မဟာပညာ
( ပြန်လည်မျှဝေခြင်း ဩဝါဒ ။)
~~~~~~~~~~~~~~~~~~~~~~
။ ဘဝကို အေးအေးချမ်းချမ်း လျှောက်လှမ်းပါ။
။ ငြိမ်းငြိမ်းချမ်းချမ်း နေထိုင်ပါ။
။ ကြမ်းကြမ်းတမ်းတမ်း မပြုမူပါနှင့်။
။ ပေးကမ်းသင့်သူကို ပေးကမ်းပါ။
။ ချီးမြှောက်သင့်သူကို ချီးမြှောက်ပါ။
။ ကျဉ်ထားခံရသူကို အားပေးပါ။
။ မစွမ်းနိုင်သူကို စွမ်းဆောင်ပေးပါ။
။ မပြည့်သူကို ဖြည့်ဆည်းပေးပါ။
။ ပြည့်ပြီးသူကို တန်ဖိုးထားပါ။
။ ညှိုးငယ်သူကို ချစ်ခြင်းပေးပါ။
။ မိမိကိုယ်ကို လှအောင်နေပါ။
တောင်ကလေးဆရာတော်
(၁.၉.၂၀၂၀) ရက်နေ့။
။ ထာဝရအချစ် ဇွဲကပင် ။
~~~~~~~~~~~~~~~~~~~
။ ဆောင်းသစ်သစ်
ဖူးသစ်သစ်
ချစ်လှစွာသော ဇွဲကပင်။
။ နေ့သစ်သစ်
ရိပ်သစ်သစ်
ချစ်မဝသော ဇွဲကပင်။
။ ဖူးသစ်သစ်
ဝင်းမြသစ်
အပြစ်ကင်းစင် ဇွဲကပင်။
။ ငြိမ်းသစ်သစ်
အလှစစ်
စစ်တလင်းကင်း ဇွဲကပင်။
။ ဖူးစင်သစ်
ရင်ထဲချစ်
စစ်မှန်သည့် ဇွဲကပင်။
။ အးမွမွ
ငြိမ်းချမ်းစွ
ထာဝရအချစ် ဇွဲကပင်။
( ကရင်ပြည်နယ် ထာဝရငြိမ်းချမ်းပါစေ။)
အဲးခိုး(၉.၂.၂၀၁၆ )
တောင်ကလေး၊ ပရိယတ္တိစာသင်တိုက်
အရှင်ပညာသာမိ (တိုက်ကြပ်ဆရာတော်) ၏
ညွှန်ကြားလွှာ အမှတ် ၁/၉၈
ရက်စွဲ။ ၁၉၉၈ ခုနှစ်၊ ဒီဇင်ဘာလ (၈) ရက်၊
ဗုဒ္ဓဟူးနေ့။
တောင်ကလေး ကျေးရွာအတွင်း၊ နေထိုင်ကြသော ရွာသူ/ရွာသားများသို့ အသိပေး ညွှန်ကြားအပ်ပါသည်။
| ၁။ | ရွာတွင်းသို့ ရဟန်း/သာမဏေတို့နှင့် မအပ်စပ်သော ဈေးပစ္စည်းများ ရောင်းဝယ်ခြင်း ရှောင်ကြဉ်ရန်။ | |
| ၂။ | ရဟန်း/ သာမဏေများ မိမိတို့၏ အိမ်ဈေးသို့ (အိမ်တွင်းသို့) အလျဉ်းဝင်ခွင့်မပြုရန်။ | |
| ၃။ | ဆိုင်ရှေ့တွင် ရဟန်း/သာမဏေများ နား ရပ် ထိုင် သွားခြင်း ခွင့်မပြုရန်။ | |
| ၄။ | မိမိရောင်းသောဈေးကို ဝိနည်းနှင့်အညီ အပ်စပ်သောပစ္စည်းများနှင့် လဲလှယ်ခြင်းပြုလုပ်တတ် ရန်။ | |
| ၅။ | ရဟန်း/သာမဏေများ မိမိဈေးဆိုင် (အိမ်ဈေးဆိုင်) ကို ည/နေ့ လုံးဝ ဝင်ခွင့်မပြုရန်။ | |
| ၆။ | အထူးသဖြင့် တောင်ကလေးစာသင်တိုက်အတွင်းရှိ ရဟန်း/သာမဏေများ ဈေးဝယ်မှုမှ လုံးဝ လက်မခံရန်။ (ကပ္ပိယကာရကဖြင့်ဝယ်ရန်) | |
| မှတ်ချက်။ ။ | ဖော်ပြပါညွှန်ကြားလွှာကို လိုက်နာရန်ဖြစ်သည်။ လိုက်နာခြင်းကင်း ပါက ကြိုတင်၍အသိပေးပါရန်။ ဤစာကို မိမိတို့၏လက်ဝယ်သို့ ရရှိသည့်အချိန်ကစ၍ မိမိတို့ အိမ်ဆိုင်ဈေးကို စနစ်ကျစွာရောင်းဝယ် ရန်နှင့် ဗုဒ္ဓသာသနာရေးကို အားပေးကူညီဆောင်ရွက် ရန်ဖြစ်ပါ သည်။ | |
အရှင်ပညာသာမိ (တိုက်ကြပ်ဆရာတော်) တောင်ကလေးပရိယတ္တိစာသင်တိုက် ဘားအံမြို့၊ ကရင်ပြည်နယ်။ | ||