။ သည်လမ်းပဲ ။
~~~~~~~~~~~
။ ဆုံလာခဲ့ကြ
သည်ဘဝထဲ
ခွဲကြတာလည်း သည်လမ်းပဲ။
။ တွဲလာခဲ့ကြ
သည်ကာလလည်း
ခွဲရပြန်လည်း သည်လမ်းပဲ။
။ ချစ်လာခဲ့ကြ
ချစ်မဝသည်း
ကွဲရပြန်လည်း သည်လမ်းပဲ။
။ ထားလာခဲ့ရ
သည်မာနသဲ
ခံရပြန်လည်း သည်လမ်းပဲ။
။ ပေါင်းသင်းလာကြ
ထာဝရ မြဲ
ရိုက်လှဲတာလည်း သည်လမ်းပဲ။
။ ချစ်ခင်ကြင်နာ
မခွဲပါလည်း
ချိန်ကြာဝေးကြ သည်လမ်းပဲ။
။ ပျိုမျစ်နုနယ်
မုန်းပစ်ပယ်လည်း
စွန့်ပစ်ထားလည်း သည်လမ်းပဲ။
။ မိမိသည်သာ
နားလည်ပါစေ
ပွားပါမြဲမြဲ တရားပဲ။
တောင်ကလေးဆရာတော်
(၃၁.၈.၂၀၂၄) ရက်နေ့နံနက်။
