Month: ဇူလိုင် 2024

။ ကြည့်ဖြစ်တဲ့ရုပ်ရှင် ။
~~~
။ အေဒီ ၂၀၀၀ ပြည့်
ပြည်ပခရီးထွက်ခွာ
ရောက်ခဲ့တဲ့တိုင်းပြည်
ရောက်ခဲ့တဲ့သည်နေရာ
ကြည့်ဖြစ်တဲ့စစ်သမိုင်း။

။ မှတ်သားခဲ့ရတဲ့
မြန်မာ့သမိုင်းစာမျက်နှာ
မြင်ခဲ့ရတဲ့စစ်ပွဲအကြောင်းအရာ
အနိဋ္ဌာရုံ
စစ်တလင်းစုံစွာပါ။

။ လူသားကမ်ဘာ
အချင်းချင်း
မသနဲားကွ
အနိုင်ကျင့်ကြ
အနိုင်ယူကြ
ကျူးကျော်စစ်လုပ်ကြ
ရက်စက်ကြမ်းကြုတ်ကြ
မညှာမတာကြ
ကွပ်မျက်ကြ
ကြင်နာသနားရေး
မျက်ကွယ်ပြုကြ။

။ ယနေ့ကမ္ဘာ
မချမ်းသာဘူး
နောက်နေ့ကမ္ဘာ
ဆင်းရဲများစွာ
မမြင်လိုပါ။

။ တမ်းတမ်းတတ
သတိရသည်
မတ်တတ်ရပ်ခဲ့ သည်နေရာ။

( ချယ်ရီပင်အမှတ်တရ)

အိုဖိုစံ ပန်ညာစာမိ
(၃၁.၇.၂၀၂၄) ရက်နေ့ညချိန်။

။ ထူးထူးဆန်းဆန်း လိမ်နည်းလေး ။
~~~~~

Translate text with your camera
2024 Micsoft Mobile ပရိုမိုးရှင်းတွင် သင့်အား ပေါင် 800,000 ချီးမြှင့်ခဲ့သည်။ သင့်ဆုရရှိရန် သင့်အမည်၊ အသက်နှင့် ဖုန်းနံပါတ်ကို Microsfuk@hotmail.com သို့ ပေးပို့ပါ။
~~~~

။ ဒီခေတ်အခြေအနေကို
လေ့လာကြည့်ရင်
အွန်လိုင်းပေါ်မှာလည်း
ဒါမျိုးတွေရှိနေတယ်ဆိုတာ
နားလည်ထားကြပါ
ဒါယကာတို့ရေ။

။ ပီးခဲ့တဲ့ တစ်လကျော်က
မြို့ထဲက ဒါယိကာမတစ်ယောက်
ကျောင်းကိုရောက်လာပြီး
ဒီလိုအလိမ်မျိုးခံရခဲ့ဖူးတယ်ဆိုပြီး လျှောက်ပြပါလေရဲ့။

။ အဲဒါနဲ့
ဟုတ်ပါ့မလားပါ, ဆိုပြီး
အထင်နဲ့ ဒါယိကာမကြီးက
( အရှင်ဘုရား တပည့်တော်သိန်း(၁၀၀) ကျော်ပါသွားပါတယ်ဘုရာ့)
ပြန်လည်လျှောက်ပြလေတော့
သည်နေ့
ဒီအကြောင်း
မိမိတယ်လီဖုန်းထံ
ရောက်လာပါလေရော့ပေါ့။

။ ကဲ ဒါယကာတို့ရေ
လိမ်ညာနေတာလား
လိမ်နေလားဆိုတာ
ဖုန်းနံပါတ်ပေးလိုက်ရမလား?
ဘတစ်ပြန်ကျားတစ်ပြန်
တစ်ပြန်စီးလုပ်ရမလား
စဉ်းစားမိပါလေရဲ့။

။ ဒီကိစ္စ
ဒီအကြောင်း
ဒါယကာတွေမှာ
ရောက်လာခဲ့ရင်
သတိပဋ္ဌာန်တရား
အောက်မေ့ပွားပြီး
လိမ်ဖြန့်တဲ့အဖွဲ့ထဲမရောက်ဖို့
သတိထားပေတော့
ဒါယကာတို့ရေ
ထူးထူးဆန်းဆန်း
လိမ်နည်းလေး။

ဘုန်းအောင်ဖေ
( ၂၉.၇.၂၀၂၄) ရက်နေ့ညနေချိန်။

။ အိမ်ထောင်တစ်ခုမှာ ။
~~~~
။ (အိမ်ထောင်စုတစ်စုမှာ
အမျိုးသမီးဖြစ်သူက
အားကြီးတဲ့ကုသိုလ်ကံတွေ
တည်ထောင်နိုင်ရင်လည်း
( ထူထောင်နိုင်ရင်လည်း)
မိသားစုတစ်ခုလုံးကို
ဖေးမနိုင်ပါတယ် ) ဆိုတဲ့
ဒီယူဆချက်ဟာ
အိမ်ထောင်ရှင်
အမျိုးသမီးတိုင်းသာ
သိမြင်နားလည်ကြမယ်ဆိုရင်
အဲဒီအိမ်ထောင်ဟာ
ဖရိုဖရဲ
ပြိုကွဲပျက်စီးစရာ
အကြောင်းမရှိနိုင်ဘူးလို့
မြင်မိပါလေရဲ့။

။ များသောအားဖြင့်
လူတွေဟာ
ကုသိုလ် ကံကို
ပြုယူရမှန်းသိကြပေမယ့်
ကံအကြောင်းကို
သေချာဂန
အရေးမစိုက်မိကြဘူး။

။ တကယ်တော့
ကံ တရားဟာ
အကြွင်းမဲ့သာ
နားလည်နေမယ်ဆိုရင်
ရင်ဝ,ရင်မတွေမှာ
ဝေဒနာဆူး
အစူးခံနိုင်လေပေါ့။

။ အိမ်ထောင်ထူကြတဲ့
သူတွေအားလုံးဟာ
လေ့နက်တဲ့ယုံကြည်ချက်ရှိလို့
ပြစ်ချက်တွေကိုမကြည့်ကြဘဲ
ပြင်ချက်တွေနဲ့နေကြတာပါ။

။ ခေတ်လောကအနေနဲ့ကြည့်ရင်
ဒီခေတ်မှာ
ခေတ်မီတဲ့သူတွေကပဲ
အိမ်ထောင်ပြုကြတယ်လို့
ဆိုရမှာပါ။

။ အိမ်ထောင်ပြုတယ်ဆိုတာ
အရာရာကို
ကိုယ်ကျိုးစွန့်ကြတာပါပဲ။

။ ဒါကြောင့်
ကြောင့်ကြရတာ
အနစ်အနာဖြစ်ကြရတာ
ဆင်းရဲမှုဖြစ်ကြရတာတွေကို
ဥပေက္ခာပြုနိုင်ကြပြီး
တစ်ဦးတစ်ယောက်ဖြစ်သော
ချစ်သောသူတစ်ယောက်ရဲ့
အပြစ်ဖြစ်တဲ့ပြစ်ချက်ကို
ပြင်ချက်ပေးနိင်တဲ့သူက
အိမ်ထောင်ရှင်လို့ပဲ
ဆိုပါရစေ။

ဘုန်းပညာ( အဲးခိုး)
(၂၇.၇.၂၀၂၄ ) ရက်နေ့နံနက်။

။ မြ ရ တ နာ စေ တီ ။
~~~~~~~~~~.~~~~

။ အဝေးသို့မြင်

ထုံးစေတီလေး

ကြည်နူးနေမိမည်။

။ အဝေးသို့မြင်

ဤစေတီလေး

ဖော်ကြင်လွမ်းမိမည်။

။ အဝေးသို့မြင်

ထိုစေတီလေး

ရောက်ချင်နေကြမည်။

။ အဝေးသို့မြင်

မြစေတီလေး

ဖူးချင်နေကြမည်

သတိရနေကြမည်။

။ မြ ရ တ နာ

အေးရိပ်သာသို့

လာလည်စေချင်သည်။

( ဓာတ်ပုံပိုင်ရှင်ကိုကျေးဇူးတင်ပါသည်။)

ဘုန်းတော်ကြီး အောင်ဖေ

(၂၂,၇,၂၀၂၄) ရက်နေ့နံနက်။

။  ချယ်ရီတွေ ငိုနေပြီ နန်းရေ ။

~~~~~~~~~~~~~~~~~~

။ ရှမ်းတိုင်းရင်းသား
တေးသံရှင် စိုင်းဆိုင်မောဝ်အသက်(၇၇)ဟာ( ၁၇.၇.၂၀၂၄) ရက်နေ့ည(၇:၁၅)နာရီအချိန်မှာ
သူနေထိုင်တဲ့ ရန်ကုန်တိုင်းဒေသကြီး
အင်းစိန်မြို့နယ်မှာပဲ
ကွယ်လွန်အနိစ္စရောက်ခဲ့ပြီဆိုတာ
အားလုံးအသိပါပဲ။

။ စိုင်းဆိုင်မောဝ်ရဲ့
သီဆိုတဲ့သီချင်းထဲက
” ရှိမြဲမရှိ သင်္ခါရတရား”
ဆိုတဲ့သီချင်းဟာ
နားဆင်ကြသူတိုင်း
စိတ်အရိုင်းတွေမဖြစ်ကြဘဲ
နားဝင်ချိုတဲ့
ဓမ္မရေးရာတေးတစ်ပုဒ်ဖြစ်လို့
ခရီးဝေးသွားရင်
အမြဲလိုလိုကြားမိပါလေရဲ့။

။ စိုင်းဆိုင်မောဝ်ရဲ့
ဘဝဖြတ်သန်းမှုအကြောင်းက
ကြမ်းလားနုလားတော့
အကုန်မပြောနိုင်ပါ။
ဒါပေမဲ့
တခါတလေ
သတင်းမီဒီယာတွေမှာ
သူ့ရဲ့ဘဝအကြောင်းနဲ့
သူရဲ့မိသားစုအကြောင်းတွေတော့
ဖတ်မိ,တွေ့မိပါတယ်။

။ သည်နေ့တော့
သူကွယ်လွန်ခဲ့ပြီဖြစ်လို့
သူ့ရဲ့ဆန္ဒလေးတစ်ခုက
သူ့ရဲ့အရိုးကို
သူမွေးဖွားလာခဲ့တဲ့
မူဆယ်မြို့ရဲ့
ချယ်ရီ ပင်အောက်မှာ
ချယ်ရီပင်နဲ့အတူ
ထားပေးခဲ့ဖို့မှာခဲ့တယ်။

။ ဒါကြောင့်မိုပါပဲ
သူသီဆိုတဲ့သီချင်းထဲကလိုပဲ
( ချယ်ရီတွေ ငိုနေပြီနန်းရေ…)။

။ သူ့ရဲ့ဘဝ
သူ့ရဲ့ဆန္ဒ
သူ့ရဲ့သံယောဇဉ်
သူချစ်တဲ့ရှမ်းပြည်နယ်
သူချစ်တဲ့ချယ်ရီတွေ
ခုတော့
( ချယ်ရီတွေ ငိုနေပြီစိုင်းရေ…) လို့ပဲ
ပြောပြချင်ပါတော့တယ်။

အဲးခိုး
(၂၀.၇.၂၀၂၄) ရက်နေ့။ 

။ အိုပွဲပြရုပ်ရည်

နာလည်းပြချင်ရုပ်ရည်

အက်ကြောင်းထ ရုပ်ရည်ပေါ့။

ဘုန်းအောင်ဖေ

(၁၈.၇.၂၀၂၄) ရက်နေ့။

။ သည်နေ့တော့
ငါမမေ့
အိုနေ့ပြယုဂ်ဖြစ်။

။ သည်နေ့တော့
ငါမမေ့
အိုနေ့မှတ်တမ်းသစ်။

။ သည်နေ့တော့
ငါမမေ့
အိုနေ့အစစ်စစ်။

။ အိုနေ့စစ်စစ်
ငါ့အဖြစ်
အိုပြည့်မှတ်တမ်းနှစ်။

အဲးခိုး( တောင်ကလေးဆရာတော်)
(၁၈.၇.၂၀၂၄) ရက်နေ့။