။ မြတ်နိုးကြင်နာ
အေးရိပ်သာစစ်
မေတ္တာသည်သာ ရက္ခိတာ။
နေဘုန်းသစ်
(၂၆.၁၂.၂၀၂၁) ရက်နေ့နံနက်။
( ဓာတ်ပုံကို တပည့်တစ်ဦး၏ပုံဖြစ်ပါသည်။)
Categories
။ ရက္ခိတာ ။
Year: 2021
Categories
။ ဘဝမှာ ။
။ တခါတလေတော့
ကိုယ့်ကိုယ်ကိုတော့
သူဌေးသူကြွယ်ပေါ့။
။ တခါတလေတော့
ကိုယ့်ထိုက်နှင့်ကိုယ့်ကံလေးတော့
မယုံချင်သလိုပဲပေါ့။
။ တခါတလေတော့
ဟိုနေ့လေးလိုမဖြစ်တော့
ဒီနေ့လည်း ဟိုနေ့လေးလိုမဖြစ်တော့
ဘဝရဲ့အကျပ်အတည်းက
သည်နေ့နဲ့ဟိုနေ့နဲ့မတူတာက
မဆန်းပါဘူးလို့ပါပဲ။
။ ဒါပေမဲ့
မခက်ခဲတဲ့အခက်အခဲကို
ခက်ခဲခဲ့တဲ့ခုလိုအချိန်မှာ
ရှေ့ဆက်ရမယ့် ဘဝဆက်တွေ
အသက်ကမနိုင်တော့သလိုပါပဲ။
။ တစ်နေ့တာအတွက်
တစ်ရွေ့စာအသက်နဲ့
တစ်မေ့စာမဖြစ်ဖို့
ဘဝမှာ ပန်းလေးလိုပဲ
လှပါ့မည်လားပါပဲ။
နေဘုန်းသစ်
(၂၉.၁၁.၂၀၂၁) ရက်နေ့။
Categories
။ ဗဟုသုတ တစ်မျိုး ။
။ ငယ်ငယ်က ယနေ့ချိန်ထိ လက်ပတ်နာရီ( နာဍီ) ကို နှစ်သက်ဆုံးသူထဲက အရှင်လည်းပါဝင်ပါတယ်။ နာရီကို နှစ်သက်မိတာက ကျောင်းနေတတ်စကပါ။ စာသင်နေရင်းနဲ့ ဆရာက နာရီအချိန်အကြောင်းကို သင်ပေးတော့ နာရီဆိုတာ
လောကအတွက်အမျိုးမျိုးသုံးနေတာပါပဲဆိုတာကို သိလိုက်မိလို့ပါပဲ။
။ ယနေ့ချိန်ထိ ခရီးသွားရင် နာရီမပါဘဲ မသွားလိုပါ။ ဒီထက် ပိုတိကျကောင်းမွန်တဲ့နာရီတွေနဲ့တွေ့ရင် ထိန်းသိမ်းထားလိုတဲ့ဆန္ဒက ယနေ့တိုင်အောင်ပါပဲ။ ဒါကြောင့် နာရီကိုလှူဒါန်းခဲ့ဖူးတဲ့ ရဟန်းတော်မြတ်ကြီးတစ်ပါးဆီက နာရီကိုရခဲ့ဖူးတဲ့အရှင်ဟာ နာရီကို ယနေ့ထက်တိုင်နှစ်သက်နေဆဲပါပဲ။
။ ဘာကြောင့်နာရီကို နှစ်သက်နေရပါသလဲလို့မေးရင် အောက်တွင်ဖော်ပြခဲ့သောဗဟုသုတကို လေ့လာကြည့်ရင် သိနိုင်ပါတယ်။
<><><><><><><><><><><><><><>
[တစ်မိနစ်မှာ ဘာဖြစ်လို့ စက္ကန့် (၆၀) ရှိသလဲ 
]
ငယ်ငယ်ကတည်းက သိလာတဲ့အသိတစ်ခုက
စက္ကန့် (၆၀) ဟာ ၁ မိနစ် ဖြစ်ပြီး
မိနစ် (၆၀) ဟာ ၁ နာရီဖြစ်ပါတယ်။
ဘာ့ကြောင့် ၆၀ ဖြစ်သလဲ..?
ဘာ့ကြောင့် ၁၀၀ မဖြစ်တာလဲ..? စသည်ဖြင့်
စဉ်းစားကြည့်ဖူးကြမည် ထင်ပါတယ်။
စဉ်းစားတတ်တဲ့ကျောင်းသားကမေးတဲ့အခါ..
ဆရာတို့ ဘယ်လိုဖြေကြမလဲ..?
အခုလို (၆၀) ကို အခြေထားပြီး တွက်တဲ့စနစ်ဟာ
ခရစ်တော်မပေါ်မီ ၃၅၀၀ ခုနှစ် (BC 3500)
ကတည်းက ဆူမားရီးယမ်း လူမျိုးတွေ စတင်
အသုံးပြုခဲ့တဲ့ စနစ်ဖြစ်ပါတယ်။
စက်ဝိုင်းတို့ တြိဂံတို့ဟာ (၆၀) နဲ့ တွက်လို့ရသော ပုံစံများဖြစ်ပါတယ်။
ဒီစနစ်ကို ဘေဘီလိုနီယန်း (ဘေဘီလုံ)တွေက
ဆက်လက် ကျင့်သုံးခဲ့ပြီး
သင်္ချာပညာ နဲ့ နက္ခတ္တဗေဒ ပညာရပ်များမှာ
အသုံးချခဲ့ကြပါတယ်။
(၆၀) ကို အခြေယူတဲ့ နည်းစနစ်ကို စက်စီဂျက်စီမယ် (sexagesimal) လို့ခေါ်ပါတယ်။
ရှေးအခါက နေ့ နှင့် ည အချိန်များကို
နေ နာရီ၊ ကြယ်တာရာ များကိုကြည့်ပြီး
တွက်ခဲ့ကြတာဖြစ်ပါတယ်။
နေ့ နှင့်ည ကို ၂၄ နာရီအဖြစ် စတင်သတ်မှတ်တာကတော့ ရှေး အီဂျစ်များ ဖြစ်ပါတယ်။
နေနာရီိရဲ့ အရိပ်ကိုကြည့်ပြီး
နေ့ (၁၀) နာရီ အဖြစ်သတ်မှတ်ကာ
မိုးသောက်ချိန် ၁ နာရီ၊ ညနေ ၁ နာရီ ရှေ့နောက်ထည့်ပေါင်းပါတယ်။
ညကတော့ ကြယ်တာရာတွေကို ကြည့်ပြီး
၁၂ နာရီအဖြစ် သတ်မှတ်ပါတယ်။
စုစုပေါင်း ၂၄ နာရီပါ။ sexagesimal (၆) နဲ့ စားလို့ ပြတ်တဲ့ ဂဏန်းတွေပါပဲ။
စက္ကန့် (၆၀) ကို ၁ မိနစ်လို့ စပြီး သတ်မှတ်ခေါ်ဆိုခဲ့တာကတော့ ဂရိ နက္ခတ်ပညာရှင် Hipparchus ဖြစ်ပါတယ်
၁ နာရီကို sexagesimal သင်္ချာနည်းနဲ့ ၆၀ ပိုင်းလိုက်တာကို “Prime Minute” ပထမပိုင်းသေးလို့ သတ်မှတ်ပါတယ်။
အဲ့ဒီ့ သေးငယ်ခြင်း Minute (မိုင်နျု) ကနေ မိနစ် ဖြစ်လာပါတယ်။
Prime Minute ကို နောက်ထပ် (၆၀) နဲ့ ဆက်ပိုင်းတဲ့အခါ “Second minute” လို့ခေါ်တဲ့ ဒုတိယ အပိုင်း (သေးငယ်ခြင်း) ကို ရပါတယ်။
အဲ့ဒီ့ ဒုတိယ Second ကနေ စက္ကန့် ဖြစ်လာတာ ဖြစ်ပါတယ်။ (Third Minute နဲ့ Fourth Minute တို့လည်း ရှိပါသေးတယ်။)
ကျနော်တို့ သုံးနေတဲ့ နာရီကိုတော့..
၁၆၅၆ မှာ ဒတ်ခ်ျလူမျိုး အာကာသပညာရှင်
ခရစ်ရှန် ဟူဂျင်း (Christiaan Huygens) က စတင်တီထွင် အသုံးပြုခဲ့တာပါ။
ဒါပေမယ့် သူသုံးခဲ့တာ ချိန်သီးပါတဲ့ နာရီမျိုး (Pendulum clock) ဖြစ်ပါတယ်။
နောက်ပိုင်းမှာတော့.. သူ့ရဲ့ နာရီပုံစံဒီဇိုင်းကိုပဲ
တစ်ကမ္ဘာလုံး ပုံစံအမျိုးမျိုးဖြင့် တွင်တွင်ကျယ်ကျယ် အသုံးပြုလာခဲ့ကြတာပဲ ဖြစ်ပါတော့တယ်…။
Crd;
စာရေးသူ – သန့်ဦး (အာကာသနှင့် စကြဝဠာ သင်ထောက်ကူ)
#genius
#CreditOriginalUploader
#နိုရာလင်း
( မူရင်းရေးသူအတိုင်း မပြင်မဆင်ဘဲ ကိုးကားပါတယ်။)
Categories
။ ကြိုး ။
။ ရင်ကျိုးတာ
ကြိုးနဲ့ချည်ထားမရဘူး။
။ ကြိုးပြတ်သွားရင်
ပြန်ချည်ကြည့်ပါ
ပြန်ပြီးမပြတ်ဘူး။
။ ကြိုးခိုင်ရင်
မပြတ်တတ်ပါဘူး။
။ ဒီကြိုးကို
ဖြည်လို့မတတ်တော့ဘူးလား?။
အဲးခိုး (၁၈.၁၁.၂၀၂၁) ရက်နေ့။
Categories
။ ကျန်ရှိနေသေးသော ကိုယ့်အသက် ။
အကြံပြုချက်
။ လူ့ဘဝမှာ အသက် ၆၀ ကျော်ပြီးဆိုရင် ကျန်နေတဲ့ အသက်ကျန်အချိန်ကို တန်ဖိုးထားပြီး ဘယ်လိုနေထိုင်သင့်တယ်ဆိုပြီးတော့ စာတွေမှာ အကြံဉာဏ်တွေပေးထားကြပါတယ်။
ဖြတ်သန်းသင့်သလဲ?
။ ဘယ်လိုနေထိုင်ဖြတ်သန်းသင့်သလဲ?ဆိုတဲ့အပြုသဘောဆောင်တဲ့အကြံပေးချက်တွေအထဲက
၁) ခလေးဘဝကို ပြန်ပြီးတော့အမှတ်ရပါ၊
၂) ခလေးတွေနဲ့ပေါင်းသင်းလုပ်ပါ၊
၃) ခလေးပုံပြင်တွေ များများဖတ်ပါ၊
၄) ခလေးတွေရဲ့စကားကိုနားထောင်ပေးပါ၊
၅) ခလေးတွေလို ပျှော်ပျှော်နေပါ၊
၆) ခလေးတွေနဲ့ပျှော်ပျော်ရွှင်ရွှင်နေပါ၊ ကစားပါ ဆိုပြီး အကြံပေးထားချက် ၆ ချက်နဲ့ အဆိုပြုထားတာတွေ တွေ့ရပါတယ်။
လက်လွှတ်ရ
။ အဲဒီအချက် ၆ ချက်ထဲက မိမိအနေနဲ့လက်ခံနိုင်တဲ့အချက်တွေပါဝင်နေပါလားပါပဲ။ အရှင်တို့ရဟန်းအနေနဲ့ကတော့ လက်လွှတ်ရတဲ့အချက်သက်သက်ပါပဲ။
အားဆေး
။ နောက်ပြီးတော့
၁) အသုံးမပြုအသုံးမလိုတော့တဲ့ပစ္စည်းတွေ၊
၂) ကျန်းမာရေးနဲ့မညီညွတ်တဲ့အကျင့်ဆိုးတွေ၊
၃) ပေါင်းသင်းလို့မကောင်းသူတွေ၊
၄) စိတ်ခုစရာအကြောင်းအရာတွေ၊
၅) အတိတ်ကအယူအဆတွေ၊
၆) စိတ်ဆင်းရဲစရာအကြောင်းအရာတွေကို စွန့်လွှတ်ပစ်ပယ်ရပါတယ်ဆိုပြီးတော့ အကြံပြုချက်ပေးထားပါတယ်။ ဒီအကြံပြုချက် ၆ ချက်ကိုတော့ အရှင်အတွက်အားဆေးပါပဲ။
ရှိပြီးသားအချက်
။ တစ်ခါ မှတ်ရမဲ့ အချက် ၆ချက်ဆိုပြီး အကြံပြုထားပါသေးတယ်။
၁) သက်သောင့်သက်သာနေပါ၊
၂) မိသားစုပေါ်ချစ်ခင်ပါ၊
၃) အကောင်းမြင်တတ်သူဖြစ်ပါစေ၊
၄) သာမာန်ကိစ္စလက်သင့်ခံတတ်ပါစေ၊
၅) မိတ်ဆွေများများဖွဲ့ပါ၊
၆) သိပ္ပံနည်းကျကျစားသောက်ပါလို့ အဆိုပြုအကြံပေးထားပြန်တော့ အမှတ်စဉ် ၁,၂,၆, အချက်ကတော့ အရှင်အတွက် ရှိပြီးသားပါပဲ။
မလွယ်ကူနိုင်
။ ပြီးတော့ ရတနာ ၆ ပါးအဖြစ် သတ်မှတ်ပေးထားပါသေးတယ်။
၁) အိမ်ထောင်ဖက်ကြင်ဖော်ရှိနေခြင်း၊
၂) နေဖို့နေအိမ်ရှိခြင်း၊
၃) အိုစာမင်းစာရှိခြင်း၊
၄) ကျန်းကျန်းမာမာရှိခြင်း၊
၅) ဥပဓိရုပ်သန့်ပြန်၍စိတ်မှန်ခြင်း၊
၆) နေ့စဉ်ပြုံးပြုံးရွှင်ရွှင်ရှိခြင်းဆိုတဲ့ အကြံပြုချက်ထဲက အမှတ်စဉ် ၁ ကတော့ ရဟန်းတွေအတွက် မသက်ဆိုင်တော့ခြင်းပါပဲ။ အခြား ၅ ချက်ကတော့ ပြည့်စုံဖို့ လူတွေအားလုံးအတွက် လွယ်ကူကြမယ်မထင်မိပါဘူး။
အလွန်တန်ဖိုးထားပါ
။ ပြီးတော့ မိတ်ဆွေသူငယ်ချင်းများနဲ့ဆက်ဆံတဲ့အခါမှာ ရှောင်ကြဉ်ဖို့အချက်တွေလည်း သတိပေးထားပြန်ပါတယ်။ လေ့လာကြည့်ကြရအောင်ပါ။
၁) မကြွားဝါမိစေနဲ့၊
၂) မိတ်ဆွေရဲ့အတွင်းရေးကိစ္စကို လေးစားလျှို့ဝှက်ပေးပါ၊
၃) နေရာတကာဝင်မစွက်ဖက်ပါနဲ့၊
၄ ငွေကြေးအရှုပ်အရှင်းမဖြစ်မိပါစေနဲ့၊
၅) အလွယ်တကူအထင်အမြင်မလွဲမိပါစေနဲ့ဆိုပြီး အပြုသဘောဆောင်တဲ့ဒီအကြံပြုချက်တွေဟာ အလွန်တန်ဖိုးရှိပါတယ်မဟုတ်လား။
မိဘဖြစ်သူတွေအတွက်
။ နောက်ပြီးတော့ သားသမီးမျာနဲ့ ဆက်ဆံတဲ့အခါမှာ ဒီလိုလေးတွေလည်း သတိထားစေတာတွေပါလို့ အကြံပြုချက်ပေးထားပါသေးတယ်။
၁) အားမကိုးမိပါစေနဲ့။
ကြီးမြတ်လေးစားထိုက်သောမိဘဂုဏ်သိက္ခာကိုထိခိုက်မခံမိပါစေနဲ့။
၂) ဝင်မရှုပ်မိစေနဲ့။
သားသမီးတွေအရွယ်ရောက်လာတဲ့အခါသူတို့လုပ်ငန်းသူ့တို့စိတ်သဘောနဲ့သူထားလိုက်ပါ။ မိမိနဲ့သဘောထားချင်းအမြဲတူချင်မှ တူနိုင်မညယ်။ မတူလည်းမစိုးရိပ်ပါစေနဲ့၊ သူတို့လည်းသူတို့နည်းသူတို့ဟန်နဲ့ ဖြေရှင်းနိုင်တာကိုယုံကြည်စိတ်ချပေးပါ။
၃) လက်ဖြန့်မတောင်းမိစေနဲ့။
မိဘကသားသမီးကို ငွေပေးရတာကထုံးစံဖြစ်ပဲမဲ့၊ သားသမီးဆီကငွေပြန်တောင်းဖို့တော့ ခက်ခဲတတ်ပါတယ်။
၄) အနှောင့်အယှက်မပေးမိစေနဲ့။
အလုပ်ချိန်အတွင်း တတ်နိုင်သလောက် ဖုန်းမဆက်မိပါစေနဲ့။ သားသမီးအလုပ်ကိစ္စကို အနှောက်အယှက်ပေးသလိုဖြစ်တတ်တယ်။ သားသမီးတွေနဲ့ စကားပြောဆက်သွယ်နိုင်မယ့် အချိန်တခုကို သဘောတူညီမူရယူပြီး သတ်မှတ်ဆက်သွယ်သင့်ပါတယ်။
၅) ဘောင်မကျော်မိစေနဲ့။
မြေးမြစ်တွေရဲ့ ပညာရေးဟာမိဘရဲ့ တာဝန်ဖြစ်ပြီး အဖိုးအဖွားတွေဝင်ရောက်တာဝန်မယူသင့်၊ ( တာဝန်မယူပါနဲ့)
၆) ပင်ပင်ပန်းပန်းငွေဆက်မရှာသင့်။
ငွေတန်ဖိုးရှိချင်ရှိပေမဲ့၊ အိုမင်းလာတဲ့အခါ ငွေကတန်ဖိုးမရှိ အသက်ရှည်ဖို့ကတန်ဖိုးပိုရှိတယ်ဆိုတဲ့ ဒီအကြံပြုချက်ဟာ အားလုံးအမှန်ဖြစ်တာကြောင့် အရှင်အတွက် အဲဒီလိုမျိုးနေထိုင်ကြတဲ့မိဘတွေကိုပဲ နှစ်သက်ပါတယ်။
နိဂုံး
။ အသက် ၆၀ ပြည့်ပြီးသူတိုင်းအတွက်ဆိုပေမယ့် မပြည့်ကြသေးတဲ့သူတွေအတွက်လည်း အကျုံးဝင်ပါတယ်။ ဒါကြောင့် အသက်ကြီးကြီးငယ်ငယ်အားလုံး ဆင်ခြင်နိုင်ကြဖို့ ရေးဖြစ်ပါတယ်။
အဲးခိုး (၁၁.၁၁.၂၀၂၁) ရက်နေ့။
(အမှာ > ပီကင်းကအမေကြီးရဲ့ဆုံးမစကားအားဆီလျှော်အောင်ဘာသာပြန်ဆိုထားသူကို မှီငြမ်းပြုပါတယ်။)
မြန်မာ့ယဥ်ကျေးမှုနှင့် အနုပညာဆိုင်ရာစာပေဆုတွင် ပထမဆုကိုအရှင်ပညာသာမိ၏ မြန်မာနိုင်ငံအတွင်းရှိ အရှေ့ပိုးကရင်လူမျိုးတို့၏ ယဥ်ကျေးမှုဓလေ့ထုံးစံနှင့်စာပေက ရရှိပါသည်။
မြန်မာ့အလင်း (ကြာသပတေး၊ နိုဝင်ဘာ ၁၁၊ ၂၀၂၁)
မြန်မာ့အလင်း (တနင်္ဂနွေ၊ ဒီဇင်ဘာ ၅၊ ၂၀၂၁)
ကြေးမုံ (ဗုဒ္ဓဟူး ၊ဒီဇင်ဘာ ၁၊ ၂၀၂၁)
ကရင်ပြည်နယ် ဘားအံမြို့ တောင်ကလေးဆရာတော်အဂ္ဂမဟာသဒ္ဓမ္မဇောတိကဓဇ ဒေါက်တာဘဒ္ဒန္တပညာသာမိ (မြန်မာ့သံတော်ဆင့်ပင်တိုင်ဆောင်းပါးရှင် အဲးခိုး) သည် ၂၀၂၀ ပြည့်နှစ် ‘မြန်မာ့ယဥ်ကျေးမှုနှင့် အနုပညာဆိုင်ရာ’ စာပေဗိမာန် စာမူဆုကို ဆရာတော်ကိုယ်တိုင် လေ့လာရေးသားပြုစုခဲ့သည့် ‘မြန်မာနိုင်ငံအတွင်းရှိ အရှေ့ပိုးကရင်လူမျိုးတို့၏ ယဥ်ကျေးမှုဓလေ့ထုံးစံနှင့်စာပေ’ စာတမ်းဖြင့် ပထမဆု ရွေးချယ်ခံရပြီး ၁၃၈၃ ခုနှစ်၊ နတ်တော်လဆန်း ၁ ရက် (ဒီဇင်ဘာ ၄) စာဆိုတော်နေ့ ရန်ကုန်မြို့ မြဝတီမီဒီယာစင်တာတွင် ကျင်းပသည့် အခမ်းအနား၌ ဆုချီးမြှင့်ခြင်း ခံရသည်။ တောင်ကလေးဆရာတော်ကိုယ်စား ဆရာတော်၏ တပည့်ရင်းတစ်ဦးဖြစ်သူ ဦးစောဝင်း(ဖလုံ-စဝေါ် ဒီမိုကရက်တစ်ပါတီ) (အပေါ်ပုံ) အခမ်းအနားတက်ရောက်၍ ဆုလက်ခံရယူခဲ့သည်။
Categories
။ မမေ့ခြင်း ။
။ မမေ့နေရာ
မေ့သောခါမှာ
မေတ္တာခြားခြင်းပဲ။
။ မတွေ့သောခါ
အောက်မေ့ခါသာ
ခါခါသတိရခြင်းပဲ။
။ မမေ့နေရာ
ကမ္ဘာ့ရွာမှာ
ဆရာ့နေရာ အရိပ်ပဲ။
နေဘုန်းသစ်
( ၂၄.၁၉.၂၀၂၁) ရက်နေ့။
Categories
။ ငတ်ခဲ့သော ဆွမ်းတစ်နပ် ။
။ ငတ်ခဲ့သော ဆွမ်းတစ်နပ် ။
~~~~~~~~~~~~~~~~~~~
။ ၁၉၈၈ ခုနှစ်
မြန်မာပြည် အရေးအခင်းပြီးစီးသွားသောအခါ
သူသူငါငါ
အပြင်ကမ္ဘာနဲ့ထိတွေ့သွားကြတဲ့အချိန်က
ဤအရှင်သည်လည်း
အမိမြန်မာပြည်အတွက်
ကွန်ပျူတာနည်းပညာနဲ့
ပါဠိ+သက္ကတဘာသာစာပေအတွက်
နည်းပညာဆည်းပူးဖို့
အမိတိုင်းပြည်ကနေ
တစ်ပါးတည်းထွက်ခွာသွားပါတယ်။
။ သက်တော်က မကြီးသေး
ဝါတော်လည်း မကြီးသေး
၂၈ နှစ်ဆိုတဲ့အရွယ်လေးပေါ့။
။အိမ်နီးနားချင်း
တိုင်းပြည်တပြည်ရောက်တော့
ရှေ့ဆက်မယ့်ခရီးမကြွသေးမီ
အမှီအခိုကင်းကင်းနဲ့
ကိုယ်စိတ်တင်းပြီး
အာရှနိုင်ငံရဲ့
တစ်ချိန်ကမြို့ကြီးတစ်မြို့ရဲ့အလယ်မှာ
နံနက်စာအတွက်
နံနက်ခင်းဆွမ်းခံဝင်ခဲ့ပါတယ်။
။ မိုးလင်းအရုဏ်ဦးချိန်မှစပြီး
အလင်းသစ်သစ်
နံနက်အချိန်တိုင်အောင်
ဆွမ်းခံလှည့်လည်ကြွခဲ့ပေမယ့်
လောင်းသူမတွေ့
လှူသူမရှိ
လမ်းဆုံ လမ်းဆုံး
အကုန်လုံးကြွရောက်ခဲ့ပေမယ့်
ထိုနေ့ ဆွမ်းမရ
အငတ်ကြီးငတ်ခဲ့ရသော
ပြင်ပနိုင်ငံတစ်ခုရောက်ခဲ့တဲ့
ဘဝရဲ့အလှဒဿနကို
ယနေ့တိုင်အောင်
မမေ့နိုင်ပါပဲ။
။ မြင်ရတဲ့
ဓာတ်ပုံကအတိုင်းပါပဲ
ပိန်ညောင်ကိုင်းတဲ့
ရဟန်းတစ်ပါးရဲ့ဘဝအကိုင်းက
အပိုင်းကိန်း မရိုင်းခဲ့ပေမယ့်
ရင်ထဲကအပိုင်းပိုင်းပါပဲ။
။ သည်နေ့တော့
ထိုနေ့ကအကြောင်းကို
ပြန်ပြောင်းပြောမိလေတိုင်း
တိမ်ယံက မိုးသားတွေ
ရွာချနေသလိုပါပဲ ဒါယကာတို့ရေ။
တောင်ကလေးဆရာတော်
(၆.၁၀.၂၀၂၁) ရက်နေ့နံနက်။
Original Post: Facebook, Instagram
Categories
။ ငြိမ်သက်ခြင်း ။
။ တစ်ခုခုတော့
အကြောင်းရှိပြီ
ပင်ပန်းနေခြင်းလားပါပဲ။
။ တစ်မှုမှုတော့
အကြောင်းပြုပြီ
အကျိုးစုတွေလားပါပဲ။
။ တစ်ယုတယနဲ့
စုထားတဲ့အေးစုတွေ
သည်နေ့ငြိမ်သက်ခြင်းပါပဲ။
တောမှီရဟန်း
(၁၅.၁၀.၂၀၂၁) ရက်နေ့။
Categories
။ စာဘူးတောင်း စာဘူးအိမ် ။
။ တစိစိ
တစာစာ
သံကလေး မသာသာလည်း
သူအိမ်လေးနဲ့သူပါပဲ။
။ ” မြကျေးငှက်
အုန်းလက်ဖျားက
လက်သမား စာမောင်နှံ
သိုက်ဆောက်ကြပျံ။
စူလို့သာညံ
……………..
မိုးစိုစို ခိုအောင်းတဲ့
ကောင်းတယ်ကွယ့်လေး”
ကလေးတေးကို
ငယ်ငယ်က စာသင်ကျောင်းမှာ
ဆိုခဲ့ကြတာပေါ့။
။ ကဗျာဆို
မမှန်တော့
နားဝင်ပီယံမဖြစ်ပေါ့။
ခုတော့ စာဘူးအိမ်မြင်ရပြန်တော့
စာကျက်ချိန်ရောက်ရင်
စာငှက်အိမ်ပြန်လာရင်
စာကျက်လို့ပျော်။
။ အိမ်ရှေ့ကအုန်းပင်ထက်
စာငှက်လေးအသံဆက်ရင်
ကိုယ်နဲ့လည်းစာတွေကျက်လို့
စာငှက်လိုပဲ။
။ ကိုင်း ဒီနေ့တော့
စာဘူးတောင်းမှာနားမည်လား
စာဘူးအိမ်မှာ အိပ်မည်လား
စာတွေကျက်ဖို့ ထပါတော့။
ကိုရင်ဖိုးခွေး( မန်းမြေ)
(၉.၁၀.၂၀၂၁) ရက်နေ့။