မဟာပညာ
။ ပျင်းရိပြင်းတွဲ မနေပါနှင့်။
။ ကြိုးစားဖို့လည်း မမေ့ပါနှင့်။
။ မေ့မေ့မြောမြော မဖြစ်ပါနှင့်။
။ အရာရာကို သတိထားပါ။
။ မနိုင်တာကို မထမ်းပါနှင့်။
။ မပိုင်တာကို ပိုင်ဆိုင်ခွင့် မယူပါနှင့်။
။ သူ့ကို ကိုယ်မပိုင်လေနှင့်။
။ မိမိကိုယ်ကိုလည်း ပိုင်ခွင့်မယူပါနှင့်။
။ တစ်နေ့အတွက် ဖြစ်ပျက်ခဲ့တာ မြင်အောင်ကြည့်။
။ သူ့တွက်ကိုယ့်တွက် မတွက်ထားနှင့်။
။ သူပျက်ကိုယ်ပျောက် ဖြစ်ကြလိမ့်မည်။
။ သူသူငါငါ ကိုယ့်တရားသာ ရှိကြစေ။
တောင်ကလေးဆရာတော်
(၇.၄.၂၀၂၀) ရက်နေ့နံနက်။
။ အရှင်ဟာ အေဒီ ၁၉၆၀ ပြည့်နှစ်၊ဇူလိုင်လ(၁၄) ရက်၊ကြာသပတေးနေ့၊ ( မြန်မာကောဇာသက္ကရာဇ် ၁၃၂၂ ခုနှစ်၊ ဝါဆိုလပြည့်ကျော် ၇ ရက်နေ့) ညနေ (၅:၅၅) မိနစ်အချိန် ၊ ကရင်ပြည်နယ်၊ဘားအံမြို့၊လှာကမြင်ကျေးရွာမှာ မွေးဖွားပါတယ်။ မွေးချင်း လေးယောက်ရှိသည့်အနက် စတုတ္ထမြောက်ဖြစ်ပါတယ်။ အငယ်ဆုံးဖြစ်လို့ မိဘတွေက ဗိုလ်ဆိုးလို့အမည်ပေးပါတယ်။
။ ဗိုလ်ဆိုးဖြစ်တဲ့အရှင်ဟာ အေဒီ ၁၉၇၀ ပြည့်နှစ်မှာ ရှင်သာမဏေပြုပြီး အေဒီ ၁၉၈၀ ပြည့်နှစ်၊ မတ်လ(၂၁) ရက်၊ စနေနေ့၊ ညနေ(၄:၅၅)မိနစ်( မြန်မာသက္ကရာဇ် ၁၃၄၂ ခုနှစ်၊တပေါင်းလပြည့်ကျော် ၁ ရက်) အချိန်၊ ကရင်ပြည်နယ်၊ဘားအံမြို့၊အမှတ်(၃) ရပ်ကွက်၊ဓမ္မပီယကျောင်း၊ခဏ္ဍသိမ်မှာ ရဟန်းဖြစ်ပါတယ်။
။ အရှင်ဟာ နှစ်(၄၀) ကျော်ရဟန်းဘဝနဲ့ကျင်လည်ခဲ့ရတဲ့အတွေ့အကြုံဟာ အတော်လေးကိုများလှနေပါပြီ။ သက်တော်(၆၀) ကျော်ကာလအတွင်း ကျင်လည်ခဲ့ရသမျှဖြစ်တဲ့သည်ဘဝတစ်လျှောက်မှာ ကြီးကျယ်တဲ့ ဘယ်အပြစ်ဒေါသမျှ မပြုမှားမိခဲ့လို့ကိုပဲ မိမိကိုယ်မိမိကျေနပ်အားရမိပါလေရဲ့။
။ တစ်ပါးသူတွေကသာ အရှင့်ကို စော်ကားပြစ်မှားနေကြတာပါ။ လုပ်ကြံမှုပြုကြတာပါ။ အရှင်ကတော့ ဘယ်သူ့ကိုမှမပြစ်မှားပါ။ရန်မူမပြုပါ။ ဘယ်တော့မှလည်း ဒေါသအာဃာတ မထားပါ။ အမြဲတမ်းသာ ခွင့်လွှတ်ပါတယ် ။မေတ္တာမပျက် သည်အသက်ပါ။
တောင်ကလေးဆရာတော်
(၁၇.၃.၂၀၂၂) ရက်နေ့နံနက်။)
။ အရာရာကို သည်းခံပါ။
။ လမ်းမှန်ကို သွားပါ။
။ လိုချင်မှုတစ်ခုတည်းနဲ့ မပြီးစီးနိုင်ပါဘူး။
။ အမှားကို မငြင်းဆိုပါနှင့်။
။ အမှားရဲ့နောက်ကွယ်ကို အမြဲတမ်းကြည့်ပါ။
။ အရိပ်ဆိုတာ ကိုယ်နောက်ပါစမြဲ။
။ အကျိုးတစ်ခုထင်လာတိုင်း ဆင်ခြင်ဖို့ မမေ့ပါနှင့်။
။ သူသူငါငါ မိမိဝန်တာနဲ့ပါပဲ။
။ သူတစ်ပါးအကျိုးပျက်ပြားအောင် အားမထုတ်ပါနှင့်။
။ မိမိအကျိုးပျက်ပြားအောင်လည်း အားမထုတ်ပါနှင့်။
။ သူတစ်ပါးရဲ့ စော်ကားပြစ်တင်မှုကို သည်းခံပြီးခံယူလိုက်ပါ။
။ အလေ့အကျင့်ကောင်းသူဟာ ထူးသူပါ။
။ အောင်သောအကျင့်ဟာ ခိုင်သောဘဝအတွက်ပါပဲ။
။ နောက်ပိတ်ဆုံး မိမိကိုယ်သာ သနားပါစေ။
တောင်ကလေးဆရာတော်
ခေတ္တ/ အမေရိကန်ပြည်ထောင်စု။
။ ခံယူချက် မညံ့ပါနှင့်။
။ ခံယူချက် မပျက်ပါနှင့်။
။ အသက် ကို ပဓာနထားစေ။
။ အတွက်ကို နိုင်သလောက်လုပ်။
။ မခိုမကပ်အောင် လုပ်။
။ အရှုပ်ကို ရှင်းထား။
။ အလင်းကို မြင်အောင်ကြည့်။
။ အကျိုးကို နားလည်။
။ အကြောင်းကို ဖလှယ်။
။ ဖြောင့်မတ်တည်ကြည်စွာ နေတတ်ပါစေ။
တောင်ကလေးဆရာတော်
(၂၉.၉.၂၀၂၀) ရက်နေ့ နံနက်။
။ စောင့်ရှောက်ရေးအလုပ်နှင့် ကူညီရေးအလုပ်ကို မမေ့ပါနှင့်။
။ ကူညီရေးအတွက် ဒါနပြုပါ။
။ စောင့်ရှောက်ရေးအတွက် သီလပြုပါ။
။ ဘဝနှင့်စည်းစိမ်ပြည့်စုံမှုကို မမျှော်ကိုးပါနှင့်။
။ စိတ်ဓာတ်ဖြူစင်စွာထားပြီး စောင့်ရှောက်ပါစေ။
။ ဝမ်းရေးပြဿနာကို ထိန်းတတ်ပါစေ။
။ အထိန်းမဲ့၊ အကွပ်မဲ့ အပြစ်တွေကို မကျူးလွန် မဖျက်ဆီးနှင့်။
။ ပတ်ဝန်းကျင်ကို ပြုပြင်ဆောင်ရွက်ပေးပါ။
။ ဆုတ်နစ်သောသူ မဖြစ်စေနှင့်။
။ တက်ကြွသောသူလည်း မဖြစ်ပါစေနှင့်။
။ သစ္စာတရားနှင့်သာ ယှဉ်တတ်ပါစေ။
တောင်ကလေးဆရာတော်
(၂၇.၀၉.၂၀၁၈)ရက်နေ့။
။ မိမိကိုယ်ကျင့်သီလကို လုံခြုံပါစေ။
။ မိမိဆောင်ရွက်မှုလုပ်ငန်း တည်ငြိမ်ပါစေ။
။ မိမိအားထုတ်မှုအရာ မှန်ကန်ပါစေ။
။ မိမိခံယူသည့်အယူဝါဒီ မမှားပါစေနှင့်။
။ မိမိအမှားကြောင့် သိမ်ငယ်စိတ်ဝင်တတ်သည်။
။ သိမ်ငယ်စေသော အပြုအမူ မပြုမိပါနှင့်။
။ မေ့ပျောက်မရသော အပြစ်တရားတွေ မပြုမိပါစေနှင့်။
။ သံသယဖြစ်စရာအကြောင်းတွေ မလုပ်မိပါစေနှင့်။
။ မေ့မရသောအပြစ်တရားများ အားမထုတ်မိပါစေနှင့်။
။ သင့်အတွက် ပူပန်မှုမဆုံးနိုင်သောအရာများ မပြုမိပါလေနှင့်။
တောင်ကလေးဆရာတော်
(၃၀.၈.၂၀၂၀) ရက်နေ့နံနက်။
။ ကိလေသာမီး အဝိုင်းမခံပါနှင့်။
။ မီးလွတ်အောင် နေပါ။
။ ဘဝသစ်သစ်လည်း မရှာပါနှင့်။
။ ရင့်အိုရသည့်မီး လောင်လို့မဆုံးနိုင်။
။ ပြင်းထန်စွာ တုန်လှုပ်သည့်မီး သတိရှိပါ။
။ နေ့ည စိတ်ဖြစ်မီး သတ်ပစ်ပါ။
။ သားသမီးမီးလည်း အလောင်မခံပါစေနှင့်။
။ ပစ္စည်းမီးလည်း နေ့စဉ်ငြိမ်းသတ်ပါ။
။ ဒုက္ခပေးသောမီးတွေကိုလည်း ငြှိမ်းသတ်ပါ။
။ သတိထားရမယ့်မီးအားလုံးကို ကင်းကင်းရှင်းရှင်းနေပါ။
တောင်ကလေးဆရာတော်
(၁၂.၈.၂၀၂၀) ရက်နေ့နံနက်။
။ အချိန်တိုင်းမှာ အပြစ်နည်းပါစေ။
။ အပြစ်ကင်းစင်တဲ့သူ ဖြစ်ပါစေ။
။ အပြစ်တရားဆိုတာ ဉာဏ်တရားကိုဖျက်ဆီးစေတယ်။
။ ကိုယ်ပိုင်ဉာဏ်နှင့် ဆုံးဖြတ်ချက်မှန်ပါစေ။
။ အမှားမှုကြောင့် အသက်မချမ်းသာစေချင်နှင့်။
။ ကျေနပ်ခြင်းဖြင့် မိမိဘဝကိုတည်ဆောက်ပါ။
။ ရိုးသားဖြောင့်မတ်ခြင်းဖြင့် အသက်မွေးဝမ်းကျောင်းပြုပါ။
။ ကယ်ဆယ်ရေးအတွက် အသက်ကိုလှူဒါန်းပါ။
။ ဘေးကင်းရေးအတွက် အသက်ကိုကယ်တင်ပါ။
။ ပျော်ရွှင်မှုအတွက် မေတ္တာနှင့်နေပါ။
။ သည်နေ့အတွက် စိတ်ကောင်းဆက်ပါစေ။
တောင်ကလေးဆရာတော်
(၂၀.၁၂.၂၀၂၀)ရက်နေ့နံနက်။
( ပြန်လည်မျှဝေခြင်း ဩဝါဒ ။)
~~~~~~~~~~~~~~~~~~~~~~
။ ဘဝကို အေးအေးချမ်းချမ်း လျှောက်လှမ်းပါ။
။ ငြိမ်းငြိမ်းချမ်းချမ်း နေထိုင်ပါ။
။ ကြမ်းကြမ်းတမ်းတမ်း မပြုမူပါနှင့်။
။ ပေးကမ်းသင့်သူကို ပေးကမ်းပါ။
။ ချီးမြှောက်သင့်သူကို ချီးမြှောက်ပါ။
။ ကျဉ်ထားခံရသူကို အားပေးပါ။
။ မစွမ်းနိုင်သူကို စွမ်းဆောင်ပေးပါ။
။ မပြည့်သူကို ဖြည့်ဆည်းပေးပါ။
။ ပြည့်ပြီးသူကို တန်ဖိုးထားပါ။
။ ညှိုးငယ်သူကို ချစ်ခြင်းပေးပါ။
။ မိမိကိုယ်ကို လှအောင်နေပါ။
တောင်ကလေးဆရာတော်
(၁.၉.၂၀၂၀) ရက်နေ့။
။ သစ္စာတရားများနှင့်နေပါ။
။ သစ္စာမဖောက်ဖျက်ပါနှင့်။
။ သစ္စာတရားသည်လူတို့၏တန်ဖိုး။
။ လူဟာ စိတ်အစဉ်ကြည်လင်ရမယ်။
။ စိတ်အစဉ်ကြည်လင်မှ သစ္စာအရိပ်ထင်မယ်။
။ သံသယဖြစ်စိတ် ကင်းမယ်။
။ မိမိစိတ်ကို သစ္စာနှင့် အမြဲတမ်းယှဉ်ပါစေ။
။ အရာရာတိုင်းမှာ သစ္စာနှင့်သာမှန်ကန်တယ်။
။ သစ္စာနှင့်သာ ဆုံးဖြတ်ပါ။
။ သစ္စာနှင့်သာ လုပ်ဆောင်ပါ။
။ သစ္စာတရားနှင့်သာ လောကအကျိုးပွားပါ။
။ သစ္စာရှိခြင်းဟာ ” ဆုတ်နစ်” သူမဖြစ်ပါ။
တောင်ကလေးဆရာတော်
(၂၉.၆.၂၀၂၀) ရက်နေ့နံနက်။