Year: 2025

။ ကျေးဇူးအရာ ။

~~~~~~~~~~~~

။ ငယ်ရွယ်ကာလက

မျက်စိဝေဒနာကြောင့်

ပညာရေးကို

ခက်ခက်ခဲခဲနဲ့

သင်ယူခဲ့ရပါတယ်။

။ ဘဝတစ်ခုခုရဲ့

ဆိုးခဲ့ဖူးတဲ့အကြောင်းတရားတွေကြောင့် ကောင်းတဲ့အကျိုးတရားတွေ

လွယ်ကူစွာ မရခဲ့ပါဘူး။

။ ဉာဏ်နဲ့ပညာတည်ရှိနေသေးလိုသာ

ရအပ်တဲ့ပညာတွေကို

သင်ယူနိုင်ခဲ့ကြတာပါ။

။ ဘဝမှာ

ကျန်းမာသူကို မယှဉ်ဝံ့ရတာလည်း

မပြည့်စုံရတဲ့

အကြောင်းတရားတစ်မျိုးပဲပေါ့။

။ လောကမှာ

အရာခပ်သိမ်း

သူသူငါငါ

ပြည့်စုံချင်ကြပေမယ့်

ကံကြမ္မာက

အငင်ခံရရင်

အကျိုးပေးမှုက

မျက်နှာသာမပေးနိုင်ကြပါဘူး။

။ လောကမှာ

နိုင်ရလို့

စိတ်ကြိုက်နိုင်ရပြီးဆိုရင်လည်း

အဲဒီအနိုင်နဲ့

ဝမ်းမသာမိဖို့သတိရှိရမှာပါ။

။ ဒါကြောင့်

အကြောင်းတရားလှပဖို့

မိမိပြုခဲ့မိတဲ့ကံတွေကို

မိမိပွားများတဲ့တရားတွေကို

မိမိရဲ့ဥပဓိချမ်းသာဖို့နဲ့

ကျေနပ်ပြီးမနေဖို့

သတိထားမိကြပါစေ။

။ ကျေးဇူးအရာ

မမေ့ပါနှင့်

ကံသာမြဲစွာကောင်းပါစေ,လို့

ဆင်ခြင်တတ်ဖို့

မှာပါရစေ။

( သာမဏေဘဝ ဓာတ်ပုံဖြစ်ပါသည်။)

တောင်ကလေးဆရာတော်

(Thursday,4 December 2025) ရက်နေ့။

တောင်ကလေးဆရာတော် ပညာသာမိ

။ တစ်ဘဝငြိမ်းတော်မူခြင်း ။

Post author By Pin Nya Tha Mi
Post date 22/11/2025
ကွန်မင့်မရှိ on ။ တစ်ဘဝငြိမ်းတော်မူခြင်း ။

~~~~~~~~~~~~~~~~~~~

။ တပည့်တော်တို့ အလေးအမြတ်ထားရှိတော်မူအပ်သော ကျေးဇူးတော်အရှင် ဆရာအရှင်မြတ်ဖြစ်တော်မူသော ဘဒ္ဒန္တဝေဒေဟသာမီဘိဝံသအရှင်သူမြတ်ကြီးသည် (၂၁.၁၁.၂၀၂၅) ရက်နေ့၊ ည(၁၁.၀၅) မိနစ်အချိန်တွင် ရန်ကုန်မြို့၊ ခြောက်ထပ်ကြီးဘုရားကြီးတိုက်၊ပြည်နယ်ကျက်သရေကျောင်း၌ တစ်ဘဝငြိမ်းတော်မူပါသည်။ အပြစ်ဆိုဖွယ်ရာရှိပါက ခွင့်လွှတ်သည်းခံတော်မူပေးပါမည့်အကြောင်း ရိုသေလေးမြတ်လျက် ရှိခိုးကန်တော့ပါ၏ဘုရား။ ဆရာအရှင်မြတ်ငြိမ်းချမ်းစွာ သံသရာအပြီးသတ်ငြိမ်းတော်မူပါစေဘုရား။

တောင်ကလေးဆရာတော်

(၂၂.၁၁.၂၀၂၅) ရက်နေ့နံနက်

စကားလက်ဆောင် တောင်ကလေးဆရာတော် ပညာသာမိ

သတိရကြပါစေသော်

တောင်ကလေးဆရာတော် ပညာသာမိ

။ မြတ်မိခင် ။

~~~~~~~~~

။ သတိအခါခါ

အောက်မေ့ပါသည်

မေတ္တာရှင်ကြီးမြတ်မိခင်။

( မိခင်ကြီး ဒေါ်နန်းစိန်လှခင်သို့ )

တောင်ကလေးဆရာတော်

(၉.၁၁.၂၀၂၅) ရက်နေ့။

တောင်ကလေးဆရာတော် ပညာသာမိ အဲးခိုး

၂၀၂၅ ခုနှစ်၊ ပထမအကြိမ် ” တောင်ကလေးအဲးခိုးစာမူဆု” ကျင်းပပြီးစီး။ ၂၀၂၆ ခုနှစ်၊ ဒုတိယအကြိမ် စာမူများ မျှော်လင့်နေလျက်ပါ။ ရေးသားပြုစုနိုင်ကြပါစေဟု ဆုမွန်မြတ်ပြုပါသည်။

အဲးခိုး(၅.၁၁.၂၀၂၅) ရက်နေ့။

စကားလက်ဆောင် တောင်ကလေးဆရာတော် ပညာသာမိ

။ အေးငြိမ်းအိမ် ။

~~~~~~~~~~~~

။ အိမ်ထောင်စု

မိသားစုဖြစ်လာကြပြီးဆိုရင်

မိဘနှစ်ပါးကတော့

အပင်ပန်းရဆုံးပါပဲ

မပြုံးနိုင်မပျော်ရွှင်ကြရတဲ့ဘဝပါပဲ။

။ မှန်ပါတယ်

မနေ့က ဒါယိကာမကြီးတစ်ဦးက

” ဆရာတော်ဘုရား

တပည့်တော်မမိသားစုကို

မေတ္တာပို့ပေးပါဘုရား။

အရှင်ဘုရားရဲ့ဒါယကာကြီးက

အရင်လိုလည်း

အိမ်ပြန်မရောက်လာတော့

ရင်ပူရတာနေ့တိုင်းပေါ့ဘုရား။

အဲဒီတော့ ဒါယကာကြီးကိုလည်း

လိမ္မာအောင်လည်း မကြာခဏ

ဆုံးမပေးတော်မူပါဘုရာ့, ဆိုပြီး

လျှောက်ကြားတဲ့စာကိုဖတ်နေရင်းနဲ့ပဲ

ဒါယိကာမကြီးတို့ရဲ့ဇနီးမောင်နှံကို

တွေးမိပြီးတော့

သည်ဓာတ်ပုံနဲ့

AI နဲ့တိုင်ပင်ပြီးဖန်တီးပေးလိုက်ပါတယ်။

။ အေအိုင်ကဘာပြောလဲဆိုတော့

မင်းစိတ်ကူးယဉ်ပေးတာ

အရမ်းကိုကျေနပ်စရာပါ။

လူတွေဟာ မိသားစုဖြစ်လာပြီးရင်

ပျော်ရွှင်မှုတွေပျောက်နေကြတာ

ပြီးတော့ အေးငြိမ်းတဲ့အိမ်နဲ့ဝေးသွားကြတာ။

။ ကဲ တပည့်တို့ရေ

အပြုံးမပျက်

ရှေ့ဆက်ခရီး

မညည်းညူဘဲဆက်နိုင်စေ။

တောင်ကလေးရောတော်

(၂၁.၁၀.၂၀၂၅) ရက်နေ့။

စကားလက်ဆောင် တောင်ကလေးဆရာတော် ပညာသာမိ

။ မိသားစု ။

~~~~~~~~

။ ကြည်နူးကြသည်

ပျော်ရွှင်ကြသည်

ဘေးကင်းကြသည်

ငြိမ်းချမ်းကြသည်။

နည်းပညာ ပညာရေး အနာဂတ်ကာလ

Rosatom Technical Academy (ရုရှား) နှင့် ရန်ကုန်နည်းပညာတက္ကသိုလ်တို့ ပူးပေါင်းဆောင်ရွက်ရေး သဘောတူစာချွန်လွှာ လက်မှတ်ရေးထိုး

ဓာတ်ပုံ။ Rosatom Southeast Asia Facebook Page

ပညာရေး အဖွဲ့အစည်းနှစ်ခုသည် နျူကလီးယားသိပ္ပံ၊ နည်းပညာနှင့် လူ့စွမ်းအားအရင်းအမြစ် လေ့ကျင့်ရေးကဏ္ဍများတွင် ပူးပေါင်းဆောင်ရွက်မှုကို တိုးချဲ့သွားမည်။

စက်တင်ဘာ ၂၅ ရက်၊ ၂၀၂၅ ခုနှစ်တွင် ကမ္ဘာ့အဏုမြူသီတင်းပတ် (World Atomic Week) အပြည်ပြည်ဆိုင်ရာ ဖိုရမ်၏ ဆက်တွဲအစီအစဉ်အဖြစ် Rosatom Technical Academy (ရုရှား) နှင့် ရန်ကုန်နည်းပညာတက္ကသိုလ်တို့သည် နျူကလီးယားသိပ္ပံ၊ နည်းပညာ၊ သုတေသနနှင့် လူ့စွမ်းအားအရင်းအမြစ် လေ့ကျင့်ရေးကဏ္ဍများတွင် နှစ်ဖက်ညှိနှိုင်းဆောင်ရွက်မှုများ တိုးချဲ့ရန်ရည်ရွယ်သည့် နားလည်မှုစာချွန်လွှာ (MOU) တစ်ရပ်ကို လက်မှတ်ရေးထိုးခဲ့ကြသည်။

မဟာဗျူဟာမြောက် မိတ်ဖက်ပူးပေါင်းဆောင်ရွက်မှု သဘောတူညီချက်ကို Rosatom Technical Academy ၏ အဓိပတိဖြစ်သူ Yuri Seleznev နှင့် ရန်ကုန်နည်းပညာတက္ကသိုလ်၏ ပါမောက္ခချုပ် ဒေါက်တာလှမိုးထွန်း တို့က လက်မှတ်ရေးထိုးခဲ့ကြသည်။

သဘောတူညီချက်တွင် ပူးပေါင်းပညာရေးအစီအစဉ်များ ရေးဆွဲခြင်း၊ သင်ရိုးညွှန်းတမ်းများနှင့် သင်ကြားရေးပစ္စည်းများ ဖလှယ်ခြင်းအပြင် မျှော်မှန်းချက်ရှိသော နျူကလီးယားစနစ်များဆိုင်ရာ ပူးပေါင်းသုတေသနပြုလုပ်ခြင်းနှင့် အပြည်ပြည်ဆိုင်ရာစီမံကိန်းများတွင် ပါဝင်ခြင်းတို့အတွက် ပြဋ္ဌာန်းထားသည်။

“နျူကလီးယားစွမ်းအင်ကို တည်ထောင်ဖို့ဆိုရင် ဘယ်လိုမှ မလွဲမသွေ လိုအပ်တာက ကျွမ်းကျင်သူတွေပါပဲ။ ဒါ့ကြောင့် နျူကလီးယားပညာရေးကို စနစ်တကျ ထူထောင်ဖို့က အရမ်းအရေးကြီးပါတယ်။ ရုရှားတက္ကသိုလ်တွေမှာ ကျောင်းသားတွေကို လေ့ကျင့်ဖို့ပို့တာနဲ့အတူ ကိုယ်ပိုင် နျူကလီးယားပညာရေး အစီအစဉ်တွေကိုပါ ချမှတ်ဖို့ လိုအပ်ပါတယ်။ ဒီနေ့ လက်မှတ်ရေးထိုးလိုက်တဲ့ သဘောတူညီချက်ဟာ မြန်မာနိုင်ငံအတွက် ကိုယ်ပိုင်ကျွမ်းကျင်သူတွေကို စနစ်တကျ လေ့ကျင့်သင်ကြားပေးနိုင်ဖို့ အုတ်မြစ်ချလိုက်တာပါပဲ။ ကျွန်တော်တို့ Rosatom အနေနဲ့ ရန်ကုန်နည်းပညာတက္ကသိုလ်ကို သင်ကြားရေးနည်းစနစ်တွေသာမက နျူကလီးယားစီမံကိန်းကြီးတွေ အကောင်အထည်ဖော်ရာမှာ ရထားတဲ့ လက်တွေ့အတွေ့အကြုံတွေကိုပါ မျှဝေဖို့ အသင့်ရှိပါတယ်။ ဒီလို ပူးပေါင်းဆောင်ရွက်မှုကနေ တဆင့် မြန်မာနိုင်ငံမှာရှိတဲ့ နျူကလီးယားစက်ရုံတွေကို စိတ်ချလုံခြုံပြီး ထိထိရောက်ရောက် လည်ပတ်နိုင်ဖို့ လိုအပ်တဲ့ ကျွမ်းကျင်ပညာရှင်တွေကို မွေးထုတ်ပေးနိုင်မယ့် ခိုင်မာတဲ့ ပညာရေးစနစ်တစ်ရပ် ပေါ်ပေါက်လာမှာဖြစ်ပါတယ်။ ဒါဟာ နိုင်ငံရဲ့ စီးပွားရေး ဖွံ့ဖြိုးတိုးတက်မှုအတွက်ရော၊ နိုင်ငံတကာဆက်ဆံရေး ခိုင်မာစေဖို့အတွက်ပါ ကြီးမားတဲ့ အထောက်အကူဖြစ်စေမှာပါ။” ဟု Yuri Seleznev က ပြောကြားခဲ့သည်။

Rosatom သတင်းဌာန၏ ဆောင်းပါးမှဘာသာပြန်ဆိုသည်။ Atom Media | Press releases | Rosatom Technical Academy and Yangon Technological University (Myanmar) sign memorandum of cooperation

အခြားဆက်စပ်သတင်းဆောင်းပါးများ။

ရန်ကုန်နည်းပညာတက္ကသိုလ် ကို အဆင့်မြင့်စေမည့် MOU ကို ရုရှားနိုင်ငံမှ Rosatom Technical Academy လက်မှတ်ရေးထိုး (npnewsmm.com)

ပြည်ထောင်စုသမ္မတမြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် ရုရှားဖက်ဒရေးရှင်းနိုင်ငံ မော်စကိုမြို့တွင်ကျင်းပပြုလုပ်သည့် “ကမ္ဘာ့အဏုမြူသီတင်းပတ်ဖိုရမ် -၂၀၂၅ (World Atomic Week forum 2025)” ၏ မျက်နှာစုံညီ ထိပ်သီးအစည်းအဝေးသို့ ပါဝင်တက်ရောက် (myanmar.gov.mm)