စွာ မနေအပ်ပါ။ ဖျက်ဆီးတဲ့အင်အား အစွမ်းတွေ လုပ်လာရင် ဖျက်ဆီး နိုင်တဲ့ အင်အားနဲ့ ကာကွယ်ထိန်းသိမ်းကြရမယ်။ မြန်မာပြည်ဟာ တစ်ဖက်စောင်း ယိုယွင်းမှု မရှိအောင် စည်းမျဉ်းဘောင်တွေကို ချိုးဖောက်လာမယ့်အရာတွေ ပေါ်လာရင် အကြမ်းဖက်မှု မပါတဲ့တရားနဲ့ စုပေါင်း ထိန်းသိမ်းကြရမယ်။
သူတော်ကောင်းမွေးဖွားတဲ့ တိုင်းပြည်
အရှင်တို့ရဲ့ နိုင်ငံတော်ဟာ အမြိုက်ဝတ်ရည်ကို သောက်သုံးရမယ့် နိုင်ငံတော် ဖြစ်အောင် အလုပ်အကျွေးပြုရမယ်။ အကြမ်းမဖက်သည့်တရား၊ စွန့်လွှတ်မှုတရား၊ မြင့်မြတ် သော တရားနဲ့ ကြောက်ရွံ့ခြင်းတရားအပေါင်းမှ ကင်းဝေးအောင် အားထုတ်ရမယ်။ အရှင် တို့ဟာ တိုင်းပြည်ရဲ့ ငြိမ်းချမ်းတဲ့အရသာကို ကိုယ်စီ ခံစားရအောင် မိမိအတွက်ကို ငဲ့ကွက်မှု ကင်းကင်းနဲ့ အကျိုးထူးတရားများ ထွန်းကားအောင် မတွန့်မဆုတ်ဘဲ ကြိုးစားပေးရမယ်။ သူတော်ကောင်း မွေးဖွားတဲ့ တိုင်းပြည်ဖြစ်အောင် ကြိုးစားရမယ်။ သူတော်ကောင်းပုဂ္ဂိုလ်၊ စွမ်းရည်သတ္တိ ထက်မြက်သူများ ထွန်းကားတဲ့တိုင်းပြည် ဖြစ်လာရင် ကြောက်စိတ်ကင်းဝေး လာတဲ့သူတွေ ဖြစ်လာမယ်။ အရှင်တို့ရဲ့ တိုင်းပြည်ဟာ အလွယ်တကူနဲ့ တည်ထောင်ထားတဲ့ တိုင်းပြည် မဟုတ်လေတော့ အလွယ်တကူနဲ့ နှောင့်ယှက်ကလူ ပြုနိုင်ကြမယ့် တိုင်းပြည် မဟုတ်ပါ။
ဒဏ်ထိတဲ့စိတ်
အရှင်တို့ဟာ တိုင်းပြည်ရဲ့ လွတ်လပ်ရေးကို အလွန် တန်ဖိုးထားပါတယ်။တန်ဖိုး မရှိတဲ့ လွယ်ကူမှု အကျင့်တရားတွေ ပြဿနာတွေ မရှိပါ။ မိဘဘိုးဘွားတွေ အစဉ်အဆက် ခံစားလာခဲ့ရတဲ့ အခက်အခဲတွေကို အလွန်နားလည်ပါတယ်။ မမေ့ပါဘူး။ အရှင်တို့ရဲ့စိတ်ကူးမှု ဟာ စိတ်သန့်တွေပါ။ အမျက်မုန်းတဲ့ စိတ်ကူးမျိုးတွေ မရှိပါ။ အရှင်တို့ကို မုန်းတီးကြတဲ့ သူတွေ ရှိမှာပါ။ ပြဿနာရှာတဲ့လူတွေ ရှိမှာပါ။ ဖျက်ဆီးကြမယ့်သူတွေ ရှိကြမှာပါ။ အဲဒီ သူတွေရဲ့ အပေါ်မှာ နွေးထွေးတဲ့ စိတ်ထားနဲ့ ဆက်ဆံသွားမှာပါ။ တစ်ဖက်ရ အနိုင်မျိုး၊ သို့မဟုတ် အသာမျိုးနဲ့ မဆက်ဆံပါ။ မလုပ်ပါ။ လူတိုင်းဟာ ပြောင်းလဲတဲ့အရာကို စိတ်ဝင်စား ကြတယ်။ ဒါပေမဲ့ ပြောင်းလဲမှုကို မတရားတဲ့ ပြောင်းလဲမှုမျိုးကို မလိုလားပါ။ ပြောင်းလဲမှ ဆိုတာ ကောင်းစားရေး လုံခြုံရေးရှိရပါမယ်။ အဲဒီတရားမပါရင် ဆင်းရဲဒုက္ခ မလျော့ပါး နိုင်ပါ။ သက်ရှိအားလုံးဟာ ဆင်းရဲတဲ့ဒဏ်ကို ကြောက်ကြပါတယ်။ သူတို့ရဲ့အတွင်းစိတ်ဟာ အဲဒီဒဏ်ကို ပေးမတွေ့လိုပါ။ ဒဏ်ထိတဲ့စိတ်ဟာ ဒဏ်ရာအမြဲတမ်း စွဲကပ်နေတဲ့အတွက် အားလုံး မလုပ်နိုင်ခြင်းဟာ စိတ်ဒဏ်ရာ ရနေလို့ပါပဲ။
အကျိုးမရှိတဲ့ မျှော်လင့်ခြင်း မဖြစ်အောင်
အရှင်တို့ဟာ လက်ရုံးစွမ်းရည်အားကိုးမှုကို လျှော့ချရမယ်။ စိတ်နှလုံးစွမ်းရည်ကို မြှင့်တင်ရမယ်။ ရိုးဖြောင့်ပြီး အပြစ်အနာဆာ ကင်းစင်ရမယ်။ လူတွေပြုတဲ့အပြစ်ကို နားလည် ရမယ်။ လူတွေစိတ်ကို မနာကြည်းအောင် ပြုပြင်ပေးရမယ်။ နောက်တစ်ခုဆိုတာ မနက်ဖြန် မရှိပါဘူး။ ပြည်သူဘဝကောင်းစားရေးကို ခုချက်ချင်းပဲ လုပ်ကျွေးပါ။ မျှော်လင့်ချက်နဲ့ အသက်ရှင်ခြင်းလို့ ဆိုပေမယ့် အကျိုးမရှိတဲ့မျှော်လင့်ခြင်း မဖြစ်အောင် မျှော်လင့်ကြသူတွေ အတွက်ကိုလည်း စဉ်းစားပေးရမယ်။ အရှင်တို့ဟာ ချမ်းသာကြွယ်ဝတဲ့သူတွေ မဟုတ်ကြပေမယ့် ချမ်းသာကြွယ်ဝတဲ့သူကို မဖျက်ဆီးပါ။ အကယ်၍ ချမ်းသာကြွယ်ဝမှုကြောင့် အများ သူငါ ဒုက္ခပွားမှုဖြစ်ခဲ့ရင်တောင် ကျေနပ်မှုအမျိုးမျိုးနဲ့ ပိုင်ဆိုင်မှုကို မပျက်အောင် စုပေါင်း ၂ ထိန်းသိမ်းပေးဖို့ ဆန္ဒအပြည့်အဝ ရှိပါတယ်။ လူ့ကျင့်ဝတ်နဲ့ ညီညွတ်မှုမရှိတဲ့ ကြွယ်ဝမှုဟာ တိုင်းပြည်မှာ မိုးလိုတောင်လို ပုံလာသည့်တိုင် တည်တည်ငြိမ်ငြိမ်နဲ့ ဖြေရှင်းသွားမယ်။ စိုးရိမ်မှ အမျိုးမျိုး မဖြစ်စေရပါ
အဓိပ္ပာယ်တစ်ခုနဲ့ နေကြတဲ့သူတွေ
အရှင်တို့ရဲ့စိတ်ဟာ ခိုင်မြဲပါတယ်။ တည်ကြည်ပါတယ်။ သန့်ရှင်းပါတယ်။ စင်ကြယ် ပါတယ်။ ယုံကြည်ချက်လည်း မပျက်ပါဘူး။ ကြောက်တဲ့ ကြောက်စိတ်တွေ မရှိပါဘူး။ သည်းခံခြင်း၊ စိတ်ရှည်ခြင်း အမြဲတမ်းထားပါတယ်။ သင့်တော်တဲ့အချိန်တိုင်းမှာ သုံးပါတယ်။ အရှင်တို့ရဲ့စိတ်ဟာ အရာတိုင်းကို မတုံ့ပြန်ပါဘူး။ အရှုံးလည်း မပေးပါဘူး။ ညီမျှပါတယ်။
အရှင်တို့ဟာ အရေးနိမ့်သူ၊ ရှုံးတဲ့သူ မဟုတ်ပါ။ အဓိပ္ပာယ်တစ်ခုနဲ့ နေကြတဲ့သူတွေပါ။ အရှင်တို့ဟာ ဒီတိုင်းပြည်ရဲ့ အကျိုးကို မလုပ်ခဲ့ရလို့ နောင်တကြီးစွာ မျက်စိမှိတ်ရတာမျိုး မဖြစ်ချင်ပါ။ နောင်တ တသသနဲ့ (မသေသွားချင်ပါ) နေနေတဲ့သူ မဟုတ်ပါ။
အထွက်တံခါး မဖြစ်အောင် သတိထား
အရှင်တို့ဟာ အရာရာကို ပေးနိုင်စွမ်းရှိသူ ဖြစ်အောင် စွမ်းနိုင်သူအဖြစ် ခံယူထား ပါတယ်။ သနားကြင်နာမှု၊ ချစ်ခင်မှု၊ ရိုးသားဖြောင့်မတ်မှု၊ မှန်ကန်မှု၊ တရားမျှတမှုရှိတဲ့ သူတွေပါ။ ကိုယ့်စိတ်နဲ့ အတူတူ ထားတဲ့သူတွေပါ။ အမှန်ကို ရှောင်တဲ့သူ မဟုတ်ပါ။ အသေးအဖွဲကိစ္စနဲ့ ရှုပ်ထွေးအောင် မလုပ်ပါ။ ရတဲ့အခွင့်ကောင်းနဲ့ အခွင့်အရေးတွေကို မပျောက် ပျက်သွားစေချင်ပါ။ အဖိုးတန်တဲ့ဂုဏ်ရည်ကို ကိုယ်ပိုင်ရဖို့ အားထုတ်ကြတဲ့သူတွေပါ။
အရှင်တို့ဟာ ခက်ခဲတဲ့ (နက်နဲတဲ့) နိုင်ငံရေးအတွေးတွေ ရှိကြပါတယ်။ ခက်နေတဲ့ အကြောင်းအရာတွေကို နားမလည်နိုင်လောက်အောင် မရှိပါဘူး။ မှားယွင်းမှုဆိုတာ အခွင့် အရေး မပေးရပါ။ အသေးအဖွဲတောင် မရှိရပါ။ ရှိတဲ့ အခွင့်အရေးကို အလကားအဆုံးရှုံး မခံပါ။ နောက်ဆုံး အရှင်တို့ဟာ ဘယ်လို ပိုင်ဆိုင်မှုမျိုးမဆို အထွက်တံခါး မဖြစ်အောင် သတိထားရမယ်။
လောက၌အားကိုးရာမဲ့ လမ်းပြပေးသူ၊
ကူးဖြတ်သူအတွက် တံတားခင်းသူ၊
အသက်အန္တရာယ်အတွက် ဘေးမဲ့ပေးသူ၊
အမှောင်ထုအတွက် အလင်း ပေးသူ၊
လူသားထုအတွက် အလုပ်အကျွေးပြုသူ
ဖြစ်ရမည် မဟုတ်ပါလား။
