(၆၂) အမှတ်တရစကား။
။ နေထွက်နေဝင်
မိုးချုပ်လျှင်ဖြင့်
ရုပ်သွင်တစ်ခုပြောင်းလဲခြင်း? ဆိုတဲ့ကဗျာအတိုင်း ဒီနေ့ကိုလေးအောင်ဖေကတော့ အခုမြင်ရတဲ့အတိုင်းပဲ ကိုကြီးအောင်ဖေဖြစ်နေပြီ။
။ အသက်ကမငယ်တော့ နက်ဖြန်(၆၃) ပြည့်မယ်လေ။ လာလာသမျှသော အပေါင်းအဖော်တွေက ” ဟာ အတော်လေးအိုစာပေါ့လား ကိုအောင်ဖေ” ဆိုပြီး ပြောသူပြောပေါ့ကွယ်။
။ ကိုယ်ကတော့ သိတဲ့အတိုင်းပဲပေါ့လေ။ ပျော်ပျော်ရွှင်ရွှင် ကြည်ကြည်လင်လင်ပါပဲ။ မနေရလည်း သေတော့လည်းဘာထူးလိုတုန်း ဆိုတဲ့အားပေးသူကရှိနေတော့ သဘောကျသားပါပဲ။
။ နက်ဖြန်ခါဆို အောင်ဖေမွေးနေ့။ သူများလိုမတတ်နိုင်ဘူး။ လှူဒါန်းဖို့ မပေါများဘူး။ ဓနပိုင်ရှင်မှမဟုတ်ဘဲလေ။
။ မွေးနေ့ပွဲအဖြစ်
၁) အသက်ကိုပေးခဲ့သော မိဘနှစ်ပါးကို မေတ္တာနှင့်ကျေးဇူးဆပ်မယ်။
၂) ပညာသင်ပေးကြသောဆရာတွေကို ပြန်လည်ပြီး ကျေးဇူးဆပ်မယ်။
၃) ရန်သူလိုမုန်းနေကြသူတွေကို သည်းခံကျေအေးပြီး အမှတ်တရအနေနဲ့ပဲ ထားလိုက်မယ်။
၅) မိမိကို လိမ်ညာကြသူ၊ သစ္စာမဲ့စွာစော်ကားကြသူ၊ ကြောက်မက်စရာဖြစ်အောင်လုပ်ကြံကြတဲ့သူတွေကိုလည်း အပြစ်မယူမငြူစူပဲ နားလည်မှုထားပေးလိုက်မယ်။
၆) အထင်သေးကြတဲ့သူ၊ သိက္ခာချကြတဲ့သူတွေကိုလည်း နားလည်သည်းခံပေးလိုက်မယ်။
၇) ဝိပဿနာတရားကို စိတ်ကြိုက်ပွားများပြီးနေလိုက်မယ်လို့ပဲ။
။ မွေးနေ့အတွက် ဆုတောင်းပေးကြတဲ့သူတွေကိုတော့ ကျေးဇူးတင်ပါတယ်လို့ပဲနှုတ်ဆက်ပါတယ်။
ကိုကြီးအောင်ဖေ
(၁၃.၇.၂၀၂၂) ရက်နေ့။ (အကြို)
